ថ្ងៃ ចន្ទ ទី ៣០ មិថុនា ២០០៨ ៖ កម្ពុជាត្រូវការឆ្មបយ៉ាងច្រើនដើម្បីធានាសុវត្ថិភាពមាតា និង ទារក នៅក្នុងពេលសម្រាល
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥០២
អ្នកជំនាញការរបស់អង្គការសុខភាពពិភពលោក និង សុខភាពមាតានិងទារកនៅក្នុងពេលកើត នៅកម្ពុជា នៅតែជាបញ្ហាដ៏គួរឲ្យព្រួយបារម្ភ ហើយបញ្ហាព្រួយបារម្ភនេះគឺដោយសារតែកម្ពុជាខ្វះខាតឆ្មបគឺជាមូលហេតុដ៏ចម្បង ។
លោកស្រី វេជ្ជបណ្ឌិត ជាង កន្និដ្ឋា មន្ត្រីនៃអង្គការសុខភាពពិភពលោកនៅក្នុងប្រទេសកម្ពុជា បានអះអាងថា សុខភាពមាតា និង ទារកនៅក្នុងពេលកើត គឺជាបញ្ហាមួយដែលកម្ពុជាគួរតែយកចិត្តទុកដាក់ ដោយសារតែនៅក្នុងមួយឆ្នាំៗ មានទារកនិងមាតារាប់ពាន់នាក់ បានត្រូវស្លាប់ ។ លោកស្រីបានបញ្ជាក់ថា “គេបានប៉ាន់ប្រមាណថា នៅក្នុងមួយឆ្នាំៗ មានទារក និង ស្ត្រីកម្ពុជាប្រមាណជា ២.០០០ បានស្លាប់នៅក្នុងអំឡុងពេលមានផ្ទៃពោះ និង ពេលកើត” ។
លោកវេជ្ជបណ្ឌិត គុំ កាណាល់ ប្រធានមជ្ឈមណ្ឌលជាតិគាំពារមាតា និង ទារក បានទទួលស្គាល់កាលពី ថ្ងៃទី ២៧ ខែ មិថុនា កន្លងទៅនេះថា អត្រាស្លាប់របស់មាតា និង ទារកនៅក្នុងពេលមានទម្ងន់រហូតដល់កើតបាន៤២ថ្ងៃ គឺពិតជាខ្ពស់ជាងគេមែន បើប្រៀបធៀបនឹងប្រទេសនៅក្នុងតំបន់ ។ លោកបានបញ្ជាក់ថា “តួលេខនៃការស្លាប់របស់មាតា និង ទារកយើង គឺគ្រាន់បើជាងភូមាបន្តិច តែប្រដមប្រសងជាមួយនឹងឡាវ តែបើជាមួយនឹងវៀតណាម និង ថៃ យើងនៅចាញ់គេឆ្ងាយណាស់” ។
លោកបានបន្តទៀតថា មូលហេតុដែលកម្ពុជាមានអត្រាស្លាប់ខ្ពស់ជាងគេ គឺដោយសារតែបីចំណុចធំ គឺការធ្វើរោគវិនិច្ឆ័យយឺត បញ្ជូនយឺត និង សង្គ្រោះយឺត ។ ចំណែកគេសុទ្ធតែលឿន ។ លោកបានបន្តទៀតថា បញ្ហាយឺតយ៉ាវទាំងអស់នេះ គឺដោយសារតែកង្វះខាតឆ្មប ហើយប្រជាពលរដ្ឋកម្ពុជាភាគច្រើនមិនទាន់យល់អំពីសារសំខាន់របស់មណ្ឌលសុខភាព ។
លោកស្រីវេជ្ជបណ្ឌិត ជាង កន្និដ្ឋា បានឲ្យដឹងថា បើយោងទៅតាមស្ថិតិសុខភាពជាតិកាលពី ឆ្នាំ ២០០៧ កន្លងទៅនេះ កម្ពុជាទើបតែមានឆ្មប ៣.១៨៤នាក់ ប៉ុណ្ណោះ តែចំនួននេះមិនគ្រប់សម្រាប់ធានាសុវត្ថិភាពមាតា និង ទារកនៅក្នុងពេលកើតបានឡើយ ។
លោកស្រីបានបញ្ជាក់ថា មានមណ្ឌលសុខភាពជាង១០០កន្លែង ដែលមិនមានឆ្មបទាល់តែសោះ ហើយមានប្រជាពលរដ្ឋប្រមាណជា ៧៨ភាគរយ ផ្ដល់កំណើតកូននៅផ្ទះ ក្នុងនោះ ៥៥ភាគរយ គឺកើតជាមួយនឹងឆ្មបបុរាណ ដែលជាអ្នកដែលមិនមានការបណ្ដុះបណ្ដាលត្រឹមត្រូវតាមក្បួនវេជ្ជសាស្ត្រ ។
លោក គុំ កាណាល់ បានបដិសេធនឹងតួលេខកង្វះខាតឆ្មបខាងលើ ហើយបានអះអាងថា ដោយសារតែកិច្ចខិតខំប្រឹងប្រែងរបស់រដ្ឋាភិបាលរហូតមកដល់ពេលនេះ នៅក្នុងចំណោមមណ្ឌលសុខភាពទាំងអស់នៅក្នុងប្រទេសកម្ពុជាចំនួនជាង៩០០នោះ គឺមានតែ ៧២ឬ៧៣មណ្ឌលសុខភាព ប៉ុណ្ណោះដែលមិនទាន់មានឆ្មប ប៉ុន្តែទោះបីជាយ៉ាងណាក៏ដោយ លោកទទួលស្គាល់ថា កម្ពុជានៅខ្វះខាតឆ្មបរាប់ពាន់នាក់ ប៉ុន្តែចំនួនខ្វះខាតពិតប្រាកដគឺលោកមិនបានដឹងច្បាស់នោះទេ ។
មន្ត្រីនាយកដ្ឋានអភិវឌ្ឍន៍ធនធានមនុស្សនៃក្រសួងសុខាភិបាលមិនអាចទំនាក់ទំនងសុំការបំភ្លឺបាន កាលពីថ្ងៃទី ២៨ ខែ មិថុនា កន្លងទៅនេះ ។
លោកស្រី ជាង កន្និដ្ឋា បានអះអាងថា តាមស្តង់ដារជាតិ មណ្ឌលសុខភាពនីមួយៗត្រូវការឆ្មបពីរនាក់ ចំណែកតាមមន្ទីរពេទ្យដែលមានបីប្រភេទនោះ ខ្លះត្រូវការឆ្មបពី ៦ទៅ៨នាក់ ខ្លះទៀតត្រូវការឆ្មបពី ៧ទៅ១០នាក់ និង ខ្លះទៀតត្រូវការឆ្មបពី ១៥ទៅ២០នាក់ ហើយចំណែកនៅតាមមូលដ្ឋានក៏ត្រូវការឆ្មបផងដែរ ។
ពាក់ព័ន្ធនឹងកង្វះខាតឆ្មបនៅកម្ពុជានេះ នៅក្នុងសិក្ខាសាលាមួយដែលគេរៀបចំនៅក្នុងទីក្រុងហាណូយ កាលពីចុងខែ ឧសភា កន្លងទៅនេះ អ្នកជំនាញការរបស់អង្គការសុខភាពពិភពលោកប្រចាំនៅក្នុងតំបន់មួយចំនួន បានអះអាងថា មូលហេតុនៃកង្វះខាតឆ្មបនៅកម្ពុជា គឺដោយសារតែបញ្ហាសេដ្ឋកិច្ច ។
លោក គុំ កាណាល់ បានឲ្យដឹងថា វាគឺជាការពិត ប្រាក់ខែតិចគឺមូលហេតុចម្បង ហើយកង្វះការលើកទឹកចិត្តក៏ជាបញ្ហាមួយដែរ ។ យុវជនក្មេងៗជំនាន់ក្រោយមិនសូវចាប់អារម្មណ៍នឹងជំនាញនេះទេ ។
លោកបានបញ្ជាក់ថា “យើងមានសាលាបណ្ដុះបណ្ដាលឆ្មបដល់ទៅ៥កន្លែង តែសាលាទាំងនោះផលិតឆ្មបបានត្រឹមតែ ២០០នាក់ប៉ុណ្ណោះ នៅក្នុងមួយឆ្នាំ” ។
លោកបានបន្តទៀតថា បើផ្អែកលើចំនួននេះ យើងត្រូវការស៊ីពេលវេលារហូតដល់ទៅ ១០ឆ្នាំ ទើបអាចស្វែងរកឆ្មបបានគ្រប់គ្រាន់ ៕ កាសែតរស្មីកម្ពុជា ឆ្នាំទី ១៦ លេខ ៤៦២៨ ថ្ងៃ អាទិត្យ – ចន្ទ ទី ២៩ – ៣០ ខែ មិថុនា ឆ្នាំ ២០០៨
កាសែតដែលចេញលក់នៅ
ថ្ងៃ ចន្ទ ទី ៣០ ខែ មិថុនា ឆ្នាំ ២០០៨
ជួយខ្មែរ ឆ្នាំទី ២ លេខ ១២៥ ថ្ងៃ ចន្ទ ទី ៣០ ខែ មិថុនា ឆ្នាំ ២០០៨
- សហមេធាវី សាយ បូរី លាឈប់ការពារក្ដីឲ្យឃាតក ខៀវ សំផន [ដោយសារតែមានការអាក់អន់ចិត្ត ហើយមិនមានការចុះសម្រុងនឹងគ្នាជាមួយនឹងដៃគូរបស់ខ្លួន គឺ លោក ហ្សាក់ វ៉ាក់ហ្សេស]
កម្ពុជាថ្មី ឆ្នាំទី ៧ លេខ ១៦៨០ ថ្ងៃ អាទិត្យ – ចន្ទ ទី ២៩ – ៣០ ខែ មិថុនា ឆ្នាំ ២០០៨
- អនុប្រធានភូមិម្នាក់ ត្រូវជនមិនស្គាល់មុខចង.ក អូសទៅបាញ់សម្លាប់ចោលនៅក្រោយផ្ទះ [ខេត្ត កំពង់ចាម]
- អ្នកកាសែតនៅខេត្ត កំពង់ធំ ម្នាក់ ត្រូវជនពាលរកស៊ីឈើខុសច្បាប់ ឡោមព័ទ្ធបាញ់នឹងគ្រាប់ចំពាមរងរបួសជាដំណំ
- ប្រទេសកូរ៉េខាងជើងបំផ្លាញចោលប៉មរ៉េអាក់ទ័រនុយក្លេអ៊ែរ [នៅ Yongbyon ]
ខ្មែរអមតៈ ឆ្នាំទី ៩ លេខ ៥៩៤ ថ្ងៃ ចន្ទ ទី ៣០ ខែ មិថុនា ឆ្នាំ ២០០៨
- លោក ស៊ុត ឌីណា សកម្មជនជាន់ខ្ពស់ គ.រ.ន [គណបក្សនរោត្ដមរណឫទ្ធិ] ប្រចាំខេត្ត បាត់ដំបង ត្រូវគេប៉ុនប៉ងសម្លាប់ [ដោយមានការបាញ់ប្រហារមកលើរថយន្តរបស់គាត់ បន្ទាប់ពីត្រឡប់ពីការងារឃោសនានៅតាមស្រុក]
ខ្មែរម្ចាស់ស្រុក ឆ្នាំទី ២ លេខ ១៨៨ ថ្ងៃ អាទិត្យ – ចន្ទ ទី ២៩ – ៣០ ខែ មិថុនា ឆ្នាំ ២០០៨
- សមត្ថកិច្ចចាប់ថៅកែកាស៊ីណូម៉ាកាវ នៅបាវិត បញ្ជូនមកក្រុងភ្នំពេញទាំងកណ្ដាលយប់ [នេះបើផ្អែកតាមអ្នកបំរើម្នាក់ ដែលធ្វើការនៅក្នុងកាស៊ីណូនេះ]
ខ្មែរស្ថាបនា ឆ្នាំទី ១ លេខ ៣៦ ថ្ងៃ អាទិត្យ – ចន្ទ ទី ២៩ – ៣០ ខែ មិថុនា ឆ្នាំ ២០០៨
- សារមន្ទីរជាតិអង្គរ [ក្នុងខេត្ត សៀមរាប] មើលរំលងអក្សរសាស្ត្រជាតិ [ដោយមិនប្រើប្រាស់ស្លាកជាតួអក្សរខ្មែរ ក្រៅពីស្លាកចំនួនពីរដែលដាក់ថា “National Angkor Museum”]
កោះសន្តិភាព ឆ្នាំទី ៤១ លេខ ៦៣៨៤ ថ្ងៃ ចន្ទ ទី ៣០ ខែ មិថុនា ឆ្នាំ ២០០៨
- [ក្រុមហ៊ុន សូ ជីង] ទំលាយទំនប់ទឹក ហូរកួចលិចទូក កាណូតធំ តូច ៣៥គ្រឿង និង លំនៅឋាន
- អង្គការសត្វព្រៃ និង រុក្ខជាតិអន្តរជាតិ ជួយប្រយុទ្ធប្រឆាំងបទល្មើសគ្រឿងញៀននៅប្រទេសកម្ពុជា [ដោយបានរឹបអូសបានប្រេងម្រះព្រៅចំនួន ៣៣តោន ដែលជាគ្រឿងផ្សំដ៏សំខាន់សម្រាប់ផលិតថ្នាំ អេចស្តាស៊ី]
- ក្រសួងវប្បធម៌ និង វិចិត្រសិល្បៈ គ្រោងបើកសាលាបណ្ដុះបណ្ដាលសំរាប់វិជ្ជាជីវៈផលិតខ្សែភាពយន្ត [ដោយមានកិច្ចសហការជាមួយប្រទេសកូរ៉េ ក្នុងគោលបំណងដើម្បីស្ដារវិស័យសិល្បៈភាពយន្តឡើងវិញ]
មាតុភូមិ ឆ្នាំទី ៥២ លេខ ៦៩៥ ថ្ងៃ អង្គារ – សៅរ៍ ទី ១ – ៥ ខែ កក្កដា ឆ្នាំ ២០០៨
- កម្ពុជានឹងបង្កើតភ្នាក់ងារជាតិមុខរបបរ និង ការងារ
រស្មីកម្ពុជា ឆ្នាំទី ១៦ លេខ ៤៦២៨ ថ្ងៃ អាទិត្យ – ចន្ទ ទី ២៩ – ៣០ ខែ មិថុនា ឆ្នាំ ២០០៨
- កម្ពុជាត្រូវការឆ្មបយ៉ាងច្រើនដើម្បីធានាសុវត្ថិភាពមាតា និង ទារក នៅក្នុងពេលសម្រាល
សម្លេងយុវជនខ្មែរ ឆ្នាំទី ១៥ លេខ ៣៣៤៦ ថ្ងៃ អាទិត្យ-ចន្ទ ទី ២៩-៣០ ខែ មិថុនា ឆ្នាំ ២០០៨
- សង្គមស៊ីវិល ៖ យុទ្ធនាការឃោសនាបោះឆ្នោតឆ្នាំ ២០០៨ មានលក្ខណៈប្រសើរ
- សង្វាក់ផលិតកម្មបំផ្លាញឈើនៅខេត្ត សៀមរាប កើនឡើងគគ្រឹកគគ្រេង តែគ្មានអ្នកទទួលខុសត្រូវ
* សូមអញ្ជើញអានវិចារណកថាសម្រាប់សប្ដាហ៍កន្លងទៅជាភាសាអង់គ្លេស!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
Leave a comment