កញ្ចក់សង្គម

kanhchoksangkum — Mon, 16 Mar 2009 01:15:20 +0000

ជូនចំពោះមិត្តអ្នកអាន កញ្ចក់សង្គម

ដូចដែលយើងបានប្រកាសនាកន្លងមក យើងកំពុងតែឆ្ពោះទៅរកការបិទជាចុងក្រោយនូវការចេញផ្សាយជាទៀងទាត់អំពីការឆ្លុះបញ្ចាំងពីសារព័ត៌មានខ្មែរ ។

ជារឿងដែលគួរឲ្យក្រៀមក្រំដែលខ្ញុំត្រូវចែករំលែកនូវព័ត៌មានមិនល្អជាមួយលោកអ្នក គឺយើងមិនអាចបន្តការផ្សាយ កញ្ចក់សង្គម ឲ្យលើសពីថ្ងៃ សៅរ៍ ទី ២៨ ខែ កុម្ភៈ ឆ្នាំ ២០០៩នោះទេ ។

ការចេញផ្សាយ កញ្ចក់សង្គម កាលពីពេលកន្លងទៅតាមគេហទំព័របច្ចុប្បន្ន លោកអ្នកនឹងនៅតែអាចអានបានបន្តទៅទៀត លោកអ្នកអាចអានឡើងវិញនូវព័ត៌មានមួយចំនួន ឬក៏ធ្វើការស្វែងរកព័ត៌មានមួយចំនួន ។

ការចេញផ្សាយជាភាសាអង់គ្លេស The Mirror នឹងបន្តទៅទៀត ។ លោកអ្នកអាចអានបាននៅទីនេះ ៖

http://cambodiamirror.wordpress.com

យើងសង្ឃឹមថាចំណោមមិត្តអ្នកអាន កញ្ចក់សង្គម របស់យើង ដែលអាចអានភាសាអង់គ្លេសបាន នឹងប្ដូរទៅអាន The Mirror ជាភាសាអង់គ្លេសវិញ ។

ចំនួនអ្នកអាន កញ្ចក់សង្គម ជាភាសាខ្មែរ មិនបានកើនឡើងច្រើននោះទេ ។ ជាការពិតណាស់ កាលពីយើងនៅមានមធ្យោបាយហិរញ្ញវត្ថុក្នុងការផ្សាយនៅលើក្រដាស ហើយបញ្ជូន ព្រឹត្តិបត្តិកញ្ចក់សង្គម ទៅកាន់បណ្ដាខេត្ត អ្នកអានព្រឹត្តិបត្តិជាភាសាខ្មែរគឺមានចំនួនច្រើនជាងអ្នកអានជាភាសាអង់គ្លេស ដែលព្រឹត្តិបត្តិចំលងជាង២០០០ច្បាប់ជាភាសាខ្មែរត្រូវបានចែកចាយទៅកាន់បណ្ដាខេត្តជារៀងរាល់សប្ដាហ៍ ។ តែជាអកុសល ប្រាក់ជំនួយដែលបានមកការស្នើសុំ និងការផ្ដល់សម្រាប់ កញ្ចក់សង្គម ដើម្បីធ្វើការផ្ដល់សេវាកម្មទៅកាន់អ្នកអាននៅតាមខេត្តដែលជាទីដែលកាសែតពិបាកនឹងទៅដល់ ត្រូវបានកាត់ផ្ដាច់នៅឆ្នាំ ២០០៦ ។

បន្ទាប់ពីបង្កើត វិទ្យាស្ថានបើកទូលាយ រួចមក យើងមានមូលដ្ឋានថ្មីសម្រាប់សេវាកម្មនេះ ប៉ុន្តែលែងមានធនធានហិរញ្ញវត្ថុទៀតហើយ ។ ដោយសារគ្មានធនធានទាំងនេះដូច្នេះហើយ យើងមិនអាចបន្តចេញផ្សាយនៅលើក្រដាសទៀតឡើយ ប៉ុន្តែបានធ្វើការផ្សាយតាមតែរយៈអ៊ីនធឺណិតតែប៉ុណ្ណោះ គឺផ្សាយជាភាសាអង់គ្លេសចាប់ពីឆ្នាំ ២០០៧ និងជាភាសាខ្មែរចាប់ពីឆ្នាំ ២០០៨ ។ វាក៏មានន័យផងដែរថា យើងមិនអាចទៅដល់អតីតមិត្តអ្នកអានរបស់យើងនៅឯតាមខេត្ត ដែលពួកគេមិនមានអ៊ីនធឺណិតប្រើប្រាស់ ។

ទោះបីជាយ៉ាងណាក៏ដោយ យើងរីករាយនឹងរាយការណ៍ថា សេវាកម្មជាភាសាអង់គ្លេស The Mirrior គឺកំពុងតែទទួលបាននូវចំណាប់អារម្មណ៍កាន់តែច្រើននិងកាន់តែទូលំទូលាយឡើង ដែលនៅក្នុងខែ មករា ឆ្នាំ ២០០៩ យើងទទួលបានជាលើកដំបូងនូវការចូលទស្សនាច្រើនជាង៧០០០តាមរយៈអ៊ីនធឺណិត និង ការទស្សនា ៧៧៥៧ ត្រូវបានកត់ត្រាពីការទស្សនារបស់មិត្តអ្នកអានពីជាង១០០ប្រទេស ។ ក្នុងចំណោមពួកគេ ២៦% ភ្ជាប់ The Mirror ពីប្រទេសកម្ពុជា ហើយយើងសន្និដ្ឋានថាចំនួនជាច្រើននៃអ្នកអាននៅសហរដ្ឋអាមេរិក អូស្ត្រាលី បារាំង និង កាណាដា ក៏ជាជនកម្ពុជាផងដែរ ។

ការដែលមានចំនួនអ្នកអានជាច្រើនផងដែរពីប្រទេសដទៃទៀតនៅអាស៊ី ដូចជាមកពីប្រទេស ឥណ្ឌា កូរ៉េ ម៉ាឡេស៊ី ហ្វីលីពីន សិង្ហបុរី ថៃ និង វៀតណាម ដែលបង្ហាញពីអ្នកអានសំខាន់ៗ វាក៏ជាសញ្ញាមួយបង្ហាញថាការស្រង់ព្រឹត្តិការណ៍ដែលកើតឡើងនៅក្នុងប្រទេសកម្ពុជាដោយ The Mirror កំពុងតែទទួលបាននូវការចាប់អារម្មណ៍កាន់តែច្រើននៅក្នុងតំបន់ ។ នេះមិនមែនជាការលួងលោមចិត្តទាំងស្រុងចំពោះការពិតដែលយើងមិនអាចបន្តផ្សាយ កញ្ចក់សង្គម នោះទេ ប៉ុន្តែវានៅតែជាការជម្រុញឱ្យបន្តជាមួយនឹងហិរញ្ញវត្ថុដែលមានកំណត់របស់យើងដើម្បីចែករំលែកកាន់តែទូលំទូលាយតាមដែលអាចធ្វើបាននូវអ្វីដែលកើតឡើង និងអ្វីដែលនាំឱ្យមានការផ្លាស់ប្ដូរសង្គមនៅក្នុងប្រទេសកម្ពុជា ។

ប្រសិនជាអាចទទួលបាននូវការគាំទ្រផ្នែកហិរញ្ញវត្ថុដែលមានស្ថិរភាពពិតប្រាកដ យើងនឹងពិចារណាចាប់ផ្ដើមការផ្សាយ កញ្ចក់សង្គម ម្ដងទៀត ។

ណប់បឹត ខ្លេន

ចាងហ្វាង The Mirror

mirror@gmx.org

ព្រះមហាក្សត្រផ្ញើព្រះរាជសារទៅសម្ដេចតេជោ ហ៊ុន សែន – ថ្ងៃ សៅរ៍ ទី ២៨ កុម្ភៈ ២០០៩

kanhchoksangkum — Mon, 02 Mar 2009 00:48:48 +0000

ជូនចំពោះអ្នកអាន កញ្ចក់សង្គម
ជារឿងដែលគួរឲ្យក្រៀមក្រំដែលខ្ញុំត្រូវចែករំលែកនូវព័ត៌មានមិន ល្អជាមួយលោកអ្នក គឺយើងនឹងមិនអាចបន្តការផ្សាយ កញ្ចក់សង្គម ឲ្យលើសពីចុងសប្ដាហ៍នេះទេ គឺនៅត្រឹមថ្ងៃ សៅរ៍ ទី ២៨ ខែ កុម្ភៈ ឆ្នាំ ២០០៩នេះ យើងនឹងបន្តជ្រើសរើសចំណងជើង និង អត្ថបទមួយពីសារព័ត៌មានខ្មែរ រហូតដល់ពេលចុងក្រោយ ហើយនៅថ្ងៃ អាទិត្យ ទី ១ ខែ មីនា ឆ្នាំ ២០០៩ ខ្ញុំនឹងចែករំលែកនូវពាក្យចុងក្រោយនៅទីបញ្ចាប់នៃសេវានេះ ។ ការចេញផ្សាយជាភាសាអង់គ្លេស The Mirror នឹងបន្តទៅទៀត ។ លោកអ្នកអាចអានបាននៅទីនេះ ៖

http://cambodiamirror.wordpress.com

Dear Readers,

We do hope you will visit the Kanhchok Sangkum and the Mirror regularly so they will become your special advisors.

Best regards,

កញ្ចក់សង្គម ៖ ឆ្នាំទី ១១ លេខ ៥៣៨

ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា បានផ្ញើសារលិខិតមួយច្បាប់ ព្រមទាំងឯកសារមួយចំនួនទៅអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាស្នើពិនិត្យអំពីសកម្មភាពកាប់បំផ្លាញព្រៃឈើ និង រុករានទន្ទ្រានយកដីធ្វើជាកម្មសិទ្ធិ ដោយយោងទៅតាមរបាយការណ៍របស់លោក ជា ហ៊ាន ប្រធានអង្គការឃ្លាំមើលការពារសម្បត្តិធនធានធម្មជាតិនៅកម្ពុជា ជាប្រយោជន៍ដើម្បី សម្ដេចតេជោ មានចំណាត់ការទៅតាមផ្លូវច្បាប់ ។

នៅក្នុងសារលិខិតឡាយព្រះហត្ថលេខាដោយព្រះករុណាសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា ចុះថ្ងៃទី ២៦ ខែ កុម្ភៈ ឆ្នាំ ២០០៩នេះ ជូនសម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋាភិបាលកម្ពុជាមានខ្លឹមសារជាអាទិថា ព្រះអង្គបានទទួលលិខិតចូលថ្ងៃទី ២៤ ខែ កុម្ភៈ ឆ្នាំ ២០០៩ ព្រមទាំងឯកសារមួយចំនួនរបស់ លោក ជា ហ៊ាន ប្រធានអង្គការឃ្លាំមើលការពារសម្បត្តិធនធានធម្មជាតិនៅកម្ពុជាបានទូលស្នើអន្តរាគមន៍ពីព្រះអង្គទៅសម្ដេចអគ្គមហាសេនាបតីតេជោ ហ៊ុន សែន អំពីអាជ្ញាធរ និង មន្ត្រីដែនជម្រកសត្វព្រៃភ្នំឱរ៉ាល់ និង សមត្ថកិច្ចនៅក្នុងស្រុកគីរីសាគរ ខេត្តកោះកុង ឃុបឃិតកាប់បំផ្លាញព្រៃឈើ និង ឈូសឆាយហ៊ុមព័ទ្ធយកដីរដ្ឋលក់នៅក្នុងតំបន់ឧទ្យានុរក្សដែលជាតំបន់ការពារដោយព្រះរាជក្រឹត្យ ។

ទាក់ទិនទៅនឹងព្រះរាជសារព្រះមហាក្សត្រខ្មែរអន្តរាគមន៍ទៅសម្ដេចតេជោ ហ៊ុន សែន នោះ យើងពុំអាចធ្វើការទំនាក់ទំនងពីស្ថាប័នខុទ្ទកាល័យសម្ដេចនាយករដ្ឋមន្ត្រីដើម្បីបំភ្លឺក្នុងការទទួលបានសារលិខិតនេះហើយឬនៅទេ ដោយទំនាក់ទំនងមិនបានសារលិខិតរបស់ព្រះមហាក្សត្រខ្មែរធ្វើអន្តរាគមន៍ទៅសម្ដេចអគ្គមហាសេនាបតីតេជោ ហ៊ុន សែន នេះស្របពេលដែលសម្ដេចតេជោ ចេញពីកម្ពុជាទៅប្រទេសថៃ ដើម្បីចូលរួមកិច្ចប្រជុំកំពូលអាស៊ានលើកទី១៤ នៅហ៊ួហ៊ីន ដោយរំពឹងថា ក្រោយពីចូលរួមក្នុងកិច្ចប្រជុំរួចហើយវិលត្រឡប់មកមាតុភូមិវិញនោះ សម្ដេចប្រមុខរាជរដ្ឋាភិបាលពិតជាបានជ្រាបពីបញ្ហានេះពុំខាន ។

សាមីលិខិត លោក ជា ហ៊ាន ប្រធានអង្គការឃ្លាំមើលការពារសម្បត្តិធនធានធម្មជាតិនៅកម្ពុជាបានមានប្រសាសន៍ឲ្យដឹងកាលពីថ្ងៃទី ២៧ នេះថារួបលោកព្រមទាំងមន្ត្រីនៅក្រោមឱវាទមានសេចក្ដីរីករាយយ៉ាងខ្លាំងចំពោះការទទួលស្វាគមន៍ទៅសម្ដេចអគ្គមហាសេនាបតីតេជោ ហ៊ុន សែន នេះ ជាការផ្ដល់នូវទំនុកចិត្តពីព្រះអង្គ ដែលព្រះអង្គមានព្រះតម្រិះយល់ថារបាយការណ៍ព្រមទាំងឯកសារមួយចំនួនអង្គការនេះថ្វាយព្រះអង្គកាលពីថ្ងៃទី ២៧ ខែ កុម្ភៈ ហើយព្រះអង្គបានឡាយព្រះហស្តលេខាពីថ្ងៃទី ២៦ ខែ កុម្ភៈនេះ ព្រមទាំងបានអន្តរាគមន៍ទៅសម្ដេចតេជោ ហ៊ុន សែន ពីសកម្មភាពកាប់បំផ្លាញព្រៃឈើរុករានទន្ទ្រានយកដីរដ្ឋធ្វើជាកម្មសិទ្ធិឯកជន ដែលបង្កើតឡើងដោយមន្ត្រីថា នាយកគ្រប់គ្រងដែនជម្រកសត្វព្រៃថានាយកគ្រប់គ្រងដែនជម្រកសត្វភ្នំឱរ៉ាល់ ក្នុងស្រុកឱរ៉ាល់ ខេត្តកំពង់ស្ពឺ និង ដែនឧទ្យានជាតិបុទុមសាគរ ស្ថិតក្នុងស្រុកគីរីសាគរខេត្តកោះកុង ។

គួររំលឹកផងដែរថា សកម្មភាពកាប់បំផ្លាញព្រៃឈើក្នុងដែនជម្រកសត្វព្រៃឈើក្នុងដែនជម្រកសត្វព្រៃភ្នំឱរ៉ាល់ បានកើតឡើងយ៉ាងខ្លាំងពីឆ្នាំ ២០០២ ដោយមានការឃុបឃិតរវាង លោក ឈុន ឈៀហេង នាយករងដែនជម្រកសត្វព្រៃ ជាមួយនឹងលោក ដុះស៊ីម អធិការស្រុករហូតមកដល់ភូមិ ឃុំថែមទៀតផង ។ ការកាប់បំផ្លាញព្រៃនៅក្នុងដែនឧទ្យានជាតិបុទុមសាគរដែលការពារដោយព្រះរាជក្រឹត្យនោះបានបង្កឡើងដោយលោក ទូច សុវណ្ណារិទ្ធ អធិការប៉ូលិសស្រុកបុទុមសាគរ ជាអ្នកជួលប្រជាពលរដ្ឋឲ្យកាប់បំផ្លាញព្រៃឈើនេះ ទោះបីជានាយកដែនឧទ្យានជាតិបុទុមសាគរធ្វើការរារាំងយ៉ាងណាក៏ដោយក៏ពុំអាចទប់ស្កាត់សកម្មភាពរបស់លោកអធិការប៉ូលិសស្រុក ទូច សុវណ្ណារិទ្ធបានដែរ ៕ កាសែតខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៥២ ថ្ងៃទី ២៨ ខែ កុម្ភៈ – ថ្ងៃទី ២ ខែ មីនា ឆ្នាំ ២០០៩

កាសែតដែលចេញលក់នៅ
ថ្ងៃ សៅរ៍ ទី ២៨ ខែ កុម្ភៈ ឆ្នាំ ២០០៩

ដើមអម្ពិល ឆ្នាំទី ៣ លេខ ១២៧ ថ្ងៃ សៅរ៍ ទី ២៨ ខែ កុម្ភៈ ឆ្នាំ ២០០៩

សម រង្ស៊ី ព្រមបង់លុយពិន័យ ១០លានរៀល ជូន គ.ជ.បហើយ
រដ្ឋាភិបាលមិនខ្លាចការគម្រាមដកខ្លួនរបស់ អ.ស.ប ពីសាលាក្ដីខ្មែរក្រហម
សហគមន៍អឺរ៉ុបសន្យាផ្ដល់ហិរញ្ញប្បទានប្រមាណ៥០លានដុល្លារអាមេរិក ក្នុងមួយឆ្នាំ សម្រាប់ឆ្នាំ ២០០៩ – ២០១២
សង្គមស៊ីវិល ៖ បិទល្បែង មនុស្សខ្លះបាត់ការងារ តែសង្គមទាំងមូលប្រសើរឡើង
[រដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុ] លោកឧបនាយករដ្ឋមន្ត្រី គាត ឈន់ ទទួលជួបលោកអនុប្រធានរដ្ឋសភាបារាំង [ដើម្បីពង្រឹងកិច្ចសហប្រតិបត្តិការរវាងប្រទេសទាំងពីរ]

កម្ពុជាថ្មី ឆ្នាំទី ៨ លេខ ១៨៨៥ ថ្ងៃ សៅរ៍ ទី ២៨ ខែ កុម្ភៈ ឆ្នាំ ២០០៩

ជនតាមទូករ៉ូហ៊ីងយ៉ា នឹងត្រូវបញ្ជូនពីប្រទេសថៃត្រឡប់ទៅកាន់ប្រទេសភូមាវិញ

[នេះគឺជាសម្ដីរបស់នាយករដ្ឋមន្ត្រីថៃ អាប់ហ៊ីស៊ីត វីចាជីវ៉ា]

ខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៥២ ថ្ងៃ សៅរ៍ ទី ២៨ ខែ កុម្ភៈ – ថ្ងៃ ច័ន្ទ ទី ២ ខែ មីនា ឆ្នាំ ២០០៩

ព្រះមហាក្សត្រផ្ញើព្រះរាជសារទៅសម្ដេចតេជោ ហ៊ុន សែន
មន្ត្រីរដ្ឋាភិបាលខ្មែរ [លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាអ្នកនាំពាក្យរដ្ឋាភិបាល] បដិសេធថាពុំមានការរំលោភសិទ្ធិមនុស្សធ្ងន់ធ្ងរដូចរបាយការណ៍ក្រសួងការបរទេសអាមេរិកទេ
សហព័ន្ធសហជីពពិភពលោកអញ្ជើញមេដឹកនាំសហជីពកម្ពុជាទស្សនកិច្ចប្រទេសក្រិច ផ្លាស់ប្ដូរបទពិសោធន៍

កោះសន្តិភាព ឆ្នាំទី ៤២ លេខ ៦៥៩០ ថ្ងៃ សៅរ៍ ទី ២៨ ខែ កុម្ភៈ – ថ្ងៃ អាទិត្យ ទី ១ ខែ មីនា ឆ្នាំ ២០០៩

លើកពេលសវនាការ [អតីតមេដឹកនាំខ្មែរក្រហម] ខៀវ សំផន ខណៈអវត្តមានសហមេធាវីបរទេស [ពីព្រោះសាច់ញាតិរបស់លោកបានរងគ្រោះថ្នាក់ចរាចរណ៍នៅប្រទេសបារាំង]

មនសិការខ្មែរ ឆ្នាំទី ១៦ លេខ ៣៦៩៩ ថ្ងៃ សៅរ៍ ទី ២៨ ខែ កុម្ភៈ – ថ្ងៃ អាទិត្យ ទី ១ ខែ មីនា ឆ្នាំ ២០០៩

អង្គការឃ្លាំមើលយុត្តិធម៌ទិតៀនអង្គការសហប្រជាជាតិចំពោះបញ្ហាមិនចាត់ការអំពើពុករលួយក្នុងសាលាក្ដីខ្មែរក្រហម

រស្មីកម្ពុជា ឆ្នាំទី ១៧ លេខ ៤៨៣៣ ថ្ងៃ សៅរ៍ ទី ២៨ ខែ កុម្ភៈ ឆ្នាំ ២០០៩

មនុស្ស ៨.០០០ ទៅ ៩.០០០នាក់ អត់ការងារធ្វើ ក្រោយអាជីវកម្មស្លតម៉ាស៊ីន និង ភ្នាល់បាល់ត្រូវបិទ
សម្ដេចតេជោ ហ៊ុន សែន អញ្ជើញចូលរួមកិច្ចប្រជុំកំពូលអាស៊ានលើកទី១៤ នៅហួហ៊ីន ប្រទេសថៃ
[ក្រុមទីភ្នាក់ងារសហប្រតិបត្តិការអន្តរជាតិជប៉ុន] JICA ផ្ដើមសិក្សាលើគម្រោងសាងសង់កំណាត់ផ្លូវជាតិលេខ១ និង ស្ពានអ្នកលឿង
មូលនិធិ IMF ប្រាប់ឲ្យពង្រឹងធនាគារពាណិជ្ជ [ដើម្បីមានលទ្ធភាពបន្តផ្ដល់ប្រាក់កម្ចីដល់វិស័យផ្សេងៗបាន]
វៀតណាម និង ចិន ច្រានចោលរបាយការណ៍សិទ្ធិមនុស្សអាមេរិក

* សូមអញ្ជើញអានវិចារណកថាសម្រាប់សប្ដាហ៍កន្លងទៅ!

* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។

* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!

http://women.open.org.kh/

* ត្រឡប់ទៅខាងលើវិញ

ក្រសួងការបរទេសអាមេរិកបង្ហាញរបាយការណ៍រំលោភសិទ្ធិមនុស្ស ប្រព្រឹត្តឡើងដោយកម្លាំងប្រដាប់អាវុធមកលើប្រជាពលរដ្ឋ – ថ្ងៃ សុក្រ ទី ២៧ កុម្ភៈ ២០០៩

kanhchoksangkum — Fri, 27 Feb 2009 09:50:24 +0000

http://cambodiamirror.wordpress.com

Dear Readers,

We do hope you will visit the Kanhchok Sangkum and the Mirror regularly so they will become your special advisors.

Best regards,

កញ្ចក់សង្គម ៖ ឆ្នាំទី ១១ លេខ ៥៣៨

ពួកឈ្មួញ និង មន្ត្រីមានអំណាចបានប្រើប្រាស់តុលាការ និង ប្រដាប់អាវុធមួយ រួមមានកម្លាំងនគរបាល ទាហាន កងរាជអាវុធហត្ថ ក្នុងការបណ្ដេញប្រជាពលរដ្ឋឲ្យចាកចេញពីដីធ្លី និង លំនៅឋានរបស់ពួកគាត់ ដោយពុំមានសំណងសមរម្យជូនពួកគេទេ ។

ក្រសួងការបរទេសសហរដ្ឋអាមេរិកបានចេញ របាយការណ៍ឆ្នាំ ២០០៨ ស្ដីពីស្ថានភាពរំលោភសិទ្ធិមនុស្សនៅក្នុងប្រទេសកម្ពុជា ដែលបង្កឡើងដោយកងកម្លាំងប្រដាប់អាវុធ មានចំនួនច្រើនករណីក្នុងការបណ្ដេញប្រជាពលរដ្ឋដើម្បីរឹបអូសយកដីធ្លី និង បណ្ដេញចេញពីលំនៅឋានដោយខុសច្បាប់ ។

របាយការណ៍ដដែលនោះក៏បានសរសេររៀបរាប់ពីការធ្វើទារុណកម្មជនជាប់ចោទ និង អ្នកទោសនៅតាមមន្ទីរឃុំឃាំង និង ការចាប់ឃុំខ្លួនប្រជាពលរដ្ឋ និង ការសម្លាប់ក្រៅប្រព័ន្ធតុលាការ ព្រមទាំងការរឹតបណ្ដឹងសេរីភាពបញ្ចេញមតិ ។

របាយការណ៍របស់ក្រសួងការបរទេសអាមេរិកបានអះអាងទៀតថា ភាគច្រើនកងកម្លាំងប្រដាប់អាវុធរួមមានយោធានគរបាល ជាអ្នកប្រព្រឹត្តអំពើហិង្សា ហើយពួកគេទាំងនោះមិនបានទទួលនូវការផ្ដន្ទាទោសធ្វើឡើងនូវរាល់ទង្វើរបស់ពួកគេដែលបានប្រព្រឹត្ត ។

របាយការណ៍នេះបានបង្ហាញពីការសម្លាប់មនុស្សក្រៅប្រព័ន្ធតុលាការ ចំនួន៤០ករណីប្រព្រឹត្តធ្វើឡើងដោយកងកម្លាំងនគរបាលប្រដាប់អាវុធ និង ១៥ករណីប្រព្រឹត្តឡើងដោយកងកម្លាំងយោធា ។

របាយការណ៍ក្រសួងការបរទេសបានលើកឡើងទៀតថា ជារឿយៗការវាយធ្វើទារុណកម្មអ្នកជាប់ឃុំឃាំងនៅតែជាទំលាប់ធម្មតាដដែលនៅក្នុងការឆ្លេចយកចំលើយ ។

របាយការណ៍ក្រសួងការបរទេសអាមេរិកក៏បានធ្វើការសន្និដ្ឋានផងដែរ ថាខណៈដែលអំពើពុករលួយនៅរាលដាលធំទូលាយ ជម្លោះដីធ្លីបណ្ដេញប្រជាពលរដ្ឋដោយបង្ខំចេញពីលំនៅឋាននៅតែជាបញ្ហាធំដដែល ។

ឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាអ្នកនាំពាក្យរដ្ឋាភិបាល មិនអាចទាក់ទងសុំសេចក្ដីពន្យល់បានទេកាលពីថ្ងៃទី ២៦ ខែ កុម្ភៈ ឆ្នាំ ២០០៩ បន្ទាប់ពីមានរបាយការណ៍ប្រចាំឆ្នាំរបស់ក្រសួងការបរទេសអាមេរិក បានលើកឡើងពីក្រុមកំលាំងប្រដាប់អាវុធឈានមុខនៅក្នុងការរំលោភសិទ្ធិមនុស្ស និង ការសំលាប់ក្រៅប្រព័ន្ធតុលាការនៅក្នុងប្រទេសកម្ពុជា ក្នុងចំណោម៤០ករណី ដែលបានកើតមាន ។

ថ្មីៗនេះដែរ ក្រុមអង្គការសង្គមស៊ីវិលនៅក្នុងប្រទេសកម្ពុជាបានកំពុងតែចងក្រងសេចក្ដីព្រាងច្បាប់ដើម្បីបង្កើតគណៈកម្មការការពារសិទ្ធិមនុស្សអាស៊ាន និង បង្កើតគណៈកម្មការសិទ្ធិមនុស្សឯករាជ្យមួយនៅក្នុងប្រទេសកម្ពុជា ដោយមានការផ្ដល់ថវិកាដែលមានការអនុម័តដោយសភាជាតិជារៀងរាល់ឆ្នាំសំរាប់កិច្ចការងារនេះ ។

តែទោះបីជាយ៉ាងណាក៏ដោយ មន្ត្រីអង្គការសង្គមស៊ីវិលបានលើកឡើងថា របាយការណ៍របស់ក្រសួងការបរទេសអាមេរិកដែលបាននិយាយពីស្ថានភាពរំលោភសិទ្ធិមនុស្ស ការបណ្ដេញប្រជាពលរដ្ឋដោយបង្ខំចេញពីលំនៅឋាន អំពើពុករលួយ កំពុងតែកើតមាននៅក្នុងប្រទេសកម្ពុជា គឺរបាយការណ៍នោះសុទ្ធតែបាននិយាយការពិត ជាពិសេសការកាប់សំលាប់ក្រៅប្រព័ន្ធតុលាការ ហើយជនល្មើសមួយចំនួនមិនត្រូវបាននាំខ្លួនមកផ្ដន្ទាទោសតាមច្បាប់ ។

ការរំលោភសិទ្ធិមនុស្សបែបនេះបង្ហាញពីការខ្វះខាតរបស់រដ្ឋាភិបាលដែលចេះតែបណ្ដោយឲ្យវប្បធម៌គ្មានទោសពៃរ៍នៅក្នុងប្រទេសកម្ពុជា បញ្ហាទាំងនេះមិនមែនជាវប្បធម៌ បើបណ្ដោយឲ្យមានការរំលោភសិទ្ធិមនុស្សតទៅទៀត ហើយមានន័យថាប្រជាពលរដ្ឋមិនអាចការពារសិទ្ធិរបស់ខ្លួនបានទេ ប្រសិនបើនៅតែមានការរំលោភសិទ្ធិមនុស្សបែបនេះ ។

ហើយជាពិសេសសិទ្ធិបញ្ចេញមតិ សិទ្ធិធ្វើបាតុកម្មអហិង្សាទាមទារ និង ប្រឆាំងការរំលោភច្បាប់ណាមួយ ៕ កាសែតខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៥១ ថ្ងៃទី ២៧ ខែ កុម្ភៈ ឆ្នាំ ២០០៩

កាសែតដែលចេញលក់នៅ
ថ្ងៃ សុក្រ ទី ២៧ ខែ កុម្ភៈ ឆ្នាំ ២០០៩

ជាតិខ្មែរ ឆ្នាំទី ១ លេខ ២៧ ថ្ងៃ សុក្រ ទី ២៧ ខែ កុម្ភៈ – ថ្ងៃ អាទិត្យ ទី ១ ខែ មីនា ឆ្នាំ ២០០៩

លោក សម រង្ស៊ី ៖ “បើសិនព្រះមហាក្សត្រប្រទានការលើកលែងទោសផាកពិន័យ [ជាប្រាក់ចំនួន ១០លានរៀល ដោយគណៈកម្មការជាតិរៀបចំការបោះឆ្នោត] ខ្ញុំយកប្រាក់នៅឧបត្ថម្ភមន្ទីរពេទ្យគន្ធបុប្ផា”

ដើមអម្ពិល ឆ្នាំទី ៣ លេខ ១២៦ ថ្ងៃ សុក្រ ទី ២៧ ខែ កុម្ភៈ ឆ្នាំ ២០០៩

គណៈអចិន្ត្រៃយ៍រដ្ឋសភាសម្រេចព្យួរអភ័យឯកសិទ្ធិ លោក សម រង្ស៊ី
ពលរដ្ឋខ្មែរគាំទ្រចំណាត់ការរាជរដ្ឋាភិបាលបិទល្បែងភ្នាល់បាល់ និង ស្លុតម៉ាស៊ីន [ក្រុមហ៊ុនល្បែង Cambosix ត្រូវបិទទាំងស្រុង]
សិស្សពីរនាក់ព្រួតគ្នាវាយគ្រូ ត្រូវជាប់គុក៦ខែ សងជំងឺចិត្ត២ពាន់ដុល្លារ [ក្រុងភ្នំពេញ]
[ប្រធានសហជីពសេរីកម្មករនៃព្រះរាជាណាចក្រកម្ពុជា] ជា មុនី ៖ [អតីតស្នងការប៉ូលិសក្រុងភ្នំពេញ ដែលកំពុងជាប់ទាក់ទងក្នុងបទឧក្រិដ្ឋជាច្រើន] ហេង ពៅ អាចទម្លាយរឿងអាថ៌កំបាំងសម្លាប់បងប្រុស ជា វិជ្ជា

កម្ពុជាថ្មី ឆ្នាំទី ៨ លេខ ១៨៨៤ ថ្ងៃ សុក្រ ទី ២៧ ខែ កុម្ភៈ ឆ្នាំ ២០០៩

[រដ្ឋមន្ត្រីក្រសួងការបរទេស] លោក ហោ ណាំហុង អញ្ជើញចូលរួមប្រជុំកំពូលអាស៊ាននៅហួហ៊ីន ប្រទេសថៃ [ដែលនឹងប្រព្រឹត្តឡើងពីថ្ងៃទី ២៧ ខែ កុម្ភៈ ដល់ ថ្ងៃទី ១ ខែ មីនា ឆ្នាំ ២០០៩]
នាវាចំបាំងរបស់ជប៉ុន៣គ្រឿង មកទស្សនកិច្ចនៅកម្ពុជា
ក្លឹបអ្នកកាសែតអំពាវនាវឲ្យអ្នកសារព័ត៌មានប្រកាន់ខ្ជាប់នូវក្រមសីលធម៌

ខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៥១ ថ្ងៃ សុក្រ ទី ២៧ ខែ កុម្ភៈ ឆ្នាំ ២០០៩

ក្រសួងការបរទេសអាមេរិកបង្ហាញរបាយការណ៍រំលោភសិទ្ធិមនុស្ស ប្រព្រឹត្តឡើងដោយកម្លាំងប្រដាប់អាវុធមកលើប្រជាពលរដ្ឋ

កោះសន្តិភាព ឆ្នាំទី ៤២ លេខ ៦៥៨៩ ថ្ងៃ សុក្រ ទី ២៧ ខែ កុម្ភៈ ឆ្នាំ ២០០៩

សាលាក្ដីលើកពេលសវនាការបណ្ដឹងនៅក្រៅឃុំជនត្រូវចោទ អៀង សារី ដោយសារបញ្ហាសុខភាព
ក្រុមហ៊ុន១៨ ទទួលដីសម្បទានសេដ្ឋកិច្ចជិត៨ម៉ឺនហិកតារ ខណៈកសិករ១.២៦៧គ្រួសារ ខ្វះដីសំរាប់ដាំដុះនៅខេត្តកំពង់ធំ
សេដ្ឋី ប៊ីលហ្គេត បរិច្ចាគ១០០លានដុល្លារ ជួយការងារស្រាវជ្រាវប្រឆាំងនឹងជំងឺអេដស៍
ប៉ូលិសប្រឆាំងការជួញដូរមនុស្ស និង ការពារអនីតិជន បានចាប់ខ្លួនបុរសអាមេរិកម្នាក់នៅខេត្តសៀមរាប [ដោយសារបានប្រព្រឹត្តអំពើអនាចារទៅលើកុមារ]

មនសិការខ្មែរ ឆ្នាំទី ១៦ លេខ ៣៦៩៨ ថ្ងៃ សុក្រ ទី ២៧ ខែ កុម្ភៈ ឆ្នាំ ២០០៩

សម រង្ស៊ី អំពាវនាវឲ្យធនាគារស្វីសឆែកឆេរលុយកខ្វក់របស់មន្ត្រីធំៗខ្មែរដែលដាក់ផ្ញើនៅទីនោះ

រស្មីកម្ពុជា ឆ្នាំទី ១៧ លេខ ៤៨៣២ ថ្ងៃ សុក្រ ទី ២៧ ខែ កុម្ភៈ ឆ្នាំ ២០០៩

កម្ពុជាជំរុញសហគមន៍អឺរ៉ុបចុះហត្ថលេខាលើគម្រោងជំនួយមានទឹកប្រាក់ ៧៧លានអឺរ៉ូ [ដែលស្ដីពីការផ្ដល់ហិរញ្ញវត្ថុសម្រាប់ការសិក្សាជាមូលដ្ឋាន អភិបាលពាណិជ្ជកម្ម និង សិទ្ធិមនុស្សដែលត្រូវអនុវត្តពីឆ្នាំ ២០០៧ - ២០១០]
កម្មវិធីវិនិយោគសាធារណៈឆ្នាំ ២០១០ – ២០១២ ត្រូវការទុនចំនួន២.៨០០លានដុល្លារ
មួយឆ្នាំប្រជាជនកម្ពុជា៧០.០០០នាក់ ស្លាប់ដោយសារការជក់បារី [នេះបើយោងតាមការស្រាវជ្រាវរបស់អង្គការសុខភាពពិភពលោក និង ក្រសួងសុខាភិបាលកម្ពុជា]

http://women.open.org.kh/

* ត្រឡប់ទៅខាងលើវិញ

TVK និង KBI ចុះហត្ថលេខាលើអនុស្សរណៈយោគយល់គ្នាលើកិច្ចសហប្រតិបត្តិការផលិតអន្តរជាតិ – ថ្ងៃ ព្រហស្បតិ៍ ទី ២៦ កុម្ភៈ ២០០៩

kanhchoksangkum — Thu, 26 Feb 2009 10:33:45 +0000

http://cambodiamirror.wordpress.com

Dear Readers,

We do hope you will visit the Kanhchok Sangkum and the Mirror regularly so they will become your special advisors.

Best regards,

កញ្ចក់សង្គម ៖ ឆ្នាំទី ១១ លេខ ៥៣៨

តំណាងស្ថានីយទូរទស្សន៍ជាតិកម្ពុជា (TVK) និង វិទ្យាស្ថានផ្នែកផ្សព្វផ្សាយរបស់សាធារណរដ្ឋកូរ៉េ (KBI) បានចុះហត្ថលេខាលើអនុស្សរណៈយោគយល់គ្នាលើកិច្ចសហប្រតិបត្តិការផលិតអន្តរជាតិក្រោមអធិបតីភាព លោក ខៀវ កាញារីទ្ធ រដ្ឋមន្ត្រីក្រសួងព័ត៌មាននាថ្ងៃទី ២៤ ខែ កុម្ភៈ ឆ្នាំ ២០០៩ នៅទីស្ដីការក្រសួងព័ត៌មាន ។

គោលបំណងរបស់ប្រទេសកូរ៉េនៅក្នុងកិច្ចសហផលិតកម្មនេះ ផ្ដល់អត្ថប្រយោជន៍ជាច្រើនចំពោះប្រទេស និង ស្ថានីយផ្សព្វផ្សាយរបស់កម្ពុជានូវការបង្ហាញអំពីមោទនភាពជាតិ និង វប្បធម៌របស់កម្ពុជា ដូចជាបេតិកភណ្ឌជាតិ ការអភិវឌ្ឍន៍សេដ្ឋកិច្ច សម្បត្តិធនធានធម្មជាតិ ហើយការផ្លាស់ប្ដូរបទពិសោធន៍គ្នាទៅវិញទៅមក ដែលភាគីកម្ពុជាអាចផ្សាយនូវកម្មវិធីដែលមានគុណភាពទាំងអស់នេះឲ្យភាគីសង្ខាងអាចមើលឃើញអំពីសហផលិតកម្ម តាមរយៈស្ថានីយផ្សព្វផ្សាយទាំងឡាយដែលពាក់ព័ន្ធ ។

លោក កឹម គុណវឌ្ឍន៍ ជាប្រតិភូរាជរដ្ឋាភិបាលកម្ពុជាទទួលបន្ទុកអគ្គនាយកទូរទស្សន៍ជាតិ ទ.ទ.ក បាននិយាយថា “ការចុះហត្ថលេខានេះខ្ញុំចាត់ទុកថាជាការចុះហត្ថលេខាលើកដំបូងរវាងទូរទស្សន៍ជាតិកម្ពុជា និង KBI ដែលហៅថា វិទ្យាស្ថានផ្សព្វផ្សាយរបស់សាធារណរដ្ឋកូរ៉េ ហើយនេះជាការចូលរួមប្រឡូកក្នុងលក្ខខណ្ឌអន្តរជាតិជាតិ មានន័យថា ផលិតកររបស់យើង អ្នកថតរបស់យើង ក៏ដូចជាអ្នកបច្ចេកទេសរបស់យើង បានទទួលការពិសោធន៍ទៅវិញទៅមក តាមរយៈអ្នកដឹកនាំរបស់សាធារណរដ្ឋកូរ៉េ និង តាមរយៈអ្នកនិពន្ធ ដែលទាំងនេះសុទ្ធតែជាផលចំណេញ ។ ឯផលចំណេញមួយទៀតគឺយើងនៅអាស៊ីតែមួយ យើងនឹងធ្វើការផ្លាស់ប្ដូរវប្បធម៌របស់អាស៊ីអាគ្នេយ៍ និង វប្បធម៌របស់អាស៊ីបូព៌ា បើនិយាយឲ្យចំទៅគឺវប្បធម៌រវាងសាធារណរដ្ឋកូរ៉េ និង វប្បធម៌ព្រះរាជាណាចក្រកម្ពុជា ។ នេះជាការបង្ហាញពីសមានចិត្តអំពីចំណងទំនាក់ទំនងមិត្តភាព និង ការសហប្រតិបត្តិការរបស់ប្រទេសទាំងនេះ ដូចដែលយើងបានដឹងហើយ សាធារណរដ្ឋកូរ៉េគឺជាប្រទេសមួយដែលបានផ្ដល់ការគាំទ្រលើវិស័យសេដ្ឋកិច្ច ផ្ដល់ការគាំទ្រទៅលើការអនុវត្ត ផ្ដល់ការគាំទ្រនៅក្នុងការធ្វើឲ្យប្រទេសកម្ពុជាមានការអភិវឌ្ឍន៍ទាំងផ្នែកហេដ្ឋារចនាសម្ព័ន្ធ ទាំងវិស័យសេដ្ឋកិច្ច និង វិស័យជាច្រើនទៀត” ។

លោកបន្តទៀតថា “ការផលិតនេះយើងត្រូវមានលក្ខខណ្ឌក្នុងការសម្របសម្រួលគ្នាទៅវិញទៅមក ដែលជាគោលបំណងធំរបស់ KBI ដែលចង់បាន និង គោលបំណងរបស់ទូរទស្សន៍ជាតិកម្ពុជាដែលតំណាងឲ្យជាតិចង់បាន ។ ភាគីទាំងពីរនឹងពិភាក្សាគ្នាការផលិតនេះគឺភាគីកូរ៉េអ្នកនាំមុខ ព្រោះថាគេមានបំណងឲ្យប្រជាពលរដ្ឋកូរ៉េស្គាល់ពីកម្ពុជា សម្រាប់យើងក៏មានបំណងដែរ ប៉ុន្តែការផ្ដួចផ្ដើមគំនិតខាង KBI ជាអ្នកនាំមុខ ដើម្បីបង្ហាញពីអរិយធម៌របស់យើងដល់ប្រជាជនកូរ៉េឲ្យបានដឹង ។ ខ្ញុំគិតថា បន្ទាប់ពីការចុះហត្ថលេខារួចហើយនៅក្នុងខែមេសាខាងមុខនេះ គឺជារដូវចូលឆ្នាំប្រពៃណីជាតិយើង ហើយរដូវប្រពៃណីចូលឆ្នាំរបស់យើងនរណាក៏គេចង់ដឹងដែរថាតើទំនៀមទម្លាប់នៃការប្រារព្ធពិធីចូលឆ្នាំយ៉ាងដូចម្ដេច ហើយរដូវចូលឆ្នាំមានអត្ថន័យយ៉ាងដូចម្ដេច ដូច្នេះហើយក្រុមទី១របស់គេនឹងចុះមកអង្កេតនាខែមីនាខាងមុខនេះ ដើម្បីនឹងដាក់ចេញនូវការផលិតនៅខែមេសាខាងមុខនេះ តាមគម្រោងដែលយើងបានដឹងគឺមានចំណងជើងមួយ “មហាសាគរពណ៌ខៀវថ្មី” ក្រោយពីការផលិត ក្រោយពីបានឯកភាពគ្នា កម្មវិធីនេះត្រូវចាក់ផ្សាយទាំងនៅក្នុងព្រះរាជាណាចក្រកម្ពុជា ទាំងនៅក្នុងសាធារណរដ្ឋកូរ៉េ គ្រាន់តែ KBI លោករក្សាសិទ្ធិអ្វីដែលនៅក្រោមសហប្រតិបត្តិការផលិតនេះ” ។

លោក Choi Young Ho ជាអនុប្រធាននៃវិទ្យាស្ថានផ្សព្វផ្សាយសាធារណរដ្ឋកូរ៉េ បាននិយាយថា “តាំងពីដើមរហូតមកដល់បច្ចុប្បន្ននេះ ប្រទេសកូរ៉េ និង ប្រទេសកម្ពុជា បានផ្លាស់ប្ដូរនូវធនធានមនុស្ស ធនធានវប្បធម៌ផ្សេងច្រើនហើយ ឥឡូវនេះបានពង្រីកការផ្លាស់ប្ដូររវាងវប្បធម៌ឲ្យបានជ្រាលជ្រៅទៀត ។ គោលដៅដែលសហការផលិតជាមួយគ្នាគឺជាការណែនាំវប្បធម៌ និង ការផ្លាស់ប្ដូរវប្បធម៌សម័យបុរាណ និង សម័យបច្ចុប្បន្នរវាងប្រទេសទាំងពីរ” ។

លោកបានបញ្ជាក់ទៀតថា “ខ្ញុំជឿជាក់ថាយើងមានទំនុកចិត្តតាមរយៈការសហការជាមួយ ព្រោះខាង KBI បានរៀបចំក្រុមប្រឹក្សាមួយដើម្បីសហការជាមួយ TVK របស់ប្រទេសកម្ពុជា ហើយខ្ញុំក៏ឃើញដែលថាខាង TVK ក៏មានក្រុមប្រឹក្សាមួយដើម្បីសហការជាមួយ KBI ដែរ ដូច្នេះក្រុមប្រឹក្សាទាំងពីរនឹងសហការជាមួយដើម្បីឲ្យមានភាពរីកចំរើន និង ទទួលជោគជ័យទាំងអស់គ្នា ។ តាមគោលបំណងរបស់ KBI និង TVK យើងចង់ផលិតឲ្យបានមុនខែ៦ ក្នុងខែ៦យើងចង់ផ្សព្វផ្សាយប្រទេសទាំងពីរ បើសិនយើងផលិតមុនខែ៥ យើងត្រូវពិភាក្សាជាមួយ TVK ដើម្បីផ្សព្វផ្សាយនៅមុខខែ៦” ។

គួរបញ្ជាក់ដែរថា កម្ពុជាធ្លាប់ចុះហត្ថលេខាក្នុងកិច្ចសហផលិតកម្មម្ដងរួចមកហើយកាលពីឆ្នាំ ២០០៧ រវាងប្រទេសចំនួន៥ ដូចជាចិន វៀតណាម ហ្វីលីពីន ម៉ុងហ្គោលី និង ឥណ្ឌូណេស៊ី នេះជាលើកទី២ហើយដែលកម្ពុជាបានចុះហត្ថលេខាលើអនុស្សរណៈសហកិច្ចប្រតិបត្តិការផលិតអន្តរជាតិជាមួយវិទ្យាស្ថានផ្នែកផ្សព្វផ្សាយរបស់សាធារណរដ្ឋកូរ៉េ KBI ៕ កាសែតដើមអម្ពិល ឆ្នាំទី ៣ លេខ ១២៥ ថ្ងៃទី ២៦ ខែ កុម្ភៈ ឆ្នាំ ២០០៩

កាសែតដែលចេញលក់នៅ
ថ្ងៃ ព្រហស្បតិ៍ ទី ២៦ ខែ កុម្ភៈ ឆ្នាំ ២០០៩

ដើមអម្ពិល ឆ្នាំទី ៣ លេខ ១២៥ ថ្ងៃ ព្រហស្បតិ៍ ទី ២៦ ខែ កុម្ភៈ ឆ្នាំ ២០០៩

TVK និង KBI ចុះហត្ថលេខាលើអនុស្សរណៈយោគយល់គ្នាលើកិច្ចសហប្រតិបត្តិការផលិតអន្តរជាតិ
ព្រះមហាក្សត្រយាងនិវត្តន៍ដល់ព្រះនគរ
រដ្ឋាភិបាលកម្ពុជាសម្រេចបង្កើតក្រុងព្រះវិហារក្នុងខេត្តព្រះវិហារ
គ្រាប់បែកនៅក្នុងថង់ស្ពាយផ្ទុះស្លាប់៣នាក់ ពេលដើរទៅឆ្លុះសត្វក្នុងព្រៃក្បែរភូមិ [ខេត្តបន្ទាយមានជ័យ]

កម្ពុជាថ្មី ឆ្នាំទី ៨ លេខ ១៨៨៣ ថ្ងៃ ព្រហស្បតិ៍ ទី ២៦ ខែ កុម្ភៈ ឆ្នាំ ២០០៩

ក្រុមហ៊ុន HYUNDAI [របស់កូរ៉េខាងត្បូង] ស្វែងរកការវិនិយោគបង្កើតរោងចក្រផលិតរថយន្តនៅកម្ពុជា [ដោយសហការជាមួយក្រុមហ៊ុនរបស់ លោកឧកញ៉ា លី យ៉ុងផាត់]
[រដ្ឋមន្ត្រីក្រសួងការបរទេស] លោក ហោ ណាំហុង ជួបពិភាក្សាជាមួយនាយកជំនួយអឺរ៉ុបប្រចាំអាស៊ី និង អាស៊ីកណ្ដាល បញ្ហាផ្ដល់ជំនួយ

ខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៥០ ថ្ងៃ ព្រហស្បតិ៍ ទី ២៦ ខែ កុម្ភៈ ឆ្នាំ ២០០៩

អ្នកជំនាញការសេដ្ឋកិច្ចស្នើឲ្យរដ្ឋាភិបាលកំណត់ឲ្យថៅកែរោងចក្រតម្កល់ប្រាក់បំរុងទុក៣ខែ បើកប្រាក់ឲ្យកម្មករ
តុលាការ [ក្រុងភ្នំពេញ] បង្គាប់ឲ្យអាជ្ញាធរស្វែងរកចាប់ខ្លួនតំណាងសហគមន៍រទេះភ្លើង៣នាក់ [បន្ទាប់ពីពួកគេត្រូវបានកាត់ទោសឲ្យជាប់ពន្ធនាគាររយៈពេល៣ឆ្នាំ ពីបទក្លែងបន្លំស្នាមមេដៃ ដែលប្ដឹងដោយក្រុមហ៊ុន អូស្មានហាស្សាន់]

ខ្មែរម្ចាស់ស្រុក ឆ្នាំទី ៣ លេខ ៣៥២ ថ្ងៃ ព្រហស្បតិ៍ ទី ២៦ ខែ កុម្ភៈ ឆ្នាំ ២០០៩

[ប្រធានសហជីពសេរីកម្មករនៃព្រះរាជាណាចក្រកម្ពុជា] ជា មុនី សុំ [រដ្ឋមន្ត្រីក្រសួងមហាផ្ទៃ] ស ខេង ជួបជនជាប់ចោទ ហេង ពៅ ដើម្បីសួរសុខទុក្ខ

កោះសន្តិភាព ឆ្នាំទី ៤២ លេខ ៦៥៨៨ ថ្ងៃ ព្រហស្បតិ៍ ទី ២៦ ខែ កុម្ភៈ ឆ្នាំ ២០០៩

ពលករកម្ពុជាជាង៧ម៉ឺននាក់ ទៅធ្វើការនៅថៃ ម៉ាឡេស៊ី កូរ៉េ និង ជប៉ុន
ប្រតិភូសហព័ន្ធសហជីពពិភពលោកមកធ្វើទស្សនកិច្ចនៅកម្ពុជា

មនសិការខ្មែរ ឆ្នាំទី ១៦ លេខ ៣៦៩៧ ថ្ងៃ ព្រហស្បតិ៍ ទី ២៦ ខែ កុម្ភៈ ឆ្នាំ ២០០៩

លោក សម រង្ស៊ី ស្នើឲ្យប្រធានរដ្ឋសភាពិចារណាទៅលើសំណើដកអភ័យឯកសិទ្ធិរបស់លោក [ដោយលោកសុំទុកពេលប្ដឹងតវ៉ាទៅតុលាការកំពូលសិន]

រស្មីកម្ពុជា ឆ្នាំទី ១៧ លេខ ៤៨៣១ ថ្ងៃ ព្រហស្បតិ៍ ទី ២៦ ខែ កុម្ភៈ ឆ្នាំ ២០០៩

សាខាខេមបូស៊ិក២កន្លែងនៅឫស្សីកែវ ត្រូវបិទទាំងស្រុងដោយសារច្បាប់ហួសកំណត់
មន្ត្រីអះអាងថាវ៉េបសាយរបស់ក្រសួងពាណិជ្ជកម្មដំណើរការល្អឡើងវិញ និង ទាន់សភាពការណ៍ [http://www.moc.gov.kh/]
អគ្គមេបញ្ជាការ [ប៉ុល សារឿន] ស្នើរុស្ស៊ីជួយជួសជុលយន្តហោះសម័យអតីតសហភាពសូវៀត
ជប៉ុនផ្ដល់ជំនួយ ១៨៤.៧១៧ដុល្លារអាមេរិក សម្រាប់សេវាសុខភាពមាតា និង ទារក

http://women.open.org.kh/

* ត្រឡប់ទៅខាងលើវិញ

អង្គការសហប្រជាជាតិ និង រដ្ឋាភិបាល នឹងទំលាយអំពើពុករលួយនៅសាលាក្ដី – ថ្ងៃ ពុធ ទី ២៥ កុម្ភៈ ២០០៩

kanhchoksangkum — Wed, 25 Feb 2009 10:36:19 +0000

ជូនចំពោះអ្នកអាន កញ្ចក់សង្គម

ជារឿងដែលគួរឲ្យក្រៀមក្រំដែលខ្ញុំត្រូវចែករំលែកនូវព័ត៌មានមិនល្អជាមួយលោកអ្នក គឺយើងនឹងមិនអាចបន្តការផ្សាយ កញ្ចក់សង្គម ឲ្យលើសពីចុងសប្ដាហ៍នេះទេ គឺនៅត្រឹមថ្ងៃ សៅរ៍ ទី ២៨ ខែ កុម្ភៈ ឆ្នាំ ២០០៩នេះ យើងនឹងបន្តជ្រើសរើសចំណងជើង និង អត្ថបទមួយពីសារព័ត៌មានខ្មែរ រហូតដល់ពេលចុងក្រោយ ហើយនៅថ្ងៃ អាទិត្យ ទី ១ ខែ មីនា ឆ្នាំ ២០០៩ ខ្ញុំនឹងចែករំលែកនូវពាក្យចុងក្រោយនៅទីបញ្ចាប់នៃសេវានេះ ។ ការចេញផ្សាយជាភាសាអង់គ្លេស The Mirror នឹងបន្តទៅទៀត ។ លោកអ្នកអាចអានបាននៅទីនេះ ៖

http://cambodiamirror.wordpress.com

ការតម្រូវឲ្យធ្វើដូច្នេះគឺដោយសារវិបត្តិហិរញ្ញវត្ថុ ។

កញ្ចក់សង្គម ៖ ឆ្នាំទី ១១ លេខ ៥៣៨

ដោយប្រកាសការទំលាយភាពទាល់ច្រក បន្ទាប់ពីការពិភាក្សាស្ដីពីការទប់ស្កាត់អំពើពុករលួយនៅឯសាលាក្ដីកាត់ទោសខ្មែរក្រហម ក្រុមមន្ត្រីអង្គការសហប្រជាជាតិ និង ក្រុមមន្ត្រីកម្ពុជានៅថ្ងៃច័ន្ទ បានបញ្ចេញឲ្យដឹងនូវកម្មវិធីដ៏ស្មុគស្មាញមួយ ដើម្បីដោះស្រាយបណ្ដឹងអំពីឥរិយាបថមិនត្រឹមត្រូវដែលនឹងផ្ដល់ការទទួលខុសត្រូវស្មើគ្នាចំពោះភាគីអន្តរជាតិ និង ភាគីកម្ពុជានៃតុលាការនេះ ។

ថ្លែងទៅកាន់ក្រុមអ្នកសារព័ត៌មាននៅឯទីស្ដីការគណៈរដ្ឋមន្ត្រីនៅល្ងាចថ្ងៃច័ន្ទកន្លងទៅនេះ លោក សុខ អាន រដ្ឋមន្ត្រីទីស្ដីការគណៈរដ្ឋមន្ត្រី និង លោក ភីតធឺ តាក់ស៊ូ-ជិនសេន ជំនួយការអគ្គលេខាធិការអង្គការសហប្រជាជាតិទទួលបន្ទុកកិច្ចការច្បាប់ បានមានប្រសាសន៍ថា ពួកលោកជឿថាប្រព័ន្ធថ្មីនេះនឹងអាចឲ្យក្រុមអ្នកផ្ដល់ជំនួយបន្តការផ្ដល់មូលនិធិឲ្យភាគីកម្ពុជានៃសាលាក្ដីនេះ ដែលនឹងប្រឈមវិបត្តិថវិកាក្នុងប៉ុន្មានពេលសប្ដាហ៍ខាងមុខនេះ ។ លោក សុខ អាន បានមានប្រសាសន៍ប្រាប់ក្រុមអ្នកយកព័ត៌មានថា ខ្ញុំគិតថា ការយោគយល់គ្នាទៅវិញទៅមកនេះគឺជាមូលដ្ឋានដ៏ល្អបំផុតមួយសំរាប់រដ្ឋបាលនៃតុលាការនេះដើម្បីដំណើរការទៅមុខ ហើយសូម្បីតែតុលាការក៏ដំណើរការទៅមុខដែរ ។ លោកបានថ្លែងថា ចំណុចសំខាន់នៃការយោគយល់គ្នារបស់យើងគឺអំពីការធ្វើការងារដ៏ជោគជ័យនៃដំណើរការរួម … ។ ពួកគេនឹងធ្វើការរួមគ្នាក្នុងដំណើរការរួមដើម្បីជំរះបញ្ហាទាំងអស់ ។ លោក តាក់ស៊ូ-ជិនសេន ក៏បានប្រាប់ក្រុមអ្នកយកព័ត៌មានដែរថា លោកជឿថាកិច្ចព្រមព្រៀងនេះទីបំផុតនឹងបញ្ចប់លែងពិភាក្សាអំពីការចោទប្រកាន់ពីបទទទួលប្រាក់សគុណដែលបានសាយភាយចេញពីតុលាការតាំងពីហៀបនឹងចាប់ផ្ដើមរបស់ខ្លួនមកហើយបានបណ្ដាលឲ្យក្រុមអ្នកផ្ដល់ជំនួយខ្លះបញ្ឈប់ការផ្ដល់មូលនិធិ ។ លោក តាក៊ស៊ូ-ជិនសេន បានមានប្រសាសន៍ថា នេះជាជំហានដ៏សំខាន់មួយក្នុងការខ្នះខ្នែងរួមរបស់យើងដើម្បីដោះស្រាយបញ្ហាអំពើពុករលួយ ។ ខ្ញុំគិតថា កិច្ចព្រមព្រៀងនេះដែលយើងមាននៅពេលនេះ ពិតជានឹងត្រូវទទួលបានជាវិជ្ជមានដោយបណ្ដាប្រទេសផ្ដល់ជំនួយ ។

ទោះជាយ៉ាងណាក្ដី កម្មវិធីប្រឆាំងអំពើពុករលួយថ្មីដែលត្រូវបានស្នើឡើងនេះ ទំនងជាតិចតួចបំផុតជាងអ្វីដែលក្រុមមន្ត្រីសហប្រជាជាតិបានស្វះស្វែងក្នុងការពិភាក្សាមិនជោគជ័យជាមួយរដ្ឋាភិបាលក្នុងខែមករា ។ ក្រុមអ្នកគ្រប់គ្រងកម្ពុជានៅដើមខែនេះបានលើកឡើងថា ក្នុងការពិភាក្សាឯកជនក្នុងខែមករា ក្រុមមន្ត្រីសហប្រជាជាតិបានស្នើឲ្យបង្កើតកម្មវិធីប្រឆាំងអំពើពុករលួយតែមួយដ៏ធំធេងសំរាប់ភាគីទាំងពីរនៃតុលាការនេះ ដែលពាក់ព័ន្ធនឹងអ្នកសង្កេតការណ៍ក្រមសីលធម៌អន្តរជាតិឯករាជ្យដែលជាគណៈកម្មាធិការក្រមសីលធម៌ និង អង្គបុរេជំនុំជម្រះរបស់តុលាការ ។ ទោះជាយ៉ាងណាក្ដី កម្មវិធីនេះដែលត្រូវបានប្រកាសក្នុងសេចក្ដីថ្លែងការណ៍រួមមួយចេញនៅល្ងាចថ្ងៃច័ន្ទ នឹងបន្សល់ទុកវិធានការប្រឆាំងអំពើពុករលួយដែលមិនអាចប៉ះពាល់ដែលចូលជាធរមានរួចរាល់ដោយភាគីកម្ពុជានៃតុលាការនេះ ហើយពាក់ព័ន្ធនឹងភាគីសហប្រជាជាតិដែលបង្កើតយន្តការស្របគ្នារបស់ខ្លួនផ្ទាល់ដែលមានមនុស្សតែមួយឲ្យទទួលពាក្យបណ្ដឹង ។ ពាក្យបណ្ដឹងដែលត្រូវទទួលដោយភាគីជាតិ ឬ អន្តរជាតិនៃសាលាក្ដីនេះ បន្ទាប់នោះនឹងត្រូវបញ្ជូនតទៅគណៈកម្មាធិការមួយដែលមានចំនួនមន្ត្រីកម្ពុជា និង អង្គការសហប្រជាជាតិស្មើគ្នា ដែលនឹងតម្រូវឲ្យមានចំនួនច្រើន ឬ កិច្ចព្រមព្រៀងអំពីយ៉ាងហោចណាស់មួយចំនួនលើភាគីទាំងពីរសំរាប់គណៈកម្មាធិការនេះដើម្បីចាត់វិធានការណាមួយ ។

សេចក្ដីថ្លែងការណ៍រួមចេញនៅថ្ងៃច័ន្ទ មិនបានបង្ហាញច្បាស់ថាតើប្រព័ន្ធនេះនឹងទប់ស្កាត់ការកើតឡើងម្ដងទៀតនៃព្រឹត្តិការណ៍នៅឆ្នាំមុនឬយ៉ាងណាទេ នៅពេលដែលបុគ្គលិកកម្ពុជាមួយក្ដាប់តូចមិនសុខចិត្តចំពោះការបែងចែកក្នុងរដ្ឋបាលនៅក្នុងតុលាការនេះ ហើយផ្ដល់ព័ត៌មានឲ្យក្រុមមន្ត្រីសហប្រជាជាតិអំពីការចោទប្រកាន់ពីបទទទួលប្រាក់សគុណ ដែលបន្ទាប់នោះត្រូវបានពិនិត្យឡើងវិញជាបន្តបន្ទាប់នៅទីក្រុងញូយ៉ក ដោយសាលាអគ្គអធិការកិច្ចនៃអង្គការសហប្រជាជាតិ ។ លទ្ធផលនៃការពិនិត្យដោយសហប្រជាជាតិមិនត្រូវបានប្រកាសជាសាធារណៈទេ ប៉ុន្តែតាមដឹងមកថាបានអំពាវនាវឲ្យមានការស៊ើបអង្កេតពេញលេញនៃការចោទប្រកាន់ពីបទទទួលប្រាក់សគុណដើម្បីបានការងារធ្វើ ។

លោកស្រី ហេតធី រីយ៉ាន អ្នកសង្កេតការណ៍តុលាការប្រចាំអង្គការគំនិតផ្ដួចផ្ដើមយុត្តិធម៌សាធារណៈបានថ្លែងនៅថ្ងៃច័ន្ទថា អង្គការរបស់លោកស្រីខកចិត្តជាមួយលទ្ធផលនៅថ្ងៃច័ន្ទ ។ លោកស្រីបានថ្លែងថា អង្គការគំនិតផ្ដួចផ្ដើមយុត្តិធម៌សាធារណៈជឿថាកិច្ចព្រមព្រៀងដែលត្រូវបានពណ៌នានេះមិនបានលើកឡើងអំពីការចោទប្រកាន់ពីបទពុករលួយ និង តំណាងឲ្យជំហានថយក្រោយមួយក្នុងកិច្ចប្រឹងប្រែងនោះ ។ យើងបារម្ភថាអង្គការសហប្រជាជាតិកំពុងតែកំណត់ទាបបំផុតនូវឧបសគ្គមួយសំរាប់កម្ពុជា និង កិច្ចប្រឹងប្រែងរួមនៅអនាគតនៅឯតុលាការឯករាជ្យ ។

លោក អានឌ្រូ ឡានូសហ្ស៊ី ទីប្រឹក្សាច្បាប់របស់មេធាវីចុងចោទសំរាប់អតីតមេដឹកនាំខ្មែរក្រហម នួន ជា ដែលបានស្នើឲ្យអាជ្ញាធរកម្ពុជាស៊ើបអង្កេតការណ៍ការចោទប្រកាន់ពីបទទទួលប្រាក់សគុណនៅឯតុលាការនេះ បានមានប្រសាសន៍ថា លោកបានជួបជាមួយលោក តាក់ស៊ូ-ជិនសេន ក៏ប៉ុន្តែលោកបានបដិសេធមិនធ្វើអត្ថាធិប្បាយអំពីខ្លឹមសារនៃការពិភាក្សារបស់ពួកគាត់ឡើយ ។

យោងតាមសេចក្ដីថ្លែងការណ៍រួមចេញនៅថ្ងៃច័ន្ទ បានឲ្យដឹងថា អង្គការសហប្រជាជាតិ និង រដ្ឋាភិបាល ត្រូវចេញលិខិតទៅវិញទៅមកក្នុងសប្ដាហ៍ខាងមុខនេះ ដើម្បីធ្វើឲ្យកិច្ចព្រមព្រៀងនេះស្របច្បាប់ ថ្វីបើសេចក្ដីលំអិតកំពុងត្រូវចរាចរនៅឡើយក៏ដោយ ៕កាសែតរស្មីអង្គរ ឆ្នាំទី ១៦ លេខ ១៤១៥ ថ្ងៃទី ២៥ ខែ កុម្ភៈ ឆ្នាំ ២០០៩

កាសែតដែលចេញលក់នៅ
ថ្ងៃ ពុធ ទី ២៥ ខែ កុម្ភៈ ឆ្នាំ ២០០៩

ជាតិខ្មែរ ឆ្នាំទី ១ លេខ ២៥ ថ្ងៃ ពុធ ទី ២៥ ខែ កុម្ភៈ ឆ្នាំ ២០០៩

លោក ហ៊ុន សែន ព្រមានដកអភិបាលខណ្ឌ [ទាំង៨] និង បញ្ចប់អាជ្ញាប័ណ្ណខេមបុស៊ិក [បើសិនជាពួកគេឃុបឃិតឲ្យជនជាតិខ្មែរចូលលេងនៅក្នុងក្លឹបល្បែងស៊ីសង]
ហ៊ុន សែន ៖ Global Witness គ្មានអំណាចត្រូវសួរ លោកមិនមែនជាអ្នកទោស

កម្ពុជាថ្មី ឆ្នាំទី ៨ លេខ ១៨៨២ ថ្ងៃ ពុធ ទី ២៥ ខែ កុម្ភៈ ឆ្នាំ ២០០៩

ដកអភ័យឯកសិទ្ធិ សម រង្ស៊ី មិនពិបាកទេ [នេះជាសម្ដីរបស់នាយករដ្ឋមន្ត្រី ហ៊ុន សែន]
ពួកខ្លាតាម៉ីលបានប្រកាសត្រៀមខ្លួនទទួលយកកិច្ចឈប់បាញ់មួយដែលមានការសំរបសំរួលពីអន្តរជាតិ [ស្រីលង្កា]

ខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៤៩ ថ្ងៃ ពុធ ទី ២៥ ខែ កុម្ភៈ ឆ្នាំ ២០០៩

សម្ដេចនាយករដ្ឋមន្ត្រី ហ៊ុន សែន មានប្រតិកម្មចំពោះ Global Witness គឺជា Global Cheating

កោះសន្តិភាព ឆ្នាំទី ៤២ លេខ ៦៥៨៧ ថ្ងៃ ពុធ ទី ២៥ ខែ កុម្ភៈ ឆ្នាំ ២០០៩

សាលាក្ដីខ្មែរក្រហមប្រកាសពីកាលបរិច្ឆេទបើកសវនាការកាត់ទោស “ឌុច” គឺថ្ងៃ ៣០ មីនា ឆ្នាំ ២០០៩
សាលាក្ដីបើកសវនាការ [អតីតរដ្ឋមន្ត្រីសង្គមកិច្ចនៃរបបខ្មែរក្រហម] អៀង ធីរិទ្ធ ខណៈពេល [អតីតឧបនាយករដ្ឋមន្ត្រី] អៀង សារី ចូលមន្ទីរពេទ្យ
បាតុករអាវក្រហមសៀម [ប្រមាណ១.០០០នាក់] នាំគ្នាព័ទ្ធវិមានរដ្ឋាភិបាល [ប្រទេសថៃ]

មនសិការខ្មែរ ឆ្នាំទី ១៦ លេខ ៣៦៩៦ ថ្ងៃ ពុធ ទី ២៥ ខែ កុម្ភៈ ឆ្នាំ ២០០៩

គំរោងអភិវឌ្ឍន៍នៅកម្ពុជាបានធ្វើឲ្យខូចប្រយោជន៍ប្រជាពលរដ្ឋខ្មែរច្រើនពាន់គ្រួសារ ក្នុងរយៈពេល ៣ឆ្នាំចុងក្រោយ [នេះបើតាមការរិះគន់របស់ធនាគារអភិវឌ្ឍន៍អាស៊ី]

រស្មីអង្គរ ឆ្នាំទី ១៦ លេខ ១៤១៥ ថ្ងៃ ពុធ ទី ២៥ ខែ កុម្ភៈ ឆ្នាំ ២០០៩

អង្គការសហប្រជាជាតិ និង រដ្ឋាភិបាល នឹងទំលាយអំពើពុករលួយនៅសាលាក្ដី
ទីប្រឹក្សាថ្មីរបស់ប្រធានរដ្ឋសភា [លោក ហេង សំរិន] សរុបមានចំនួនជាង ១០០នាក់ [បន្ទាប់ពីទីប្រឹក្សាថ្មីចំនួន២៨នាក់ត្រូវបានតែងតាំង]

រស្មីកម្ពុជា ឆ្នាំទី ១៧ លេខ ៤៨៣០ ថ្ងៃ ពុធ ទី ២៥ ខែ កុម្ភៈ ឆ្នាំ ២០០៩

អចិន្ត្រៃយ៍រដ្ឋសភាកោះប្រជុំរឿងរៀបចំការដកអភ័យឯកសិទ្ធិ សម រង្ស៊ី [នៅថ្ងៃទី ២៦ ខែ កុម្ភៈ ឆ្នាំ ២០០៩]
សម្ដេចតេជោអំពាវនាវឲ្យកម្មការិនីកុំធ្វើកូដកម្មផ្ដេសផ្ដាសដែលនាំឲ្យបាត់ការងារ
ក្រុមប្រឹក្សាជាតិកម្ពុជាដើម្បីស្ត្រី បង្ហាញថាបទល្មើសជួញដូរមនុស្ស [ក្នុងឆ្នាំ ២០០៨] មានច្រើន តែការដាក់ទោចបានតិចតួច
ក្រសួងការពារប្រទេសបង្កើតអគ្គនាយកដ្ឋាននយោបាយ និង កិច្ចការបរទេស

សម្លេងយុវជនខ្មែរ ឆ្នាំទី ១៦ លេខ ៣៤៨៩ ថ្ងៃ ពុធ ទី ២៥ ខែ កុម្ភៈ ឆ្នាំ ២០០៩

ប្រមូលទាហាន ១ម៉ឺននាក់ [ដែលត្រូវដាក់ឱ្យឈរជើងនៅកន្លែងដែលមិនមែនជាកាតព្វកិច្ចយោធាដូចជាតាមតំបន់អភិវឌ្ឍន៍] ចូលបន្ទាយវិញ [នេះគឺជាបញ្ជារបស់នាយករដ្ឋមន្ត្រី ហ៊ុន សែន ទៅកាន់អគ្គមេបញ្ជាការកងយោធពលខេមរភូមិន្ទ លោក ប៊ុល សារឿន ក្នុងគោលបំណងដើម្បីកាត់បន្ថយបញ្ហាដីធ្លី]

http://women.open.org.kh/

* ត្រឡប់ទៅខាងលើវិញ

កម្ពុជាគ្រោងបង្កើតនូវពន្ធពីល្បែងស៊ីសងគ្រប់ប្រភេទ ១២,៥ភាគរយ ពីលើពន្ធឆ្នាំ ២០០៨ – ថ្ងៃ អង្គារ ទី ២៤ កុម្ភៈ ២០០៩

kanhchoksangkum — Tue, 24 Feb 2009 10:51:30 +0000

Dear Readers,

We do hope you will visit the Kanhchok Sangkum and the Mirror regularly so they will become your special advisors.

Best regards,

កញ្ចក់សង្គម ៖ ឆ្នាំទី ១១ លេខ ៥៣៨

ក្នុងឆ្នាំ ២០០៩នេះ ប្រទេសកម្ពុជាបានគ្រោងបង្កើតនូវចំណូលពន្ធពីល្បែងស៊ីសងឲ្យបាន ១២,៥ភាគរយ ប៉ុន្តែជាមួយគ្នានេះឲ្យបានពីលើពន្ធដែលប្រាប់កាលពីឆ្នាំ ២០០៨ ។

នៅក្នុងឆ្នាំ ២០០៨ ប្រទេសកម្ពុជាបានកើននៅចំណូលពន្ធពីឧស្សាហកម្មល្បែងស៊ីសងគ្រប់ប្រភេទចំនួន ២០លានដុល្លារ ទាំងអស់នេះគឺជាបទពិសោធន៍ និង ការឆ្លើយតប និង បញ្ជាក់របស់ លោក ជា ម៉េងឈៀង រដ្ឋលេខាធិការក្រសួងសេដ្ឋកិច្ច និង ហិរញ្ញវត្ថុ នៅថ្ងៃទី ១៩ ខែ កុម្ភៈ ឆ្នាំ ២០០៩ និង ក្រុមអ្នកសារព័ត៌មានដែលបានធ្វើការផ្ដោតសួរនឹងសមាគមលោកនៅជុំវិញការប្រមូលយកពន្ធពីវង់ល្បែងស៊ីសង ក៏ប៉ុន្តែចំណូលពន្ធនោះវាមិនអាចកើនទៅតាមការចង់បានរបស់រដ្ឋាភិបាលកម្ពុជានោះទេ ពីព្រោះថាបើយោងតាមការបញ្ជាក់ឲ្យដឹងរបស់លោករដ្ឋលេខាធិការរូបនោះជាមួយភ្ញៀវដែលបានមកលេងនៅកាស៊ីណូ បានមានការធ្លាក់ចុះដោយសារតែវិបត្តិសេដ្ឋកិច្ចពិភពលោកនេះឯង ។

នៅក្នុងគោលបំណងឆ្លើយតបទៅតាមតម្រូវការរបស់អ្នកទេសចរ កម្ពុជាបានសម្រេចធ្វើឲ្យក្លាយទៅជាច្បាប់ក្នុងការបង្កើតកាស៊ីណូល្បែងស៊ីសងច្រើនប្រភេទផ្សេងៗទៀត ដូចជាស្លុតម៉ាស៊ីនជាដើម ដែលសព្វថ្ងៃកំពុងរីកដូចផ្សិតនៅទីក្រុងភ្នំពេញ និង នៅតាមបណ្ដាខេត្តធំៗ ។

ទាំងនេះបានធ្វើឲ្យគណបក្សប្រឆាំង និង អង្គការក្រៅរដ្ឋាភិបាលមួយចំនួនបានធ្វើការរិះគន់មកលើរដ្ឋាភិបាលមានវត្តមាននៃល្បែងស៊ីសងបានបង្កឲ្យមានអសន្តិសុខសង្គម ។

សូមបញ្ជាក់ថា កាស៊ីណូមានជាង២០កន្លែងនៅប្រទេសកម្ពុជា តែភាគច្រើននៅតាមច្រកព្រំដែនជាមួយប្រទេសជិតខាង ។

រដ្ឋលេខាធិការក្រសួងសេដ្ឋកិច្ច លោក ជា ម៉េងឈៀង បានបញ្ជាក់អំពីសារៈសំខាន់នៃការធ្វើឲ្យមានការស្របច្បាប់នៃឧស្សាហកម្មល្បែងស៊ីសងថាធ្វើយ៉ាងនេះគឺងាយស្រួលនៅក្នុងការគ្រប់គ្រងកន្លែងល្បែងស៊ីសង ពីព្រោះបើមិនធ្វើឲ្យមានការស្របច្បាប់កំពុងតែបើកឲ្យធ្វើអាជីវកម្មនៅល្បែងស៊ីសងដោយលួចលាក់ដែរ ។

គួររំលឹកឡើងវិញដែរថាក្នុងអង្គប្រជុំគណៈរដ្ឋមន្ត្រីកាលពីថ្ងៃទី ១៩ ខែ ធ្នូ ឆ្នាំ ២០០៩ កន្លងមកនេះ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាអាណត្តិទី៤ នេះបានបញ្ជាឲ្យក្រសួងសេដ្ឋកិច្ច និង ហិរញ្ញវត្ថុ ចុះតាមដានពិនិត្យនៅតាមសណ្ឋាគារណាដែលមានក្លឹបកម្សាន្ត ឬ មណ្ឌលកម្សាន្តអេឡិចត្រូនិកគ្រប់ប្រភេទ (ម៉ាស៊ីនស្លឹប) ដែលមិនអនុញ្ញាតឲ្យប្រជាពលរដ្ឋខ្មែរចូលលេងជាដាច់ខាត ។ បើមានការខុសឆ្គងប្រកាសណាមួយ ដូចជាអនុញ្ញាតឲ្យប្រជាពលរដ្ឋខ្មែរចូលលេងនោះ ក្រសួងសេដ្ឋកិច្ច និង ហិរញ្ញវត្ថុ ត្រូវតែដកហូតអាជ្ញាប័ណ្ណ ឬ បញ្ឈប់អាជីវកម្មក្នុងរយៈពេល ២៤ម៉ោងភ្លាម ។

សម្ដេចតេជោ ហ៊ុន សែន បានចេញបញ្ជាឲ្យអគ្គស្នងការនគរបាលជាតិ និង មេកងរាជអាវុធហត្ថលើផ្ទៃប្រទេស ត្រូវតែចុះត្រួតពិនិត្យអាជ្ញាប័ណ្ណ និង បញ្ឈប់ការធ្វើអាជីវកម្មទាំងនោះដែលមិនគោរពទៅតាមសារាចរណែនាំរបស់រាជរដ្ឋាភិបាលដែលបានចេញបញ្ជាកាលពីថ្ងៃទី ៤ ខែ ធ្នូ ឆ្នាំ ២០០៨ កន្លងមកនេះ ។

លោក ទូច ណារ៉ុថ ស្នងការនគរបាលជាតិក្រុងភ្នំពេញ បាននិយាយថា ចំពោះល្បែងភ្នាល់បាល់របស់ក្រុមហ៊ុន Cambosix គឺជាល្បែងមួយស្របច្បាប់ ហើយចំពោះកាស៊ីណូ គឺមានតែកាស៊ីណូ Naga មួយតែប៉ុណ្ណោះ នៅទីក្រុងភ្នំពេញ ដែលស្របច្បាប់ ហើយកាស៊ីណូ Naga នេះមិនបានអនុញ្ញាតឲ្យប្រជាពលរដ្ឋខ្មែរចូលលេងនោះទេ ហើយបើមានប្រជាពលរដ្ឋខ្មែរចូលលេងនោះ គឺត្រូវបិទ ឬ ដកអាជ្ញាប័ណ្ណក្នុងរយៈពេល ២៤ម៉ោងភ្លាម បើមិនគោរពទៅតាមសារាចរណែនាំរបស់ប្រមុខរដ្ឋាភិបាលកម្ពុជាដែលបានចេញបញ្ជាកាលថ្ងៃទី ៤ ខែ ធ្នូ ឆ្នាំ ២០០៨ មកនេះ ៕ កាសែតខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៤៨ ថ្ងៃទី ២៤ ខែ កុម្ភៈ ឆ្នាំ ២០០៩

កាសែតដែលចេញលក់នៅ
ថ្ងៃ អង្គារ ទី ២៤ ខែ កុម្ភៈ ឆ្នាំ ២០០៩

ដើមអម្ពិល ឆ្នាំទី ៣ លេខ ១២៣ ថ្ងៃ អង្គារ ទី ២៤ ខែ កុម្ភៈ ឆ្នាំ ២០០៩

អ៊ីស្រាអែលគ្រោងទស្សនកិច្ចកម្ពុជានៅខែមីនា ដើម្បីវិនិយោគកសិកម្ម និង ទូរគមនាគមន៍
ប៉ូលិស ទាហាន ១ម៉ឺននាក់ ត្រៀមការពារអគាររដ្ឋាភិបាលពី ក្រុមអាវក្រហម [ប្រទេសថៃ]

កម្ពុជាថ្មី ឆ្នាំទី ៨ លេខ ១៨៨១ ថ្ងៃ អង្គារ ទី ២៤ ខែ កុម្ភៈ ឆ្នាំ ២០០៩

វារីអគ្គិសនី [២កន្លែង ដែលមានអានុភាពផលិតថាមពល ៣៧០គីឡូវ៉ុល និង ៣០០គីឡូវ៉ុល] ដែលជាជំនួយឥតសំណងរបស់រាជរដ្ឋាភិបាលជប៉ុន ត្រូវបានសម្ពោធជាផ្លូវការ [ខេត្តមណ្ឌលគិរី]
វៀតណាមបើកសម្ពោធរោងចក្រចំរាញ់ប្រេងកាតលើកដំបូងរបស់ខ្លួន [ដែលមានតម្លៃ ២,៥ពាន់លានដុល្លារ]

ខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៤៨ ថ្ងៃ អង្គារ ទី ២៤ ខែ កុម្ភៈ ឆ្នាំ ២០០៩

កម្ពុជាគ្រោងបង្កើតនូវពន្ធពីល្បែងស៊ីសងគ្រប់ប្រភេទ ១២,៥ភាគរយ ពីលើពន្ធឆ្នាំ ២០០៨
ប្រជាពលរដ្ឋស្រុកគាស់ក្រឡ ខេត្តបាត់ដំបង [ប្រមាណ ២០០នាក់] លើកគ្នាទៅតវ៉ាមុខផ្ទះ សម្ដេច ហ៊ុន សែន ស្វែងរកយុត្តិធម៌ [ជុំវិញបញ្ហាទំនាស់ដីធ្លី]

កោះសន្តិភាព ឆ្នាំទី ៤២ លេខ ៦៥៨៦ ថ្ងៃ អង្គារ ទី ២៤ ខែ កុម្ភៈ ឆ្នាំ ២០០៩

ប្រជុំកំពូលអាស៊ាននៅហួហ៊ីន សម្ដេចតេជោ ក៏នឹងមានគំរោងចូលគាល់ព្រះមហាក្សត្រថៃ និង សមភាគីឯទៀត
ប៉ូលិសឆ្មក់ចូលបង្ក្រាបទីតាំងលួចលាក់កែច្នៃគ្រឿងញៀន ចាប់ខ្លួនប្រុស៣នាក់ [ជនជាតិតៃវ៉ាន់] និង ស្ត្រីម្នាក់ [ជនជាតិវៀតណាម - ភ្នំពេញ]

មនសិការខ្មែរ ឆ្នាំទី ១៦ លេខ ៣៦៩៥ ថ្ងៃ អង្គារ ទី ២៤ ខែ កុម្ភៈ ឆ្នាំ ២០០៩

ទូតអាមេរិកចំណាយលុយ ២០លានដុល្លារ ដើម្បីពង្រឹងយុត្តិធម៌ និង សិទ្ធិមនុស្សនៅកម្ពុជា [ដោយបង្កើតអង្គភាពសិទ្ធិមនុស្សចំនួន២ គឺគណៈកម្មាធិការសិទ្ធិមនុស្សថ្នាក់ជាតិ និង គណៈកម្មាធិការសិទ្ធិមនុស្សអាស៊ាន]

រស្មីកម្ពុជា ឆ្នាំទី ១៧ លេខ ៤៨២៩ ថ្ងៃ អង្គារ ទី ២៤ ខែ កុម្ភៈ ឆ្នាំ ២០០៩

ADB ប្រជុំស្វែងរកដំណោះស្រាយផលប៉ះពាល់ដែលបណ្ដាលមកពីគម្រោងអភិវឌ្ឍន៍
គប់គ្រាប់បែករបួសមនុស្ស ៩នាក់ ៖ ឃាត់ខ្លួនជនសង្ស័យ ៤នាក់ [ខេត្តបាត់ដំបង]
ឡានកិនខ្ទេចក្បាលពេលជិះម៉ូតូចែកសំបុត្រការ ៖ កូនក្រមុំយំបោកខ្លួន [ភ្នំពេញ]

សម្លេងយុវជនខ្មែរ ឆ្នាំទី ១៦ លេខ ៣៤៨៨ ថ្ងៃ អង្គារ ទី ២៤ ខែ កុម្ភៈ ឆ្នាំ ២០០៩

ក្លឹបអ្នកកាសែតអំពាវនាវស្វែងរកជនល្មើសលើអ្នកកាសែតផ្សេងទៀត បន្ទាប់ពីចាប់ខ្លួនជនសង្ស័យបាញ់ចាងហ្វាងកោះសន្តិភាព

http://women.open.org.kh/

* ត្រឡប់ទៅខាងលើវិញ

ការដឹកជញ្ជូនផ្លូវគោកឆ្លងកាត់ព្រំដែន ៖ វៀតណាម ឡាវ ថៃ – ថ្ងៃ ចន្ទ ទី ២៣ កុម្ភៈ ២០០៩

kanhchoksangkum — Tue, 24 Feb 2009 01:00:12 +0000

Dear Readers,

We do hope you will visit the Kanhchok Sangkum and the Mirror regularly so they will become your special advisors.

Best regards,

កញ្ចក់សង្គម ៖ ឆ្នាំទី ១១ លេខ ៥៣៨

ការដឹកជញ្ជូនតាមផ្លូវគោក ឬ ការដឹកតាមផ្លូវថ្នល់ ជាផ្នែកមួយដ៏សំខាន់នៃប្រព័ន្ធដឹកជញ្ជូនរបស់ប្រទេសកម្ពុជាបំពេញតួនាទីយ៉ាងសំខាន់ក្នុងវិស័យសេដ្ឋកិច្ចជាតិ សម្រួលដល់ការធ្វើដំណើររបស់ប្រជាជន អ្នកទេសចរ ការចែកចាយផលិតផលនាំចេញ នាំចូល និង ផលិតផលក្នុងស្រុក ព្រមទាំងជួយសម្រួលដល់វិស័យឯទៀតៗជាច្រើន ។

កាលពីសម័យមុន ការដឹកជញ្ជូនតាមផ្លូវគោកបានប្រព្រឹត្តទៅនៅតែក្នុងស្រុកប៉ុណ្ណោះ និង ដោយមធ្យោបាយដែលគេបានចាត់ទុកថាមិនទំនើបឡើយ ។ ប៉ុន្តែនៅពេលបច្ចុប្បន្ន ជាពិសេសក្នុងសមាហរណកម្មរបស់ប្រទេសកម្ពុជានៅក្នុងតំបន់ ការដឹកជញ្ជូនតាមផ្លូវគោកបានលាតសន្ធឹងហួសដែនដីរបស់ប្រទេសទៅទៀត ដែលបានបង្កលក្ខណៈងាយស្រួល ជាពិសេសដល់ការផ្លាស់ប្ដូរទំនិញ និង អ្នកដំណើរ-អ្នកទេសចរ រវាងប្រទេសនិងប្រទេស រវាងប្រទេសនិងតំបន់ទាំងមូល ។

ប្រទេសកម្ពុជាជាសមាជិកមួយនៃមហាអនុតំបន់មេគង្គ (សមាជិក) មានប្រទេសកម្ពុជា ប្រទេសចិន ប្រទេសភូមា ប្រទេសថៃ ប្រទេសឡាវ និង ប្រទេសវៀតណាម ដែលបាននិងកំពុងត្រៀមខ្លួនជាស្រេចដើម្បីអនុវត្តការងារដឹកជញ្ជូនទំនិញ និង ពលរដ្ឋឆ្លងកាត់ព្រំដែនរវាងបណ្ដាប្រទេសទាំងនេះ ។ ការអនុវត្តន៍ការដឹកជញ្ជូនឆ្លងកាត់ព្រំដែនជាលក្ខណៈតំបន់នេះ មិនទាន់បានអនុវត្តពេញលេញនៅឡើយទេ ។
កិច្ចព្រមព្រៀងដឹកជញ្ជូនផ្លូវគោក កម្ពុជា-វៀតណាម

ប្រទេសកម្ពុជា និង ប្រទេសវៀតណាម បានចុះហត្ថលេខាលើកិច្ចព្រមព្រៀងស្ដីពីការដឹកជញ្ជូនតាមផ្លូវគោកនៅឆ្នាំ ១៩៩៨ ហើយបានចាប់ផ្ដើមអនុវត្តការងារនេះនៅចុងឆ្នាំ ២០០៦ ។ រហូតមកដល់ពេលនេះមានរថយន្តពាណិជ្ជកម្មចំនួន៤០គ្រឿង សម្រាប់ភាគីនីមួយៗបានទទួលការអនុញ្ញាតឲ្យធ្វើប្រតិបត្តិការដឹកជញ្ជូនទំនិញ និង អ្នកដំណើររវាងប្រទេសទាំងពីរ ដោយឆ្លងកាត់តាមច្រកទ្វារព្រំដែនអន្តរជាតិមួយចំនួន ដូចជាច្រកបាវិត នៅខេត្តស្វាយរៀង ផ្លូវជាតិលេខ១ ច្រកភ្នំដិន នៅខេត្តតាកែវ ផ្លូវជាតិលេខ២ និង ច្រកត្រពាំងផ្លុង នៅខេត្តកំពង់ចាម ផ្លូវជាតិលេខ៧ និង ៧២ ។ ច្រកទ្វារព្រំដែនអន្តរជាតិមួយចំនួនទៀតដូចជា ច្រកព្រែកចាប នៅខេត្តកំពត ផ្លូវជាតិលេខ៣ និង ៣៣ ច្រកត្រពាំងស្រែ នៅខេត្តក្រចេះ ផ្លូវជាតិលេខ៧ និង ៧៨ ច្រកអូររាំង នៅខេត្តមណ្ឌលគិរី ផ្លូវជាតិលេខ៧៦ និង ច្រកអូរយ៉ាដាវ ផ្លូវជាតិលេខ៧៨ ក៏ត្រូវបានអនុញ្ញាតឲ្យប្រើប្រាស់ផងដែរ ប៉ុន្តែស្ថានភាពផ្លូវនៅមានកម្រិតនៅឡើយ ។

នៅពេលខាងមុខដ៏ខ្លីនេះ ប្រទេសកម្ពុជានិងវៀតណាមនឹងសម្រេចបើកបន្ថែមចំនួនកូតារថយន្តសម្រាប់ភាគីនីមួយៗរហូតដល់១៥០គ្រឿង ដែលធ្វើឲ្យការដឹកជញ្ជូនទំនិញ និង អ្នកដំណើរ ឬ អ្នកទេសចរ មានលក្ខណៈកាន់តែប្រសើរឡើងៗសម្រាប់ការអភិវឌ្ឍន៍រីកចម្រើននៃសេដ្ឋកិច្ចជាតិ ។

កិច្ចព្រមព្រៀងដឹកជញ្ជូនផ្លូវគោក កម្ពុជា-ឡាវ
ប្រទេសកម្ពុជា និង ប្រទេសឡាវ បានចុះហត្ថលេខាលើកិច្ចព្រមព្រៀងដឹកជញ្ជូនតាមផ្លូវគោកនៅឆ្នាំ ១៩៩៩ ។ ការអនុវត្តន៍កិច្ចព្រមព្រៀងនេះអាចប្រព្រឹត្តទៅបានដរាបណាមានពិធីសារ ដែលចែងអំពីបញ្ញត្តិអនុវត្តកិច្ចព្រមព្រៀងនេះ ។ ពិធីសារនេះត្រូវបានចុះហត្ថលេខារួចហើយនៅចុងឆ្នាំ ២០០៧ ។ បន្ថែមលើនេះទៀត អនុស្សរណៈមួយដែលចែងលំអិតអំពីការសម្រួលអនុវត្តកិច្ចព្រមព្រៀងនេះក៏ត្រូវបានចុះហត្ថលេខាដែរ ដោយភាគីទាំងពីរនៅដើមឆ្នាំ ២០០៨ ។

ក្នុងកិច្ចប្រជុំទ្វេភាគីគឺជាលើកទី១ រវាងភាគីទាំងពីរ នៅថ្ងៃទី ១៤ – ១៦ ខែ មករា ឆ្នាំ ២០០៩ នៅខេត្តស្ទឹងត្រែង និង ដោយមានចំណាត់ការជាបន្តបន្ទាប់របស់ភាគីនីមួយៗ ការដឹកជញ្ជូនទំនិញ និង អ្នកដំណើររវាងប្រទេសទាំងពីរនឹងចាប់ផ្ដើមដំណើរការនៅដើមខែមេសា ឆ្នាំ ២០០៩ នៅតាមច្រកទ្វារព្រំដែនអន្តរជាតិត្រពាំងក្រៀល ខេត្តស្ទឹងត្រែង ។

ការដឹកជញ្ជូនអ្នកដំណើរនៅតាមច្រកនេះ នៅក្នុងពេលបើកប្រតិបត្តិការដឹកជញ្ជូនឆ្លងកាត់ គឺស្ថិតនៅជាដំណាក់កាលសាកល្បងនៅឡើយ ក្នុងនោះភាគីនីមួយៗបានអនុញ្ញាតឲ្យរថយន្តដឹកអ្នកដំណើរចំនួន៥គ្រឿង ធ្វើដំណើរនៅក្នុងកំណាត់ផ្លូវនីមួយៗ ជាអាទិ៍ រថយន្តកម្ពុជាចំនួន៥គ្រឿង សម្រាប់ធ្វើដំណើរលើកំណាត់ផ្លូវប៉ាក់សេ (ខេត្តចំប៉ាសាក់ ប្រទេសឡាវ) – ខេត្តស្ទឹងត្រែង រថយន្តកម្ពុជាចំនួន៥គ្រឿង សម្រាប់ធ្វើដំណើរលើកំណាត់ផ្លូវប៉ាក់សេ – ខេត្តសៀមរាប រថយន្តកម្ពុជាចំនួន៥គ្រឿង សម្រាប់ធ្វើដំណើរលើកំណាត់ផ្លូវប៉ាក់សេ រាជធានីភ្នំពេញ និង រថយន្តកម្ពុជាចំនួន៥គ្រឿង សម្រាប់ធ្វើដំណើរលើកំណាត់ផ្លូវរាជធានីភ្នំពេញ – ទីក្រុងវៀងចន្ទន៍ ។ជាសរុបក្នុងប្រតិបត្តិការដឹកជញ្ជូនអ្នកដំណើរ រថយន្តដឹកអ្នកដំណើររបស់កម្ពុជាអាចមានរហូតដល់២០គ្រឿង សម្រាប់ការងារប្រតិបត្តិការសាកល្បងនេះ ។

ប្រតិបត្តិករ ឬ សហគ្រាសដឹកជញ្ជូនអ្នកដំណើរ ឬ ក្រុមហ៊ុនអ្នកដំណើរដែលមានលក្ខណសម្បត្តិគ្រប់គ្រាន់ ឬ បានទទួលការអនុញ្ញាតដឹកជញ្ជូនឆ្លងកាត់ព្រំដែនកន្លងមក ជាពិសេសបានធ្វើប្រតិបត្តិការដឹកជញ្ជូនអ្នកដំណើរឆ្លងកាត់ព្រំដែន នឹងមានឱកាសដើម្បីចូលរួមក្នុងប្រតិបត្តិការនេះ ។ គួរកត់សម្គាល់ថា ចាប់ពីពេលនេះតទៅរហូតដល់ពេលវេលាបើកប្រតិបត្តិការដឹកជញ្ជូនឆ្លងកាត់ព្រំដែននៅតាមច្រកទ្វារព្រំដែនអន្តរជាតិត្រពាំងក្រៀល នៅមានពេលតិចតួចប៉ុណ្ណោះសម្រាប់ក្រុមហ៊ុន ឬ ប្រតិបត្តិករដែលមានបំណងប្រកបមុខរបរដឹកអ្នកដំណើរនៅតាមច្រកនេះ ដើម្បីធ្វើការស្វែងយល់បន្ថែមអំពីស្ថានភាពទីផ្សារនៅខេត្តចំប៉ាសាក់ និង ទីក្រុងវៀងចន្ទន៍ និង បំពេញតាមលក្ខណៈសម្បត្តិដែលកំណត់នៅក្នុងច្បាប់ និង បទបញ្ជាជាធរមាននានាដើម្បីឲ្យដំណើរការរបស់ខ្លួនប្រព្រឹត្តទៅដោយរលូន និង មានភាពឈ្នះលើការងារប្រកួតប្រជែងក្នុងទីផ្សារនេះ ។

លេខាធិការដ្ឋានបច្ចេកទេសរបស់គណៈកម្មាធិការជាតិសម្រាប់សម្រួលការដឹកជញ្ជូនឆ្លងកាត់ដែលមានទីតាំងនៅអគ្គនាយកដ្ឋានដឹកជញ្ជូននៃក្រសួងសាធារណការ និង ដឹកជញ្ជូន នឹងជួយសម្រួលរាល់ការងារចាំបាច់របស់ប្រតិបត្តិការស្របតាមនីតិវិធីច្បាប់ ។

កិច្ចព្រមព្រៀងដឹកជញ្ជូនតាមផ្លូវគោក កម្ពុជា-ថៃ

ប្រទេសកម្ពុជា និង ប្រទេសថៃ បានចុះហត្ថលេខាលើអនុស្សរណៈស្ដីពីការផ្លាស់ប្ដូរសិទ្ធិធ្វើចរាចរនៅដើមឆ្នាំ ២០០៩ ។ ក្នុងអនុស្សរណៈនោះ ភាគីទាំងពីរនឹងអនុញ្ញាតឲ្យយានយន្តពាណិជ្ជកម្មចំនួន ៤០ លិខិតអនុញ្ញាតដើម្បីធ្វើដំណើរដឹកជញ្ជូនទំនិញ និង អ្នកដំណើរនៅតាមច្រកទ្វារព្រំដែនអន្តរជាតិប៉ោយប៉ែត ។ ការដឹកជញ្ជូនឆ្លងកាត់ជាលក្ខណៈទ្វេភាគីនៅតាមច្រកនេះនៅមិនទាន់បានអនុវត្តនៅឡើយទេ ដោយសារមូលហេតុមួយចំនួន ៕ កាសែតរស្មីកម្ពុជា ឆ្នាំទី ១៧ លេខ ៤៨៨០ ថ្ងៃទី ២២ – ២៣ ខែ កុម្ភៈ ឆ្នាំ ២០០៩

កាសែតដែលចេញលក់នៅ
ថ្ងៃ ចន្ទ ទី ២៣ ខែ កុម្ភៈ ឆ្នាំ ២០០៩

បាគង ឆ្នាំទី ១០ លេខ ២៥៤ ថ្ងៃ ចន្ទ – អង្គារ ទី ២៣ ខែ កុម្ភៈ ឆ្នាំ ២០០៩

ព្រៃលិចទឹកត្រីពង [ប្រមាណជា ២០០ហិកតារ] ត្រូវបានក្រុមហ៊ុន ខូវជឺលី អភិវឌ្ឍន៍ឈូសឆាយបំផ្លាញនៅខេត្តសៀមរាប [ដើម្បីទន្ទ្រានយកដី]

ជាតិខ្មែរ ឆ្នាំទី ១ លេខ ២៣ ថ្ងៃ ចន្ទ ទី ២៣ ខែ កុម្ភៈ ឆ្នាំ ២០០៩

លោក សម រង្ស៊ី ៖ រដ្ឋសភាមិនថោកកោះប្រជុំដកអភ័យឯកសិទ្ធិករណីលុយ ១០លានរៀល [នៃបណ្ដឹងរបស់គណៈកម្មការជាតិរៀបចំការបោះឆ្នោតចំពោះការប្រមាថមេដឹកនាំរបស់គណបក្សប្រជាជនកម្ពុជា] ទេ
សាលាក្ដីខ្មែរក្រហមល្បីពុករលួយ ប្រកាសរកជំនួយ ៥លានដុល្លារ

ដើមអម្ពិល ឆ្នាំទី ៣ លេខ ១២២ ថ្ងៃ អាទិត្យ – ចន្ទ ទី ២២ – ២៣ ខែ កុម្ភៈ ឆ្នាំ ២០០៩

វៀតណាមបានជួយហ្វឹកហ្វឺនទាហានកម្ពុជាជាង ៤ពាន់នាក់ នាពេលកន្លងមក
ឥណ្ឌាពន្យារពេលចុះកិច្ចសន្យាព្រមព្រៀងពាណិជ្ជកម្មសេរីជាមួយអាស៊ាន [ដោយសារតែទទួលរងនូវការជះឥទ្ធិពលយ៉ាងខ្លាំងពីវិបត្តិហិរញ្ញវត្ថុនៅក្នុងប្រទេសឥណ្ឌា]

ដើមត្នោត ឆ្នាំទី ២ លេខ ៥៨ ថ្ងៃ ចន្ទ – អង្គារ ទី ២៣ – ២៤ ខែ កុម្ភៈ ឆ្នាំ ២០០៩

ចៅក្រម និង ព្រះរាជអាជ្ញាដែលដល់អាយុចូលនិវត្តន៍ ប៉ុន្តែមិនត្រូវបានដាក់ឲ្យចូលនិវត្តន៍ ក្លាយជាមុខសញ្ញានៃការរិះគន់

កម្ពុជាថ្មី ឆ្នាំទី ៨ លេខ ១៨៨០ ថ្ងៃ អាទិត្យ – ចន្ទ ទី ២២ – ២៣ ខែ កុម្ភៈ ឆ្នាំ ២០០៩

[ប្រធានរដ្ឋសភាជាតិ] សម្ដេច ហេង សំរិន អំពាវនាវឲ្យប្រទេសវៀតណាមបន្តពង្រីកការងារវិនិយោគសេដ្ឋកិច្ចទេសចរណ៍ និង យោធា
ជនជាតិសៀមចាប់ជំរិតគ្នាទារប្រាក់លើទឹកដីខ្មែរ [ស្ត្រីមេខ្លោងដែលជាជនជាតិសៀមនោះនៅមិនទាន់ចាប់បាននៅឡើយ - ខេត្តបាត់ដំបង]
ស្ដេចថៃបានអត់អោនទោសចំពោះអ្នកនិពន្ធអូស្ត្រាលី [ដែលបានជាប់គុកពីបទប្រមាថមើលងាយស្ដេចថៃ]

ខ្មែរម្ចាស់ស្រុក ឆ្នាំទី ៣ លេខ ៣៥០ ថ្ងៃ អាទិត្យ – អង្គារ ទី ២២ – ២៤ ខែ កុម្ភៈ ឆ្នាំ ២០០៩

គ្មានសែ ជា ស៊ីម និង ស ខេង ណាម្នាក់នៅក្នុងបញ្ជីសែស្រឡាយអ្នកលួចជាតិ និង ប្រទេសសំរាប់លក់ [របស់អង្គការ Global Witness]

កោះសន្តិភាព ឆ្នាំទី ៤២ លេខ ៦៥៨៥ ថ្ងៃ ចន្ទ ទី ២៣ ខែ កុម្ភៈ ឆ្នាំ ២០០៩

ចាប់ឧក្រិដ្ឋជនក្រុម ហេង ពៅ សំណុំរឿងឃាតកម្ម [ទៅលើចាងហ្វាងកាសែតកោះសន្តិភាព] កាលពី ១១ឆ្នាំមុន ចាប់ផ្ដើមបើកទំព័រថ្មីដើម្បីយុត្តិធម៌
គ្រោះមហន្តរាយដោយខ្យល់ព្យុះ រលំបាក់ផ្ទះជិត ៥០០ខ្នង [បណ្ដាលឲ្យមានមនុស្សរបួសធ្ងន់ចំនួន ៦នាក់ - នៅខេត្តសៀមរាប បន្ទាយមានជ័យ និង ប៉ៃលិន]

រស្មីកម្ពុជា ឆ្នាំទី ១៧ លេខ ៤៨២៨ ថ្ងៃ អាទិត្យ – ចន្ទ ទី ២២ – ២៣ ខែ កុម្ភៈ ឆ្នាំ ២០០៩

ការដឹកជញ្ជូនផ្លូវគោកឆ្លងកាត់ព្រំដែន ៖ វៀតណាម ឡាវ ថៃ
ពលរដ្ឋខ្មែរពីរនាក់ដែលទាហានសៀមព័ទ្ធចាប់ក្នុងព្រៃភ្នំ ត្រូវដោះលែងហើយ [ថៃបានចោទពួកគេថាបានកាប់ព្រៃឈើខុសច្បាប់ក្នុងទឹកដីថៃ ប៉ុន្តែប្រជាជនខ្មែរបាននិយាយថាវាមានចម្ងាយ ២គីឡូម៉ែត្រពីព្រំប្រទល់ កម្ពុជា-ថៃ - ខេត្តឧត្ដរមានជ័យ]
ឆ្នាំ ២០០៩នេះ ខេត្តសៀមរាបទទួលបានជំនួយបោសសម្អាតមីនពីប្រទេសអាល្លឺម៉ង់ចំនួន ១.៣៥០.៥២៣ដុល្លារ
មន្ត្រីអប់រំ ៖ មិនមានការកំណត់អាយុ [សម្រាប់សិស្ស] ចូលប្រឡង [ប្រឡងសញ្ញាប័ត្រមធ្យមសិក្សាបឋមភូមិ និង មធ្យមសិក្សាទុតិយភូមិ] ទៀតទេ

http://women.open.org.kh/

* ត្រឡប់ទៅខាងលើវិញ

ភាពច្របូកច្របល់នៃទិវាវ៉ាឡិនតៃន៍ – ថ្ងៃ អាទិត្យ ទី ១៥ ខែ កុម្ភៈ ឆ្នាំ ២០០៩

kanhchoksangkum — Tue, 24 Feb 2009 00:41:18 +0000

កាសែតភ្នំពេញប៉ុស្តិ៍បានរាយការណ៍ព័ត៌មានកាលពីថ្ងៃសុក្រ ទី ១៣ ខែ កុម្ភៈ ឆ្នាំ ២០០៩ ស្ដីពីលទ្ធផលនៃការសិក្សាស្រាវជ្រាវដោយសង្គមវិទូកម្ពុជាម្នាក់ ឈ្មោះ តុង សុប្រាជ្ញ ដែលមានសេចក្ដីថា ៖

“ការសិក្សាស្រាវជ្រាវបានសាកសួរយុវជននៅក្នុងឱកាសពីរយ៉ាង … ហើយបានឃើញថា ចំនួន ៦១,២ភាគរយនៃអ្នកផ្ដល់ចម្លើយ បានចាត់ទុកទិវាវ៉ាឡិនតៃន៍ ជាថ្ងៃពិសេស ប៉ុន្តែក៏បានឃើញថាភាគច្រើនបានដឹងតិចតួចអំពីប្រភពនៃថ្ងៃនេះតែម្ដង ។ យុវជនភាគច្រើនបានទទួលស្គាល់ថាថ្ងៃនេះមានដើមកំណើតនៅឯបរទេស ដោយមានអ្នកផ្ដល់ចម្លើយជាច្រើនបានដាក់ឈ្មោះថ្មីដល់ឱកាសនេះថាជា ‘ទិវានៃក្ដីស្រឡាញ់’” ។

ចំពោះនិស្សិតទាំងអស់នេះ ការដែលនិយាយថាទិវាវ៉ាឡិនតៃន៍មានលក្ខណៈជាបរទេសនោះ មិនមែនជារឿងអវិជ្ជមានទេ ។ ចំពោះអ្នកខ្លះទៀត វាក៏មិនមែនជារឿងអវិជ្ជមានដែរ ។ កាសែតមួយបានរាយការណ៍ថា ៖ “ប្រជាពលរដ្ឋបានស្នើសុំកុំឲ្យស្ថានីយទូរទស្សន៍ផ្សព្វផ្សាយ ‘ទិវាវ៉ាឡិនតៃន៍’ តាមទូរទស្សន៍ ពីព្រោះវាអាចជំរុញយុវជនឲ្យទទួលយកវប្បធម៌បរទេស” ។ ហើយគេក៏មិនអាចរាយការណ៍ថាតើគេដឹងឬមិនដឹងដែរទេ – ឬក៏យកចិត្តទុកដាក់ចង់ដឹងនោះទេ – នូវប្រភពនៃទិវានេះ និង ឈ្មោះរបស់វា ។ ប៉ុន្តែទោះបីជាខ្លួនជាទូរទស្សន៍មិនបានផ្សព្វផ្សាយពីរឿងនេះក៏ដោយ ក៏មនុស្សជាច្រើនដឹងតាមរបៀបម្យ៉ាងៗរបស់គេ ហើយបានត្រៀមខ្លួនចាំទទួលឱកាសនេះជាស្រេច – មានជើងទម្រសម្រាប់ដាក់ផ្កាលក់ជាច្រើននៅតាមចិញ្ចើមថ្នល់ ជាពិសេសនៅក្បែរសកលវិទ្យាល័យ និង សាលាមធ្យមសិក្សា ពីព្រោះមានសិស្ស និស្សិតចង់ទិញវា ។

មែនហើយ ទិវាវ៉ាឡិនតៃន៍ក៏បានក្លាយជាស្ថាប័នមួយទៅហើយនៅក្នុងប្រទេសដទៃទៀតនៅអាស៊ី ៖ ទីភ្នាក់ងារសារព័ត៌មានចិន ស៊ិនហួរ ណិត មានរូបភាពមួយដ៏ល្អ ដែលមានចំណងជើងថា ៖ “គូស្នេហ៍មួយគូដើរជាមួយគ្នា នៅដៃមានកាន់ផ្កាកូឡាបមួយចាច់ នៅក្នុងទីក្រុងហារប៊ីន ទីរួមខេត្ត ហីឡុងចាង នៃប្រទេសចិនភាគឦសាន នៅថ្ងៃទី ១៤ ខែ កុម្ភៈ ឆ្នាំ ២០០៩ ។ គូស្នេហ៍ជាច្រើនបានទិញផ្កាកូឡាបដើម្បីអបអរទិវាវ៉ាឡិនតៃន៍នេះ” ។

“គូស្នេហ៍មួយគូនាំគ្នាដើរកំសាន្ដក្នុងទីក្រុងហារប៊ីន នៅនឹងដៃមានកាន់ផ្កាកូឡាបមួយបាច់ផង – ប្រភព ៖ http://news.xinhuanet.com/english/2009-
02/14/xin_372020614194431210571.jpg

ពុំមានការសម្ដែងឲ្យឃើញថាគេមានកង្វល់ថានេះជា “ឥទ្ធិពលនៃវប្បធម៌បរទេសនោះឡើយ” ។ ហើយគេកាន់តែភ្ញាក់ផ្អើលច្រើនឡើងទៀតនៅពេលឃើញថាសារព័ត៌មានដដែលនេះក៏មានរូបភាពមួយពីកូរ៉េខាងជើងផងដែរ ដែលមានចំណងជើងថា ៖ “គូស្នេហ៍មួយគូឈរឲ្យគេថតរូបឲ្យនៅកន្លែងតាំងពិពណ៌ ‘ផ្កាគីមជុងអ៊ីល’ ដែលបានប្រព្រឹត្តទៅនៅឯទីក្រុងព្យុងយ៉ាង រដ្ឋធានីនៃសាធារណរដ្ឋប្រជាមានិតប្រជាធិបតេយ្យកូរ៉េ នៅថ្ងៃទី ១៤ ខែ កុម្ភៈ ឆ្នាំ ២០០៩ ។ ពិពណ៌នោះត្រូវប្រព្រឹត្តឡើងដើម្បីរំឭកខួបកំណើតទី៦៧ របស់ លោក គីមជុងអ៊ីល ថ្នាក់ដឹកនាំកំពូលនៃសាធារណរដ្ឋប្រជាមានិតប្រជាធិបតេយ្យកូរ៉េ នៅថ្ងៃខាងមុខនេះ” ។ ពុំមានការនិយាយបញ្ជាក់ពីទិវាវ៉ាឡិនតៃន៍ទេ – ប៉ុន្តែយុវជនម្នាក់ និង យុវនារីម្នាក់ បានថតរូបរួមគ្នានៅពីមុខផ្កាកូឡាបក្រហម នៅថ្ងៃទី ១៤ ខែ កុម្ភៈ – វាហាក់ដូចជាមានន័យពិសេសអ្វីម្យ៉ាងគ្រោងទុក ។

គូស្នេហ៍មួយគូឲ្យគេថតរូបឲ្យនៅកន្លែងតាំងពិពណ៌ ‘ផ្កាគីមជុងអ៊ីល’

ប្រភព ៖ http://news.xinhuaet.com/english/2009-
02/14/xin_35202061420347811815914.jpg

ប៉ុន្តែទោះជាយ៉ាងណាក៏ដោយ កម្ពុជាជាប្រទេសមួយដែលបញ្ហានៃការប៉ះទង្គិចរវាងវប្បធម៌ប្រពៃណី និង ទិវាវ៉ាឡិនតៃន៍ បានក្លាយជាបញ្ហាមួយទៅហើយ ។ ឥណ្ឌាជាប្រទេសមួយទៀត ជាពិសេសតាំងពីពេលមានអំពើហិង្សានាពេលថ្មីៗនេះ មកលើស្ត្រីភេទ – ដែលមានការអះអាងថា នេះគឺដើម្បីការពារវប្បធម៌ឥណ្ឌា ។

សកម្មជនភេទប្រុសរបស់អង្គការ ហិណ្ឌូ ស្រ៊ីរ៉ាម៉ាសេនា បានចូល “ភោជនីយដ្ឋាន និង បារ សតិវិប ល្លាស” [Amnesia Bar and Restaurant] នៅក្នុងទីក្រុងម៉ង់ហ្កាល័រនៃប្រទេសឥណ្ឌា កាលពីល្ងាចថ្ងៃ សៅរ៍ ទី ២៤ ខែ មករា ឆ្នាំ ២០០៩ ហើយបានគំរាមពួកស្ត្រីដែលកំពុងអង្គុយខាងក្នុងទីនោះ។ គេបានជំទាស់នឹងស្ត្រីផឹកស្រា ហើយបានអូសនាងៗទាំងនោះចេញទៅក្រៅ ស្ត្រីខ្លះបានដួល ឬ ត្រូវរុញច្រានឲ្យដួលទៅនឹងដី ។ គេក៏បានប្រាប់ទៅស្ត្រីទាំងនោះថា នាងនឹងប្រឈមនឹងផលវិបាកយ៉ាងធ្ងន់ធ្ងរមិនខានបើសិនជាគេបានឃើញនាងៗនោះនៅក្នុងបារម្ដងទៀត ។ ក្រុមបុរសនោះបានចេញពីបារក្រោយពីបានគំរាមម្ចាស់វាហើយ ។

មនុស្សជាច្រើន រួមមានឥស្សរជននៅឥណ្ឌា និង ខ្លះនៅកម្ពុជា បានថ្កោលទោសលើអំពើហិង្សានេះ ហើយមានការពិភាក្សាជាច្រើនជាសាធារណៈ ។ សំឡេងខ្លះបានស្នើជាយោបល់ថាជនរងគ្រោះប្រហែលជាបានបង្កហេតុឲ្យមានការប្រយុទ្ធយ៉ាងនេះ ដោយសារតែមកពីអាកប្បកិរិយារបស់គេដែលមិនស្របតាមវប្បធម៌ឥណ្ឌា – បើតាមមតិរបស់អ្នករិះគន់ស្ត្រី ។ គេបានស្នើយោបល់ថា គួរតែលើកសរសើរអង្គការ ស្រ៊ីរ៉ាម៉ាសេនា ផងដែរ – អង្គការនេះបានប្រារព្ធពិធីអបអរមហោស្រពប្រពៃណីហិណ្ឌូទាំងអស់យ៉ាងអធិកអធម ហើយបានធ្វើយ៉ាងច្រើនក្នុងការផ្សព្វផ្សាយប្រពៃណីវប្បធម៌ដែលពួកគេបាននិយាយថាមិនត្រូវបានការពារគ្រប់គ្រាន់ ហើយដែលអង្គការនេះត្រូវតែដើរតួជា “ប៉ូលិសសីលធម៌” ។

បន្ទាប់មក នៅថ្ងៃទី ១០ ខែ កុម្ភៈ ក្រុមដែលតាំងខ្លួនជា “ប៉ូលិសសីលធម៌” មួយក្រុម បានឃាត់រថយន្តក្រុងមួយក្នុងទីក្រុង Mangalore ដោយបានដឹងថា នារីសិស្សសាលាហិណ្ឌូម្នាក់ អាយុ១៦ឆ្នាំ បានជិះរថយន្តក្រុងនោះជាមួយមិត្តប្រុសជនជាតិអ៊ីស្លាម ។ ពួកគេបានអូសនាងចេញមកក្រៅ ហើយនាំនាងទៅឲ្យប៉ូលិស ដែលបានទូរស័ព្ទហៅឪពុកម្ដាយនាងឲ្យមកទទួលនាងយកទៅវិញ ។ នាងមិនអាចទ្រាំនឹងការខ្មាសអៀនជាសាធារណៈ ហើយក៏បានសម្លាប់ខ្លួនឯងនៅថ្ងៃបន្ទាប់ ។

អំពើហិង្សាបានបន្តមកទៀត ៖ នៅក្បែរវិមាន តជ ម៉ាហាល់ សាងពីថ្មម៉ាប ពណ៌ស ដ៏ល្បីល្បាញ អ្នកប្រពៃណីនិយមដុះស្លែបានប្រយុទ្ធទៅលើគូស្នេហ៍បីគូ ហើយបានកាត់សក់របស់គេដើម្បីឲ្យពួកគូស្នេហ៍នោះខ្មាសគេ ។ អ្នកដទៃទៀតបានវាយកម្ទេច និង ដុតហាងលក់ប័ណ្ណជូនពរក្នុងទិវាវ៉ាឡិនតៃន៍ ហើយអ្នកខ្លះបានចូលក្នុងភោជនីយដ្ឋានរកមើលគូស្នេហ៍ដែលកំពុងបរិភោគអាហាររួមគ្នាក្នុងឱកាសទិវាវ៉ាឡិនតៃន៍ដ៏ពិសេសនេះ ។ ក្នុងករណីខ្លះ គេបានគំរាមថាគេនឹងចាប់បង្ខំគូស្នេហ៍ណាមួយឲ្យគេរៀបការភ្លាមៗ ដើម្បីធ្វើឲ្យមានឡាក់ឋានពេញច្បាប់” ចំពោះអាកប្បកិរិយារបស់គេដែលជាការបង្ហាញថាគេពិតជាស្រឡាញ់គ្នាទៅវិញទៅមក – មានការឆ្មក់ចូលលុកមណ្ឌលហាងលក់ទំនិញដែលមានយុវជនឧស្សាហ៍ទៅ ហើយដើរក្រឡឹងទៅមកៗដោយកាន់ដៃគ្នា ។

ក្នុងចន្លោះពេលនោះ មនុស្សខ្លះដែលបានប្រព្រឹត្តអំពើហិង្សាត្រូវបានចាប់ខ្លួន – ប៉ុន្តែ ជាញឹកញាប់រដ្ឋអំណាចច្រើនតែចេញសកម្មភាពយឺត ដោយជនរងគ្រោះត្រូវបានចាត់ទុកថាបានបំពានលើវប្បធម៌ប្រពៃណី ។

លោក មធុ ចន្ទ្រា ជាសកម្មជនសិទ្ធិមនុស្សម្នាក់ដ៏ល្បីល្បាញ បានការពារយ៉ាងខ្លាំងក្លានូវសិទ្ធិសេរីភាពស៊ីវិលរបស់គូស្នេហ៍ ។ “វាជាសិទ្ធិរបស់ពលរដ្ឋឥណ្ឌាម្នាក់ៗក្នុងការបញ្ជាក់បង្ហាញសេចក្ដីស្នេហារបស់យើងតាមរបៀបផ្សេងៗគ្នា ដែលគួរឲ្យទទួលយកបានតាមរបៀបឥណ្ឌា ឬ តាមរបៀបអង់គ្លេស ឬ តាមរបៀបអ៊ីស្លាម” ។

តែទោះជាយ៉ាងណាក៏ដោយ នៅពេលដែលយុវនារីមួយក្រុម ភាគច្រើនជានិស្សិត បានចាប់ផ្ដើមទាមទារសិទ្ធិរបស់ខ្លួនជាសាធារណៈ ព្រមទាំងប្រយុទ្ធដើម្បីទទួលបានសិទ្ធិរបស់ខ្លួនមកវិញតាមរបៀបប្លែកខុសពីធម្មតា ភ្លាមនោះការយកចិត្តទុកដាក់ធំធេងក៏ស្រាប់តែត្រូវបានបង្កើតឡើងភ្លាមដែរ ។ សម្លេងខ្លះនៃសម្លេងទាំងនេះត្រូវបានបង្ហាញឲ្យឃើញតាមអ៊ីនធឺណិត ៖

“យើងទាំងអស់ជា bloggers [អ្នកធ្វើកំណត់ហេតុបណ្ដាញតាមវ៉ិបសាយ] កំពុងធ្វើការតវ៉ាដោយកាន់ដៃគ្នាប្រឆាំងនឹងការជ្រៀតជ្រែកមកលើសិទ្ធិរបស់យើងក្នុងការកាន់ដៃគ្នា ហើយដើរចេញចូលក្នុងកន្លែងផឹកកាហ្វេ ឬ ភេសជ្ជៈផ្សេងៗ ឬ ទីណាមួយផ្សេងទៀតដោយមិនត្រូវបានគេវាយដំ ឬ ត្រូវធ្វើបាបដើម្បីសិទ្ធិនោះដែរ” ។

“ក្នុងវប្បធម៌ឥណ្ឌា នារីម្នាក់អាចជាម្ចាស់គ្រឹះស្ថានពាណិជ្ជកម្មមួយ ឬ ជាវេជ្ជបណ្ឌិត ជាគ្រូបង្រៀន ជាម្ដាយ ឬមួយនាងក៏អាចត្រឹមតែពលរដ្ឋពេញវ័យម្នាក់ទៀតប៉ុណ្ណោះ ។ បំណងប្រាថ្នារបស់នារីម្នាក់គេមិនគិតថាសំខាន់ទេ ។ វាក៏គ្មានន័យអ្វីដែរ … ហើយគេឃើញមានអ្នកជិតខាង និង មនុស្សចាស់ៗជាអនក្ខរជនពាក់កណ្ដាល ហើយឥឡូវសូម្បីតែឧក្រិដ្ឋជនក្នុងស្រុកក៏កំពុងតែសម្រេចថាតើនាងត្រូវអនុញ្ញាតឲ្យស្លៀកពាក់ដូចម្ដេច តើនាងត្រូវរួមរស់ក្នុងសង្គមដូចម្ដេច ព្រមទាំងថា តើត្រូវបរិភោគអាហារអ្វី ឬ ភេសជ្ជៈអ្វីដែរ ?

“ហេតុអ្វីបានជាយើងសូមអភ័យទោសចំពោះវប្បធម៌របស់យើង? យើងត្រូវតែស្មោះត្រង់ ។ វាចាំបាច់ត្រូវតែមើលឃើញកំណែទម្រង់សំខាន់ៗ”។

ដោយពួកគេត្រូវបានចោទប្រកាន់ជា “នារីចូលចិត្តចេញចូលតៀមស្រា/កាហ្វេ ធូររលុង និង ជានារីទំនើប” នារីមួយក្រុមបានបង្កើតអង្គការមួយយ៉ាងរហ័ស ឈ្មោះហៅថា “អង្គការនារីចូលចិត្តចេញចូលតៀមស្រា/កាហ្វេ ធូររលុង និង ជានារីទំនើប” ។ ក្នុងពេលពីរថ្ងៃបន្ទាប់មក អង្គការនេះមានសមាជិកជាង ៣០.០០០នាក់ ធ្វើយុទ្ធនាការទាមទារសិទ្ធិរបស់ខ្លួន ។ ជាសញ្ញានៃការតវ៉ាប្រឆាំងនឹងអង្គការស្រ៊ីរ៉ាម៉ាសេនា គេបានអំពាវនាវចំពោះស្ត្រី និង យុវនារីទូទាំងប្រទេសឲ្យផ្ញើកញ្ចប់ខោរឹប ពណ៌ស៊ីជម្ពូសម្រាប់ស្ត្រី តាមរយៈអ្នកនាំសារមកកាន់ការិយាល័យអង្គការស្រ៊ីរ៉ាម៉ាសេនា ក្នុងទីក្រុងហ៊ូប្លី ។គេបានរាយការណ៍ថា ចំនួនយ៉ាងច្រើនលើសលប់នៃកញ្ចប់បែបនេះត្រូវបានផ្ញើពីតំបន់ជាច្រើនខុសៗគ្នានៃឥណ្ឌា មកឲ្យទីនេះ នៅមុន និង នៅចំទិវាវ៉ាឡិនតៃន៍ ។

តើរបស់អស់ទាំងនេះមានអ្វីទាក់ទងនឹងប្រភពដើមនៃទិវាវ៉ាឡិនតៃន៍ដែរឬទេ? ប្រហែលជាមាន – មានប្រពៃណីខុសៗគ្នាច្រើន ប៉ុន្តែប្រពៃណីទាំងនោះសុទ្ធតែទាក់ទងនឹងទង្វើមិនគោរពតាមអំណាចមួយដែលមានកម្លាំងខ្លាំងក្លា ដែលជ្រៀតជ្រែកចូលក្នុងជម្រើសផ្ទាល់ខ្លួនក្នុងការយល់ព្រមទទួលយកសេចក្ដីស្រឡាញ់ និង ផ្ដល់សេចក្ដីស្រឡាញ់ ។ Blogger ឥណ្ឌាម្នាក់បាននិយាយរឿង ប្រាប់តាមរបៀបនេះ ៖

“ក្រោយមក ជាបណ្ដើរៗ ថ្ងៃទី ១៤ ខែ កុម្ភៈ ក៏បានក្លាយជាថ្ងៃមួយមានន័យជាការប្ដូរសារនៃសេចក្ដីស្នេហា ។ ថ្ងៃនេះត្រូវអបអរដោយការផ្ញើកំណាព្យ និង អំណោយតូចៗ ដូចជាផ្កា” ។

យុវនារីម្នាក់នៅឥណ្ឌា បានសរសេរពីការវាយប្រហាររបស់អ្នកដែលអះអាងថាធ្វើដើម្បីការពារវប្បធម៌ឥណ្ឌា ដោយបញ្ចេញយោបល់របស់នាងថា បុរសទាំងនេះ – ទាំងចាស់ ទាំងក្មេង – បានរស់នៅស្ទើរតែគ្មានពិសោធន៍ណាមួយទាក់ទងនឹងស្ត្រីក្នុងស្ថានភាពនៃការគោរពគ្នាទៅវិញទៅមកទេ ។ វប្បធម៌ប្រពៃណីបានកំណត់តួនាទីពីរឲ្យស្ត្រី ។ យុវជនភាគច្រើនដែលពាក់ព័ន្ធ បានមកពីសាលាសម្រាប់តែសិស្សប្រុសប៉ុណ្ណោះ ដូច្នេះពួកគេពុំមានពិសោធន៍ក្នុងការទាក់ទងជាមួយនារីក្នុងស្ថានភាពប្រចាំថ្ងៃនៃសាលារៀនដែលមានភាពដូចៗគ្នានោះទេ ។ ម្ដងណាដែលគេបានជួបនារី គេតែងតែអះអាងនូវឧត្ដមភាពនៃអំណាចខាងវប្បធម៌ និង សង្គម – បើពុំនោះទេ គេអាចត្រឹមតែគិតអំពីទំនាក់ទំនងចំពោះផ្លូវភេទប៉ុណ្ណោះ ។

សេចក្ដីរាយការណ៍ព័ត៌មានក្នុងកាសែតភ្នំពេញប៉ុស្តិ៍បានបង្ហាញនូវភាពនៃចិត្តចង្អៀតចង្អល់ដូចគ្នានេះដែរ ៖

“ប៉ុន្តែ គួរឲ្យរំខាន មនុស្សប្រុស៦៦ភាគរយ មានផែនការរួមភេទជាមួយដៃគូរបស់ខ្លួនដោយមិនគិតពីការព្រមព្រៀងគ្នាទេ ហើយចំនួន៣៩,៥ភាគរយនៃពួកនេះ បានបាត់បង់ភាពបរិសុទ្ធរបស់ខ្លួនអស់ទៅហើយ” ។

តើគេគួរតែលុបបំបាត់ទិវាវ៉ាឡិនតៃន៍នេះដែរឬទេ? ទិវានេះបានត្រឹមតែជាការបញ្ចេញនូវការមិនគោរពសមភាពយេនឌ័រប៉ុណ្ណោះ ។ ទិវាវ៉ាឡិនតៃន៍ប្រហែលជាអាចជាឱកាសមួយសម្រាប់រៀនសូត្រ និង ឆ្លុះបញ្ចាំងឲ្យឃើញថាវាមិនមែនមានន័យអំពីរឿងភេទទេ ប៉ុន្តែអំពីការបណ្ដុះបណ្ដាលឲ្យក្លាយជាវប្បធម៌មួយកែប្រែឲ្យថ្មីឡើងវិញសម្រាប់បុរស និង នារី ក្នុងការគោរពគ្នាទៅវិញទៅមក និង កិច្ចសហប្រតិបត្តិការ និង ក្នុងសេចក្ដីស្រឡាញ់ ។

លីកាដូរិះគន់សាលដីកាសាលាឧទ្ធរណ៍ផ្ដន្ទាទោសឃាតកសិប្បនិម្មិត ថាច់ សាវេត – ថ្ងៃ សៅរ៍ ទី ២១ កុម្ភៈ ២០០៩

kanhchoksangkum — Sat, 21 Feb 2009 12:35:27 +0000

Dear Readers,

We do hope you will visit the Kanhchok Sangkum and the Mirror regularly so they will become your special advisors.

Best regards,

កញ្ចក់សង្គម ៖ ឆ្នាំទី ១១ លេខ ៥៣៧

ក្រុមមន្ត្រីអង្គការសិទ្ធិមនុស្សនៅក្នុងប្រទេសកម្ពុជាក៏ដូចជាប្រជាពលរដ្ឋ បានកំពុងតែបង្ហាញនូវការអស់ជំនឿទុកចិត្តទៅលើប្រព័ន្ធតុលាការដែលគ្មានឯករាជ្យភាព និង ពុំបានបំពេញតួនាទីឲ្យបានត្រឹមត្រូវស្របតាមគោលការណ៍ច្បាប់ ដោយក្រុមចៅក្រមស៊ើបអង្កេតក៏ដូចជាព្រះរាជអាជ្ញាចៅក្រមស៊ើបអង្កេតនៅតាមបណ្ដាតុលាការដំបូងខេត្ត-ក្រុង ក៏ដូចជាតុលាការជាន់ខ្ពស់ (សាលាឧទ្ធរណ៍ និង តុលាការកំពូល) បានសម្រេចសេចក្ដីទៅតាមរបាយការណ៍ ឬ កំណត់ហេតុយកចំលើយរបស់អាជ្ញាធរមានសមត្ថកិច្ចតែប៉ុណ្ណោះ ។

កាលពីថ្ងៃទី ១៩ ខែ កុម្ភៈ ឆ្នាំ ២០០៩ អង្គការសិទ្ធិមនុស្សលីកាដូ បានធ្វើការថ្កោលទោសខ្លាំងៗចំពោះសាលាឧទ្ធរណ៍ថាគ្មានមូលដ្ឋានច្បាប់ត្រឹមត្រូវ ដែលបានសម្រេចសេចក្ដីឲ្យអតីតទាហានឆត្រយោងម្នាក់ជាប់គុករយៈពេល ១៥ឆ្នាំ ពីបទបាញ់សម្លាប់ លោក រស់ សុវណ្ណរ៉េត ប្រធានសហជីពសេរីកម្មករនៃព្រះរាជាណាចក្រកម្ពុជាប្រចាំរោងចក្រមួយនៅក្នុងក្រុងភ្នំពេញ ។

អង្គការសិទ្ធិមនុស្សលីកាដូ បានអះអាងថា ជនជាប់ចោទឈ្មោះ ថាច់ សាវេត អាយុ២៦ឆ្នាំ អតីតកងទ័ពឆត្រយោង ត្រូវបានចាប់ខ្លួនពីបទបាញ់សម្លាប់លោក រស់ សុវណ្ណរ៉េត ប្រធានសហជីពប្រចាំរោងចក្រកាត់ដេរ ទ្រី តុហ្គា កូម៉ារ៉ា ត្រូវបានឃាតកបាញ់សម្លាប់កាលពីថ្ងៃទី ៧ ខែ ឧសភា ឆ្នាំ ២០០៤ ហើយជនជាប់ចោទជាឃាតកត្រូវបានអាជ្ញាធរចាប់ខ្លួនកាលពីថ្ងៃទី ២៤ ខែ កក្កដា ឆ្នាំ ២០០៤ ។

ជនជាប់ចោទ ថាច់ សាវេត រូបនេះ ត្រូវបានសាលាដំបូងក្រុងភ្នំពេញបើកសវនាការជំនុំជម្រះកាត់ទោសឲ្យជាប់ពន្ធនាគាររយៈពេល១៥ឆ្នាំ កាលពីថ្ងៃទី ១៥ ខែ កុម្ភៈ ឆ្នាំ ២០០៥ កន្លងមកនេះ ហើយសាលាឧទ្ធរណ៍បានបើកសវនាការលើបណ្ដឹងសារទុក្ខរបស់ជនជាប់ចោទជាឃាតក (ថាច់ សាវេត) ដោយតម្កល់សាលក្រមរបស់តុលាការដំបូងក្រុងភ្នំពេញ ដែលបានផ្ដន្ទាទោសរយៈពេល ១៥ឆ្នាំ ដែលសាលដីកាសាលាឧទ្ធរណ៍បានប្រកាសកាលពីថ្ងៃទី ១៩ កុម្ភៈ ឆ្នាំ ២០០៩ ។

យោងតាមសេចក្ដីថ្លែងការណ៍របស់អង្គការសិទ្ធិមនុស្សលីកាដូ កាលពីថ្ងៃទី ១៩ ខែ កុម្ភៈ បានបញ្ជាក់ថា គ្មានហេតុផលទេដើម្បីជឿជាក់ជនជាប់ចោទជាឃាតក ឈ្មោះ ថាច់ សាវេត នោះឲ្យបានច្បាស់លាស់ទេ ហើយភស្តុតាងដែលដាក់បន្ទុកជនជាប់ចោទសុទ្ធតែត្រូវបានប្រឌិតឡើង ។

ភាពគ្មានដំណើរការស៊ើបអង្កេតច្បាស់លាស់របស់ចៅក្រមសាលាដំបូងដោយសំអាងតែរបាយការណ៍របស់ប៉ូលិស បានធ្វើឲ្យអង្គការសិទ្ធិមនុស្សលីកាដូ មានការសោកស្ដាយយ៉ាងខ្លាំង ហើយជាមួយគ្នានោះ សេចក្ដីសម្រេចរបស់សាលាឧទ្ធរណ៍ក៏មិនបានស្វែងរកយុត្តិធម៌ពិតប្រាកដជូនជនជាប់ចោទជាឃាតកនោះទេ ។ អង្គការសិទ្ធិមនុស្សលីកាដូ បានបញ្ជាក់ក្នុងសេចក្ដីថ្លែងការណ៍របស់ខ្លួនបន្តទៀតថា សាលដីការបស់សាលាឧទ្ធរណ៍កាលពីថ្ងៃទី ១៩ ខែ កុម្ភៈ ឆ្នាំ ២០០៩ គឺជាគំរូដ៏អាក្រក់នៃអំពើអយុត្តិធម៌ ។

ពីព្រោះតុលាការខ្វះភស្តុតាងដាក់បន្ទុកលើជនជាប់ចោទជាឃាតក អំពីការបាញ់សម្លាប់លោក រស់ វណ្ណរ៉េត ប្រធានសហជីពប្រចាំរោងចក្រ ទ្រី តុងហ្គា កូម៉ារ៉ា ប៉ុន្តែតុលាការពុំមានភស្តុតាងស៊ើបអង្កេតទេ គឺយោងតាមរបាយការណ៍របស់អាជ្ញាធរតែប៉ុណ្ណោះ ។

អង្គការសិទ្ធិមនុស្សលីកាដូបានអះអាងទៀតថា សាក្សីដែលបានឃើញអំពីឃាតកម្មលើរូបលោក រស់ សុវណ្ណរ៉េត ត្រូវបានតុលាការមិនអនុញ្ញាតធ្វើជាសាក្សីក្នុងសវនាការ ហើយពួកគេទាំងនោះក៏មិនត្រូវបានចៅក្រមស៊ើបសួរនៅក្នុងសំណុំរឿងឃាតកម្មនេះមិនធ្វើការសាកសួរសាក្សីនេះទេ ។

អង្គការសិទ្ធិមនុស្សលីកាដូបានបញ្ជាក់ទៀតថា សាក្សីម្នាក់ក្នុងចំណោមសាក្សីជាច្រើននាក់ មានវត្តមាននៅក្នុងសវនាការសាលាឧទ្ធរណ៍កាលពីសប្ដាហ៍មុន តាមការស្នើសុំរបស់មេធាវីជនជាប់ចោទ ប៉ុន្តែតុលាការមិនបានធ្វើការសាកសួរសាក្សីនោះទេ ។ លោកស្រី វេជ្ជបណ្ឌិត ពុង ឈីវកេក ប្រធានអង្គការសិទ្ធិមនុស្សលីកាដូ បានមានប្រសាសន៍បញ្ជាក់ថា ៖ យើងថ្កោលទោសសេចក្ដីសម្រេចរបស់សាលាឧទ្ធរណ៍ដើម្បីបង្ហាញថាអង្គការសិទ្ធិមនុស្សលីកាដូមិនគាំទ្រអំពើអយុត្តិធម៌ទាំងនោះទេ ហើយយើងមានការសោកស្ដាយ និង មានការក្រៀមក្រំយ៉ាងខ្លាំងដោយមើលឃើញថា តុលាការមិនបានផ្ដល់យុត្តិធម៌ពិតប្រាកដទៅឲ្យជនរងគ្រោះទេ ពីព្រោះនៅក្នុងសវនាការនេះមានក្រុមអ្នកឃ្លាំមើលពីក្រុមអង្គការសិទ្ធិមនុស្សជាតិ និង អន្តរជាតិ ដោយយកចិត្តទុកដាក់ ហើយពិនិត្យឃើញថាតុលាការពុំមានភស្តុតាងណាមួយដើម្បីដាក់បន្ទុកជនជាប់ចោទជាឃាតកទេ ។

លោកស្រី វេជ្ជបណ្ឌិត ពុង ឈីវកេក អង្គការសិទ្ធិមនុស្សលីកាដូ បានមានប្រសាសន៍បញ្ជាក់ទៀតថា ការដែលឃាតកបាញ់សម្លាប់លោក រស់ សុវណ្ណរ៉េត នោះ គឺជនជាប់ចោទឈ្មោះ ថាច់ សាវេត កំពុងតែស្ថិតនៅឯស្រុកអន្លង់វែង ខេត្តឧត្តរមានជ័យ ។ លោកស្រីបន្តទៀតថា តុលាការកំពូលនឹងផ្ដល់យុត្តិធម៌ពិតប្រាកដជូនជនរងគ្រោះ រស់ សុវណ្ណរ៉េត ដែលត្រូវឃាតកបាញ់សម្លាប់ ហើយដោះលែងជនជាប់ចោទជាឃាតកសិប្បនិម្មិត ថាច់ សាវេត ឲ្យមានសេរីភាពវិញ ហើយបង្គាប់ឲ្យអាជ្ញាធរតាមចាប់ឃាតកពិតប្រាកដមកផ្ដន្ទាទោសដូចករណីដែលតុលាការកំពូលបានផ្ដល់យុត្តិធម៌ជូនឃាតកសិប្បនិម្មិត ប៊ន សំណាង និង សុខ សំអឿន ពីពន្ធនាគារ ហើយបង្វិលសំណុំរឿងឲ្យសាលាឧទ្ធរណ៍ធ្វើការស៊ើបអង្កេតឡើងវិញ ៕ កាសែតខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៤៧ ថ្ងៃទី ២១ -២៣ ខែ កុម្ភៈ ឆ្នាំ ២០០៩

កាសែតដែលចេញលក់នៅ
ថ្ងៃ សៅរ៍ ទី ២១ ខែ កុម្ភៈ ឆ្នាំ ២០០៩

ដើមអម្ពិល ឆ្នាំទី ៣ លេខ ១២១ ថ្ងៃ សៅរ៍ ទី ២១ ខែ កុម្ភៈ ឆ្នាំ ២០០៩

សង្គមស៊ីវិល [មជ្ឈមណ្ឌលសិទ្ធិមនុស្សកម្ពុជា និងអង្គការសិទ្ធិមនុ្សលីកាដូ] បារម្ភពីការអនុវត្តច្បាប់ទន់ខ្សោយក្នុងប្រព័ន្ធតុលាការកម្ពុជា
រដ្ឋមន្ត្រីការពារប្រទេសវៀតណាម [នាយឧត្ដមសេនីយ៍ Phung Quang Thanh] បំពេញទស្សនកិច្ចនៅកម្ពុជារយៈពេល ៣ថ្ងៃ
វិស័យទេសចរណ៍ឯកជនស្នើរដ្ឋាភិបាលរិះរកមធ្យោបាយជួយសម្រួលការធ្វើដំណើររបស់ភ្ញៀវទេសចរមកកម្ពុជា

កម្ពុជាថ្មី ឆ្នាំទី ៨ លេខ ១៨៧៩ ថ្ងៃ សៅរ៍ ទី ២១ ខែ កុម្ភៈ ឆ្នាំ ២០០៩

តុលាការ [ក្រុងភ្នំពេញ] ស្នើដកអភ័យឯកសិទ្ធិ សម រង្ស៊ី [តុលាការបានស្នើសុំទៅរដ្ឋសភាជាតិដើម្បីដកអភ័យឯកសិទ្ធិពីប្រធានគណបក្សប្រឆាំង លោក សម រង្ស៊ី ចំពោះការរំលោភសិទ្ធិក្នុងការបោះឆ្នោត]

កម្ពុជាថ្ងៃនេះ ឆ្នាំទី ៥ លេខ ៤០០ ថ្ងៃ សៅរ៍ – សុក្រ ទី ២១ – ២៧ ខែ កុម្ភៈ ឆ្នាំ ២០០៩

មន្ត្រីធនាគារអភិវឌ្ឍន៍ជនបទ [លោកបណ្ឌិត ស៊ុន គន្ធរ] អំពាវនាវឲ្យពង្រឹងគុណភាពផលិតផល

ខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៤៧ ថ្ងៃ សៅរ៍ – ចន្ទ ទី ២១ – ២៣ ខែ កុម្ភៈ ឆ្នាំ ២០០៩

លីកាដូរិះគន់សាលដីកាសាលាឧទ្ធរណ៍ផ្ដន្ទាទោសឃាតកសិប្បនិម្មិត ថាច់ សាវេត

ខ្មែរម្ចាស់ស្រុក ឆ្នាំទី ៣ លេខ ៣៤៩ ថ្ងៃ សៅរ៍ ទី ២១ ខែ កុម្ភៈ ឆ្នាំ ២០០៩

[អគ្គមេបញ្ជាការកងយោធពលខេមរភូមិន្ទ] ប៉ុល សារឿន គាំទ្រ ហ៊ុន សែន ដក ហេង សំរិន ពីប្រធានកិត្តិយសគណបក្សប្រជាជនកម្ពុជា [នេះបើយោងតាមអត្ថបទមួយដែលចុះផ្សាយដោយកាសែត ភ្នំពេញប៉ុស្តិ៍ ]

កោះសន្តិភាព ឆ្នាំទី ៤២ លេខ ៦៥៨៤ ថ្ងៃ សៅរ៍ – អាទិត្យ ទី ២១ – ២២ ខែ កុម្ភៈ ឆ្នាំ ២០០៩

មេទ័ពសៀមសុំអភ័យទោស ធ្លាក់គ្រាប់ចូលដីខ្មែរ, សៀមសន្យាថាមិនឲ្យមានរឿងនេះកើតជាថ្មីទៀតទេ
[រដ្ឋមន្ត្រីក្រសួងទេសចរណ៍ លោក ថោង ខុន] ស្នើភាគីបារាំងជួយបង្កើតសាលាបណ្ដុះបណ្ដាលវិជ្ជាជីវៈផ្នែកទេសចរណ៍

មនសិការខ្មែរ ឆ្នាំទី ១៦ លេខ ៣៦៩៣ ថ្ងៃ សៅរ៍ – អាទិត្យ ទី ២១ – ២២ ខែ កុម្ភៈ ឆ្នាំ ២០០៩

សាលាក្ដីខ្មែរក្រហម ប្រកាសអស់លុយ [នៅដំណាច់ខែកុម្ភៈ ឆ្នាំ ២០០៩នេះ] ខណៈដែលការកាត់ក្ដី ឌុច អតីតមេគុកទួលស្លែងមិនទាន់ចាប់

រស្មីកម្ពុជា ឆ្នាំទី ១៧ លេខ ៤៨២៧ ថ្ងៃ សៅរ៍ ទី ២១ ខែ កុម្ភៈ ឆ្នាំ ២០០៩

អាមេរិកប្រកាសបើកសម្ពោធកម្មវិធីសិទ្ធិមនុស្ស និង យុត្តិធម៌ ដែលមានថវិកាប្រមាណជា ២០លានដុល្លារ
អង្គបុរេជំនុំជម្រះបដិសេធមិនបកប្រែភាសាក្នុងសំណុំរឿង [អតីតមេដឹកនាំខ្មែរក្រហម] លោក ខៀវ សំផន
ទីផ្សារការងារលើវិស័យសំណង់ធ្លាក់ចុះ ៥០ភាគរយ [នៃចំនួនសរុបពី ៤០.០០០នាក់ ទៅ ៤៥.០០០នាក់], រដ្ឋមន្ត្រីសំណង់ [លោក អ៊ឹម ឈុនលឹម] ថាមិនបញ្ហា [លោកបាននិយាយថាដោយយោងទៅតាមការស្រាវជ្រាវទៅលើក្រុមហ៊ុនធំៗចំនួន៥ នៅក្នុងក្រុងភ្នំពេញ ត្រឹមកម្មករជំនាញ ១០០នាក់ មានជនបរទេសតែ ៣០%ប៉ុណ្ណោះ ហើយបើសិនជាអត់ការងារពលកម្មធ្វើ ពួកគេក៏មានស្រែចម្ការធ្វើ ឬ ការងារផ្សេងៗទៀតក្នុងវិស័យកសិកម្មផងដែរ]
កិនស្លាប់២នាក់ប្ដីប្រពន្ធ [ដោយឡានកុងតឺន័រ] សល់កូនភ្លោះប្រុស អាយុ ៨ – ៩ខែ [អ្នកបើកឡានកុងតឺន័រនោះបានរត់គេចខ្លួន - ភ្នំពេញ]
ជនជាតិអាល្លឺម៉ង់ម្នាក់ស្លាប់ក្នុងសណ្ឋាគារឯករាជ្យ ក្រុងព្រះសីហនុ [អតីតសណ្ឋាគារ ៧ជាន់ ប៉ុន្តែអ្នកសារព័ត៌មានជាតិ និង អន្តរជាតិ មិនត្រូវបានអនុញ្ញាតឲ្យចូលទៅក្នុងកន្លែងកើតហេតុនោះឡើយ រីឯមូលហេតុនៃការស្លាប់នេះក៏នៅមិនទាន់ដឹងនៅឡើយដែរ]

* សូមអញ្ជើញអានវិចារណកថាសម្រាប់សប្ដាហ៍កន្លងទៅជាភាសាអង់គ្លេស!

* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។

* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!

http://women.open.org.kh/

* ត្រឡប់ទៅខាងលើវិញ

ក្រុមហ៊ុន ឆេវរ៉ុន ផ្អាកការរុករកប្រេងក្នុងបាតសមុទ្រខ្មែរ – ថ្ងៃ សុក្រ ទី ២០ កុម្ភៈ ២០០៩

kanhchoksangkum — Fri, 20 Feb 2009 10:20:17 +0000

Dear Readers,

We do hope you will visit the Kanhchok Sangkum and the Mirror regularly so they will become your special advisors.

Best regards,

កញ្ចក់សង្គម ៖ ឆ្នាំទី ១១ លេខ ៥៣៧

អំពើពុករលួយ និង ការិយាធិបតេយ្យច្រើនហួសហេតុពេកនៅក្នុងអាជ្ញាធរប្រេងកាតជាតិកម្ពុជា និង ក្នុងទីស្ដីការគណៈរដ្ឋមន្ត្រីនៃរដ្ឋាភិបាល ហ៊ុន សែន បានជំរុញក្រុមហ៊ុនប្រេងឥន្ធនៈដ៏ធំរបស់អាមេរិក ឆេវរ៉ុន បានផ្អាកការរុករកប្រេង និង ឧស្ម័នធម្មជាតិនៅក្នុងប្លុក “A” នៅឯនាយសមុទ្រខ្មែរ ដែលមានចម្ងាយ១៥០គីឡូម៉ែត្រ ពីកំពង់ផែខេត្តព្រះសីហនុ ។

មន្ត្រីមួយរូបនៃក្រុមហ៊ុន ឆេវរ៉ុន បានឲ្យដឹងថា ក្រុមហ៊ុនបានបញ្ចប់ការស្រាវជ្រាវរុករកប្រេង និង ឧស្ម័ន នៅក្នុងតំបន់សម្បទាន ប្លុក “A” រួចរាល់អស់ហើយ ក៏ប៉ុន្តែមិនអាចបន្តកិច្ចការផលិតប្រេងបានទេនៅពេលនេះ ដោយសារមានការតម្រូវឲ្យបង់លុយក្រោមតុច្រើនពេក ហើយម្យ៉ាងទៀតតម្លៃប្រេងនាពេលនេះធ្លាក់ចុះយ៉ាងខ្លាំង ដូច្នេះការងាររកស៊ីប្រេងនៅស្រុកខ្មែរប្រហែលជាអាចចាប់ផ្ដើមឡើងវិញនៅក្នុងឆ្នាំ ២០១២ ។

ហង្ស ជួនណារ៉ុង អគ្គលេខាធិការនៃក្រសួងសេដ្ឋកិច្ច និង ហិរញ្ញវត្ថុ បាននិយាយនៅក្នុងវេទិកាស្ដីពីពាណិជ្ជកម្ម និង វិនិយោគទុន កាលពីថ្ងៃពុធ ទី ១៨ ខែ កុម្ភៈ កន្លងមកថា ក្រុមហ៊ុនឆេវរ៉ុន ឥឡូវនេះកំពុងតែលេងល្បែងរង់ចាំមួយនៅក្នុងប្រទេសកម្ពុជា បន្ទាប់ពីមើលឃើញថាតម្លៃប្រេងបាននិងកំពុងធ្លាក់ចុះនៅក្នុងរយៈពេល៦ខែចុងក្រោយនេះ ។ ហង្ស ជួនណារ៉ុង បានបន្តថា ការចោទប្រកាន់ថា “មានអំពើពុករលួយ ឬ មានការិយាធិបតេយ្យច្រើនពេកនៅកម្ពុជានោះ វាមិនមែនជាការពិតទេ ហើយការចោទប្រកាន់នេះគឺគ្រាន់តែជាលេសមួយរបស់ ឆេវរ៉ុន ក្នុងការពន្យារពេលដំណើរផលិតកម្មប្រេងនៅបាតសមុទ្រកម្ពុជាតែប៉ុណ្ណោះ” ។

ហង្ស ជួនណារ៉ូង បាននិយាយថា “នៅជំហាននេះ ក្រុមហ៊ុន ឆេវរ៉ុន បានបញ្ចប់ការស្រាវជ្រាវរុករកប្រេងនៅក្នុងប្លុក “A” ហើយ ។ ប្រសិនបើក្រុមហ៊ុន ឆេវរ៉ុន សម្រេចបន្តការអភិវឌ្ឍន៍របស់ខ្លួនឥឡូវនេះ ផលិតផលប្រេងដំបូងនឹងចាប់ផ្ដើមធ្វើនៅឆ្នាំ ២០១២” ។ ហង្ស ជួនណារ៉ុង បានឲ្យដឹងថា សេណារីយោដែលគាត់បានទស្សន៍ទាយនេះនឹងទទួលបានប្រាក់ចំណូលពីប្រេងចំនួន ២០០លានដុល្លារ នៅក្នុងឆ្នាំ ២០១២ ដដែលនេះ ។ ហង្ស ជួនណារ៉ុង បានទស្សន៍ទាយទៀតថាក្រុមហ៊ុន ឆេវរ៉ុន នឹងរង់ចាំយូរទៀតដើម្បីចាប់ផ្ដើមធ្វើផលិតផលប្រេងដែលរុករកឃើញពីឈូងសមុទ្រនៃប្លុក “A” ពីព្រោះតម្លៃប្រេងកំពុងធ្លាក់ចូលទៅក្នុងវិបត្តិដ៏ធ្ងន់ធ្ងរទាំងក្នុងប្រទេសកម្ពុជា និងលើពិភពលោក ។

ប៉ុន្តែមន្ត្រីក្រុមហ៊ុន ឆេវរ៉ុន មួយរូបសុំមិនបញ្ចេញឈ្មោះ បាននិយាយថា ការធ្លាក់ចុះនៃតម្លៃប្រេងនៅប្រទេសកម្ពុជា និង នៅលើពិភពលោក វាមិនមែនជាចំណោទដល់ការបង្អាក់ដំណើរការនៃប្រតិបត្តិការអាជីវកម្មប្រេងនៅឯនាយឆ្នេរសមុទ្រខ្មែរនោះទេ ។ អ្វីដែលជាឧបសគ្គនោះគឺថា អាជ្ញាធរប្រេងកាតជាតិកម្ពុជា និង ទីស្ដីការគណៈរដ្ឋមន្ត្រី តម្រូវឲ្យក្រុមហ៊ុន ឆេវរ៉ុនរត់ការរៀបចំឯកសារសម្រាប់ដំណើរការផលិតកម្មប្រេង ដែលរកឃើញនៅក្នុងប្លុក “A” ហើយនោះឡើងវិញ ព្រោះការរត់ការលើកមុនសម្រាប់តែប្រតិបត្តិការស្រាវជ្រាវរុករកប្រេងតែប៉ុណ្ណោះ ហើយពេលនេះការស្រាវជ្រាវនោះចប់ហើយ ដូច្នេះត្រូវរត់ការឯកសារជាថ្មីសម្រាប់ធ្វើអាជីវកម្មផលិតប្រេងវិញម្ដង ដែលការរត់ការឯកសារថ្មីនេះត្រូវចំណាយលុយក្រោមតុច្រើនណាស់ ។ ម្យ៉ាងទៀតតម្លៃប្រេងធ្លាក់ចុះផង ធ្វើឲ្យក្រុមហ៊ុន ឆេវរ៉ុន របស់យើងមានការស្ទាក់ស្ទើរក្នុងការបន្តអាជីវកម្មប្រេងនេះ ហើយប្រហែលជាផ្អាករហូតដល់ឆ្នាំ ២០១២ ទើបពិចារណាឡើងវិញ ។ ប្រសិនបើក្រុមហ៊ុន ឆេវរ៉ុន ផ្អាកដំណើរការរហូតដល់ឆ្នាំ ២០១២នោះ កម្ពុជានឹងបាត់បង់ប្រាក់ចំណូលចំនួន ២០០លានដុល្លារ ពីអាជីវកម្មប្រេងក្នុងចន្លោះឆ្នាំ ២០០៩ ដល់ឆ្នាំ ២០១២ ខាងមុខ ។

រីឯ ហង្ស ជួនណារ៉ុង បានអះអាងថា ក្រុមហ៊ុន ឆេវរ៉ុន នឹងបន្តសកម្មភាពផលិតកម្មប្រេងរបស់ខ្លួននៅក្នុងឆ្នាំ ២០១៤ ឬ ឆ្នាំ ២០១៥ ដែលអាស្រ័យទៅលើតម្លៃប្រេង គឺអ្វីៗវាអាស្រ័យទៅលើតែតម្លៃប្រេងប៉ុណ្ណោះ ។

ការវាយតម្លៃរបស់ ហង្ស ជួនណារ៉ុង នៃសកម្មភាពរបស់ក្រុមហ៊ុន ឆេវរ៉ុន នៅក្នុងប្លុក “A” បង្ហាញពីការខ្ទេចខ្ទាំមួយទៀតដល់សេចក្ដីសង្ឃឹមរបស់ក្រុមហ៊ុន ឆេវរ៉ុន នៃការអភិវឌ្ឍន៍ប្លុក “A” នាពេលអនាគត ។ កាលពីថ្ងៃទី ៥ ខែ កុម្ភៈ ឆ្នាំ ២០០៩ លោក ហ្គារ៉េត ចនស្តុន អ្នកនាំពាក្យរបស់ក្រុមហ៊ុន ឆេវរ៉ុន ប្រចាំតំបន់អាស៊ីប៉ាស៊ីហ្វិក បានប្រកាសថា ក្រុមហ៊ុនប្រេង ឆេវរ៉ុន កំពុងតែខិតខំធ្វើការរកដំណោះស្រាយមួយដើម្បីអភិវឌ្ឍន៍អណ្ដូងប្រេងក្នុងប្លុក “A” ដ៏សាំញ៉ាំនេះ ។

លោកបានបញ្ជាក់ថា “យើងកំពុងតែស្ថិតនៅក្នុងដំណើរការមួយនៃការវាយតម្លៃសេចក្ដីសម្រេចការអភិវឌ្ឍន៍ជាច្រើនសម្រាប់ធនធានក្នុងប្លុក “A” ដើម្បីទទួលបានផលពីកិច្ចការដ៏លំបាកនេះ ។ លោក ហ្គារ៉េត ចនស្តុន មិនបានអធិប្បាយអំពីតម្លៃប្រេងនៅលើពិភពលោក និង ផលប៉ះពាល់ដែលក្រុមហ៊ុនកំពុងបានទទួលរងទៅលើការអភិវឌ្ឍន៍នៃប្លុក “A” ។ តម្លៃប្រេងនៅក្នុងមួយបារ៉ែលត្រឹមតែ ៣៤,៩២ដុល្លារប៉ុណ្ណោះ កាលពីថ្ងៃ ពុធ ទី ១៨ កុម្ភៈ ឆ្នាំ ២០០៩ ដែលតម្លៃនេះធ្លាក់ចុះពីខ្ពស់បំផុតកាលពីខែកក្កដា ឆ្នាំ ២០០៩ គឺក្នុងមួយបារ៉ែលមានតម្លៃដល់ទៅ ១៤៥ដុល្លារ ឯណោះ ។

លោក ហ្គារ៉េត ចនស្តុន បានមានប្រសាសន៍ថា នៅពេលនេះក្រុមហ៊ុន ឆេវរ៉ុន មិនស្ថិតនៅក្នុងលក្ខណៈមួយពិភាក្សាអំពីការកំណត់កាលបរិច្ឆេទធ្វើអាជីវកម្មលើផលិតកម្មប្រេងនៅស្រុកខ្មែរទេ ដរាបណាដំណើរការវាយតម្លៃពិតប្រាកដមួយត្រូវបានបញ្ឈប់ ៕ កាសែតមនសិការខ្មែរ ឆ្នាំទី ១៦ លេខ ៣៦៩២ ថ្ងៃទី ២០ ខែ កុម្ភៈ ឆ្នាំ ២០០៩

កាសែតដែលចេញលក់នៅ
ថ្ងៃ សុក្រ ទី ២០ ខែ កុម្ភៈ ឆ្នាំ ២០០៩

ជាតិខ្មែរ ឆ្នាំទី ១ លេខ ២២ ថ្ងៃ សុក្រ – អាទិត្យ ទី ២០ – ២២ ខែ កុម្ភៈ ឆ្នាំ ២០០៩

លោក សម រង្ស៊ី ប្រាប់ទូតអាមេរិក [លោកស្រី Carol A. Rodley] ពីនយោបាយរំលោភសិទ្ធិមនុស្ស – វិបត្តិសេដ្ឋកិច្ច – អំពើពុករលួយ

ដើមអម្ពិល ឆ្នាំទី ៣ លេខ ១២០ ថ្ងៃ សុក្រ ទី ២០ ខែ កុម្ភៈ ឆ្នាំ ២០០៩

សៀមបញ្ជូនគណៈប្រតិភូមកសុំទោសចំពោះការផ្លោងកាំភ្លើងធំចូលដីខ្មែរ

កម្ពុជាថ្មី ឆ្នាំទី ៨ លេខ ១៨៧៨ ថ្ងៃ សុក្រ ទី ២០ ខែ កុម្ភៈ ឆ្នាំ ២០០៩

សាហាវព្រៃផ្សៃណាស់ រំលោភហើយសម្លាប់ចោលទាំង២នាក់បងប្អូន [បងប្រុសអាយុ១២ឆ្នាំត្រូវបានសម្លាប់ រីឯប្អូនស្រីអាយុ១១ឆ្នាំ ត្រូវបានគេរំលោភ ហើយសម្លាប់ចោល យុវជនអាយុ១៩ឆ្នាំម្នាក់ត្រូវបានចាប់ខ្លួន - ខេត្តកំពង់ចាម]
ពលករ – ការិនីខ្មែរបំរើការងារតាមផ្ទះនៅឯបរទេសត្រូវបានផ្ដល់តំលៃជា “អ្នកជំនួយការផ្ទះ” [មិនមែន "អ្នកបម្រើតាមផ្ទះ" - នេះបើយោងតាមអគ្គនាយកដ្ឋានការងារនៃក្រសួងការងារ និង បណ្ដុះបណ្ដាលវិជ្ជាជីវៈ]
ស្ថានទូតអាមេរិកផ្ដល់រថយន្ត ៣៦គ្រឿង ដល់កងយោធពលខេមរភូមិន្ទលើកទី២

ខ្មែរម្ចាស់ស្រុក ឆ្នាំទី ៣ លេខ ៣៤៨ ថ្ងៃ សុក្រ ទី ២០ ខែ កុម្ភៈ ឆ្នាំ ២០០៩

[អនុប្រធានគណបក្សសិទ្ធិមនុស្ស និងជាអតីតនាយករដ្ឋមន្ត្រី] ប៉ែន សុវណ្ណ ថាអ្នកដែលមានដីច្រើនជាងគេនៅស្រុកខ្មែរគឺ [រដ្ឋមន្ត្រីទីស្ដីការគណៈរដ្ឋមន្ត្រី] សុខ អាន និង [អគ្គមេបញ្ជាការកងទ័ព] ប៉ុល សារឿន

កោះសន្តិភាព ឆ្នាំទី ៤២ លេខ ៦៥៨៣ ថ្ងៃ សុក្រ ទី ២០ ខែ កុម្ភៈ ឆ្នាំ ២០០៩

ប្រមុខរាជរដ្ឋាភិបាលជំរុញឲ្យមន្ត្រីគ្រប់រូបធ្វើជាអ្នកបំរើសេវាសាធារណៈដល់ប្រជាពលរដ្ឋ
បើកការដ្ឋានលើកំពូលភ្នំបូកគោ និង ប្រគល់ឧទ្យានជាតិ២កន្លែង [ឧទ្យានជាតិមុនីវង្សបូកគោ និង ឧទ្យានជាតិព្រះសុរាម្រឹតកុសុមៈគិរីរម្យ]
ក្រសួងការបរទេសជប៉ុនស្វាគមន៍អំពីសវនាការបឋមនៃសាលាក្ដីខ្មែរក្រហម

មនសិការខ្មែរ ឆ្នាំទី ១៦ លេខ ៣៦៩២ ថ្ងៃ សុក្រ ទី ២០ ខែ កុម្ភៈ ឆ្នាំ ២០០៩

ក្រុមហ៊ុន ឆេវរ៉ុន ផ្អាកការរុករកប្រេងក្នុងបាតសមុទ្រខ្មែរ
[មេធាវីការពារឲ្យ ឌុច] កា សាវុធ្ថ អះអាងថាមានឃាតកសម្លាប់មនុស្សច្រើនជាង ឌុច តែមិនទទួលទោស

រស្មីកម្ពុជា ឆ្នាំទី ១៧ លេខ ៤៨២៦ ថ្ងៃ សុក្រ ទី ២០ ខែ កុម្ភៈ ឆ្នាំ ២០០៩

មេធាវីរបស់ ឌុច ត្រូវបានរិះគន់ថាប្រមាថជនរងគ្រោះ [ពីសំណាកប្រធានមជ្ឈមណ្ឌលឯកសារកម្ពុជា លោក ឆាំង យុ ចំពោះការប្រឆាំងក្នុងការដាក់បញ្ចូលវីដេអូផ្ដល់ដោយប្រទេសវៀតណាមជាភស្ដុតាងថ្មី និងចំពោះការប្រើពាក្យ “វា” ដោយមេធាវីកាពារក្ដីរបស់ឌុច ដោយសំដៅទៅលើលោក នង ចាន់ផល ដែលជាអតីតក្មេងប្រុសដែលនៅក្នុងវីដេអូនោះ]
ប៉ូលិសសៀមចាប់កម្មករសំណង់ខ្មែរ ៤០នាក់ នៅខេត្តឈុនបុរី [ដែលបានឆ្លងដែនខុសច្បាប់]
មូលនិធិសន្តិភាពសាសាកាវ៉ា ប្រទេសជប៉ុន បង្ហាញគោលដៅថ្មីផ្ដោតលើការអភិវឌ្ឍន៍ធនធានមនុស្សនៅកម្ពុជា
[អ្នកប្រវត្តិសាស្ត្រខ្មែរ] មីសែលត្រាណេ ៖ “ដាយណូស័រ” នៅអង្គរឆ្លាក់តាមការស្រមើស្រមៃ

http://women.open.org.kh/

* ត្រឡប់ទៅខាងលើវិញ

កញ្ចក់​សង្គម

ព្រះមហាក្សត្រ​ផ្ញើ​ព្រះរាជសារ​ទៅ​សម្ដេច​តេជោ​ ហ៊ុន​ សែន​ – ថ្ងៃ​ សៅរ៍​ ទី​ ២៨​ កុម្ភៈ​ ២០០៩​

ការ​ដឹកជញ្ជូន​ផ្លូវគោក​ឆ្លងកាត់​ព្រំដែន​ ៖​ វៀតណាម​ ឡាវ​ ថៃ​ – ថ្ងៃ​ ចន្ទ​ ទី​ ២៣​ កុម្ភៈ​ ២០០៩​

ភាព​ច្របូកច្របល់​នៃ​ទិវា​វ៉ាឡិនតៃន៍​ – ថ្ងៃ​ អាទិត្យ​ ទី​ ១៥​ ខែ​ កុម្ភៈ​ ឆ្នាំ​ ២០០៩​

ក្រុមហ៊ុន​ ឆេវរ៉ុន​ ផ្អាក​ការ​រុករក​ប្រេង​ក្នុង​បាត​សមុទ្រ​ខ្មែរ​ – ថ្ងៃ​ សុក្រ​ ទី​ ២០​ កុម្ភៈ​ ២០០៩

កញ្ចក់សង្គម

ព្រះមហាក្សត្រផ្ញើព្រះរាជសារទៅសម្ដេចតេជោ ហ៊ុន សែន – ថ្ងៃ សៅរ៍ ទី ២៨ កុម្ភៈ ២០០៩

ការដឹកជញ្ជូនផ្លូវគោកឆ្លងកាត់ព្រំដែន ៖ វៀតណាម ឡាវ ថៃ – ថ្ងៃ ចន្ទ ទី ២៣ កុម្ភៈ ២០០៩

ភាពច្របូកច្របល់នៃទិវាវ៉ាឡិនតៃន៍ – ថ្ងៃ អាទិត្យ ទី ១៥ ខែ កុម្ភៈ ឆ្នាំ ២០០៩

ក្រុមហ៊ុន ឆេវរ៉ុន ផ្អាកការរុករកប្រេងក្នុងបាតសមុទ្រខ្មែរ – ថ្ងៃ សុក្រ ទី ២០ កុម្ភៈ ២០០៩