ការ​យល់ដឹង​ជ្រៅជ្រះ​ និង​ ការពិត​ – ម្ដងទៀត​ – ថ្ងៃ​ អាទិត្យ​ ទី​ ១៨​ ខែ​ មករា​ ឆ្នាំ​ ២០០៩​

Posted on Friday, 23 January 2009. Filed under: *វិចារណកថា*, សប្ដាហ៍ទី ៥៣២ |

ការ​យល់ដឹង​ជ្រៅជ្រះ​ និង​ ការពិត​ – ម្ដងទៀត​ – ថ្ងៃ​ អាទិត្យ​ ទី​ ១៨​ ខែ​ មករា​ ឆ្នាំ​ ២០០៩
នៅ​ក្នុង​ព្រឹត្តិបត្រ​ The Mirror​ យើង​បាន​លើកឡើង​ជា​ញឹកញាប់​ក្នុង​ពេល​រាប់​ឆ្នាំ​កន្លងមក​ នូវ​សារៈសំខាន់​ជា​សាធារណៈ​នៃ​ការ​យល់ដឹង​ជ្រៅជ្រះ​ ។

តាមពិត​យើង​បាន​លើក​បញ្ហា​នេះ​ឡើង​នៅ​ពេល​ចាប់ផ្ដើម​ផ្សព្វផ្សាយ​ព្រឹត្តិបត្រ​ The Mirror​ តាម​អ៊ីនធឺណិត​ ក្នុង​ខែ​មករា​ ឆ្នាំ​ ២០០៧​ ដោយ​យោង​ទៅ​រក​សំដី​របស់​ នាយករដ្ឋមន្ត្រី​ ដាតូ​ សេរី​ អាប់ឌុលឡា​ ប៊ីនហាជិ​ អាម៉ាត់​ បាដាវី​ នៃ​ប្រទេស​ម៉ាឡេស៊ី​ ក្រោម​ចំណងជើង​ថា​ “ការ​យល់ដឹង​ជ្រៅជ្រះ​ និង​ ការពិត​” ។​ ក្នុង​ឱកាស​នៃ​ពិធី​ប្រគល់​ដំណែង​ជូន​លោក​ លោក​នាយករដ្ឋមន្ត្រី​នេះ​បាន​គូស​បញ្ជាក់​អំពី​តួនាទី​ដ៏​សំខាន់​នៃ​ការ​យល់ដឹង​អ្វី​ៗ​ និង​ ជំនឿ​ប្រកាន់យក​ដោយ​សាធារណជន​ – ដែល​អាច​ ឬ​ មិន​អាច​ ស្រប​តាម​ការពិត​ ក៏ប៉ុន្តែ​ទោះ​ជាយ៉ាងណាក្ដី​ក៏​វា​មាន​សារៈសំខាន់​ខ្លាំង​ជា​ទីបំផុត​សម្រាប់​ស្ថានភាព​នយោបាយ​របស់​ប្រទេស​មួយ​ដែរ​ ។

លោក​ ដាតូ​ សេរី​ ស៊ីអិដ​ អាល់បារ​ រដ្ឋមន្ត្រីក្រសួងការបរទេស​ម៉ាឡេស៊ី​ បាន​លើកឡើង​នូវ​ក្ដី​កង្វល់​ចំពោះ​តួនាទី​នៃ​ការ​យល់ដឹង​ ដោយ​បាន​ថ្លែង​ថា​ “សភាពការណ៍​អវិជ្ជមាន​ មិន​បាន​រួមចំណែក​ក្នុង​ការ​បង្កើត​ឲ្យ​មាន​បរិយាកាស​ប្រកបដោយ​ជំនឿ​ទុកចិត្ត​គ្នា​ក្នុង​ពិភពលោក​ ដែល​ជា​ការ​ចាំបាច់​យ៉ាង​ខ្លាំង​សម្រាប់​យើង​ទាំងអស់​គ្នា​ ដោយ​មិន​គិត​ពី​សាសនា​ និង​ ជំនឿ​ ដើម្បី​រស់នៅ​ក្នុង​សុខ​សន្តិភាព​ និង​ ភាព​ស៊ីចង្វាក់​គ្នា​នោះ​ទេ​” ។

ដកស្រង់​សំដី​ និង​ យក​ពី​ ៖
ព្រឹត្តិបត្រ​ The Mirror​ សប្ដាហ៍​ទី​ ៤៨៩​ ៖​ ២០០៧​.១​.៧​ ៖​ ការ​យល់ដឹង​ជ្រៅជ្រះ​ និង​ ការពិត

នៅ​ក្នុង​ឱកាស​ប្រារព្ធ​ពិធី​ប្រគល់​តំណែង​ជូន​ លោក​ ដាតូ​ សេរី​ អាប់ឌុលឡា​ ប៊ីនហាជិ​ អាម៉ាត់​ បាដាវី​ ជា​នាយករដ្ឋមន្ត្រី​ប្រទេស​ម៉ាឡេស៊ី​ ពី​ឆ្នាំ​ ២០០៣​ លោក​បាន​ថ្លែង​បញ្ជាក់​ពី​តួនាទី​ដ៏​សំខាន់​នៃ​ការ​យល់ដឹង​ជ្រៅជ្រះ​ ទទួល​យក​ដោយ​សាធារណជន​ – ដែល​អាច​ ឬ​ មិន​អាច​ ស៊ីចង្វាក់​គ្នា​ជាមួយ​ការពិត​ ក៏ប៉ុន្តែ​ទោះជាយ៉ាងណាក៏ដោយ​ក៏​វា​សំខាន់​បំផុត​ចំពោះ​សភាពការណ៍​នយោបាយ​របស់​ប្រទេស​មួយ​ដែរ​ ។

((សេចក្ដី​បន្ទាប់​ទៀត​គឺ​នៅ​ខាងចុង​នៃ​បទវិចារណកថា​)

លោក​ទទួលស្គាល់​នូវ​ការ​ចាំបាច់​ត្រូវតែ​មាន​ស្វ័យទិតៀន​ក្នុង​ការស្វែងរក​ហេតុផល​សម្រាប់​ការ​យល់ដឹង​ជ្រៅជ្រះ​បែបនេះ​ – លោក​បាន​និយាយ​ថា​ លោក​មាន​បំណង​ចាប់ផ្ដើម​ធ្វើ​ស្វ័យទិតៀន​ “ប៉ុន្តែ​បញ្ហា​នេះ​ត្រូវតែ​និយាយ​បញ្ជាក់​ពី​អ្វី​ដែល​ខ្ញុំ​នឹក​គិត​ថា​ជា​ការ​រំលោភ​យ៉ាង​ព្រៃផ្សៃ​លើ​សេចក្ដីថ្លៃថ្នូរ​របស់​មនុស្ស​ លើ​យុត្តិធម៌​តាម​ច្បាប់​ធម្មជាតិ​ លើ​សិទ្ធិមនុស្ស​ និង​ ច្បាប់​អន្តរជាតិ​ ដែល​មាន​ឥទ្ធិពល​ដោយ​ផ្ទាល់​លើ​ពិភព​អិស្លាម​ ។​ មែន​ហើយ​ យើង​ត្រូវតែ​បន្ទោស​ខ្លួនឯង​ ប៉ុន្តែ​ធ្វើ​ដូច្នេះ​មិនមែន​ជា​ការ​ប្រកាស​លើកលែង​គោលនយោបាយ​ដែល​បន្ត​ជិះជាន់​ លុបបំបាត់​ និង​ និយាយ​បង្ខូច​កេរ្តិ៍ឈ្មោះ​របស់​ជនជាតិ​អិស្លាម​ទូទាំង​ពិភពលោក​នោះ​ទេ​” ។

លោក​ ដាតូ​ ស៊ិអិដ​ អាល់បារ​ ដែល​ជា​មន្ត្រី​ក្រសួងការបរទេស​ម៉ាឡេស៊ី​ បាន​បំពេញ​តួនាទី​នៃ​ការ​យល់ដឹង​ជ្រៅជ្រះ​នៅ​ក្នុង​កិច្ចប្រជុំ​មួយ​របស់​គណៈកម្មការ​ជន​ឆ្នើម​នៃ​អង្គការ​សន្និសីទ​សាសនា​អិស្លាម​ ក្នុង​ខែ​មករា​ ឆ្នាំ​ ២០០៥​ ។​ លោក​បាន​កំណត់​សំគាល់​ថា​ ៖​ “នៅ​ទូទាំង​ពិភពលោក​យើង​នេះ​រូបភាព​របស់​សាសនា​អិស្លាម​ និង​ ជនជាតិ​អិស្លាម​ បាន​ទទួលរង​ផល​អាក្រក់​ៗ​ពី​សភាពការណ៍​ជុំវិញ​ ជា​បឋម​ដោយសារតែ​ការ​យល់ដឹង​ជ្រៅជ្រះ​អំពី​ការ​ជាប់ពាក់ព័ន្ធ​ជាមួយ​ភេរវកម្ម​ និង​ ភាព​ក្រីក្រ​ ។​ សភាពការណ៍​អវិជ្ជមាន​ទាំងនេះ​មិន​បាន​រួមចំណែក​ក្នុង​ការ​បង្កើត​ឲ្យ​មាន​បរិយាកាស​នៃ​ជំនឿ​ទុកចិត្ត​គ្នា​ក្នុង​ពិភពលោក​ ដែល​ជា​ការ​ចាំបាច់​យ៉ាង​ខ្លាំង​សម្រាប់​យើង​ទាំងអស់​គ្នា​ ដោយ​មិន​គិត​ពី​សាសនា​ និង​ ជំនឿ​ ដើម្បី​រស់នៅ​ក្នុង​សុខ​សន្តិភាព​ និង​ ភាព​ស៊ីចង្វាក់​គ្នា​នោះ​ទេ​” ។

មិន​គ្រាន់តែ​ការពិត​ទេ​ដែល​ជា​សំខាន់​នោះ​ – ប៉ុន្តែ​របៀប​តើ​គេ​យល់​ពី​វា​ដូចម្ដេច​ ហើយ​បកស្រាយ​អ្វី​ដែល​គេ​បាន​ឮ​ និង​ បាន​ឃើញ​ដូចម្ដេច​ – នេះ​ក៏​មាន​សារៈសំខាន់​បំផុត​ដែរ​ ។​ រឿង​ល្អ​ៗ​ខ្លះ​អាច​ត្រូវ​គេ​យល់​ច្រឡំ​ ហាក់​ដូច​វា​ជា​រឿង​អាក្រក់​អញ្ចឹង​ ។​ ប៉ុន្តែ​ បើសិនជា​រឿង​ច្រើន​ត្រូវ​គេ​ឮ​ និង​ ឃើញ​ ហើយ​លេច​ចេញ​ជា​ការ​យល់ដឹង​អវិជ្ជមាន​ទៅវិញ​នោះ​ វា​អាច​មាន​ផលវិបាក​នាំឲ្យ​អន្តរាយ​យ៉ាង​ខ្លាំង​ដល់​សង្គម​មួយ​ដែល​មាន​ភាព​ដូចជា​កំពុង​ដំណើរការ​បាន​ល្អ​ ។

សប្ដាហ៍​នេះ​យើង​បាន​ដកស្រង់​សេចក្ដីរាយការណ៍​ព័ត៌មាន​ខ្លះ​យក​មក​ឆ្លុះបញ្ចាំង​ – ពិត​ជា​មិន​បាន​ដឹង​ថា​ តើ​សាធារណជន​អាច​ជួយ​បាន​ដូចម្ដេច​ដើម្បី​បំភ្លឺ​អ្វី​ដែល​ច្រឡូកច្រឡំ​ ដើម្បី​ជៀសវាង​កុំឲ្យ​ធ្លាក់​ចុះ​ក្នុង​ភព​ងងឹត​អន្ធការ​ ។

អង្គការ​សិទ្ធិមនុស្ស​អន្តរជាតិ​ឈ្មោះអង្គការ​ឃ្លាំមើល​សិទ្ធិមនុស្សនៅ​ក្នុង​សេចក្ដីរាយការណ៍​ព័ត៌មាន​របស់​ខ្លួន​ឆ្នាំ​ ២០០៩​ ស្ដីពី​សភាពការណ៍​នៅ​ក្នុង​ប្រទេស​ជាច្រើន​ ក៏​បាន​រិះគន់​កម្ពុជា​ផង​ដែរ​ ។

អង្គការ​ឃ្លាំមើល​សិទ្ធិមនុស្ស​ មិន​គ្រាន់តែ​រាយការណ៍​អំពី​ប្រទេស​នានា​ដែល​ត្រូវ​គេ​រិះគន់​ពី​រឿង​អាក្រក់​ៗ​ដូចជា​ប្រទេស​មីយ៉ាន់ម៉ា​ប៉ុណ្ណោះ​ទេ​ ក៏ប៉ុន្តែ​និយាយ​ពី​សភាពការណ៍​សិទ្ធិមនុស្ស​ផង​ដែរ​ – ដូចជា​ប្រទេស​ខ្លះ​ទៀត​ – ក្នុង​ប្រទេស​បារាំង​ ប្រទេស​អាល្លឺម៉ង់​ ប្រទេស​អ៊ីតាលី​ ប្រទេស​ហុលឡង់​ ប្រទេស​រុស្ស៊ី​ ប្រទេស​អេស្ប៉ាញ​ ចក្រភព​អង់គ្លេស​ និង​ នៅ​ក្រៅ​សហរដ្ឋអាមេរិក​ ។​ ប្រទេស​ជាច្រើន​ក្នុងចំណោម​ប្រទេស​ទាំងនេះ​ ប្រតិកម្ម​យ៉ាង​ធ្ងន់ធ្ងរ​ចំពោះ​បញ្ហា​ដែល​គេ​លើកឡើង​នេះ​ ។
វគ្គ​សង្ខេប​ស្ដីពី​កម្ពុជា​នៅ​ក្នុងព្រឹត្តិការណ៍​ឆ្នាំ​២០០៨ឯកសារ​បន្ថែម​ មាន​សេចក្ដី​លំអិត​ចំនួន​ ២០​ ស្ដីពី​ព្រឹត្តិការណ៍​ជុំវិញ​បញ្ហា​នេះ​ ។

ខ្លឹមសារ​នៃ​ឯកសារ​នេះ​ទាំងស្រុង​ – គួរឲ្យ​ស្ដាយ​ – មិន​ថ្មី​ទេ​ គឺ​និយាយ​ពី​ការ​ទិតៀន​ទៅលើ​ប្រព័ន្ធ​ច្បាប់​ព្រហ្មទណ្ឌ​ ករណី​នៃ​ការ​បំភិតបំភ័យ​ អំពើ​ហិង្សា​ ការ​ដាក់​គុក​ និទ្ទណ្ឌភាព​ដែល​តែងតែ​ត្រាំត្រែង​ អំពើពុករលួយ​ដែល​រីក​រាលដាល​ និង​ អំពើ​លួច​ប្លន់​ខុស​ច្បាប់​នូវ​ធនធាន​ធម្មជាតិ​ ។​ ហើយ​ប្រទេស​កម្ពុជា​ត្រូវ​គេ​រំពឹង​ថា​នឹង​ត្រូវ​គេ​ពិនិត្យ​មើល​ឡើងវិញ​ដោយ​អនុលោម​តាម​យន្តការ​នៃ​ការ​ពិនិត្យ​ឡើងវិញ​ជា​សកល​តាម​ពេលវេលា​កំណត់​ទៀងទាត់​របស់​គណៈកម្មការ​សិទ្ធិមនុស្ស​អង្គការ​សហប្រជាជាតិ​ ក្នុង​ខែ​ធ្នូ​ ឆ្នាំ​ ២០០៩​ ។

ករណី​ភាគច្រើន​ត្រូវ​បាន​គេ​ចុះ​ផ្សាយ​ក្នុង​សារព័ត៌មាន​ខ្មែរ​នៅ​អំឡុង​ឆ្នាំ​នេះ​ ហើយ​យើង​ក៏​បាន​ឆ្លុះបញ្ចាំង​វា​បាន​មួយ​ចំនួន​ដែរ​ ។

ដកស្រង់​ និង​ យក​ពី​ ៖

ជាតិ​ខ្មែរ​ ឆ្នាំ​ទី​ ១​ លេខ​ ៥​ ថ្ងៃ​ទី​ ១៦​ – ១៨​.១.២០០៩

អង្គការ​សិទ្ធិមនុស្ស​អន្តរជាតិ​ [សេចក្ដីរាយការណ៍​របស់​អង្គការ​ឃ្លាំមើល​សិទ្ធិមនុស្ស​ ឆ្នាំ​ ២០០៩​] រិះគន់​កម្ពុជា​ថា​បាន​រំលោភ​សិទ្ធិមនុស្ស

ប្រតិកម្ម​ជា​ផ្លូវការ​របស់​កម្ពុជា​ ត្រូវ​បាន​រាយការណ៍​ផ្សាយ​ក្នុង​ព្រឹត្តិបត្រ​ព័ត៌មាន​ ឌឺ​ ឃែមបូឌា​ ដេលី​ ដូច​តទៅ​ ៖

    “លោក​ ឌិម​ យ៉ិនទៀង​ ប្រធាន​គណៈកម្មាធិការ​សិទ្ធិមនុស្ស​របស់​រដ្ឋាភិបាល​ បាន​ច្រានចោល​លទ្ធផល​របស់​របាយការណ៍​នោះ​ ដោយ​និយាយ​ថា​ នៅ​ក្នុង​ដំណើរ​នេះ​អង្គការ​ឃ្លាំមើល​សិទ្ធិមនុស្ស​បាន​បង្ខូច​ឈ្មោះ​ប្រទេស​ដោយ​និយាយ​កុហក​ ហើយ​ធ្វើឲ្យ​ខ្លួន​គេ​មើល​ទៅ​ដូចជា​ចោលម្សៀត​ ។

    លោក​បាន​ថ្លែង​ថា​ ‘ខ្ញុំ​ច្រានចោល​រាល់​ការ​ចោទប្រកាន់​ទាំងអស់​ ។​ ពួកគេ​គ្រាន់តែ​ព្យាយាម​បង្កើត​បញ្ហា​ប៉ុណ្ណោះ​ ឬមួយ​ពួកគេ​គ្រាន់តែ​ធ្វើឲ្យ​ខូច​កេរ្តិ៍ឈ្មោះ​របស់​ពួកគេ​ប៉ុណ្ណោះ​ ។​ ពួកគេ​កំពុង​ដើរតួ​ជា​អាយ៉ង​ដើម្បី​ទទួល​បាន​ផលប្រយោជន៍​សម្រាប់​ពួកគេ​’ ” ។
    (Cambodia Daily,16 January 2009)

សម្រាប់​ជា​ការ​ឆ្លុះ​បង្ហាញ​នូវ​ចន្លោះប្រហោង​រវាង​ការ​យល់ដឹង​ជ្រៅជ្រះ​នេះ​ និង​ ការពិត​ យើង​សូម​គូស​បញ្ជាក់​ទៅលើ​សេចក្ដីរាយការណ៍​ព័ត៌មាន​ខ្លះ​ដែល​ឆ្លុះបញ្ចាំង​កាលពី​សប្ដាហ៍​កន្លងទៅ​ – ព្រឹត្តិការណ៍​ទាំង​តូច​ទាំង​ធំ​ ៖

  • នៅ​ពេល​ដែល​ប្រជាជន​ត្រូវការ​ការ​បញ្ជាក់​ជា​សាធារណៈ​លើ​លិខិតស្នាម​ ឬ​ លើ​ឯកសារ​ គេ​ពុំ​ឃើញ​មាន​ការ​ដាក់​តម្លៃ​ជា​សាធារណៈ​ដោយ​និយាយ​តាម​លក្ខណៈ​មាន​តម្លាភាព​ពី​អ្វី​ដែល​ត្រូវ​បង់ថ្លៃ​នោះ​ទេ​ – “តម្លៃ​ធ្វើ​លិខិត​បញ្ជាក់​មួយ​ ដើម្បី​រក​ការងារ​ធ្វើ​ ដើម្បី​ចុះបញ្ជី​បញ្ជាក់​ពី​កន្លែង​លំនៅ​ស្ថាន​ ឬ​ ដើម្បី​រៀបអាពាហ៍ពិពាហ៍​ គឺ​ ៥,០០​ដុល្លារ​អាមេរិក​ ប៉ុន្តែ​តម្លៃ​នេះ​នឹង​ឡើង​ទៀត​បើ​កាលណា​អ្នក​ត្រូវការ​នោះ​ចង់​បាន​ប្រញាប់​ – ៥,០០​ដុល្លារ​អាមេរិក​ សម្រាប់​ពេល​មួយ​ខែ​ – ៤៥,០០​ដុល្លារ​អាមេរិក​ សម្រាប់​ពេល​ ១៥​ថ្ងៃ​ ១០០,០០​ដុល្លារ​អាមេរិក​ សម្រាប់​មួយ​សប្ដាហ៍​ និង​ ១៥០,០០​ដុល្លារ​អាមេរិក​ សម្រាប់​មួយ​ថ្ងៃ​” ។​ ការ​រៀបរយ​ប្រហាក់ប្រហែល​គ្នា​នេះ​ ប្រហែលជា​អាច​កើន​មាន​នៅ​ក្នុង​ប្រទេស​ដទៃ​ទៀត​ដែរ​ ។​ ប៉ុន្តែ​សេចក្ដីរាយការណ៍​នេះ​អះអាង​ពី​អ្វី​ដែល​គេ​ថា​ជា​ការ​ដឹង​ឮ​ជាទូទៅ​ ៖​ “…តម្លៃ​លើស​ទាំងនេះ​មិន​បាន​ចូល​ទៅ​​ក្រសួងសេដ្ឋកិច្ច​ និង​ ហិរញ្ញវត្ថុ​ទេ​” ។
  • នៅ​ពេល​ដែល​គ្រួសារ​មួយ​បាន​បាត់បង់​កូនប្រុស​មួយ​ទើប​នឹង​កើត​នៅ​ក្នុង​មន្ទីរពេទ្យ​មួយ​ដែល​ពី​មុន​ត្រូវ​បាន​គាំទ្រ​ដោយ​ជប៉ុន​ មាន​សេចក្ដីរាយការណ៍​ព័ត៌មាន​មួយ​ស្ដីពី​ដំណោះស្រាយ​ទាក់ទង​នឹង​លុយកាក់​ដូច​មាន​តទៅ​នេះ​ ។​ ដំណើរ​ដោះស្រាយ​របៀប​នេះ​បាន​បន្ត​មក​ទៀត​អស់​មួយ​រយៈពេល​ ប៉ុន្តែ​គ្មាន​នរណា​មួយ​ហ៊ាន​ហើប​មាត់​និយាយ​ទេ​ ។​ – “មាន​ការប្រកាស​សរសេរ​នៅ​លើ​ជញ្ជាំង​ពេទ្យ​ជប៉ុន​ជា​អក្សរ​ខ្មែរ​ធំ​ៗ​នៅ​ពីលើ​ផ្ទៃ​ពណ៌​ខៀវ​ ដោយ​និយាយ​ថា​ សូម​កុំ​បង់​លុយកាក់​ឲ្យ​បុគ្គលិក​ឲ្យ​សោះ​ ប៉ុន្តែ​សូម​បង់​ចូល​ទៅ​តែ​បេឡា​ប៉ុណ្ណោះ​ ។​ អ្នកជំងឺ​ដែល​ពុំ​មាន​លទ្ធភាព​អាច​បង់ថ្លៃ​សេវា​ ត្រូវ​បាន​អញ្ជើញ​ឲ្យ​ទៅ​ទាក់ទង​ក្រុម​ពិនិត្យ​តាមដាន​មួយ​ ហើយ​បើ​មាន​នរណា​មួយ​ទារ​លុយ​ជា​បន្ថែម​ពីលើ​តម្លៃ​ដែល​កំណត់​ហើយ​នោះ​ ករណី​នេះ​ត្រូវ​រាយការណ៍​ទៅ​ឲ្យ​ក្រុម​ពិនិត្យ​តាមដាន​ ។​ តម្លៃ​លើ​សេវា​គឺ​ប្រហែល​ ៣,៥០​ដុល្លារ​អាមេរិក​ សម្រាប់​ស្ត្រី​ដែល​ឆ្លងទន្លេ​ទារក​ទី​មួយ​ ៖​ តម្លៃ​បន្ទប់​ធម្មតា​គឺ​ប្រហែល​ ២,៥០​ដុល្លារ​អាមេរិក​ ក្នុង​មួយ​យប់​ ។​ – ក៏ប៉ុន្តែ​ទោះជា​យ៉ាង​នេះ​ក្ដី​ក៏​អ្វី​ៗ​ខុស​ពី​សេចក្ដី​ប្រកាស​ហាមប្រាម​ដូច​ខាងលើ​នេះ​ដែរ​ ។​ អ្នកជំងឺ​ម្នាក់​ៗ​បង់​ប្រាក់​លើស​ ជា​បន្ថែម​ទៅលើ​ថ្លៃ​សេវា​ ដូចជា​ប្រហែល​ ១០,០០​ ទៅ​ ៣០,០០​ដុល្លារ​អាមេរិក​ សម្រាប់​វេជ្ជបណ្ឌិត​ ប្រហែល​ ២,៥០​ដុល្លារ​អាមេរិក​ សម្រាប់​បុគ្គលិក​ពេទ្យ​ម្នាក់​ៗ​ដែល​ចាក់​ថ្នាំ​បី​សឺរ៉ាំង​ បី​ដង​ក្នុង​មួយ​ថ្ងៃ​ ។​ល​។​ ស្ត្រី​ម្នាក់​បាន​និយាយ​ថា​ នៅ​ពេល​ទារក​របស់​នាង​លេច​ចេញ​ពាក់កណ្ដាល​ក្បាល​មក​ក្រៅ​ វេជ្ជបណ្ឌិត​បាន​សួរ​សំនួរ​ដំបូង​គេ​ថា​ តើ​នាង​នឹង​ឲ្យ​លុយ​គេ​ប៉ុន្មាន​ ។​ ស្ត្រី​នោះ​បាន​ឆ្លើយ​ថា​ សូម​ជូន​ប្រហែល​ ១២,០០​ដុល្លារ​អាមេរិក​ ប៉ុន្តែ​វេជ្ជបណ្ឌិត​នោះ​ទារ​ថែម​លើស​នេះ​ទៀត​ ។​ ដោយសារតែ​នាង​បាន​សូម​អង្វរ​ថា​ ទាំងអស់​នេះ​គឺ​ជា​ប្រាក់​ដែល​នាង​មាន​ ហើយ​គេ​ក៏​ព្រម​ ។​ នេះ​ជា​រឿង​មិន​គួរឲ្យ​ជឿ​ទេ​ ប៉ុន្តែ​នេះ​គឺជា​អ្វី​ដែល​ស្ត្រី​នោះ​បាន​និយាយ​ចេញពី​មាត់​នាង​ផ្ទាល់​ ។​ ស្ត្រី​ម្នាក់​ទៀត​ ស្នាក់​សម្រាក​នៅ​គ្រែ​ជាប់​គ្នា​នោះ​ដែរ​ បាន​ស្នើ​ជូន​វេជ្ជបណ្ឌិត​នោះ​ ៥,០០​ដុល្លារ​អាមេរិក​ ប៉ុន្តែ​លុះណាតែ​គេ​ឡើង​ដល់​តម្លៃ​ ៣០,០០​ដុល្លារ​ ទើប​គេ​ព្រម​” ។
  • នៅ​ពេល​ដែល​មេធាវី​ចុងចោទ​នៅ​សាលាក្ដី​ខ្មែរក្រហម​មិន​អាច​ទទួល​បាន​ព័ត៌មាន​អំពី​ប្រាក់​សំណូក​របស់​បុគ្គលិក​ខ្មែរ​ – ទៅកាន់​ថ្នាក់លើ​របស់​គេ​ សម្រាប់​ជា​សគុណ​ចំពោះ​ការ​ដែល​បាន​ទទួល​មុខ​នាទី​ – ហើយ​នោះ​ជា​ការ​ធ្វើឲ្យ​គេ​ពេញចិត្ត​ថា​ពុំ​មាន​ភាព​អយុត្តិធម៌​នៅ​ក្នុង​ការ​ជម្រះក្ដី​នោះ​ទេ​ ។​ ទីបំផុត​មេធាវី​នោះ​ក៏​បាន​ដាក់​ពាក្យ​ស្នើ​សុំ​ឲ្យ​មាន​ការ​បំភ្លឺ​លើ​ការ​ចោទប្រកាន់​ពី​អំពើពុករលួយ​នៅ​ឯ​តុលាការ​ក្រុងភ្នំពេញ​ ។​ ឥឡូវ​មេធាវី​នោះ​ដឹង​ថា​ត្រូវ​មាន​ការ​បំភិតបំភ័យ​ដោយ​ចៅក្រម​នោះ​ដែល​បាន​ប្រុងប្រៀប​ប្ដឹង​មក​លើ​មេធាវី​នោះ​វិញ​ ពី​បទ​បរិហារ​កេរ្តិ៍​ – ជា​ជំនួស​ការ​សម្ដែង​ការ​ដឹងគុណ​ដែល​ថា​ ការចោទប្រកាន់​នោះ​អាច​ត្រូវ​ច្រានចោល​ដោយ​តុលាការ​ជា​រៀង​រហូត​នោះ​ទៅវិញ​ ។
  • នៅ​ពេល​ដែល​គណៈប្រតិភូ​ពី​ព្រឹទ្ធសភា​ និង​ ពី​ក្រុម​សិទ្ធិ​មនុស្ស​បាន​ព្យាយាម​ចុះ​ទៅ​ធ្វើ​អធិការកិច្ច​ និង​ ត្រួតពិនិត្យ​មើល​ទីកន្លែង​ព្រៃឈើ​ដែល​គេ​ថា​ត្រូវ​បាន​កាប់​រាន​យក​ដី​សម្រាប់​ដាំ​ដើម​កៅស៊ូ​ ក្នុង​ខេត្ត​រតនគិរី​ ក្រុម​ DM​ ដែល​ជា​ក្រុមហ៊ុន​ជាប់​ក្នុង​ការសង្ស័យ​ បាន​រារាំង​មិន​ឲ្យ​គេ​បំពេញ​ភារកិច្ច​បាន​ឡើយ​ ។
  • នៅ​ពេល​ដែល​ស្ត្រី​ដាណឺម៉ាក​ម្នាក់​បាន​ទិញ​ថ្នាំ​បំបាត់​ការឈឺចាប់​រាប់​ពាន់​គ្រាប់​ដែល​មាន​ជាតិ​កូដេអ៊ីន​ ដោយ​មិន​បាច់​មាន​វេជ្ជបញ្ជា​ ដែល​គេ​អាច​ទិញ​បាន​ដោយ​ងាយ​ និង​ ដោយ​ស្រប​ច្បាប់​ នៅ​តាម​ឱសថ​ស្ថាន​ជាច្រើន​ទូទាំង​ក្រុងភ្នំពេញ​ ហើយ​គាត់​បាន​ផ្ញើ​វា​តាម​ប្រៃសណីយ៍​ – វា​មាន​តម្លៃ​ថោក​ៗ​នៅ​ទីនេះ​ ហើយ​គាត់​សង្ឃឹម​ថា​នឹង​លក់​វា​នៅ​ឯ​បរទេស​ ដើម្បី​បាន​ប្រាក់កម្រៃ​ខ្លះ​សម្រាប់​ចិញ្ចឹម​កូនប្រុស​ម្នាក់​របស់​គាត់​ – គាត់​ត្រូវ​បាន​គេ​ឃាត់ខ្លួន​ ។​ ឥឡូវនេះ​គាត់​ត្រូវ​គេ​កាត់ទោស​ឲ្យ​ជាប់គុក​ ១៥​ឆ្នាំ​ ហើយ​ផាក​ពិន័យ​ជា​ប្រាក់​ប្រហែល​ ៧.៥០០​ដុល្លារ​អាមេរិក​ ពី​បទ​ជួញដូរ​គ្រឿងញៀន​ ។​ ពុំ​មាន​សេចក្ដីរាយការណ៍​ព័ត៌មាន​ណាមួយ​បាន​និយាយ​អ្វី​បន្តិច​ណា​អំពី​ការ​ពាក់ព័ន្ធ​នឹង​សារធាតុ​ខុស​ច្បាប់​នេះ​ឡើយ​ ។
  • នៅ​ពេល​ដែល​ប្រជាជន​ចំនួន​ ២៣៤​គ្រួសារ​ ដឹង​ថា​ខ្លួន​ត្រូវ​គេ​គំរាមកំហែង​ក្នុង​នាម​ជា​ម្ចាស់​ដី​ ដោយ​ក្រុមហ៊ុន​ ហេង​ អភិវឌ្ឍន៍​ ពួកគេ​មាន​សេចក្ដី​រីករាយ​ដោយ​តុលាការ​ខេត្ត​កណ្ដាល​បាន​បញ្ជាក់​អះអាង​នូវ​សិទ្ធិ​លើ​ដីធ្លី​របស់​ខ្លួន​ កាលពី​ថ្ងៃ​ទី​ ២៦​ ខែ​ កុម្ភៈ​ ឆ្នាំ​ ២០០៧​ ។​ ប៉ុន្តែ​ឥឡូវ​ក្រុមហ៊ុន​នេះ​បាន​ប្រើ​គ្រឿងម៉ាស៊ីន​ ហើយ​ចាប់ផ្ដើម​កាប់​រាន​ដី​របស់​ពួក​ខ្លួន​ ។​ នៅ​ពេល​ម្ចាស់​កម្មសិទ្ធិ​តាម​ច្បាប់​បាន​ប្រឆាំង​តវ៉ា​ ក្រុមហ៊ុន​នេះ​បាន​ប្រាប់​ពួកគេ​ថា​ តុលាការ​ខេត្ត​កណ្ដាល​បាន​ធ្វើការ​វិនិច្ឆ័យ​ខុស​ ។​ អាវុធហត្ថ​នៅ​ស្រុក​កណ្ដាលស្ទឹង​ ដឹកនាំ​ដោយ​មេបញ្ជាការ​ខ្លួន​ – ជា​ក្មួយ​របស់​នាយក​ក្រុមហ៊ុន​ ហេង​ អភិវឌ្ឍន៍​ – បាន​ដាក់​ពង្រាយ​អាវុធហត្ថ​ ២០​ ទៅ​ ៣០​នាក់​ ប្រដាប់​ដោយ​អាវុធ​ ហើយ​បាន​បាញ់​កាំភ្លើង​ AK-47​ – យ៉ាងហោចណាស់​មាន​មនុស្ស​បី​នាក់​ត្រូវ​របួស​យ៉ាង​ធ្ងន់​ ។
  • នៅ​ពេល​ដែល​មាន​សេចក្ដីរាយការណ៍​ព័ត៌មាន​ថា​ ក្រុមហ៊ុន​រុករក​រ៉ែ​អាមេរិក​ PHI​ បាន​ទិញ​ក្រុមហ៊ុន​រុករក​រ៉ែ​ឥណ្ឌូចិន​ ឥឡូវ​ជា​សាខា​របស់​ក្រុមហ៊ុន​ PHI​ ហើយ​ដែល​ឥឡូវ​បាន​ធ្វើ​សហប្រតិបត្តិការ​ជាមួយ​ក្រុមហ៊ុន​កម្ពុជា​ ​អង្គរ​អាជីវកម្ម​លោហៈ​នោះ​ វា​មិនមែន​ជា​ដំណឹង​សំខាន់​ទេ​ ។​ ប៉ុន្តែ​វា​ប្រហែលជា​ដំណឹង​សំខាន់​កាលពី​មុន​មែន​ ហើយ​យើង​ខកខាន​មិន​បាន​ឃើញ​វា​ – ឬមួយ​វា​គួរតែ​ជា​ដំណឹង​សំខាន់​អញ្ចឹង​មែន​ ។​ ដូច​ដែល​យើង​បាន​ឆ្លុះបញ្ចាំង​ពី​ម្សិលមិញ​ កិច្ច​សហប្រតិបត្តិការ​នេះ​ទាក់ទង​នឹង​ធនធាន​ធម្មជាតិ​កម្ពុជា​ ដែល​ការវាយតម្លៃ​លើក​ដំបូង​លើ​តំបន់​រ៉ែ​ទង់ដែង​នេះ​ ត្រូវ​បាន​ប៉ាន់ស្មាន​ស្មើ​នឹង​ ១​កោដិ​ដុល្លារ​អាមេរិក​ ។​ ហើយ​យើង​ក៏​បាន​ឆ្លុះបញ្ចាំង​កាលពី​ម្សិលមិញ​ផង​ដែរ​ថា​ អង្គរ​អាជីវកម្ម​លោហៈ​មិន​បាន​បង្ហើប​ឲ្យ​ដឹង​ច្រើន​អំពី​ខ្លួនឯង​តាម​របៀប​ដែល​ក្រុមហ៊ុន​ដទៃ​បាន​ធ្វើ​ទេ​ ទោះជា​ក្រុមហ៊ុន​ជា​ដៃគូ​អាមេរិក​សរសេរ​ថា​ “ស្ថាបនិក​អង្គរ​អាជីវកម្ម​លោហៈ​រួមមាន​កូនប្រុស​ម្នាក់​ និង​ កូនប្រសា​ប្រុស​ម្នាក់​របស់​ សម្ដេច​ ហ៊ុន​ សែន​ នាយករដ្ឋមន្ត្រី​កម្ពុជា​ក្ដី​ វា​ជា​ហេតុ​នាំឲ្យ​ធានា​បាន​នូវ​ការ​គាំទ្រ​ខាង​នយោបាយ​ ដើម្បី​ទទួល​បាន​ និង​ បន្ត​អាជ្ញាប័ណ្ណ​រុករក​រ៉ែ​” ។
  • រដ្ឋធម្មនុញ្ញ​នៃ​ព្រះរាជាណាចក្រ​ចែង​ថា​ ៖​ “រដ្ឋសភា​អនុម័ត​ថវិកា​ជាតិ​ ផែនការ​រដ្ឋ​ ការ​ឲ្យ​រដ្ឋ​ខ្ចី​ប្រាក់​ពី​គេ​ ការ​ឲ្យ​រដ្ឋ​ឲ្យ​ប្រាក់​គេ​ខ្ចី​ ការ​សន្យា​នានា​ផ្នែក​ហិរញ្ញវត្ថុ​ និង​ ការ​បង្កើត​ កែប្រែ​ ឬ​ លុបចោល​ពន្ធដារ​” ។​ (មាត្រា​ទី​ ៩០​)
  • យើង​ពុំ​មាន​ព័ត៌មាន​អំពី​ការ​ដេញថ្លៃ​ជា​សាធារណៈ​ណាមួយ​សម្រាប់​កិច្ចសន្យា​ផ្នែក​ហិរញ្ញវត្ថុ​ដើម្បី​ធនធាន​រ៉ែ​ធម្មជាតិ​ ដែល​អង្គរ​អាជីវកម្ម​លោហៈ​ទទួល​បាន​នៅ​ទីបំផុត​នោះ​ទេ​ ហើយ​យើង​ក៏​ពុំ​មាន​ព័ត៌មាន​ស្ដីពី​ស្ថានភាព​របស់​នីតិវិធី​ក្នុង​ការ​អនុម័ត​របស់​រដ្ឋសភា​ចំពោះ​កិច្ចព្រមព្រៀង​ផ្ដល់​គម្រោង​ និង​ ហិរញ្ញប្បទាន​ឥណទាន​ដែរ​ – ក្នុង​ចំនួន​រហូតដល់​ ៥០០​លាន​ដុល្លារ​អាមេរិក​ – ដែល​បើ​តាម​ក្រសួងការបរទេស​ត្រូវ​បាន​ចុះហត្ថលេខា​រួច​ហើយ​ដោយ​កម្ពុជា​ និង​ ដោយ​គូវេត​ ។
  • ដូច​ដែល​និយាយ​កាលពី​ដំបូង​នោះ​ ក្នុង​វិទ្យាសាស្ត្រ​នយោបាយ​សាធារណៈ​ ការ​យល់ដឹង​ជ្រៅជ្រះ​ពី​អ្វី​ដែល​កំពុង​ប្រព្រឹត្ត​ឡើង​ ច្រើន​តែ​មាន​សារៈសំខាន់​សម្រាប់​ដំណើរការ​ប្រជាធិបតេយ្យ​សាធារណៈ​ខ្លាំង​ជាង​ការពិត​ – ដូច​ដែល​យើង​បាន​លើក​បញ្ហា​ទាំងអស់​នៅ​ខាងលើ​នេះ​ស្រាប់​ – អ្វី​ៗ​ទាំងអស់​ផ្អែកលើ​ព័ត៌មាន​ ដែល​មាន​ជួនកាល​នៅ​ក្នុង​កាសែត​កម្ពុជា​ ជួនកាល​មាន​ជា​សាធារណៈ​តាម​អ៊ីនធឺណិត​ ។​ ដូច្នេះ​ នាយករដ្ឋមន្ត្រី​ បាដាវី​ ក៏​បាន​ទទួលស្គាល់​ការ​ចាំបាច់​ត្រូវតែ​មាន​ស្វ័យទិតៀន​ក្នុង​ការ​ស្វែងរក​ហេតុផល​សម្រាប់​ការ​យល់ដឹង​ជ្រៅជ្រះ​បែបនេះ​ ។​ ប៉ុន្តែ​ក្នុង​ពេល​ជាមួយ​គ្នា​នោះ​ដែរ​ គាត់​បាន​គិត​ថា​ ចាំបាច់​ត្រូវតែ​ចូលរួម​ចំណែក​ក្នុង​ការ​បញ្ជាក់​ពី​អ្វី​ដែល​គាត់​បាន​ឃើញ​ថា​ជា​ “ការ​រំលោភបំពាន​គ្មាន​ត្រាប្រណី​លើ​សេចក្ដី​ថ្លៃថ្នូរ​របស់​មនុស្ស​ យុត្តិធម៌​ ធម្មជាតិ​ សិទ្ធិមនុស្ស​ និង​ ច្បាប់​អន្តរជាតិ​” ។
  • ឧទាហរណ៍​មួយ​ល្អ​ ។

    Make a Comment

    Leave a Reply

    Fill in your details below or click an icon to log in:

    WordPress.com Logo

    You are commenting using your WordPress.com account. Log Out / Change )

    Twitter picture

    You are commenting using your Twitter account. Log Out / Change )

    Facebook photo

    You are commenting using your Facebook account. Log Out / Change )

    Google+ photo

    You are commenting using your Google+ account. Log Out / Change )

    Connecting to %s

    One Response to “ការ​យល់ដឹង​ជ្រៅជ្រះ​ និង​ ការពិត​ – ម្ដងទៀត​ – ថ្ងៃ​ អាទិត្យ​ ទី​ ១៨​ ខែ​ មករា​ ឆ្នាំ​ ២០០៩​”

    RSS Feed for កញ្ចក់​សង្គម Comments RSS Feed

    […] * សូម​អញ្ជើញ​អាន​វិចារណកថា​សម្រាប់… * សូម​ជម្រាប​ថា​ក្រៅ​ពី​ការ​អាន​ព្រឹត្តិបត្រ​ព័ត៌មាន កញ្ចក់​សង្គម ជា​ភាសា​ខ្មែរ​ លោក​ អ្នក​ក៏​អាច​អាន​ផង​ដែរ​នូវ​ព្រឹត្តិបត្រ​ព័ត៌មាន​ The Mirror ជា​ភាសា​អង់គ្លេស​ ។ * ដើម្បី​ជ្រាប​​នូវ​ពី​ព័ត៌មាន​ស្ដី​អំពី​​ស្ត្រី​ក្នុង​សង្គម​ខ្មែរ​ សូម​អញ្ជើញ​​​ទស្សនា​តំបន់​បណ្ដាញ​កម្មវិធី​ស្ត្រី​នៃ​អង្គការ​វិទ្យាស្ថាន​បើក​ទូលាយ​​​ ដោយ​ចុច​តំណ​ខាង​ក្រោម​នេះ!​​ សូម​អរគុណ​! http://women.open.org.kh/ * ត្រឡប់​ទៅ​ខាងលើ​វិញ […]


    Where's The Comment Form?

    Liked it here?
    Why not try sites on the blogroll...

    %d bloggers like this: