Archive for September, 2008
ថ្ងៃ សុក្រ ទី ២៦ ខែ កញ្ញា ឆ្នាំ ២០០៨ ៖ រដ្ឋាភិបាលអាណត្តិទី៤ មានសមាជិកជិត ២៥០ នាក់ដោយមិនគិតចំនួនអនុរដ្ឋលេខាធិការ
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១៦
រចនាសម្ព័ន្ធដឹកនាំរបស់រដ្ឋសភានិងរាជរដ្ឋាភិបាលអាណត្តិទី៤ ត្រូវបានសភាបោះឆ្នោតផ្ដល់សេចក្ដីទុកចិត្តហើយ។
កាលពីព្រឹកថ្ងៃទី ២៥ ខែ កញ្ញា ឆ្នាំ ២០០៨កន្លងទៅនេះ រដ្ឋសភាជាតិបានបើកសម័យប្រជុំរបស់ខ្លួនក្រោមអធិបតីភាពលោក ជា សុទ្ធជាសមាជិកដែលមានវ័យចាស់ជាងគេ។
ការដំណើរការប្រជុំរដ្ឋសភានីតិកាលទី៤ ដើម្បីបោះឆ្នោតជ្រើសរើសប្រធាន អនុប្រធានរដ្ឋសភា ប្រធានអនុប្រធានគណៈកម្មការទាំង៩ នៃរដ្ឋសភា និងបោះឆ្នោតផ្ដល់សេចក្ដីទុកចិត្តដល់រាជរដ្ឋាភិបាលអាណត្តិទី៤ នេះគេមិនបានឃើញមានវត្តមានសមាជិកសភាមកពីគណបក្សសម រង្សី និងគណបក្សសិទ្ធិមនុស្សចូលរួមនោះឡើយ។ ប៉ុន្តែទោះជាយ៉ាងណាក៏ដំណើរការប្រជុំមិនមានបញ្ហាជួបរឿងវិបត្តិខ្វះកូរ៉ុមនោះទេ។ ក្នុងនោះសម្ដេចអគ្គមហាពញាចក្រី ហេង សំរិន ត្រូវបានជាប់ជាប្រធានរដ្ឋសភា លោក ងួន ញ៉ិលជាអនុប្រធានទី១ លោក សាយ [...]
សប្ដាហ៍ទី ៥១៦ ថ្ងៃទី ២១ កញ្ញា ២០០៨៖ រំពឹងថានឹងបានដឹងក្នុងពេលជាមួយគ្នាដែលរំពឹងថានឹងបានទទួលយុត្តិធម៌
សង្គមនីមួយៗមិនថាសង្គមណាជាសង្គមណាទេ តែងតែមានបញ្ហារបស់ខ្លួនជានិច្ច ។ នេះជារឿងធម្មតាទេ ។ បញ្ហាទាំងនេះអាចដូចគ្នា ឬ ខុសគ្នា ទៅតាមប្រវត្តិសាស្ត្រ តាមបរិបទនៃសម័យកាលបច្ចុប្បន្ន តាមកត្តា និង ឥទ្ធិពលទាំងឡាយជាលក្ខណៈផ្ទៃក្នុង និង ខាងក្រៅ ។ ទោះជាបញ្ហាទាំងអស់នោះមានភាពខុសគ្នាយ៉ាងណាក្ដី ក៏មានសេចក្ដីសន្និដ្ឋានទូទៅខ្លះៗស្ដីពី ថាតើត្រូវរកដំណោះស្រាយដូចម្ដេច ហើយសេចក្ដីសន្និដ្ឋានទាំងនេះអាចប្រើចំពោះស្ថានភាពនានាដែលខុសគ្នាយ៉ាងច្រើន ។
ទោះវាជាបញ្ហាអ្វីក៏ដោយ បើសិនជាគេមានចំណាប់អារម្មណ៍ថាគេអាចយល់បញ្ហានោះបាន ថាតើវាកើតមានដូចម្ដេច តើវាទាក់ទងនឹងអ្នកណាខ្លះ ឬ ទៅនឹងកត្តាអ្វីខ្លះ – ក្នុងពេលដែលយ៉ាងហោចណាស់ក៏មានការយល់បានខ្លះៗថាតើអ្វីកំពុងកើតឡើង ហើយវាកើតឡើងដូចម្ដេច និង វាកំពុងតម្រង់ឆ្ពោះទៅទីណា គេច្រើនតែទ្រាំបៀមបញ្ហាទុកបានដោយស្រួលក្នុងភាពអំណត់អត់ធ្មត់បានមួយរយៈពេលណានោះ ។ ពីព្រោះគេតែងតែមានសង្ឃឹមថានឹងរកដំណោះស្រាយបាន ។
ប៉ុន្តែបើមនុស្សមិនគ្រាន់តែជាអ្នករងគ្រោះដោយសារព្រឹត្តិការណ៍តែប៉ុណ្ណោះនោះ នោះវាប្រហែលជាអាចនាំឲ្យមានភ្លើងកំហឹងទោសៈ មោហៈ កើតឡើងបាន វាប្រហែលជានាំឲ្យមានរហូតដល់អរិចិត្តចងគំនុំស្ងាត់ៗ ដោយសុខចិត្តទទួលយកអ្វីដែលគេមិនអាចជៀសវាងបាន ។ ក្នុងពេលនោះឯង គេគ្មានក្ដីសង្ឃឹម គ្មានចំណាប់អារម្មណ៍ក្នុងការលះបង់ថាមពលឆ្ពោះទៅរកដំណោះស្រាយ និង ឈានទៅដល់ការចូលរួមចំណែកក្នុងការកសាងសង្គមមួយឲ្យបានល្អប្រសើរទេ ។
មានគំនិតព្រមព្រៀងគ្នាជាទូទៅថា ស្ថានភាពចរាចរណ៍ក្នុងទីក្រុងភ្នំពេញ គឺជាបញ្ហាមួយដោយសារតែមូលហេតុធំៗពីរយ៉ាងគឺ ផ្លូវថ្នល់មិនត្រូវបានរៀបចំសម្រាប់តម្រូវឲ្យចរាចរណ៍ដែលមានទំហំធំដូចដែលគេត្រូវតែចាត់ដំណើរការរៀបរយដូចសព្វថ្ងៃនេះទេ – ហើយអ្នកធ្វើចរាចរណ៍ជាច្រើនមិនបានគោរពច្បាប់ទេ ។ បើនរណាមួយចង់សង្កេតមើលអ្នកធ្វើចរាចរណ៍ដែលនៅតែបើកបរមិនរវល់ឈប់ក្នុងពេលដែលភ្លើងបៃតងបានប្ដូរជាក្រហមរួចហើយនោះ ឬ [...]
ថ្ងៃ ព្រហស្បតិ៍ ទី ២៥ ខែ កញ្ញា ឆ្នាំ ២០០៨ ៖ សមាជិកសភា ១១៩ រូបចូលរួមប្រជុំលើកដំបូងក្រោមព្រះរាជវត្តមានរបស់ព្រះមហាក្សត្រ
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១៦
ដោយសភានីតិកាលទីមួយអាណត្តិទី៤បានបើកកិច្ចប្រជុំរបស់ខ្លួនតាមគម្រោងហើយកាលពីថ្ងៃទី២៤ កញ្ញា ២០០៨ ម្សិលមិញនេះ។ កិច្ចប្រជុំនោះមានសមាជិកសភា ចំនួន ១១៩ រូបក្នុងចំណោម ១២៣ រូបមកពីគណបក្សចំនួន ៤ ដែលអវត្តមានតែគណបក្សសិទ្ធិមនុស្ស របស់លោក កឹម សុខា ប៉ុណ្ណោះដែលមានសេចក្ដីរាយការណ៍ មកថាស្ទះចរាចរចូលរួមមិនទាន់។
សមាជិកសភា ទាំង ១១៩ រូបនោះមានមកពីគណបក្សប្រជាជនចំនួន ៩០ រូប.គណបក្ស សម រង្សី ២៥ រូប នៃ ២៦ [...]
ថ្ងៃ អង្គារ ទី ២៣ ខែ កញ្ញា ឆ្នាំ ២០០៨ ៖ ទប់ស្កាត់ការជួញដូរមនុស្សត្រូវអនុវត្តព្រមគ្នា
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១៦
ភ្នំពេញៈ ការជួញដូរមនុស្សក្នុងស្រុកនិងឆ្លងដែនតែងកើតមានជារឿយៗ ហើយរូបភាពក៏មានការផ្លាស់ប្ដូរតាមនោះដែរ។ ទោះបីយ៉ាងណាដើម្បីទប់ស្កាត់ការជួញដូរមនុស្សនៅកម្ពុជាឱ្យមានប្រសិទ្ធភាពលុះត្រាតែមានការចូលរួមពីគ្រប់វិស័យគ្រប់ភាគីពាក់ព័ន្ធ ហើយត្រូវគោរពអនុវត្តព្រមៗគ្នា។
តាមរយៈសន្និសីទជាតិស្ដីពីការទប់ស្កាត់អំពើជួញដូរមនុស្សនៅកម្ពុជាកាលពីថ្ងៃ ១៥-១៦ កញ្ញា ឆ្នាំ ២០០៨ នៅសណ្ឋាគារកាំបូឌីយ៉ាណា លោកជំទាវ ហូ ណូន ប្រធានគណៈកម្មការសុខាភិបាល សង្គមកិច្ចអតីតយុទ្ធជនយុវនីតិសម្បទាការងារបណ្ដុះបណ្ដាល វិជ្ជាជីវៈនិងកិច្ចការនារី បានថ្លែងថា អំពើជួញដូរមនុស្ស ពិសេសស្ត្រីនិងកុមារនៅតែជាបញ្ហាស្មុគស្មាញដែលរាជរដ្ឋាភិបាលក៏ដូចជារដ្ឋសភាត្រូវបន្តការខិតខំដោះស្រាយ។
លោកជំទាវ ហូ ណូនបានបន្តថា ការជួញដូរនៅកម្ពុជាកើតមានឡើងនៅក្នុងទម្រង់ផ្សេងៗគ្នា ហើយមានកត្តាជាច្រើនដែលពាក់ព័ន្ធដូចជាសង្គ្រាមភាពក្រីក្រ ការមិនចេះអក្សរ ភាពគ្មានការងារធ្វើទំនើបភាវូប្បនីយកម្ម និងតម្រូវការសីលធម៌សង្គម។ រីឯការលុបបំបាត់ការជួញដូរមនុស្សមិនអាចមានស្ថាប័នណាមួយដោះស្រាយតែឯងបានទេ គឺត្រូវមានការចូលរួមពីគ្រប់វិស័យ [...]
ថ្ងៃ ចន្ទ ទី ២២ ខែ កញ្ញា ឆ្នាំ ២០០៨ ៖ ឧបនាយករដ្ឋមន្ត្រីចំនួន៨រូបមានទីប្រឹក្សាចំនួន ១៤៦ រូបនិងជំនួយការចំនួន ៥៦រូប
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១៦
តាមសេចក្ដីសម្រេចរបស់រាជរដ្ឋាភិបាលគឺឧបនាយករដ្ឋមន្ត្រីចំនួន៨រូបត្រូវមានទីប្រឹក្សាចំនួន៣២រូបនិងជំនួយការ២៤រូប
សេចក្ដីសម្រេចលេខ៤២សសរ ចុះថ្ងៃទី ១៦ ខែ កក្កដា ឆ្នាំ ២០០៤ សេចក្ដីសម្រេចលេខ០៩សសរ ចុះថ្ងៃទី ២៣ ខែ មីនា ឆ្នាំ ២០០៦ សេចក្ដីសម្រេចលេខ ៥០សសរចុះថ្ងៃទី ២៩ វិច្ឆិកា ឆ្នាំ ២០០៦ និងសេចក្ដីសម្រេចលេខ ៤៨សសរ ចុះថ្ងៃទី ០៥ ខែ កញ្ញា ឆ្នាំ ២០០៧ របស់រាជរដ្ឋាភិបាលកម្ពុជាស្ដីពីរបៀបរបបការងារ [...]
ថ្ងៃ សៅរ៍ ទី ២០ ខែ កញ្ញា ឆ្នាំ ២០០៨ ៖ គាត ឈន់៖ ប្រេងសាំងនឹងចុះថ្លៃមក ៤៩០០ រៀលនៅដើមសប្ដាហ៍នេះ
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១៥
ភ្នំពេញៈ លោក គាត ឈន់ ទេសរដ្ឋមន្ត្រីរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានមានប្រសាសន៍ឱ្យដឹងថា ចាប់ពីថ្ងៃច័ន្ទទី ២២ ខែ កញ្ញា ឆ្នាំ ២០០៨ ប្រេងសាំងលក់នៅស្ថានីយនានាក្នុងព្រះរាជាណាចក្រកម្ពុជានឹងមានតំលៃពី៤៩០០រៀលទៅ៥០០០រៀលក្នុង១លីត្រ។
លោក គាត ឈន់មានប្រសាសន៍បែបនេះគឺក្រោយពីលោកបានបញ្ចប់ការដឹកនាំប្រជុំជាមួយក្រុមហ៊ុនលក់ប្រេងឥន្ធនៈក្នុងស្រុកខ្មែរយើងតាមបទបញ្ជាសម្ដេច ហ៊ុន សែន ស្ដីពីការសុំឱ្យបញ្ចុះតំលៃលក់ប្រេងដោយសារតែមើលឃើញថា តំលៃប្រេងឆៅនៅក្នុងទីផ្សារពិភពលោកមានការធ្លាក់ចុះថ្លៃប្រមាណ២៥ភាគរយតែកម្ពុជាយើងទើបនឹងបញ្ចុះថ្ងៃបានប្រមាណ១០ភាគរយតែប៉ុណ្ណោះ គឺមិនទាន់សមស្របឡើយទេ។
ទាក់ទងនឹងបញ្ហាតំលៃប្រេងចុះថ្លៃមិនសមស្របនឹងការចុះថ្លៃប្រេងក្នុងទីផ្សារអន្តរជាតិនោះ លោក គាត ឈន់បានពន្យល់ហេតុផលថា តាមធម្មតានៅពេលដែលតំលៃប្រេងក្នុងទីផ្សារពិភពលោកឡើងថ្លៃ៨០ភាគរយ ក្រុមហ៊ុនរកស៊ីលក់ប្រេងនៅស្រុកខ្មែរយើងនេះដំឡើងថ្លៃត្រឹមតែ៤០ភាគរយប៉ុណ្ណោះ។ មូលហេតុត្រូវបានលោករដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុពន្យល់ថារាជរដ្ឋាភិបាលកម្ពុជាដឹកនាំដោយសម្ដេចអគ្គមហាសេនាបតីតេជោ ហ៊ុន សែនបានសម្រេចជួយឧបត្ថម្ភធនសម្រាប់ជួយទប់ការឡើងថ្លៃប្រេងឥន្ធនៈនេះ។
បើតាមលោក [...]
ថ្ងៃ សុក្រ ទី ១៩ ខែ កញ្ញា ឆ្នាំ ២០០៨ ៖ សហរដ្ឋអាមេរិករំពឹងថា សាលាក្ដីខ្មែរក្រហមនឹងគ្មានពាក់ព័ន្ធរឿងអាស្រូវ ពុករលួយតទៅទៀតទេ
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១៥
សហរដ្ឋអាមេរិករំពឹងថា សាលាក្ដីខ្មែរក្រហមនឹងគ្មានការពាក់ព័ន្ធចំពោះបញ្ហាចោទប្រកាន់ រឿងអាស្រូវពុករលួយទៅថ្ងៃអនាគត ក្រោយពេលដែលខ្លួនសម្រេចផ្ដល់ថវិកា១.៨លានដុល្លារ ដល់សាលាក្ដីកូនកាត់មួយនេះ សម្រាប់ការស្វះស្វែងរកយុត្តិធម៌ជូនជនរងគ្រោះ ដែលស្លាប់បាត់បង់ជីវិតក្នុងរបបវាលពិឃាដ។ នេះបើតាមការអះអាងឱ្យដឹងរបស់លោកសន ម៉ាក់ខូម៉ាក់ អ្នកនាំពាក្យក្រសួងការបរទេសអាមេរិកដែលបានប្រាប់អ្នកយកព័ត៌មាននៅក្នុងសន្និសីទមួយ នាទីក្រុងវ៉ាស៊ីនតោន កាលពីថ្ងៃអង្គារ ទី ១៦ ខែ កញ្ញា ឆ្នាំ ២០០៨។
លោក ស៊ន ម៉ាក់ខូម៉ាក់បានថ្លែងថា «យើងជឿថា តុលាការឥឡូវនេះ មានកម្រិតស្តង់ដារអន្តរជាតិនៃយុត្តិធម៌ហើយការសម្រេចចិត្តរបស់យើង នៅពេលនេះ គឺត្រូវប្រកាសផ្ដល់ថវិកាឆ្លុះបញ្ចាំងពីជំនឿរបស់យើង ដែលតុលាការមានសមត្ថភាពក្នុងការដោះស្រាយចំពោះបញ្ហាចោទប្រកាន់នេះ អោយមានប្រសិទ្ធភាព និងភាពត្រឹមត្រូវ»។ [...]
សប្ដាហ៍ទី ៥១៥ ថ្ងៃទី ១៤ កញ្ញា ២០០៨៖ ភាពអត់ធ្មត់ដោយសារតែអ្វីដែលគេបានព្រមព្រៀងគ្នា និង អ្វីដែលបានធ្វើឲ្យគេដឹង
មានហេតុផលយ៉ាងច្បាស់ដើម្បីជួបគ្នា និង ដើម្បីរាយការណ៍អំពីជំនួបរវាងក្រុមសំខាន់ៗពីរក្រុមក្នុងសង្គម ក្រោមចំណងជើងថា ៖ “ក្លឹបអ្នកកាសែតកម្ពុជាបានស្នើឲ្យអ្នកនយោបាយទាំងអស់ផ្ដល់ទំនាក់ទំនងឲ្យបានល្អជាមួយប្រព័ន្ធផ្សព្វផ្សាយ បើសិនជាគេគិតថាប្រព័ន្ធផ្សព្វផ្សាយមានសារៈសំខាន់” ។ ដូចដែលអត្ថបទបានបង្ហាញអញ្ចឹង មានបញ្ហាជាកង្វល់ថា ទំនាក់ទំនងរវាងក្រុមទាំងពីរនេះមិនបានដំណើរការឲ្យរលូនដូចដែលវានឹងមានប្រយោជន៍ដល់សង្គមមួយដែលបានជ្រួតជ្រាបព័ត៌មាន ដោយលើកឡើងនូវបញ្ហាដែលត្រូវតែលើកដោយចំហ ធ្វើទាល់តែបញ្ហានោះរីកទៀតមិនបាន ហើយក៏មិនបណ្ដាលឲ្យកើតការខឹងក្ដៅក្រហាយ ឬក៏រហូតដល់កុំឲ្យមានការប្រឈមមុខដាក់គ្នាទៀតផង ។
ប៉ុន្តែយើងក៏មានឧទាហរណ៍មួយដែរដែលបង្ហាញឲ្យឃើញការតវ៉ាជំទាស់នឹងនីតិវិធីដែលគេចាត់ទុកថាមិនត្រឹមត្រូវនោះ បាននាំឲ្យមានការប្រែប្រួលយ៉ាងឆាប់រហ័ស – ហើយបញ្ហានេះកើតមានរហូតដល់ទៅឯព្រំដែនឯណោះទៀត គឺ ៖ កាលពី ថ្ងៃច័ន្ទ យើងបានរាយការណ៍ព័ត៌មានថាប៉ូលិសព្រំដែនថៃនៅត្រង់ច្រកឆ្លងកាត់ព្រំដែនមួយ បានប្រើឆ្កែឲ្យហិតអ្នកដំណើរកម្ពុជា “ពីក្បាលដល់ចុងជើង” ហើយឲ្យពួកគេផ្ដិតប្រអប់ដៃ និង ម្រាមទាំងដប់របស់គេទៀត ។ នៅថ្ងៃសុក្រ យើងបានរាយការណ៍ព័ត៌មានមួយទៀត ជាចម្លើយថា ចៅហ្វាយខេត្ត ត្រាត ប្រទេសថៃ – ប្រាកដជាមាននរណាមួយបានផ្ដល់ដំណឹងទៅគាត់អំពីការមិនពេញចិត្ត – បានធ្វើអន្តរាគមន៍ និង សុំអភ័យទោសចំពោះអំពើរបស់ប៉ូលិសថៃ ក្នុងគោលបំណងដើម្បីឲ្យស្ថានភាពបានធូរស្រាលមកវិញ ។
ហើយនេះគឺគ្រាន់តែជាកំណត់សំគាល់មួយខ្លី ក្នុងពេលដែលខ្ញុំបានធ្វើដំណើរទៅកាន់សហរដ្ឋអាមេរិក កាលពីឆ្នាំទៅមិញ ខ្ញុំត្រូវតែផ្ដិតមេដៃជានិច្ចនៅពេលចូលសហរដ្ឋអាមេរិក – ប៉ុន្តែមិនមែនផ្ដិតម្រាមទាំងអស់ទេ – ហើយខ្ញុំត្រូវបានពិនិត្យជាញឹកញាប់ដោយឆ្កែដែលគេបង្ហាត់ឲ្យឆែករកថ្នាំញៀន ដោយហិតវ៉ាលីសរបស់ខ្ញុំ និង ហិតខ្លួនខ្ញុំ ។
ប៉ុន្តែមិនមែនរាល់កំហឹងក្ដៅក្រហាយទាំងអស់សុទ្ធតែមានចម្លើយតបឆាប់ៗដូចនេះទេ [...]
ថ្ងៃ ព្រហស្បតិ៍ ទី ១៨ ខែ កញ្ញា ឆ្នាំ ២០០៨ ៖ លោក យ៉ាស្ហ ហ្គាយ ប្រកាសលាលែងពីតំណែងប្រេសិតពិសេស អ.ស.ប ទទួលបន្ទុកសិទ្ធិមនុស្សនៅកម្ពុជា
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១៥
លោក យ៉ាស្ហ ហ្គាយ ប្រេសិតពិសេសរបស់អគ្គលេខាធិការ អង្គការសហប្រជាជាតិ (អ.ស.ប) ទទួលបន្ទុកផ្នែកសិទ្ធិមនុស្សនៅកម្ពុជា ដែលមជ្ឈដ្ឋាននានាស្គាល់យ៉ាងច្បាស់ថា លោកជាមនុស្សម្នាក់ដែលហ៊ានរិះគន់លោក ហ៊ុន សែនដោយត្រង់ៗនិងធ្លាប់ធ្វើឱ្យលោក ហ៊ុន សែន ឈឺក្បាលជាបន្តបន្ទាប់នោះបានប្រកាសលាលែងពីតំណែងរបស់លោកកាលពីថ្ងៃ ច័ន្ទ ដើមសប្ដាហ៍នេះហើយ។
ទោះជាដូច្នេះក្ដី ក៏លោកយ៉ាស្ហ ហ្គាយបានអំពាវនាវតាមសេចក្ដីថ្លែងការណ៍របស់លោកយ៉ាងម៉ឺងម៉ាត់នៅចំពោះមុខក្រុមប្រឹក្សាសិទ្ធិមនុស្សអន្តរជាតិនៅទីក្រុងហ្សឺណែវដោយជម្រុញឱ្យផ្នែកសិទ្ធិមនុស្សរបស់អង្គការសហប្រជាជាតិបន្តអាណត្តិនៅក្នុងប្រទេសកម្ពុជាដើម្បីជួយដល់ប្រជាពលរដ្ឋខ្មែរដែលត្រូវគេរំលោភសិទ្ធិយ៉ាងកម្រោលព្រៃផ្សៃបំផុត។
គួរបញ្ជាក់ថាលោក យ៉ាស្ហ ហ្គាយបានជំនួសការងារលោក ភីតធឺ ឡឺប្រិច អតីតប្រេសិតពិសេសរបស់ អ.ស.ប ទទួលបន្ទុកសិទ្ធិមនុស្សប្រចាំកម្ពុជាកាលពីឆ្នាំ២០០៥ បន្ទាប់ពីប្រេសិតរូបនេះមិនត្រូវរ៉ូវគ្នាជាមួយរដ្ឋាភិបាលលោក ហ៊ុន សែនក្នុងការរិះគន់បញ្ហារំលោភសិទ្ធិមនុស្សយ៉ាងធ្ងន់ធ្ងរនៅក្នុងប្រទេសកម្ពុជានោះ។ [...]
ថ្ងៃ ពុធ ទី ១៧ ខែ កញ្ញា ឆ្នាំ ២០០៨ ៖ ផលិតករខ្មែរទទួលពានរង្វាន់ផ្នែកភាពយន្តដ៏សំខាន់មួយពីសហរដ្ឋអាមេរិក
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១៥
ភ្នំពេញ ខ្សែភាពយន្តសុខភាពមួយដែលបានបង្កើតឡើងដោយផលិតករខ្មែរនិងមានចំណងជើងថា ប្រឈមមុខនឹងការពិត បានទទួលពានរង្វាន់ដ៏ខ្ពស់ពីសហរដ្ឋអាមេរិក នៅក្នុងការប្រារព្ធពិធីពានរង្វាន់ FREEDIES Awards សម្រាប់ឆ្នាំ ២០០៨ ដែលប្រគល់ដោយទីភ្នាក់ងារផ្សព្វផ្សាយ សុខភាពនិងឱសថជាអន្តរជាតិដែលមានទីតាំងនៅសហរដ្ឋអាមេរិក។
សម្រាប់ពានរង្វាន់អូស្ការគឺមានកិត្តិសព្ទដ៏ល្បីល្បាញសម្រាប់ការប្រកួតប្រជែងខាងខ្សែភាពយន្តហើយនៅក្នុងនោះពានរង្វាន់អូស្ការផ្នែកសុខាភិបាល ដែលរួមមានពានរង្វាន់ FREEDIES Awards ក៏ជាផ្នែកមួយនៅក្នុងចំណោមនោះផងដែរ។ ក្នុងការប្រកួតប្រជែងនេះមានការចូលរួមប្រកួតពីសំណាក់អង្គការសុខភាពនៅជុំវិញពិភពលោក វាជាពានរង្វាន់មួយសម្រាប់លើកទឹកចិត្ត ដល់ការផលិតខ្សែភាពយន្តនៅទូទាំងពិភពលោក។
ខ្សែភាពយន្តរឿង «ប្រឈមមុខនិងការពិត» គឺត្រូវបានផលិតឡើងដោយផលិតកម្មខ្មែរមេគង្គគឺជាខ្សែភាពយន្តល្ខោនទូរទស្សន៍មួយដែលមានរយៈពេល ៣០ នាទីដែលបានរៀបរាប់អំពីសារសំខាន់នៃការធ្វើតេស្តឈាម រកមេរោគអេដស៍សម្រាប់ស្ត្រីមានផ្ទៃពោះ។ ដោយសាច់រឿងនេះបានបរិយាយអំពីទីជនបទនៅក្នុងប្រទេសកម្ពុជា ខ្សែភាពយន្តនេះ ជារឿង ដែលកម្សត់រំជួលចិត្ត និងបានបញ្ជាក់អំពីរឿងពិតនៅក្នុងសង្គមកម្ពុជា។
ខ្សែភាពយន្តនេះបានចាប់បញ្ចូលនៅក្នុងការប្រកួតប្រជែងផ្នែកពីរផ្សេងគ្នាគឺទី១ [...]
« Previous Entries
