Archive for August, 2008
សប្ដាហ៍ទី ៥១៣ ថ្ងៃទី ៣១ សីហា ២០០៨៖ បឹងកក់៖ អនុសាសន៍របស់សម្ដេចនាយករដ្ឋមន្ត្រី – កង្វល់បន្ទាន់ៗរបស់មនុស្ស និង ខាងបរិស្ថាន
ព្រឹត្តិបត្រ The Mirrors មានព្រំដែនក្នុងការឆ្លុះបញ្ចាំងហើយពុំអាចបង្ហាញអ្វីៗសព្វសារពើទេ ។ ព្រឹត្តិបត្រ The Mirrors នេះនៃសារព័ត៌មានខ្មែរក៏មានកំហឹងដូចគ្នាដែរ ពីព្រោះសារព័ត៌មានខ្លួនឯងផ្ទាល់មិនបានរាយការណ៍អ្វីៗសព្វសារពើទេ ហើយយើងចាំបាច់ត្រូវតែជ្រើសរើស ។ យើងបានខិតខំដោះស្រាយព្រំដែនកំណត់ទាំងនេះដោយធ្វើការជ្រើសរើសព័ត៌មានផ្សេងៗយ៉ាងច្រើនក្នុងពេលកន្លងមក យើងក៏បានគួបផ្សំជម្រៅរបស់អត្ថបទបកប្រែដោយមានសេចក្ដីសង្ខេបក្នុងចំណងជើងបកប្រែ ដោយដាក់បន្ថែមសេចក្ដីពន្យល់និងព័ត៌មាននៅក្នុង [វង់ដង្កៀបជ្រុង] និងគូសបន្ទាត់ពីក្រោម links ព័ត៌មានបន្ថែមដែលអាចមានតាមអ៊ីនធឺណិត និងដោយប្រមែប្រមូលឡើងវិញនូវព័ត៌មានពីមុនៗដែលទាក់ទងនឹងហេតុការណ៍នាបច្ចុប្បន្ននេះ ។
ព្រឹត្តិការណ៍កើតមានក្នុងសប្ដាហ៍នេះទាមទារត្រូវរំលឹកឡើងវិញនូវក្ដីកង្វល់ និងអនុសាសន៍ដែលមានក្នុងពេលកន្លងមកថ្មីៗនេះ ។
កាលពីថ្ងៃសុក្រកន្លងមកនេះ យើងបានចេញផ្សាយអត្ថបទបកប្រែមួយដ៏វែងក្រោមចំណងជើងថា “អ្នករស់នៅបឹងកក់នាំគ្នាទៅផ្ដិតមេដៃទទួលយកលុយនឹងលំនៅស្ថានថ្មី” ។
អត្ថបទនេះបាននិយាយថា “គ្រួសារចំនួន ៥០០ បានព្រមព្រៀង … ទទួលយកប្រាក់ផ្ដល់ឱ្យ ពីព្រោះពួកគាត់ចង់ទៅប្រកបមុខរបររកស៊ីនៅកន្លែងថ្មីរស់នៅកន្លែងថ្មី ដែលមានបរិស្ថានល្អ មិនចង់រស់នៅលើទឹកស្អុយភក់ជ្រាំ ដែលធ្វើឱ្យខូចសុខភាពបន្តទៀតទេ” – ប៉ុន្តែអត្ថបទនេះមិនបាននិយាយថាគ្រួសារ ៤០០០គ្រួសារបានទទួលរងផលប៉ះពាល់នោះទេ ។
“ប្រជាពលរដ្ឋទាំងអស់និយាយថា គេចង់ឃើញក្រុមហ៊ុនអភិវឌ្ឍន៍តំបន់បឹងកក់ក្នុងពេលឆាប់ៗនេះ ដោយមានសំណូមពរថាក្រុមហ៊ុនត្រូវតែដំណើរការឱ្យបានឆាប់ព្រមទាំងធ្វើការអភិវឌ្ឍន៍បានល្អ ដើម្បីកុំឱ្យតំបន់នេះត្រូវទុកចោល ឬ លក់ទៅឱ្យក្រុមហ៊ុនដទៃទៀត” ។ – ប៉ុន្តែ ចំណែកឯអ្នកដែលត្រូវចាកចេញទៅ បាននិយាយជូនពរឱ្យក្រុមហ៊ុនទទួលបានជោគជ័យល្អប្រសើរបំផុត គេមិនបាននិយាយពីឈ្មោះក្រុមហ៊ុន និងពីអ្វីជាហេតុការណ៍ដែលសាធារណជនមិនបានឃើញផែនការណាមួយជារួម ។
“ប្រជាពលរដ្ឋភាគច្រើនបានសុខចិត្តទទួលយកប្រាក់ ៨.០០០ដុល្លារអាមេរិក និង ២លានរៀល ពីព្រោះពួកគេចង់រើសរកទីតាំងមួយថ្មីដោយខ្លួនឯងត្រង់កន្លែងណាដែលមានការងាយស្រួលដល់គេក្នុងការប្រកបរបររស់នៅប្រចាំថ្ងៃរបស់គេ” ។ ភាគច្រើននៃចំនួន ៥០០គ្រួសារ ក្នុងចំណោមគ្រួសារចំនួន ៤.០០០នោះ ឥឡូវនេះបានរើទៅចោមចៅ ឯនាយចំណតយន្តហោះជាតំបន់ជាយក្រុងចម្ងាយ ១៥គម ពីមណ្ឌលទីក្រុង ។
“រីឯការអភិវឌ្ឍតំបន់បឹងកក់វិញ គេឃើញថាក្រុមហ៊ុនបានចាប់ផ្ដើមបូមខ្សាច់បញ្ចូលបឹងជាបណ្ដើរៗ ចាប់ពីថ្ងៃទី ២៦ ខែ សីហា ឆ្នាំ ២០០៨ មកហើយ” ។
កាលពីខែ មីនា ឆ្នាំ ២០០៧ កន្លងហើយនេះ កាសែតសម្លេងយុវជនខ្មែរ បានរាយការណ៍ព័ត៌មានថា ប្រហែលជាអាចមានទំនាស់លើរឿងអភិវឌ្ឍន៍នៅតំបន់បឹងកក់ ។ ក្នុងពេលនោះ គេបានរាយការណ៍ព័ត៌មានថា សាលាក្រុងភ្នំពេញបានប្រាប់ប្រជាពលរដ្ឋដែលរស់នៅទីនោះថា នឹងមានដំណើរការរៀបរយធ្វើអភិវឌ្ឍន៍ហើយ មានន័យថា ជាផ្នែកមួយរបស់គម្រោងអភិវឌ្ឍន៍ ប្រជាពលរដ្ឋនឹងត្រូវបានឧបត្ថម្ភឱ្យមានលំនៅស្ថានថ្មីក្នុងតំបន់ដដែលនោះ ។ សេចក្ដីលំអិតខ្លះត្រូវបានរាយការណ៍ ៖
“បច្ចុប្បន្ននេះ តំបន់បឹងកក់មានផ្ទៃក្រឡាចំនួន ១៣៣ហិកតារ ដែលក្រុមហ៊ុនមួយបានជួលពីរដ្ឋាភិបាលក្នុងតម្លៃ ០,៦ដុល្លារអាមេរិក ក្នុងមួយម៉ែត្រការ៉េសម្រាប់ពេលមួយឆ្នាំៗ ដោយយោងតាមកិច្ចសន្យាមានរយៈពេល ៩៩ឆ្នាំ ។ ក្រុមហ៊ុនត្រូវបង់លុយប្រហែល ៧៩លានដុល្លារអាមេរិកជាតម្លៃជួលតំបន់នេះ ។ ឥឡូវនេះ មានគ្រួសារចំនួន ៤.០១២គ្រួសារ កំពុងរស់នេះតំបន់នេះ ហើយប្រជាពលរដ្ឋបានមករស់នៅក្នុងតំបន់នេះតាំងពីទសវត្សរ៍ឆ្នាំ ១៩៨០ ឬ ឆ្នាំ ១៩៩០ មកម្ល៉េះ ។ ក្នុងបទសម្ភាសន៍មួយជាមួយប្រជាពលរដ្ឋរស់នៅក្នុងតំបន់នេះ ភាគច្រើននៃពួកគេបានគាំទ្រឱ្យគម្រោងរៀបរយធ្វើអភិវឌ្ឍន៍ ពោលគឺ ពួកអ្នកទាំងនេះមិនត្រូវបានតម្រូវឱ្យប្ដូរទីតាំងទៅឯតំបន់ជាយក្រុងក្នុងអំឡុងពេលធ្វើការសាងសង់ទេ ។
ប្រជាពលរដ្ឋនៅតំបន់បឹងកក់នៅតែភ័យខ្លាចថាគម្រោងអភិវឌ្ឍន៍នឹងនាំឱ្យមានផលប៉ះពាល់ដល់លំនៅស្ថានរបស់គេ ។ ទោះជាសាលាក្រុងភ្នំពេញធានាចំពោះពួកគេអំពីអភិវឌ្ឍន៍ដូចម្ដេចម្ដាក្ដី ក៏ពួកគេនៅតែព្រួយ ហើយមិនទុកចិត្តចំពោះរដ្ឋអំណាចក្រុងភ្នំពេញ និងអភិបាលក្រុង កែប ជុតិមា ឡើយ ពីព្រោះរដ្ឋអំណាចនេះមិនបានគិតគូរចាត់ទុកផលប្រយោជន៍របស់ប្រជាពលរដ្ឋជាសំខាន់ទេ “។
ឥឡូវ វាហាក់ដូចជា គំនិតដែលថា អភិវឌ្ឍន៍ “នឹងត្រូវរៀបរយ” នោះត្រូវបានបោះបង់ចោល ។
ក្នុងខែ មករា ឆ្នាំ ២០០៨ អត្ថបទមួយក្នុងកាសែត ខ្មែរម្ចាស់ស្រុក បានឆ្លុះបញ្ចាំងពីក្ដីកង្វល់ផងដែរអំពីផលប៉ះពាល់ដល់បរិស្ថាន និង របៀបបញ្ចប់កិច្ចសន្យាស្ងាត់ៗដោយលាក់កំបាំង៖
“សាជីវកម្ម ស៊ូកាគុ កំពុងតែបានរៀបចំភ្ជាប់បំពង់លូមួយដើម្បីបូមខ្សាច់ចេញពីទន្លេសាប នៅមុខវាំង ដើម្បីចាក់បំពេញបឹងកក់ … ។
មុននឹងអនុញ្ញាតឱ្យសាជីវកម្ម ស៊ូកាគុ បូមខ្សាច់ពីទន្លេមកចាក់បំពេញបឹងកក់ដែលមានផ្ទៃ ១៣៣ហិកតារនោះ ក្រសួងធនធានទឹក និង ឧតុនិយម … ក្រសួងបរិស្ថាន … ក៏ដូចជាស្ថាប័នទាក់ទិនដទៃទៀតត្រូវជួបប្រជុំគ្នាដើម្បីសិក្សាស្រាវជ្រាវដោយប្រយ័ត្នប្រយែងលើផលប៉ះពាល់ដល់បរិស្ថាន បើសិនជាក្រុមហ៊ុននេះបូមខ្សាច់ចាក់បំពេញបឹងកក់ ដោយទុកឱ្យផ្ទៃបឹងនៅសល់តែ ១០ហិកតារប៉ុណ្ណោះសម្រាប់ទប់ស្កាត់ការខូចខាត ។
[កាសែត] បានចាត់ទុកការចុះហត្ថលេខាផ្ដល់សម្បទានបឹងកក់ទៅឱ្យសាជីវកម្ម ស៊ូកាគុ ថាជាអំពើពុករលួយធ្ងន់ធ្ងរ ដោយមានមន្ត្រីជាន់ខ្ពស់ក្នុងរដ្ឋាភិបាល និងក្នុងគណបក្សប្រជាជនចូលរួមពាក់ព័ន្ធ ដោយមិនគិតអំពីផលប្រយោជន៍សាធារណៈ និងផលប៉ះពាល់ដល់បរិស្ថានឡើយ ។ គម្រោងផែនការអភិវឌ្ឍន៍ដ៏ធំធេងនេះមិនត្រូវបានប្រកាសផ្សព្វផ្សាយជាសាធារណៈដើម្បីឱ្យក្រុមហ៊ុនដទៃទៀតអាចបានចូលរួមក្នុងការដេញថ្លៃសម្រាប់ការអភិវឌ្ឍន៍តំបន់បឹងកក់នេះផងទេ … ។
“សាជីវកម្ម ស៊ូកាគុ ជារបស់យាយភូ [“យាយភូ” លោកស្រី ជឹង សុភាព ជាអគ្គនាយកក្រុមហ៊ុន ភាពីម៉ិច] និងប្ដីរបស់គាត់ លោក ឡាវ ម៉េងឃីន ទីប្រឹក្សាសម្ដេចនាយករដ្ឋមន្ត្រី ហ៊ុន សែន ខាងកិច្ចការអន្តរជាតិ … ដែលបានសុំអាជ្ញាប័ណ្ណធ្វើវិនិយោគនៅតំបន់បឹងកក់ … ដោយមានកិច្ចសន្យាជួលមានរយៈពេល ៩៩ឆ្នាំ ក្នុងតម្លៃជាង ៧០លានដុល្លារអាមេរិក ។ តម្លៃនៃការជួលនេះត្រូវបានអ្នកសេដ្ឋកិច្ចចាត់ទុកថាជាតម្លៃយ៉ាងសែនទាប ។ លើពីនេះកិច្ចសន្យាត្រូវបានចុះហត្ថលេខាយ៉ាងស្ងាត់ៗនិង យ៉ាងអាថ៌កំបាំងរវាងទីស្ដីការគណៈរដ្ឋមន្ត្រី សាលាក្រុង និង សាជីវកម្ម ស៊ូកាគុ” ។
ក្រោយមកទៀតក្នុង ខែ មករា ឆ្នាំ ២០០៨ កាសែត អរិយធម៌ បានរាយការណ៍ព័ត៌មានថា សម្ដេច ហេង សំរិន ប្រធានរដ្ឋសភា – ហើយក៏ជាប្រធានកិត្តិយសរបស់គណបក្សប្រជាជនផងដែរ បានចុះហត្ថលេខាលើលិខិតមួយ ដែលសុំផ្អាកការបូមដីចាក់បំពេញបឹងកក់ ហើយកាសែតក៏បានរាយការណ៍ព័ត៌មានថាអភិបាល និង អភិបាលរងក្រុងភ្នំពេញត្រូវបានគេនិយាយចោទថាមិនព្រមព្រៀងគ្នាលើការចាក់បំពេញបឹងកក់ ។
គួរឱ្យកត់សំគាល់ថាសូម្បីតែសេចក្ដីព្រមានធ្ងន់ៗរបស់សម្ដេចនាយករដ្ឋមន្ត្រី ហ៊ុន សែន ក៏ហាក់ដូចជាត្រូវបានគេមិនយកចិត្តទុកដាក់គិតគូររឿងនេះដែរ ។ ព្រឹត្តិបត្រ The Mirror បានសួររួចហើយកាលពី ខែ មីនា ឆ្នាំ ២០០៧ ៖ “តើសាលាក្រុងភ្នំពេញធ្វើមិនដឹងមិនឮដល់អនុសាសន៍របស់នាយករដ្ឋមន្ត្រីមែនឬ ?” យើងសូមរំលឹកពាក់សំដីរបស់សម្ដេចនាយករដ្ឋមន្ត្រីដូចខាងក្រោមនេះ – “អនុសាសន៍ ១១ចំណុចសម្រាប់បរិស្ថាន ៖ ការទាញយកផលប្រយោជន៍ហួសប្រមាណនូវធនធានធម្មជាតិបណ្ដាលពីសកម្មភាពជំនួញនឹងនាំមកនូវការបាត់បង់ឱកាសនៃធម្មជាតិ” ៖
(ជាអនុសាសន៍១១ចំណុចរបស់នាយករដ្ឋមន្ត្រី ដែលត្រូវបានដកស្រង់សំដីជាផ្នែកក្នុងសេចក្ដីដែលពណ៌លឿង – លោកអ្នកត្រូវព្រីនចេញទាំងពីរមកលើក្រដាសវាច្បាស់)
នៅថ្ងៃទី ២០ ខែ កុម្ភៈ ឆ្នាំ ២០០៨ ព្រឹត្តិបត្រ The Mirror បានរាយការណ៍ព័ត៌មានស្ដីពីអនុសាសន៍ដប់មួយចំណុចរបស់សម្ដេចនាយករដ្ឋមន្ត្រី និង ការព្រួយបារម្ភដែលថាការទាញយកផលប្រយោជន៍ច្រើនហួសប្រមាណពីធនធានធម្មជាតិបណ្ដាលមកពីសកម្មភាពជំនួញនឹងនាំមកនូវការបាត់បង់នូវការបាត់បង់ឱកាស និងការការពារធម្មជាតិ ។ មានសេចក្ដីព្រមានធ្ងន់ៗអំពីផលវិបាកអវិជ្ជមានយូរអង្វែងចំពោះអនាគតប្រទេសជាតិ បើសិនជាផលប្រយោជន៍រយៈពេលខ្លីត្រូវស្វែងរកដោយមានការធ្វេសប្រហែសមិនបានគិតល្អិតល្អន់ ដោយគ្មានកង្វល់ប្រាកដប្រជាសម្រាប់អនាគតកាល ។ គេអាចត្រឹមតែឆ្ងល់ថាតើកង្វល់ទាំងនេះមិនត្រូវបានគេគិតទាល់តែសោះទេឬក្នុងផែនការឆ្ពោះទៅមុខដោយបង្ខំដោយរដ្ឋបាលសាលាក្រុងភ្នំពេញ ចំពោះតំបន់បឹងកក់នេះ ។
សម្ដេចនាយករដ្ឋមន្ត្រីបានបញ្ជាក់ច្បាស់ថាចាំបាច់ត្រូវតែមានការយកចិត្តទុកដាក់ខ្ពស់បំផុតនៅពេលដែលគេឈានដល់ការគិតពិចារណាអំពីបរិស្ថានធម្មជាតិ ដោយសម្រេចថាយុទ្ធសាស្ត្រ និងផែនការសកម្មភាពចាំបាច់ត្រូវពិនិត្យមើលឡើងវិញរៀងរាល់បីឆ្នាំម្ដង ។ ការយល់ជ្រួតជ្រាបរបស់មនុស្សអំពីតុល្យភាពធម្មជាតិនៃកត្តាបរិស្ថានដែលចាំបាច់ត្រូវយកចិត្តដោះស្រាយដោយប្រុងប្រយ័ត្ននោះនៅតែថ្មីទាំងស្រុង ហើយដូច្នេះផែនការទាំងឡាយចាំបាច់ត្រូវតែកែតម្រូវឱ្យបានទៀងទាត់ដើម្បីកុំឱ្យវាខ្វះចន្លោះចំណុចសំខាន់ៗខ្លះៗនោះ … ។
សម្ដេចនាយករដ្ឋមន្ត្រីបានសង្កត់ធ្ងន់ថា វាលំបាកនឹងការពារធនធានធម្មជាតិដែលត្រូវរងគ្រោះជិតផុតពូជ ។ សំឡេងជាច្រើនត្រូវបានរាយការណ៍ព័ត៌មានដែលព្រមានអំពីទឹកជំនន់ធ្ងន់ធ្ងរចំពោះទីក្រុងភ្នំពេញ បើសិនជាអាងស្តុកទឹកសំខាន់ៗ ដែលជាកន្លែងទទួលទឹកភ្លៀងច្រើនលើសលុបបាន – ដូចជាបឹងកក់ជាដើម – ត្រូវចាក់ដីបំពេញយ៉ាងធំល្ហល្ហេវ ។ តើនរណាទៅជាអ្នកទទួលខុសត្រូវ – ហើយតើនរណាជាអ្នកទូទាត់បង់ប្រាក់ជាតម្លៃខូចខាតដ៏ធំធេងដោយទឹកជំនន់នោះ – តើពេលណាទៅទើបសេចក្ដីព្រមាននោះក្លាយជាការពិត ? សម្ដេចនាយករដ្ឋមន្ត្រីបានសង្កត់ធ្ងន់ថាជនល្មើសត្រូវតែដាក់ឱ្យទទួលខុសត្រូវទាំងស្រុងចំពោះផលវិបាកនៃអំពើរបស់ខ្លួន ។ តើធ្វើដូចម្ដេចទើបសម្រេចបញ្ហានេះបាន កាលបើផែនការនៅតែអនុវត្ត និង បើសិនជាវាមានផលវិបាកអវិជ្ជមានធ្ងន់ៗថែមទៀតនោះ ?
សម្ដេចនាយករដ្ឋមន្ត្រីក៏បានសង្កត់ធ្ងន់ដែរថា ការត្រួតពិនិត្យធនធានធម្មជាតិបានជោគជ័យនិងមានប្រសិទ្ធភាពអាចត្រូវសម្រេចបានល្អបំផុតក្នុងពេលដែលប្រជាជនមូលដ្ឋានដែលទទួលរងផលប៉ះពាល់ចូលរួមក្នុងការអនុវត្តកម្មវិធីនានាដែលជាប់ទាក់ទិន ។ រហូតមកដល់ពេលនេះ មានតែមតិខ្លះៗប៉ុណ្ណោះអំពីអនាគតត្រូវបានរួមចំណែកដោយសាធារណជន ហើយការសាកសួរដោយប្រព័ន្ធឃោសនាអំពីសេចក្ដីលំអិតមិនបាននាំមកនូវការបំភ្លឺច្រើនទេ ពីព្រោះមន្ត្រីទទួលបន្ទុក ‘មានការមមាញឹកខ្លាំងពេកមិនអាចនិយាយជាមួយអ្នកសារព័ត៌មានបានទេ’ ។ ពុំមានរបាយការណ៍សារព័ត៌មានណាមួយដែលយើងបានដឹងថាបាននិយាយអំពីអ្វីមួយណាស្ដីពីអនុសាសន៍ដ៏សំខាន់បំផុតរបស់សម្ដេចនាយករដ្ឋមន្ត្រីនោះទេ ៖ ក្នុងករណីនៃដំណើរអភិវឌ្ឍដែលមានចំណុចរសើបទាក់ទងនឹងបរិស្ថាន ក្រសួងបរិស្ថានគួរតែធ្វើការជាមួយមន្ត្រីគ្រប់ជាន់ថ្នាក់ដើម្បីបង្កើតលក្ខន្តិកៈសហគមន៍ដែលធានាផលប្រយោជន៍បានពីអភិវឌ្ឍន៍ផ្អែកលើការប្រើធម្មជាតិគួរតែត្រូវចែកស្មើគ្នា ។
សម្ដេចនាយករដ្ឋមន្ត្រីបានបន្ថែមថាផលប៉ះពាល់ដែលអាចមានត្រូវតែមានការវាយតម្លៃដោយក្រសួងបរិស្ថាន និងថាការវាយតម្លៃបែបនេះត្រូវតែមានការអនុវត្តដោយតម្លាភាព … ។ វាជាការពិតដែលមានការទាមទារថាការវាយតម្លៃនោះត្រូវតែមានតម្លាភាព – ជាពិសេសចំពោះប្រជាជនដែលរស់នៅក្នុងតំបន់នេះហើយដែលត្រូវទទួលរងផលប៉ះពាល់ – ត្រូវបានគេមិនយកចិត្តទុកដាក់ ។
នៅទីបំផុត វាគួរឱ្យភ្ញាក់ផ្អើលយ៉ាងខ្លាំងដែលផែនការធំធេងយ៉ាងនេះត្រូវបានអនុវត្តដោយពុំមានដំណើរការដេញថ្លៃតាមរយៈសេចក្ដីប្រកាសជូនដំណឹងចំហជាសាធារណៈ ។ វាហួសនិស្ស័យនឹងគិតថាក្រុមហ៊ុនដែលស្ទើរតែគ្មាននរណាស្គាល់ ដែលបានបញ្ជាក់ក្នុងប្រព័ន្ធផ្សព្វផ្សាយខ្លះថាជាក្រុមហ៊ុនជប៉ុន និងនៅក្នុងប្រព័ន្ធផ្សព្វផ្សាយដទៃទៀតថាជាក្រុមហ៊ុនកូរ៉េ បែរជាបានទទួលកិច្ចព្រមព្រៀងជួលឱ្យរយៈពេល ៩៩ឆ្នាំ ដែលនឹងមានផលវិបាកជាសារវន្ត ចំពោះរាជធានីរបស់កម្ពុជាសម្រាប់សតវត្សក្រោយនេះ – ដោយពុំមានការពិភាក្សាដេញដោលជាសាធារណៈឡើយ ។ គេអាចសង្ឃឹមបានត្រឹមតែថាកង្វល់ដ៏ជ្រាលជ្រៅរបស់សម្ដេចនាយករដ្ឋមន្ត្រីនឹងត្រូវបានគេយកចិត្តទុកដាក់មុននឹងមានការខូចខាតធ្ងន់ធ្ងរបានកើតឡើង ៕
Read Full Post | Make a Comment ( 3 so far )ថ្ងៃ សៅរ៍ ទី ៣០ ខែ សីហា ឆ្នាំ ២០០៨ ; អាជ្ញាធរខ្មែរ ចាប់ដៃជាមួយ FBI អាមេរិក បើកការស៊ើបអង្កេតករណីបាញ់សម្លាប់អ្នកកាសែត មនសិការខ្មែរ
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១០
ករណីបាញ់សម្លាប់លោកឃឹម សម្បូរណ៍ អ្នកនិពន្ធកាសែត មនសិការខ្មែរ និងកូនប្រុសឈ្មោះ ខាត់ សារិន្ទភាតា ពីសំណាក់ឃាតកដ៏សាហាវយង់ឃ្នងកាលពីថ្ងៃទី១១ ខែកក្កដារហូតមកដល់ពេលនេះ អាជ្ញាធរក្រុងភ្នំពេញ នៅមិនទាន់ស្វែងរកចាប់ខ្លួនឃាតក និងអ្នកដែលនៅពីក្រោយខ្នងយកមកផ្ដន្ទាទោសតាមផ្លូវច្បាប់នៅឡើយទេ។ ដោយសារតែភាពកម្សោយរបស់អាជ្ញាធរសមត្ថកិច្ចក្នុងការតាមវែកមុខឃាតកយកមកផ្ដន្ទាទោសនោះបានធ្វើឱ្យសាធារណជន និងក្រុមមន្ត្រីអង្គការសង្គមស៊ីវិលក្នុងប្រទេស និងក្រៅប្រទេសមួយចំនួនបានធ្វើការរិះគន់ទៅលើអាជ្ញាធរក្រុងភ្នំពេញយ៉ាងខ្លាំង ព្រោះអីរហូតមកដល់ពេលនេះ ឃាតកនៅមានសេរីភាពដើរហើរ និងកំពុងតែស្ថិតនៅក្រៅសំណាញ់ច្បាប់។
ក្រុមមន្ត្រីអង្គការសង្គមស៊ីវិល និងមជ្ឈដ្ឋានទូទៅ ជំរុញឱ្យអាជ្ញាធរក្រុងភ្នំពេញ ធ្វើការពន្លឿនការស៊ើបអង្កេតវែកមុខឃាតក ដែលបានបាញ់សម្លាប់អ្នកកាសែតមនសិការខ្មែរ និងកូនប្រុសយកមកផ្ដន្ទាទោសឱ្យខាងតែបាន ហើយស្វែងរកអ្នកដែលនៅពីក្រោយខ្នងក្នុងការបាញ់សម្លាប់នេះផង។ ម៉្យាងទៀត ដើម្បីឱ្យបានដឹងច្បាស់ថា តើករណីបាញ់សម្លាប់ឪពុក និងកូនទាំងពីរនេះ បណ្ដាលមកពីមូលហេតុអ្វី ? ជារឿងនយោបាយ ឫក៏ជារឿងអ្វីដែលផ្សេងពីនេះ ដើម្បីឱ្យសាធារណជន និងក្រុមមន្ត្រីអង្គការសង្គមស៊ីវិលបានដឹងអំពីដំណើររឿងដើមចមដែលនាំឱ្យមានការបាញ់សម្លាប់យ៉ាងសាហាវបែបនេះ។
ការបាញ់សម្លាប់លោក ឃឹម សម្បូរណ៍ អ្នកនិពន្ធកាសែតមនសិការខ្មែរ និងកូនប្រុសឈ្មោះខាត់ សារិន្ទភាតា ពីសំណាក់ឃាតកកាលពីថ្ងៃទី១១ ខែកក្កដានៅជិតស្តាតអូឡាំពិក ខណៈដែលឪពុក និងកូនចេញពីហាត់ប្រាណនោះ គេនៅពុំទាន់ដឹងថា បណ្ដាលមកពីបញ្ហាអ្វីឱ្យបានច្បាស់លាស់នៅឡើយទេពីព្រោះកំពុងតែស្ថិតក្នុងការស្រាវជ្រាវស៊ើបអង្កេតរបស់អាជ្ញាធរមានសមត្ថកិច្ច ហើយពេលដែលចាប់ឃាតក បានយកមកផ្ដន្ទាទោស ទើបអាចដឹងថា អំពើបាញ់សម្លាប់នេះជារឿងអ្វីពិតប្រាកដ។ ក៏ប៉ុន្តែអាជ្ញាធរមានសមត្ថកិច្ចនៅមិនទាន់មានពន្លឺច្បាស់លាស់ ដែលអាចឈានទៅដល់ការកំណត់មុខសញ្ញានៅឡើយទេ ពីព្រោះវាមិនងាយស្រួល។
ដោយសារតែមានភាពស្មុគស្មាញក្នុងការតាមវែកមុខឃាតកនោះបានជំរុញឱ្យអាជ្ញាធរមានសមត្ថកិច្ចកម្ពុជាសម្រេចសហការជាមួយភ្នាក់ងារស៊ើបអង្កេតសហព័ន្ធអាមេរិក FBI ប្រចាំនៅកម្ពុជាដើម្បីរួមគ្នាពន្លឿនឈានទៅរកការវែកមុខឃាតក និងអ្នកនៅពីក្រោយខ្នង យកមកផ្តន្ទាទោសតាមផ្លូវច្បាប់។ ការសហការគ្នានេះ គេសង្ឃឹមថា ឃាតកពិតប្រាកដនឹងអាចត្រូវបានចាប់ខ្លួន យកមកផ្ដន្ទាទោសនាពេលខាងមុខជាក់ជាពុំខាន។ ពីព្រោះ FBI មានជំនាញខ្ពស់ក្នុងការស៊ើបអង្កេតហើយអាចជួយផ្ដល់ជាគំនិតស្មារតីដល់អាជ្ញាធរកម្ពុជាដើម្បី ស្វែងរកមុខឃាតក ដែលបានបាញ់សម្លាប់លោក ឃឹម សម្បូរណ៍និងកូនប្រុស។
មន្ត្រីជាន់ខ្ពស់នគរបាលមួយរូប ដែលសុំមិនឱ្យបញ្ចេញអត្តសញ្ញាណ បានឱ្យដឹងថា កាលពីថ្ងៃទី២៩ ខែសីហា ម្សិលមិញនេះភ្នាក់ងារស៊ើបអង្កេត FBI នៅកម្ពុជា បានជួបគ្នាជាលើកទី១ជាមួយអាជ្ញាធរមានសមត្ថកិច្ចកម្ពុជា ដើម្បីលើកឡើងអំពីកិច្ចសហការគ្នាក្នុងការស៊ើបអង្កេតស្វែងរកមុខឃាតក និងអ្នកនៅពីក្រោយខ្នងក្នុងការបាញ់សម្លាប់លោក ឃឹម សម្បូរណ៍អ្នកនិពន្ធកាសែតមនសិការខ្មែរ និងកូនប្រុសកាលពីថ្ងៃទី១១ ខែកក្កដា ឆ្នាំ២០០៨។ សមត្ថកិច្ចខ្មែរជួបគ្នាជាលើកដំបូងជាមួយ FBI មានទូច ណារ៉ុថ ស្នងការក្រុងភ្នំពេញ និងមន្ត្រីមួយចំនួនទៀតនិង លោក Laro Tan ប្រធានការិយាល័យ FBI អាមេរិកប្រចាំនៅកម្ពុជា។ ភាគីទាំងពីរផ្ដោតទៅលើឃាតកម្មបាញ់សម្លាប់លោក ឃឹម សម្បូរណ៍អ្នកកាសែតមនសិការខ្មែរ និងកូនប្រុសពីសំណាក់ជនមិនស្គាល់អត្តសញ្ញាណ។
មន្ត្រីនគរបាលរូបនោះ បានបន្តឱ្យដឹងថា ក្នុងការជួបគ្នារវាងលោក Laro Tan ប្រធានការិយាល័យ FBI អាមេរិកប្រចាំនៅប្រទេសកម្ពុជា ជាមួយអាជ្ញាធរមានសមត្ថកិច្ចកម្ពុជា កាលពីម្សិលមិញនេះ ទូច ណារ៉ុថ ស្នងការក្រុងប៉ូលិសភ្នំពេញបានលើកឡើងអំពីរបាយការណ៍លំអិតជុំវិញករណីនៃការបាញ់សម្លាប់លោក ឃឹម សម្បូណ៍និងកូនប្រុស ឈ្មោះ ខាត់ សារិន្ទភាតា ប្រាប់ទៅប្រធានការិយាល័យ FBI ដែលអាជ្ញាធរមានសមត្ថកិច្ចកម្ពុជាបានធ្វើការស្រាវជ្រាវស៊ើបអង្កេតកន្លងមក។ លោក Laro Tan ក៏បានឯកភាពចំពោះរបាយការណ៍ស៊ើបអង្កេតរបស់អាជ្ញាធរមានសមត្ថកិច្ចកម្ពុជា ហើយភ្នាក់ងារស៊ើបអង្កេត FBI ក៏សហការជាមួយអាជ្ញាធរកម្ពុជាដែរ។
មន្ត្រីនគរបាលដដែល បានឱ្យដឹងទៀតថាលោក Laro Tan ក៏បានលើកឡើងតបវិញថា លោកនឹងស្នើទៅប្រធានធំ FBI នៅសហរដ្ឋអាមេរិក ដើម្បីស្នើសុំមន្ត្រីជំនាញ២នាក់ គឺម្នាក់ផ្នែកស៊ើបអង្កេត និងម្នាក់ទៀតផ្នែកគូររូប និងធ្វើកោសល្យវិច័យ។
ចំពោះការដែលអាជ្ញាធរក្រុងភ្នំពេញ សហការជាមួយភ្នាក់ងារស៊ើបអង្កេត FBI អាមេរិកដើម្បីសហការគ្នា ធ្វើការស៊ើបអង្កេតរឿងឃាតកបាញ់សម្លាប់លោក ឃឹម សម្បូរណ៍អ្នកនិពន្ធកាសែតមនសិការខ្មែរ និងកូនប្រុសឈ្មោះ ខាត់ សារិន្ទភាតា ត្រូវបានមន្ត្រីសង្គមស៊ីវិល និងមជ្ឈដ្ឋានទូទៅ សង្ឃឹមថានឹងឈានទៅដល់ការវែកមុខឃាតក និងអ្នកនៅពីក្រោយខ្នងយកមកផ្ដន្ទាទោសតាមផ្លូវច្បាប់ក្នុងពេលឆាប់ៗ។ មនសិការខ្មែរ ឆ្នាំទី ១៥ លេខ ៣៥៥២ ថ្ងៃ សៅរ៍ ទី ៣០ ខែសីហា ឆ្នាំ ២០០៨
កាសែតដែលចេញលក់នៅ
ថ្ងៃ សៅរ៍ ទី ៣០ ខែ សីហា ឆ្នាំ ២០០៨
កម្ពុជាថ្មី ឆ្នាំទី ០៧ លេខ ១៧៣៣ ថ្ងៃ សៅរ៍ ទី ៣០ ខែ សីហា ឆ្នាំ ២០០៨
- ករណីស៊ើបអង្កេតបឋមឃាតកបាញ់សម្លាប់អ្នកកាសែតមនសិការជាគំនុំកូនប្រុស
- ពេលទំនិញឡើងថ្លៃសាច់កណ្ដុរខ្មែរត្រូវប៉ាន់
- ព្រៃឈើ និងសត្វព្រៃគ្រប់ប្រភេទលើឧទ្យានជាតិគិរីរម្យកំពុងឈានទៅរកការបាត់បង់ [ដោយសារតែមន្ត្រីអនុរក្សបរិស្ថានដែលឈរជើងក្នុងតំបន់នោះបើកដៃឲ្យមានការបំផ្លាញព្រៃឈើព្រមទាំងឲ្យមានការបរបាញ់សត្វយ៉ាងអានាធិបតេយ្យ – កំពង់ស្ពឺ]
ខ្មែរស្ថាបនា ឆ្នាំទី ០១ លេខ ៨៦ ថ្ងៃ សៅរ៍ ទី ៣០ ខែ សីហា ឆ្នាំ ២០០៨
- ប៉ូលិសចរាចរក្រុងមិនចាត់ការភាពអនាធិបតេយ្យការកកស្ទះចរាចរណ៍
ខ្មែរម្ចាស់ស្រុក ឆ្នាំទី ០២ លេខ ២៣៣ ថ្ងៃ សៅរ៍ ទី ៣០ ខែ សីហា ឆ្នាំ ២០០៨
- អង្គការសមាគមខ្មែរកម្ពុជាក្រោមស្នើសុំការអនុញ្ញាតពីស្ថានទូតយួនទៅសួរសុខទុក្ខលោកទឹម សាខន
- បុរសខ្លាំងរុញទ្រង់នរោត្តមរណឫទ្ធិអោយទ័លច្រក និងបង្ខំឱ្យសោយព្រះកំហាកខ្លួនឯង [ដោយឲ្យទ្រង់ រណឫទ្ធិវិលមកធ្វើជាប្រធានគណបក្ស ហ្វ៊ុនស៊ិនប៉ិច វិញ]
កោះសន្តិភាព ឆ្នាំទី ៤១ លេខ ៦៤៣៧ ថ្ងៃ សៅរ៍-អាទិត្យ ទី ៣០-៣១ ខែ សីហា ឆ្នាំ ២០០៨
- អាជ្ញាធររើសកងជីវពល៣០នាក់ការពារភូមិជប់គគីរ [ខេត្តឧត្តរមានជ័យ]
- ជំរុញការចរចាឱ្យបានឆាប់ ថៃលុបចោលកិច្ចចរចាដោយសំអាងថាមានវិបត្តិនោះ កម្ពុជាទទួលយកមិនបាន
- សំណង់នានាកំពុងរាលដាលលើតំបន់ដែលត្រូវហាមឃាត់នៅជាប់របងព្រលានយន្តហោះ [អន្តរជាតិភ្នំពេញ]
មនសិការខ្មែរ ឆ្នាំទី ១៥ លេខ ៣៥៥២ ថ្ងៃ សៅរ៍ ទី ៣០ ខែ សីហា ឆ្នាំ ២០០៨
- អាជ្ញាធរខ្មែរ ចាប់ដៃជាមួយ FBI អាមេរិក បើកការស៊ើបអង្កេតករណីបាញ់សម្លាប់អ្នកកាសែត មនសិការខ្មែរ
- សង្គមស៊ីវិល ចង់ឱ្យរក្សាការិយាល័យឧត្ដមស្នងការសិទ្ធិមនុស្សអង្គការសហប្រជាជាតិ ប្រចាំកម្ពុជា
រស្មីកម្ពុជា ឆ្នាំទី ១៦ លេខ ៤៦៨១ ថ្ងៃ សៅរ៍ ទី ៣០ ខែ សីហា ឆ្នាំ ២០០៨
- ប៉ូលិសសៀមបរាជ័យបង្ក្រាបបាតុករ បាតុកម្មកាន់តែពុះកញ្ជ្រោល
- ក្មេងកម្ពុជា៤នាក់ត្រូវបានសៀមដោះលែងឯពលរដ្ឋសៀម២នាក់ត្រូវបានកម្ពុជាដោះលែងជាថ្នូរវិញដែរ
សម្លេងយុវជនខ្មែរ ឆ្នាំទី ១៥ លេខ ៣៣៩៧ ថ្ងៃ សៅរ៍ ទី ៣០ ខែ សីហា ឆ្នាំ ២០០៨
- ជម្លោះរវាងប្រជារាស្ត្រ និងក្រុមហ៊ុននៅកំពតជុំវិញការចាក់ខ្សាច់លុបផ្ទៃសមុទ្រ [ការបូមខ្សាច់ធ្វើអោយប៉ះពាល់ដល់ ជីវភាពប្រចាំថ្ងៃរបស់ប្រជានេសាទ]
* សូមអញ្ជើញអានវិចារណកថាសម្រាប់សប្ដាហ៍កន្លងទៅ!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
´nwgcUlrkva
Read Full Post | Make a Comment ( None so far )ថ្ងៃសុក្រ ទី២៩ ខែសីហា ឆ្នាំ២០០៨ ៖ អ្នករស់នៅលើទឹកបឹងកក់នាំគ្នាទៅផ្ដិតមេដៃទទួលយកលុយ និងលំនៅស្ថាន ថ្មី
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១០
ភ្នំពេញៈ នៅស្នាក់ការរបស់ក្រុមហ៊ុនដែលបានច្បាប់អភិវឌ្ឍន៍បឹងកក់កាលពីថ្ងៃទី២៧ ខែសីហា ឆ្នាំ២០០៨តាំងពីព្រលឹមរហូតដល់យប់ គេបានឃើញ ប្រជាពលរដ្ឋជាច្រើននាក់ មានប្តីប្រពន្ធនិងកូនអាយុ១៨ឆ្នាំ ទៅផ្ដិតមេដៃព្រមចាកចេញពីតំបន់បឹងកក់ដោយទទួលយកលុយគោលនយោបាយ និងលំនៅស្ថាន ថ្មីយ៉ាងស ស្រាកសស្រាំរៀងៗខ្លួន។
លោក ម៉ាន់ ឈឿន អភិបាលរងក្រុងភ្នំពេញដែលទទួលបន្ទុកការងារនេះជាមួយនឹងក្រុមហ៊ុនអភិវឌ្ឍន៍នៅតំបន់បឹងកក់បានឱ្យដឹងថា មានប្រជាពលរដ្ឋចំនួន៥០០គ្រួសារហើយដែលបានយល់ព្រមទៅទទួលយកលុយគោលនយោបាយចំនួន៨ពាន់ដុល្លារ និងលានរៀលឫលំនៅស្ថានថ្មី និង២លានរៀល តាមការដោះស្រាយក្នុងតម្លៃខ្ពស់របស់ក្រុមហ៊ុនអភិវឌ្ឍន៍។
រីឯប្រជាពលរដ្ឋមួយចំនួនទៀតដែលបានព្រមទទួលយកលុយគោលនយោបាយឫលំនៅស្ថានថ្មីដែរនោះ ខាងក្រុមហ៊ុននឹងធ្វើជូន និងរៀបចំជូនជា បន្តបន្ទាប់ទៀតរហូតទាល់តែអស់។
នៅស្នាក់ការរបស់ក្រុមហ៊ុនប្រជាពលរដ្ឋដែលទៅទទួលយកលុយគោលនយោបាយ ឫលំនៅស្ថានថ្មីដើម្បីចាកចេញពីទីតាំងចាស់បានឱ្យដឹងថា អ្នកយកលុយគឺពួកគាត់ចង់ទៅប្រកបមុខរបររកស៊ីនៅកន្លែងថ្មីរស់នៅកន្លែងថ្មី ដែលមានបរិស្ថានល្អ មិនចង់រស់នៅលើទឹកស្អុយភក់ជ្រាំ ដែលធ្វើឱ្យខូចសុខភាពបន្តទៀត ទេ។
រីឯអ្នកទទួលយកលំនៅស្ថានថ្មីគឺជា ផ្ទះសង់ថ្មីអាចធ្វើឡើងលើបានមួយជាន់ទៀតស្ថិតនៅក្នុងភូមិដំណាក់ត្រយឹងសង្កាត់ចោមចៅ ខណ្ឌដង្កោ។ បន្ទាប់ពីបាននាំប្ដីប្រពន្ធកូនទៅពិនិត្យឃើញផ្ទះថ្មីហើយ ពួកគាត់ក៏នាំគ្នាទៅផ្ដិតមេដៃព្រមៗ គ្នាដើម្បីទទួលយក ព្រោះពួកគាត់ពេញចិត្តលំនៅស្ថានថ្មីនេះ។ ប្រជាពលរដ្ឋបាននិយាយគ្រប់ៗគ្នាថា ពួកគាត់ក៏ចង់ឃើញក្រុមហ៊ុនអភិវឌ្ឍន៍តំបន់បឹងកក់នេះឱ្យបានឆាប់ៗ ដោយសំណូមពរដល់ក្រុមហ៊ុនថា ត្រូវតែអភិវឌ្ឍន៍តំបន់បឹងកក់នេះឱ្យបានឆាប់ៗដោយសំណូមពរដល់ក្រុមហ៊ុនថា ត្រូវតែអភិវឌ្ឍន៍ឱ្យបានលឿនហើយល្អបំផុត មិនត្រូវទុកចោលឫលក់បន្តឱ្យទៅក្រុមហ៊ុនផ្សេងៗឡើយ។
ខណៈពេលប្រគល់ទទួល គេសង្កេតឃើញខាងក្រុមហ៊ុនបានរៀបចំឯកសារយ៉ាងផ្ចិតផ្ចង់បំផុត ដោយឱ្យចាប់ឆ្នោតប្រកបដោយភាពយុត្តិធម៌ និងឱ្យផ្ដិតមេដៃចូលរួមដោយប្រពន្ធប្ដីនិងកូនអាយុ១៨ឆ្នាំឡើងទៅ និងជម្រាបឱ្យដឹងពីលក្ខខណ្ឌច្បាស់លាស់ក្នុងកិច្ចសន្យាចៀសវាងមានបញ្ហាស្មុគស្មាញនៅពេលក្រោយ។
ស្របពេលជាមួយគ្នានេះដែរខាងក្រុមហ៊ុនបានជូនដំណឹងល្អមួយទៀតគឺខាងក្រុមហ៊ុនមានប្រាក់ឥណទានមុខរបរខ្នាតតូច១០០លានរៀលសម្រាប់ជួយដល់ប្រជាពលរដ្ឋតំបន់បឹងកក់ ដែលទៅរស់នៅលើទីតាំងថ្មី ដោយយកការប្រាក់យ៉ាងទាបបំផុត។
ឥឡូវនេះគេបានឃើញ ប្រជាពលរដ្ឋដែលរស់នៅលើទឹកបឹងកក់នាំគ្នាទៅផ្ដិតមេដៃទទួលយកលុយគោលនយោបាយនិងលំនៅឋានថ្មីជាបន្តបន្ទាប់ រីឯខាងក្រុមហ៊ុនវិញក៏បានខិតខំប្រឹងប្រែងរៀបចំជូនប្រជាពលរដ្ឋដោយមិនគិតពីពេលវេលាសម្រាកឡើយ។
ភាគច្រើន គេឃើញប្រជាពលរដ្ឋព្រមទទួលយកលុយ៨០០០ដុល្លារ និង២លានរៀល ព្រោះពួកគាត់ចង់បានទីតាំងថ្មីដែលជ្រើសរើសដោយខ្លួនឯង និងងាយស្រួលប្រកបមុខរបរចិញ្ចឹមជីវិតរបស់ពួកគាត់។
ក្នុងការអភិវឌ្ឍន៍តំបន់បឹងកក់នេះគេបានឃើញក្រុមហ៊ុនបានដំណើរការបូមខ្សាច់ដាក់ចាប់តាំងពីថ្ងៃទី២៦ ខែសីហា ឆ្នាំ២០០៨ជាបណ្ដើរៗហើយ។ រស្មីកម្ពុជា ឆ្នាំទី១៦ លេខ៤៦៨០ ថ្ងៃសុក្រ ទី២៩ ខែសីហា ឆ្នាំ២០០៨
កាសែតដែលចេញលក់នៅ
ថ្ងៃសុក្រ ទី២៩ ខែសីហា ឆ្នាំ២០០៨
កម្ពុជាថ្មី ឆ្នាំទី០៧ លេខ១៧៣២ ថ្ងៃសុក្រ ទី២៩ ខែសីហា ឆ្នាំ២០០៨
- មេដឹកនាំបាតុកម្មនៅប្រទេសសៀមអាចមានទោសប្រហារជីវិត
ខ្មែរម្ចាស់ស្រុក ឆ្នាំទី០២ លេខ២៣២ ថ្ងៃសុក្រ ទី២៩ ខែសីហា ឆ្នាំ២០០៨
- សុន ឆ័យ៖ គណបក្សសម រង្សីមិនចូលរួមប្រជុំសភាលើកដំបូងដើម្បីបំពេញមុខឱ្យស៊ីភីភីទេ សម រង្សី៖ ការតស៊ូតាមផ្លូវច្បាប់ចុងក្រោយ គឺយើងប្ដឹង អ.ស.ប និងសហប្រធានសន្និសីទក្រុងប៉ារីស
- ផ្ទុះរឿងពុករលួយជំនួយដល់កងទ័ពឈរជើងនៅតំបន់ប្រាសាទព្រះវិហារ
កោះសន្តិភាព ឆ្នាំទី៤១ លេខ៦៤៣៦ ថ្ងៃសុក្រ ទី២៩ ខែសីហា ឆ្នាំ២០០៨
- ប៉ូលិសថៃបង្ក្រាបបាតុករចេញពីវិមានរដ្ឋាភិបាល
មនសិការខ្មែរ ឆ្នាំទី១៥ លេខ៣៥៥១ ថ្ងៃសុក្រ ទី២៩ ខែសីហា ឆ្នាំ២០០៨
- អង្គការសហប្រជាជាតិរិះគន់របាយការណ៍សិទ្ធិមនុស្សរបស់រដ្ឋាភិបាលកម្ពុជា
- សម រង្សីៈ ប្រទេសយើងឃា្លតកាន់តែឆ្ងាយទៅៗពីលទ្ធិប្រជាធិបតេយ្យ ហើយគ្រោះថ្នាក់ធំណាស់
- លោក យឹម សុវណ្ណ គាំទ្រសំណើប្រេសិត អ.ស.ប.ជំរុញឱ្យមានភាគីទី៣ ត្រួតពិនិត្យការបោះឆ្នោតនៅកម្ពុជា
រស្មីកម្ពុជា ឆ្នាំទី១៦ លេខ៤៦៨០ ថ្ងៃសុក្រ ទី២៩ ខែសីហា ឆ្នាំ២០០៨
- អ្នករស់នៅលើទឹកបឹងកក់នាំគ្នាទៅផ្ដិតមេដៃទទួលយកលុយ និងលំនៅស្ថាន ថ្មី
- សង្ឃមួយអង្គរំលោភសម្លាប់ក្មេងស្រីអាយុ១០ឆ្នាំ
- រដ្ឋមន្ត្រីរៀបចំដែនដីៈ ចំណុចដីដែលសៀមឈ្លានពានស្ថិតក្នុងទឹកដីកម្ពុជា
យុវជនខ្មែរ ឆ្នាំទី១៥ លេខ៣៣៩៦ ថ្ងៃសុក្រ ទី២៩ ខែសីហា ឆ្នាំ២០០៨
- គណបក្សប្រជាជនកាន់កាប់តំណែងប្រធានគណៈកម្មការទាំងអស់នៃរដ្ឋសភា
- សៀមសុំផ្អាកចរចាតែទាហាននៅតែរុលចូលដីខ្មែរ
* សូមអញ្ជើញអានវិចារណកថាសម្រាប់សប្ដាហ៍កន្លងទៅ!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
´nwgcUlrkva
Read Full Post | Make a Comment ( 1 so far )ថ្ងៃព្រហស្បត៍ ទី២៨ ខែសីហា ឆ្នាំ២០០៨ ៖ ក្មួយនាយករដ្ឋមន្ត្រីខ្មែរធ្វើឱ្យមនុស្ស៥នាក់ស្លាប់ នៅក្នុងរាជរដ្ឋាភិបាលអាណត្តិទី៣
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១០
ក្មួយប្រុស លោកនាយករដ្ឋមន្ត្រី ហ៊ុន សែន បានធ្វើអោយមនុស្សស្លាប់ចំនួន៤នាក់ ក្នុងឧប្បត្តិហេតុ គ្រោះថ្នាក់ចរាចរនៅក្នុងរដ្ឋាភិបាលអាណត្តិទី៣ ដែលនឹងបញ្ចប់ នៅខែក្រោយនេះ។ ជនស្លូតត្រង់ដែលស្លាប់ក្មួយប្រុស លោកហ៊ុន សែននេះ សុទ្ធតែទទួលបានសំណងជាប្រាក់ ៤.០០០ដុល្លារអាមេរិក ជាថ្នូរនិងមិនឱ្យជនល្មើសទទួលទោស។
កាលពីដើមឆ្នាំ២០០៤ក្មួយប្រុសលោក ហ៊ុន សែន ក៏ជាប់ពាក់ព័ន្ធ នឹងគ្រោះថ្នាក់ចរាចរនៅក្បែរ របងស្តាតអូឡាំពិកជាមួយនឹងបក្ខពួក ជាកូនអ្នកមានប៉ុន្មាននាក់ទៀត បណ្ដាលឱ្យជនស្លូតត្រង់ចំនួន៤នាក់បានស្លាប់ ដោយសារតែក្រុមល្មើសបាញ់ប្រហារ យ៉ាងសាហាវបំផុត។ ព្រឹត្តិការណ៍កាលណោះក្មួយលោកហ៊ុន សែនត្រកូលហ៊ុន និងបក្ខពួកបានបើករថយន្តបុកមនុស្សនៅក្បែរនឹងរបងស្តាតអូឡាំពិក ប៉ុន្តែមិនបណ្ដាលគ្រោះថ្នាក់ដល់មនុស្សអ្វីទេ។ ក្រោយពីនិយាយគ្នាមួយសន្ទុះ ក៏ស្រាប់តែឮផ្ទុះអាវុធលាន់ដូចលាចផ្ទុះ គឺក្រុមបក្ខពួកក្មួយលោកហ៊ុន សែនបានបាញ់អ្នកលក់លត ឆា និងអ្នកលក់ដូង បណ្ដាលឱ្យស្លាប់ចំនួន៤នាក់ ហើយជនល្មើស និងបក្ខពួកបង់ប្រាក់អោយក្រុមគ្រួសារជនរងគ្រោះក្នុងម្នាក់ៗ៤.០០០ដុល្លារអាមេរិក។
ដូចគ្នានេះ កាលពីសប្ដាហ៍មុនក្មួយប្រុសលោក ហ៊ុន សែន ឈ្មោះ ហ៊ុន ជា បានបើករថយន្តបុកមនុស្សស្លាប់ នៅក្នុងក្រុងភ្នំពេញ ហើយជនប្រព្រឹត្តបទល្មើសបានសងជាប្រាក់ចំនួន៤.០០០ដុល្លារ ដូចការសម្លាប់មនុស្ស៤នាក់កាលពីឆ្នាំ២០០៤ដែរ។
ប៉ុន្តែការធ្វើឱ្យ មនុស្សស្លាប់លើកនេះ បណ្ដាលឱ្យកក្រើកពិភពអ្នកច្បាប់ ព្រមទាំងសារព័ត៌មានដ៏ល្បីឈ្មោះមួយ នៅសហរដ្ឋអាមេរិកផងដែរ។ ជាងនេះទៅទៀតនោះ គឺមន្ត្រីរដ្ឋាភិបាលនិយាយថា អ្នកដែលធ្វើឱ្យគេស្លាប់បែបនេះ មិនអាចគេចផុតពីការទទួលទោសតាមផ្លូវច្បាប់នោះទេ។
មេធាវី និងជាមន្ត្រីនៅក្នុងក្រសួងសាធារណការ និងដឹកជញ្ជូន បានប្រាប់កាសែត The Cambodia Dialy កាលថ្ងៃពុធថា បណ្ដាអ្នកបើកបរដែលជាប់ពាក់ព័ន្ធ នឹងគ្រោះថ្នាក់ចរាចរបណ្ដាលឱ្យ មនុស្សស្លាប់នោះមិនអាចគេចដោយស្របច្បាប់ពីការកាត់ទោស ពីបទព្រហ្មទណ្ឌតាមរយៈផ្ដល់សំណងដល់គ្រួសារអ្នកស្លាប់បានទេ។
ប៉ុន្តែលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាអ្នកនាំពាក្យរដ្ឋាភិបាលបានអះអាង ប្រៀបដូចការពារ ជនល្មើសក្មួយលោក ហ៊ុន សែន នៅក្នុងសន្និសីទកាសែតមួយកាលពីថ្ងៃអាទិត្យ។
មានសេចក្ដី រាយការណ៍ថា លោក ហ៊ុន ជា ក្មួយលោក ហ៊ុន សែន បានសងប្រាក់ចំនួន៤ពាន់ដុល្លារអាមេរិកដល់គ្រួសារអ្នកបើកបរម៉ូតូដែលស្លាប់ក្នុងពេលបុកគ្នានោះ ប៉ុន្តែមិនមានការចាត់វិធានការ តាមផ្លូវច្បាប់ណាមួយទេ។ លោកខៀវ កាញារីទ្ធបានថ្លែងថាការ អនុវត្តន៍បែបនេះ គឺស្របច្បាប់នៅក្នុងប្រទេសកម្ពុជា។
លោកមេធាវី គា អ៊ីវ និងក៏ជាអ្នកជំនាញច្បាប់ ចរាចរផងនោះ និងលោក អឹង ជុនហួរ អគ្គនាយក នៃអគ្គនាយកដ្ឋានដឹកជញ្ជូន នៅក្រសួងសាធារណការបានថ្លែងថា អ្នកដែលជាប់ពាក់ព័ន្ធនៅក្នុងគ្រោះថ្នាក់បុកគ្នា ដែលបណ្ដាលឱ្យមានអ្នកស្លាប់ មិនអាចគេចដោយស្របច្បាប់ ពីការកាត់ទោសពីបទព្រហ្មទណ្ឌ និងការស៊ើបអង្កេតតាមរយៈដំណោះស្រាយតាមរដ្ឋប្បវេណីបានទេ។ ពួកគាត់ទទួលស្គាល់ថា ទោះជាយ៉ាងណាក៏ដោយ ក៏ជារឿយៗច្បាប់នេះ មិនត្រូវបានគេប្រតិបត្តិទេ។ លោកគា អ៊ីវបានរិះគន់សម្ដី របស់លោករដ្ឋមន្ត្រី ខៀវ កាញារីទ្ធ ថាពិតជាច្រឡំហើយ គឺវាខុសច្បាប់ចំពោះក្រុមអាជ្ញាធរ ដែលបណ្ដោយករណីបែបនេះធ្លាក់មកនៅលើមូលដ្ឋានសំណង។ លោកបានបន្ថែមថា «គ្រោះថ្នាក់បណ្ដាលអោយមានអ្នកស្លាប់ គឺជាបទល្មើសព្រហ្មទណ្ឌ ដោយមិនគិតពីសំណងឡើយ។ សំណងមិនអាចបញ្ឈប់ នីតិវិធីព្រហ្មទណ្ឌបានទេ»។
លោក អឹង ជុនហួរ ដែលជាសហ អ្នកតាក់តែងច្បាប់ចរាចរណ៍ថ្មីបានថ្លែងថា ជារឿយៗក្រុមអាជ្ញាធរ ធ្វើវិទ្ធង្សនាផ្នែកច្បាប់នេះ ដោយដោះស្រាយបញ្ហាតាមរយៈសំណងក្រៅប្រព័ន្ធតុលាការ។ លោកបានបន្តថា «ពួកគេខុស នៅពេលពួកគេមិនប្រើប្រព័ន្ធតុលាការ ហើយជារឿយៗក្រុមគ្រួសារជនរងគ្រោះក៏ចង់គេចពីនីតិវិធីតុលាការ ដែលមានរយៈពេលយូរ ក្នុងការទទួលបានដំណោះស្រាយផងដែរ»។
លោកចេហ្វ កាហានជាទីប្រឹក្សាផ្នែកច្បាប់ និងអភិវឌ្ឍនៅក្រុមអ្នកច្បាប់ការពារសិទ្ធិកម្ពុជាបានថ្លែងថា មានខមួយនៅក្នុងក្រមនីតិវិធី ព្រហ្មទណ្ឌដែលអនុញ្ញាត ឱ្យមានសំណងបញ្ឈប់នីតិវិធីព្រហ្មទណ្ឌ ជាក់លាក់ណាមួយ។
ច្បាប់ចរាចរ បានចែងថា «អ្នកដែលបង្កអោយមានគ្រោះថ្នាក់ចរាចរណ៍ បណ្ដាលអោយមានអ្នកស្លាប់ ដោយអចេតនានឹងត្រូវដាក់ទោស ជាមួយនឹងការកាត់ទោស ឱ្យជាប់ពន្ធនាគាររយៈពេលមួយឆ្នាំទៅបីឆ្នាំ និងពិន័យជាប្រាក់ចំនួន២លានទៅ៦លានរៀន ។ ខនោះមិនបាននិយាយអំពីការផ្ដល់សំណងទេ»។
លោក Joel Brinkley អ្នកនិពន្ធដ៏មានថ្វីដៃមួយ របស់កាសែត Modesto Bee នៃរដ្ឋកាលីហ្វ័រនីញ៉ា សហរដ្ឋអាមេរិកបានសរសេរអត្ថបទមួយ ចុះផ្សាយកាលពីថ្ងៃទី២២ សីហា ឆ្នាំ២០០៨ មានចំណងជើងថា «អ្នកនាំមុខគេ ខាងពុករលួយលើពិភពលាកគឺ កម្ពុជា»។ ការចុះផ្សាយរបស់កាសែតនេះដោយលើកហេតុផលមួយ នៃគ្រោះថ្នាក់ចរាចរ ដែលផ្ដើមចេញពីក្មួយ លោក ហ៊ុន សែន បុកជនស្លូតត្រង់ស្លាប់ កាលពីសប្ដាហ៍មុនគេចផុតពីសំណាញ់ច្បាប់។ កាសែត Modesto Bee នេះក៏បានធ្វើអោយមន្ត្រីរដ្ឋាភិបាលរសើប ហើយលោករដ្ឋមន្ត្រីក្រសួងព័ត៌មាន ឆ្លើយបំភ្លឺនៅក្នុងសន្និសីទកាសែតមួយកាលថ្ងៃអាទិត្យ។
ទោះយ៉ាងណា នៅក្នុងរដ្ឋាភិបាលអាណត្តិទី៤នេះ ក្មួយប្រុសលោក ហ៊ុន សែន បានធ្វើឱ្យមនុស្សស្លាប់៤ នាក់ហើយដែលនេះនៅមិនទាន់គិតអំពី ឧកញ៉ា ហ៊ុន តូ បញ្ជាឱ្យកងការពារ វាយដំលើលោក នួន វុទ្ធី អ្នកតំណាងរាស្ត្រគណបក្សសម រង្សីមុនបោះឆ្នោតប៉ុន្មានថ្ងៃនៅកំពង់ចម្លងព្រែកក្ដាមនៅឡើយទេ។ ខ្មែរម្ចាស់ស្រុក ឆ្នាំទី០២ លេខ២៣១ ថ្ងៃព្រហស្បត៍ ទី២៨ ខែសីហា ឆ្នាំ២០០៨
កាសែតដែលចេញលក់នៅ
ថ្ងៃព្រហស្បត៍ ទី២៨ ខែសីហា ឆ្នាំ២០០៨
កម្ពុជាថ្មី ឆ្នាំទី០៧ លេខ១៧៣១ ថ្ងៃព្រហស្បតិ៍ ទី២៨ ខែសីហា ឆ្នាំ២០០៨
- សៀមប្រកាសលុបចោលកិច្ចចរចានៅសៀមរាបថ្ងៃទី២៩ ខែសីហា
- តុលាការព្រហ្មទណ្ឌសៀមត្រៀមចេញដីកាចាប់ខ្លួនមេដឹកនាំមហាបាតុកម្ម
- គ្រឿងបរិក្ខារសង្កេតការណ៍បោះឆ្នោតមានតម្លៃប្រមាណជាង១៨ម៉ឺនដុល្លារអាមេរិកត្រូវបានសហគមន៍អឺរ៉ុបផ្ទេរជូនអង្គការមិនមែនរដ្ឋាភិបាលកម្ពុជាចំនួន១៧
- ផ្អើលនាំគ្នាយកទឹករំអិលស្រោមអនាម័យ Number Oneលាបមុខដើម្បីបំបាត់មុន
ខ្មែរម្ចាស់ស្រុក ឆ្នាំទី០២ លេខ២៣១ ថ្ងៃព្រហស្បតិ៍ ទី២៨ ខែសីហា ឆ្នាំ២០០៨
- ក្មួយនាយករដ្ឋមន្ត្រីខ្មែរធ្វើឱ្យមនុស្ស៤នាក់ស្លាប់នៅក្នុងរាជរដ្ឋាភិបាលអាណត្តិទី៣
ខ្មែរស្ថាបនា ឆ្នាំទី០១ លេខ៨៤ ថ្ងៃព្រហស្បតិ៍ ទី២៨ ខែសីហា ឆ្នាំ២០០៨
- កម្ពុជានិងថៃនឹងរួមគ្នាលើកស្ទួយវិស័យទេសចរណ៍នៅតំបន់ប្រាសាទព្រះវិហារ [យោងតាម The Nation of Thailand]
កោះសន្តិភាព ឆ្នាំទី៤១ លេខ៦៤៣៥ ថ្ងៃព្រហស្បតិ៍ ទី២៨ ខែសីហា ឆ្នាំ២០០៨
- គ្រោះថ្នាក់ចរាចរណ៍នៅកម្ពុជាមានមនុស្សជាង៤នាក់ស្លាប់ក្នុង១ថ្ងៃឆ្នាំ២០០៧មានមនុស្សស្លាប់ជាង១ពាន់នាក់ និងរបួសជាង៧ពាន់នាក់
មនសិការខ្មែរ ឆ្នាំទី១៥ លេខ៣៥៥០ ថ្ងៃព្រហស្បតិ៍ ទី២៨ ខែសីហា ឆ្នាំ២០០៨
- FBI ត្រៀមខ្លួនបំបែកក្ដី ករណីឃាតកម្មបាញ់សម្លាប់អ្នកកាសែត មនសិការខ្មែរ
រស្មីកម្ពុជា ឆ្នាំទី១៦ លេខ៤៦៧៩ ថ្ងៃព្រហស្បតិ៍ ទី២៨ ខែសីហា ឆ្នាំ២០០៨
- កម្ពុជា-វៀតណាម និងឡាវ ចុះកិច្ចព្រមព្រៀងអំពីព្រំដែននៅចំណុចប្រសព្វបីប្រទេស
យុវជនខ្មែរ ឆ្នាំទី១៥ លេខ៣៣៩៥ ថ្ងៃព្រហស្បតិ៍ ទី២៨ ខែសីហា ឆ្នាំ២០០៨
- ចៅហ្វាយខេត្តសៀមរាប អនុញ្ញាតឱ្យឈ្មួញកាប់ព្រៃលិចទឹក ៦០ហិចតាដែលជាតំបន់ជម្រកត្រីពង
- អ្នកបឹងកក់ជ្រួលច្របល់ពេលដែលក្រុមហ៊ុនសាកល្បងបូមដីជាលើកដំបូង [ភ្នំពេញ]
* សូមអញ្ជើញអានវិចារណកថាសម្រាប់សប្ដាហ៍កន្លងទៅ!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
ថ្ងៃ ពុធ ទី ២៧ ខែ សីហា ឆ្នាំ ២០០៨ ៖ សេង ធារី ត្រូវបានបញ្ឈប់ពីការងារតែមានអ្នកកាង
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១០
ភ្នំពេញៈ កញ្ញា សេង ធារី ប្រធានមជ្ឈមណ្ឌលអភិវឌ្ឍន៍សង្គមត្រូវបានក្រុមប្រឹក្សាភិបាលបញ្ឈប់ពីការងារចំនួនពីរលើករួចមកហើយ ដោយសារតែមិនគោរពទៅតាមកិច្ចសន្យាដែលបានទទួលខុសត្រូវចំពោះក្រុមប្រឹក្សាភិបាល ហើយនៅតែបន្តការងារទៅទៀតមិនខ្វល់ចំពោះការបញ្ឈប់របស់ក្រុមប្រឹក្សាភិបាលដែលជាអ្នកផ្ដល់កំណើតឱ្យខ្លួនឡើយ។
កាលពីព្រឹកថ្ងៃទី២៦ ខែសីហា មានអ្នកសារព័ត៌មានជាច្រើនបានធ្វើដំណើរទៅកាន់មជ្ឈមណ្ឌលអភិវឌ្ឍន៍សង្គមដោយសារព័ត៌មានទាំងនោះបានទទួលទូរស័ព្ទថា មជ្ឈមណ្ឌលអភិវឌ្ឍន៍សង្គមមានរៀបចំធ្វើសន្និសីទសារព័ត៌មានប៉ុន្តែនៅពេលអ្នកសារព័ត៌មានទៅដល់បែរជាឃើញមានការរារាំងមិនឱ្យអ្នកកាសែតចូលទៅវិញ។
លោក វីហុយ ប្រធានក្រុមប្រឹក្សាភិបាលបានប្រាប់កម្ពុជាថ្មីកាលពី រសៀលថ្ងៃទី២៦ ខែសីហាថា កាលពីព្រឹកថ្ងៃទី២៦ ខែសីហានេះក្រុមប្រឹក្សាភិបាលមានបំណងធ្វើសន្និសីទសារព័ត៌មានមួយស្ដីអំពីការបញ្ឈប់កញ្ញា សេង ធារី ពីការងារប៉ុន្តែមានការសំណូមពរតើអ្នកគាំទ្រកញ្ញា សេង ធារីឱ្យពិភាក្សា ហើយទុកកញ្ញា សេង ធារី ជាប្រធានមជ្ឈមណ្ឌលតទៅទៀត។
លោកវី ហុយបន្តថា កញ្ញា សេង ធារី ត្រូវបានបញ្ឈប់ពីការងារជាង៦០ថ្ងៃហើយ ប៉ុន្តែគេមិនព្រមចេញឡើយ។ លោកបញ្ជាក់ថា ខាងក្រុមប្រឹក្សាភិបាលបានទាក់ទងទៅកាន់ម្ចាស់ជំនួយមួយចំនួនប៉ុន្តែខាងម្ចាស់ជំនួយបានប្រាប់ថានៅក្នុងដំណាក់កាលនេះសូមឱ្យស្ងប់ស្ងាត់សិនហើយបើសេង ធារីមិនព្រមរួបរួមជាមួយក្រុមប្រឹក្សាភិបាលនោះទេ និងអត់ លុយឱ្យប្រាក់ខែបុគ្គលិកព្រមទាំងថ្លៃផ្ទះ។
នៅព្រឹកថ្ងៃទី២៦ ខែសីហានេះបន្ទាប់ពីមានបុគ្គលិកចេញមកចែកឯកសារដល់អ្នកកាសែត និងប្រាប់ឱ្យអ្នកកាសែតអង្គុយចាំនៅក្រៅរបងនោះមិនឃើញអ្នកណាអើតក្បាលចេញមកប្រាប់ឫផ្ដល់បទសម្ភាសន៍ឱ្យអ្នកកាសែតទេធ្វើឱ្យអ្នកយកព័ត៌មានទាំងខ្មែរ និងបរទេសអង្គុយចាំរហូតដល់ម៉ោងជាង១១ទើបនាំគ្នាចាកចេញ។
ក្រុមអ្នកសារព័ត៌មានទាំងនោះបាននាំគ្នានិយាយថា ប្រហែលជាបុគ្គលិកមជ្ឈមណ្ឌលសង្គមទាំងនោះហៅអ្នកកាសែតទៅឱ្យអង្គុយចាំស្ដាប់ពួកគេឈ្លោះគ្នាបានជាពួកគេមិនព្រមផ្ដល់បទសម្ភាសន៍ហើយមិននិយាយអ្វីទាំងអស់។
តាមការឱ្យដឹងពីបុគ្គលិកមួយចំនួនបានលើកឡើងថា មជ្ឈមណ្ឌលអភិវឌ្ឍន៍សង្គមចាប់ផ្ដើមមានរឿងរ៉ាវជម្លោះផ្ទៃក្នុងតាំងពីក្រោយការក្ដោបអំណាចរឹងមាំរបស់កញ្ញាសេង ធារីម្ល៉េះ។ ពួកគេបន្តថាក្រោយពីក្រុមប្រឹក្សាភិបាលតែងតាំងសេង ធារីឡើង ជាប្រធានភ្លាមកញ្ញាសេង ធារីចាប់ផ្ដើមក្ដោបអំណាចហើយនៅពេលបានរឹងមាំក៏ទាត់ក្រុមប្រឹក្សាដែលតែងតាំងខ្លួនឱ្យឡើងជាប្រធាននោះចោលហើយបង្កើតក្រុមមួយទៀតដែលគាំទ្រខ្លួនជាក្រុមប្រឹក្សាភិបាលធ្វើឱ្យមានការប្រេះឆា និងច្របូកច្របល់យ៉ាងខ្លាំង។
http://www.csdcambodia.org/pdf/2008/PressRelease-30-June-08.pdf/
អ្នកវិភាគជាច្រើនបានលើកឡើងថា បើគ្រាន់តែដឹកនាំនៅក្នុងមជ្ឈមណ្ឌលដ៏តូចមួយយកលុយពីបរទេសសោះធ្វើឱ្យមានការបែកបាក់មិនចុះសម្រុងគ្នាទៅហើយចុះទម្រាំទៅអប់រំច្បាប់ដល់ប្រជាពលរដ្ឋតើឱ្យប្រជាពលរដ្ឋយកជាគតិម្ដេចកើត។ ប្រជាពលរដ្ឋខ្មែរសព្វថ្ងៃមានចំណេះវិជ្ជាមិនចាញ់ សេង ធារីប៉ុន្មានទេគ្រាន់តែឱ្យធ្វើជាប្រធានមជ្ឈមណ្ឌលចេះក្រាញអំណាចទៅហើយចុះទម្រាំឱ្យដឹកនាំប្រទេសតើនឹងទៅជាយ៉ាងណា?
នៅក្នុងលិខិតប្រកាសធ្វើសន្និសីទកាសែតកាលពីថ្ងៃទី២៦ ខែសីហារបស់មជ្ឈមណ្ឌលអភិវឌ្ឍន៍សង្គមបាននិយាយថា កញ្ញា សេង ធារីត្រូវបានបញ្ឈប់ពីការងារជាលើកទី១ នៅថ្ងៃទី២០ ខែឧសភា ឆ្នាំ២០០៨ និងជាលើកទី២ដោយក្រុមប្រឹក្សាភិបាល ម.អ.សនាថ្ងៃទី២៣ ខែមិថុនា ឆ្នាំ២០០៨។
ក្រុមប្រឹក្សាភិបាល ម.អ.ស ក៏ធ្លាប់បានព្រមានកញ្ញាសេង ធារីចំនួនពីរលើកមកហើយ។ លើកទី១នៅថ្ងៃទី១៨ ខែកក្កដា ឆ្នាំ២០០៧ និងលើកទី២នៅថ្ងៃទី១០ ខែកញ្ញា ឆ្នាំ២០០៧។
កញ្ញាសេង ធារីត្រូវបានជួលឱ្យមកធ្វើការនាខែមីនា ឆ្នាំ២០០៦។ ក្នុងអំឡុងពេលធ្វើការងារនៅម.អ.សកញ្ញាសេង ធារីបានចូលរួមប្រជុំជាមួយក្រុមប្រឹក្សាភិបាលតែ៤ដងប៉ុណ្ណោះក្នុងចំណោមអង្គប្រជុំក្រុមប្រឹក្សាភិបាលចំនួន៩ដង។
កញ្ញាសេង ធារីមិនគោរពកិច្ចសន្យាដែលកញ្ញាបានទទួលខុសត្រូវដោយផ្ទាល់ចំពោះក្រុមប្រឹក្សាភិបាលនៃម.អ.ស។
កញ្ញាសេង ធារីបានបង្កើតក្រុមប្រឹក្សាភិបាលដោយខ្លួនឯងមួយក្រុមនៅពេលដែលកញ្ញាកំពុងនៅធ្វើការក្រោមការគ្រប់គ្រងរបស់ក្រុមប្រឹក្សាភិបាលនៃម.អ.ស។ សមាជិកក្រុមប្រឹក្សាភិបាលថ្មីចំនួន១១រូបដែលកញ្ញាបានចុះផ្សាយនៅទំព័រកាសែតភ្នំពេញប៉ុស្តិ៍នាថ្ងៃទី១៦ ខែឧសភា ឆ្នាំ២០០៨។
កញ្ញាសេង ធារីបានច្រានចោលនូវអនុសាសន៍មួយដែលសុំឱ្យមានការរៀបចំរចនាសម្ព័ន្ធលក្ខន្តិកៈនៃម.អ.សដែលបានឧបត្ថម្ភដោយអង្គការអុកស្វាមអាមេរិក។ សកម្មភាពរបស់កញ្ញាបានធ្វើឱ្យបាត់បង់នូវមូលនិធិអង្គការអុកស្វាមអាមេរិកល។
កញ្ញាសេង ធារីមិនបានសហការដោយពេញលេញជាមួយនឹងអាជ្ញាកណ្ដាល២រូប ១រូបអញ្ជើញមកពីម្ចាស់ជំនួយសំខាន់មួយនិង១រូបទៀតជាស្ថាបនិកម.អ.ស។ ជាលទ្ធផលម.អ.សបានបាត់បង់ថវិកាពីម្ចាស់ជំនួយសំខាន់មួយ។
កញ្ញាសេង ធារីបានស្នើសុំឱ្យមានការសម្របសម្រួល ប៉ុន្តែការស្នើសុំនោះគឺដើម្បីឱ្យក្រុមប្រឹក្សាភិបាលធ្វើទៅតាមអ្វីដែលកញ្ញាសេង ធារីចង់បានតែប៉ុណ្ណោះកញ្ញា បានឱ្យក្រុមប្រឹក្សាភិបាលជ្រើសរើសនូវជម្រើសពីរគឺ«ព្រម»ឫ«មិនព្រម»។ ក្រុមប្រឹក្សាភិបាលបានស្នើទៅវិញថាឱ្យមានការជួបប្រជុំចំពោះមុខដើម្បីដោះស្រាយសំណើរបស់កញ្ញាសិនក៏ប៉ុន្តែកញ្ញាបានចាត់ទុកសំណើនោះជាចម្លើយថា «មិនព្រម» ហើយបន្តធ្វើសកម្មភាពតាមរបៀបរបបរបស់កញ្ញាគឺបានផ្សព្វផ្សាយក្រុមប្រឹក្សាភិបាលថ្មីមួយក្រុមទៀតនៅក្នុងវេបសាយរបស់ម.អ.ស។
អស់រយៈពេល៦៣ថ្ងៃហើយដែលក្រុមប្រឹក្សាបានបញ្ឈប់កញ្ញាសេង ធារី។ ការមិនព្រមចាកចេញពីតំណែងដ៏យូរលង់នេះបានធ្វើឱ្យប៉ះពាល់កិត្យានុភាពម.អ.ស និងប្រភពមូលនិធិ។ មិនតែប៉ុណ្ណោះមូលនិធិឯទៀតៗនឹងមិនត្រូវបានគេបន្តឱ្យសាជាថ្មីទៀតចាប់ពីខែតុលា ឆ្នាំ២០០៨ខាងមុខនេះ។ កម្ពុជាថ្មី ឆ្នាំទី៧ លេខ១៧៣០ ថ្ងៃពុធ ទី២៧ ឆ្នាំ២០០៨
កាសែតដែលចេញលក់នៅ
ថ្ងៃ ពុធ ទី ២៧ ខែ សីហា ឆ្នាំ ២០០៨
ដើមអម្ពិល ឆ្នាំទី០៣ លេខ៨៣ ថ្ងៃពុធ ទី២៧ ខែសីហា ឆ្នាំ២០០៨
- លោក ហ៊ុន ជារកមេធាវីប្ដឹងកាសែតអាមេរិកសរសេរបង្ខូចកេរ្តិ៍ឈ្មោះ
- ចូសេហ្វៈ ទំនាស់ព្រះវិហារអាស៊ានអាចដោះស្រាយបាន
កម្ពុជាថ្មី ឆ្នាំទី០៧ លេខ១៧៣០ ថ្ងៃពុធ ទី២៧ ខែសីហា ឆ្នាំ២០០៨
- សេង ធារី ត្រូវបានបញ្ឈប់ពីការងារតែមានអ្នកកាង
- សាម៉ាក់៖ ការធ្វើបាតុកម្មតវ៉ាមិនអាចបង្ខំឱ្យលោកចុះចេញពីតំណែងបានឡើយ [ប៉ូលិសសៀមត្រៀមទប់ទល់នឹងក្រុមបាតុករ៣៥០០០នាក់]
- ផ្អើលនៅពោធិសាត់មេទ័ពឃ្លាំងមឿងចូលសណ្ឋិតឱ្យអ្នកឆ្នាំខាល និងឆ្នាំវកស្រោចទឹកទើបរួចផុតគ្រោះអាក្រក់
ខ្មែរម្ចាស់ស្រុក ឆ្នាំទី០២ លេខ២៣០ ថ្ងៃពុធ ទី២៧ ខែសីហា ឆ្នាំ២០០៨
- សុន ឆ័យថាកាសែតអាមេរិកបានសរសេរឆ្លុះបញ្ចាំងការពិតនៅប្រទេសកម្ពុជា
- សម រង្សីថា រដ្ឋាភិបាលហ៊ុន សែនខ្លាចកិច្ចព្រមព្រៀងក្រុងប៉ារីសព្រោះខ្លាចបាត់បង់អំណាច
ខ្មែរស្ថាបនា ឆ្នាំទី០១ លេខ៨៣ ថ្ងៃពុធ ទី២៧ ខែសីហា ឆ្នាំ២០០៨
- ក្រុមប្រឹក្សាធម្មនុញ្ញបដិសេធមិនរាប់សន្លឹកឆ្នោតឡើងវិញតាមបណ្ដឹងគណបក្សសម រង្សី
កោះសន្តិភាព ឆ្នាំទី៤១ លេខ៦៤៣៤ ថ្ងៃពុធ ទី២៧ ខែសីហា ឆ្នាំ២០០៨
- អព្ភូតហេតុមុនសៀមឈ្លានពានថ្មភ្នំត្បែងបានបាក់ និងមានដុំភ្លើងហោះពេលរាត្រីនាខែមករាកន្លងមក
មនសិការខ្មែរ ឆ្នាំទី១៥ លេខ៣៥៤៩ ថ្ងៃពុធ ទី២៧ ខែសីហា ឆ្នាំ២០០៨
- លោក សម រង្សីរិះគន់ក្រុមប្រឹក្សាធម្មនុញ្ញ និងគ.ជ.ប ថាជាអាយ៉ងគណបក្សប្រជាជន
* សូមអញ្ជើញអានវិចារណកថាសម្រាប់សប្ដាហ៍កន្លងទៅ!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
Read Full Post | Make a Comment ( None so far )ថ្ងៃ អង្គារ ទី ២៦ ខែ សីហា ឆ្នាំ ២០០៨៖ វៀតណាមនឹងផ្ដល់សេវាផ្កាយរណបទូរគមនាគមន៍ដល់ប្រទេសនានា
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១០
កាសែតវៀតណាមសៃហ្គនរំដោះ SAIGON LIBERATION បានរាយការណ៍កាលពីថ្ងៃទី២២ សីហា ថាក្រុមហ៊ុនរដ្ឋវៀតណាម TELECOM INTERNATIONAL ដែលទទួលបន្ទុកគ្រប់គ្រងផ្កាយរណបទូរគមនាគមន៍ដំបូងគេរបស់វៀតណាមឈ្មោះ VINASAT-1 កំពុងតែពិភាក្សាជាមួយអតិថិជនបរទេសទាំងឡាយពីលទ្ធភាពនៃការផ្ដល់សេវាទាំងឡាយឱ្យដល់អតិថិជនទាំងនោះ។
បណ្ដាដៃគូសំខាន់ៗរួមមានក្រុមហ៊ុន ASIA BROADCAST SATELLITE (ABS) ជាក្រុមហ៊ុនធំមួយរបស់អាស៊ីក្នុងវិស័យទូរគមនាគមន៍មានមូលដ្ឋាននៅហុងកុងក្រុមហ៊ុន UNIVERSAL TELECOM SERVICES របស់សហរដ្ឋអាមេរិក ក្រុមហ៊ុន PROTOSTAR របស់សិង្ហបុរី និងក្រុមហ៊ុនTHAICOM របស់ថៃ។
ក្រុមហ៊ុនវៀតណាម TELECOM INTERNATIONALនិងABS បានចុះហត្ថលេខាលើពិធីសារមួយស្ដីពីសមត្ថភាពនៃការផ្លាស់ប្ដូរគ្នារវាង VINASAT-1 និង ABS-1 ។ ឯកសារនេះប្រើជាចំណុចចេញដំណើរសម្រាប់កិច្ចសហប្រតិបត្តិការរវាងក្រុមហ៊ុនទាំង២ក្នុងវិស័យទូរគមនាគមន៍ និងសេវាកម្មផ្កាយរណប។
ផ្កាយរណប VINASAT-1 ទំហំមធ្យមត្រូវបានបាញ់បង្ហោះកាលពីខែមេសា កន្លងមកនេះជាមួយនឹងការបោះ ទុនវិនិយោគចំនួន៣០០លានដុល្លារអាចបំរើសេវាកម្មគ្របដណ្ដប់លើអាស៊ីអាគ្នេយ៍ មួយផ្នែកនៃប្រទេស ចិន ឥណ្ឌា កូរ៉េខាងត្បូង ជប៉ុន អូស្ត្រាលី និងកោះហាវ៉ៃ។ ផ្កាយរណបនេះអាចមានអាយុកាលរវាងពី១៥ ទៅ២០ឆ្នាំ ។ សមត្ថភាពបញ្ជូនរបស់ផ្កាយរណប VINASAT-1 ស្មើនឹងបណ្ដាញទូរស័ព្ទ១០.០០០ខ្សែឫប៉ុស្តិ៍ទូរទស្សន៍ចំនួន១២០។
មុនពេលមានផ្កាយរណបទូរគមនាគមន៍ផ្ទាល់របស់ខ្លួនវៀតណាមត្រូវចំណាយប្រាក់១៥លានដុល្លារក្នុងមួយឆ្នាំៗសម្រាប់ជួលសេវាកម្មផ្កាយរណបរបស់បរទេសដូចជារបស់រុស្សី អូស្ត្រាលី និងថៃជាដើម។កោះសន្តិភាព លេខ៦៤៣៣ ថ្ងៃអង្គារ ទី២៦ ខែសីហា ឆ្នាំ២០០៨
កាសែតដែលចេញលក់នៅ
ថ្ងៃ អង្គារ ទី ២៦ ខែ សីហា ឆ្នាំ ២០០៨
កម្ពុជាថ្មី ឆ្នាំទី៧ លេខ១៧២៩ ថ្ងៃអង្គារ ទី២៦ ខែសីហា ឆ្នាំ២០០៨
- សៀមបាក់មុខខ្លាំងណាស់នៅក្នុងកិច្ចប្រជុំ AIPA [មហាសន្និបាតលើកទី២៩នៃអន្តរសភាអាស៊ានដែលហៅកាត់ថា AIPA ដែលរៀបចំកាលពីថ្ងៃទី១៨-២៤ សីហា នៅប្រទេសសិង្ហបុរី ប្រទេសជាច្រើនបានគាំទ្រចំពោះគោលការណ៍អនុវត្តច្បាប់ឱ្យបានតឹងរ៉ឹងកុំឱ្យមានការឈ្លានពានឫផ្ទុះអាវុធពីប្រទេសមួយទៅលើប្រទេសមួយទៀត]
- ស្ថាបនារបងបេតុងតាមព្រំដែនជាផែនការអាទិភាពរបស់រដ្ឋាភិបាលថ្មី
ខ្មែរស្ថាបនា ឆ្នាំទី១ លេខ៨២ ថ្ងៃអង្គារ ទី២៦ ខែសីហា ឆ្នាំ២០០៨
- ការបង្កើតរដ្ឋសភា និងរដ្ឋាភិបាលនឹងអាចធ្វើឡើងដោយបោះឆ្នោតជាកញ្ចប់ [ យោងតាមមន្ត្រីអ្នកនាំពាក្យគណបក្សប្រជាជនកម្ពុជា លោកខៀវ កាញារីទ្ធ ]
កោះសន្តិភាព ឆ្នាំទី៤១ លេខ៦៤៣៣ ថ្ងៃអង្គារ ទី២៦ ខែសីហា ឆ្នាំ២០០៨
- ខ្មែរថា«របង» សៀមថា «កំផែង» អ្នកនាំពាក្យរដ្ឋាភិបាលច្រានចោលការប្រើពាក្យមានន័យផ្សេងរបស់កាសែតបាងកកប៉ុស្តិ៍
- សម្ដេចឳៈ រាជវង្សានុវង្ស និងនយោបាយព្រះអង្គមានបន្ទូលថា ព្រះអង្គ ម្ចាស់-ម្ចាស់ក្សត្រីទីបំផុតបរាជ័យ
- វៀតណាមនឹងផ្ដល់សេវាផ្កាយរណបទូរគមនាគមន៍ដល់ប្រទេសនានា [ យោងតាម Saigon Liberation ]
មនសិការខ្មែរ ឆ្នាំទី១៥ លេខ៣៥៤៨ ថ្ងៃអង្គារ ទី២៦ ខែសីហា ឆ្នាំ២០០៨
- គណបក្សប្រឆាំង ប្ដឹងទៅប្រទេសហត្ថលេខីនៃកិច្ចព្រមព្រៀងក្រុងប៉ារីស ពីការបោះឆ្នោតមិនត្រឹមត្រូវនៅកម្ពុជា
- យួន នៅតែអាចចូលមកធ្វើស្រែលើទឹកដីខ្មែរតាមតំបន់ព្រំដែន ដោយគ្មានការទប់ស្កាត់
- យោធាខ្មែរ ការពារព្រំដែនប្រាសាទព្រះវិហារកំពុងមានជំងឺគ្រុនចាញ់ និងជំងឺផ្លូវដង្ហីម
រស្មីកម្ពុជា ឆ្នាំទី១៦ លេខ៤៦៧៧ ថ្ងៃអង្គារ ទី២៦ ខែសីហា ឆ្នាំ២០០៨
- គណបក្សសម រង្សី និងសិទ្ធិមនុស្សមានជំហរមិនចូលរួមប្រជុំរដ្ឋសភា បើ មិនមានដំណោះស្រាយ
- ការប្រមូលពន្ធផ្លូវចាប់ផ្ដើម១៥ សីហា . បញ្ចប់១៥វិច្ឆិកា
* សូមអញ្ជើញអានវិចារណកថាសម្រាប់សប្ដាហ៍កន្លងទៅ!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
ថ្ងៃ ចន្ទ ទី ២៥ ខែ សីហា ឆ្នាំ ២០០៨៖ អាមេរិកផ្ដល់ជំនួយឧបត្ថម្ភជាង៣៤លានដុល្លារសម្រាប់គម្រោងផ្នែកសុខភាព និងអប់រំនៅកម្ពុជា
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥១០
ភ្នំពេញ៖ រដ្ឋាភិបាលសហរដ្ឋអាមេរិក និងរាជរដ្ឋាភិបាលកម្ពុជានឹងចុះហត្ថលេខាលើវិសោធនកម្ម លើកិច្ចព្រមព្រៀងទ្វេភាគីចំនួនពីរ ដែលមានថវិកាសរុបចំនួន៣៤.៣លានដុល្លារអាមេរិក ជាជំនួយសម្រាប់ឆ្នាំ ២០០៨ពីទីភ្នាក់ងារសហរដ្ឋអាមេរិកដើម្បីអភិវឌ្ឍន៍អន្តរជាតិ (USAID) សម្រាប់គាំទ្រវិស័យជាអាទិភាពនៅកម្ពុជាគឺ វិស័យសុខាភិបាល និងវិស័យអប់រំ។
ពិធីនេះនឹងប្រព្រឹត្តិធ្វើនៅថ្ងៃទី២៥ ខែសីហា ក្រោមអធិបតីភាពដ៏ខ្ពង់ខ្ពស់របស់សម្តេចហ៊ុន សែន នាយករដ្ឋមន្ត្រីនៃរាជរដ្ឋាភិបាលកម្ពុជា និងលោកចូសេហ្វ មូសូមីលី ឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក ហោ ណាំហុង ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ និងលោកស្រីអេរីន សូតូនាយកបេសកកម្មនៃទីភ្នាក់ងារសហរដ្ឋអាមេរិកដើម្បីអភិវឌ្ឍន៍អន្តរជាតិ (USAID) នឹងចុះហត្ថលេខាក្នុងនាមរដ្ឋាភិបាលរបស់ខ្លួន។ ជំនួយឧបត្ថម្ភថ្មីនេះបានកើនឡើងជិត២០០លានដុល្លារសហរដ្ឋអាមេរិកហើយដែល USAID បានជួយដល់វិស័យសុខាភិបាល និងវិស័យអប់រំនៅកម្ពុជាចាប់ពីឆ្នាំ២០០២មក។
សេចក្ដីប្រកាសព័ត៌មានស្ថានទូតអាមេរិកនៅថ្ងៃទី២៣ ខែសីហានេះបានឱ្យដឹងថា វិសោធនកម្មលើកិច្ចព្រមព្រៀងទី១ ផ្ដល់ថវិកាសរុបចំនួន៣២.២លានដុល្លារសហរដ្ឋអាមេរិកដើម្បីពង្រឹងបញ្ហាសុខភាពជាចម្បង។ ជំនួយនេះនឹងប្រើសម្រាប់ធ្វើឱ្យប្រសើរឡើងនូវរាល់សកម្មភាពដែលពាក់ព័ន្ធទៅនឹងការបន្ថយអត្រាឆ្លង និងផលប៉ះពាល់នៃជំងឺហ៊ីវ / អេដស៍ ការការពារ និងកម្ចាត់ជំងឺឆ្លងធំៗដូចជាជំងឺរបេងប្រយុទ្ធនឹងជំងឺផ្ដាសាយបក្សីធ្វើឱ្យប្រសើរឡើងនូវសុខភាពរបស់កុមារ មាតានិងសុខភាពបន្ត ពូជ ហើយពង្រឹងប្រព័ន្ធសុខភាពសាធារណៈ ដោយរួមបញ្ចូលទាំងការពង្រឹងបន្ថែមនូវជំនាញបច្ចេកទេស សម្រាប់បុគ្គលិកសុខាភិបាលផងដែរ។
វិសោធនកម្មលើកិច្ចព្រមព្រៀងទី២ ផ្ដល់ថវិកាសរុបចំនួនជាង២លានដុល្លារសហរដ្ឋអាមេរិក ដើម្បីគាំទ្រដល់គោលបំណងវិស័យអប់រំរាជរដ្ឋាភិបាលកម្ពុជា។ ជំនួយនេះនឹងប្រើសម្រាប់កម្មវិធីដែលកំពុងមានជាបន្តដើម្បីធ្វើឱ្យប្រសើរឡើងនូវគុណភាពនៃការអប់រំជាមូលដ្ឋាន និងពង្រីកលទ្ធភាពចូលរៀនកាន់តែច្រើនឡើងសម្រាប់កុមារកម្ពុជារួមទាំងជនជាតិភាគតិច អ្នកបាត់បង់លទ្ធភាពពលកម្ម និងកុមារក្រីក្រខ្លាំងផងដែរ។ សកម្មភាពនឹងផ្ដោតទៅលើការអនុវត្តន៍កម្មវិធីសិក្សាថ្មីនៅថ្នាក់ជាតិ និងស្តង់ដារសិក្សា ដែលនឹងកាត់បន្ថយអត្រាការបោះបង់ ចោលសាលារៀន និងការរៀនត្រួតថ្នាក់តាមរយៈការបង្កើនគុណភាពនៃការបង្រៀន និងការវាយតម្លៃលទ្ធផលនៃការសិក្សារបស់សិស្ស។
ដោយបន្ថែមទៅលើសកម្មភាពក្នុងវិស័យអប់រំ និងសុខាភិបាល USAID ក៏បានជួយដល់កម្មវិធីមួយចំនួនទៀតសម្រាប់ជាប្រយោជន៍ដល់ប្រជាជនកម្ពុជាទាំងអស់ដោយរួមមានកម្មវិធីសិទ្ធិមនុស្ស នីតិរដ្ឋ អភិបាលកិច្ចមូលដ្ឋាន និងវិមជ្ឈការ ការប្រឆាំងអំពើពុករលួយការគ្រប់គ្រងធនធានធម្មជាតិ និងការអភិវឌ្ឍន៍វិស័យឯកជន និងការជួញដូរមនុស្ស។ USAID រំពឹងទុកដោយផ្ដល់ថវិកាសរុបចំនួន៥៧.៥លានដុល្លារសហរដ្ឋអាមេរិក សម្រាប់ជាជំនួយឧបត្ថម្ភដល់ប្រទេសកម្ពុជាក្នុងឆ្នាំ២០០៩។រស្មីកម្ពុជា ឆ្នាំទី១៦ លេខ៤៦៧៦ ថ្ងៃអាទិត្យ-ចន្ទ ទី២៤-២៥ ខែសីហា ឆ្នាំ២០០៨
កាសែតដែលចេញលក់នៅ
ថ្ងៃ ចន្ទ ទី ២៥ ខែ សីហា ឆ្នាំ ២០០៨
ដើមត្នោត ឆ្នាំទី០១ លេខ៣២ ថ្ងៃចន្ទ-អង្គារ ទី២៥-២៦ ខែសីហា ឆ្នាំ២០០៨
- សម្ដេចក្រុមព្រះនរោត្តមរណឫទ្ធិអតីតប្រធានរដ្ឋសភានីតិកាលទី៣ និងសហប្រធាន CDC មានទីប្រឹក្សាចំនួន៥៩ និងឧបការីចំនួន៦៦ [ ជាចំនួនដ៏ច្រើន ]
កម្ពុជាថ្មី ឆ្នាំទី០៧ លេខ១៧២៨ ថ្ងៃអាទិត្យ-ចន្ទ ទី២៤-២៥ ខែសីហា ឆ្នាំ២០០៨
- គ ជ ប បដិសេធសំណើសុំបង្ហាញភស្តុតាងរបស់បក្សប្រឆាំង [ ភាពមិនប្រក្រតីក្នុងការលុបឈ្មោះអ្នកបោះឆ្នោត ហើយ គ ជ ប អះអាងថា ការ លុបឈ្មោះពីបញ្ជីត្រូវបានធ្វើតាំងពីយូរណាស់មកហើយ ]
- ភ្នំជាច្រើននៅក្រុងប៉ៃលិនរងការកាប់បំផ្លាញយ៉ាងធ្ងន់ធ្ងរ [អ្នកមានអំណាចទន្រ្ទានដណ្តើមយកដី]
ខ្មែរម្ចាស់ស្រុក ឆ្នាំទី០២ លេខ២២៩ ថ្ងៃអាទិត្យ-អង្គារ ទី២៤-២៦ ខែសីហា ឆ្នាំ២០០៨
- សូរ ឃុន ខ្សោយខាងអច្ចេកទេសទូរគមនាគមន៍ទើបមានរន្ទះបាញ់អ្នកនិយាយទូរស័ព្ទក្នុងពេលភ្លៀង
- សម រង្សី និង កឹម សុខា នាំយកឯកសារទៅប្ដឹងអង្គការសហប្រជាជាតិជាមួយគ្នានៅដើមខែកញ្ញា [ភាពមិនប្រក្រតីក្នុងការបោះឆ្នោត]
កោះសន្តិភាព ឆ្នាំទី៤១ លេខ៦៤៣២ ថ្ងៃចន្ទ ទី២៥ ខែសីហា ឆ្នាំ២០០៨
- មន្រ្តីរដ្ឋាភិបាលចោទកាសែតអាមេរិកមួយថា ប្រមាថកម្ពុជា
រស្មីអង្គរ ឆ្នាំទី១១ លេខ១៣៥១ ថ្ងៃចន្ទ ទី២៥ ខែសីហា ឆ្នាំ២០០៨
- ចោរបាញ់ប្លន់អ្នកលក់មាស យកអស់ជិតតំណឹង ម្ចាស់រងរបួសអ្នកចូលជួយស្លាប់ [ កាលពីថ្ងៃទី២៣ ខែសីហា នៅខណ្ឌដង្កោ ភ្នំពេញ]
រស្មីកម្ពុជា ឆ្នាំទី១៦ លេខ៤៦៧៦ ថ្ងៃអាទិត្យ-ចន្ទ ទី២៤-២៥ ខែសីហា ឆ្នាំ២០០៨
- អាមេរិកផ្ដល់ជំនួយឧបត្ថម្ភជាង៣៤លានដុល្លារសម្រាប់គម្រោងផ្នែកសុខភាព និងអប់រំនៅកម្ពុជា
- សម្ដេចក្រុមព្រះសម្រេចព្រះទ័យឈប់ធ្វើនយោបាយ
- ក្រុមប្រឆាំងសៀមប្រកាសធ្វើបាតុកម្មធំបណ្ដេញរដ្ឋាភិបាលនៅថ្ងៃទី២៦ ខែសីហា
* សូមអញ្ជើញអានវិចារណកថាសម្រាប់សប្ដាហ៍កន្លងទៅ!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
Read Full Post | Make a Comment ( None so far )សប្ដាហ៍ទី ៥១២ ថ្ងៃទី ២៤ សីហា ២០០៨៖ តម្លាភាព និង ភាពបើកចំហ
ដូចដែលវាបានកើតឡើងជាញឹកញាប់ទៅហើយ – ហើយវាក៏ជាការធម្មតាដែរ – មានបញ្ហាស្មុគស្មាញមួយចំនួនដែលត្រូវប្រឈមនៅក្នុងប្រទេស និង នៅក្នុងទំនាក់ទំនងអន្តរជាតិរបស់ប្រទេស ។ ទោះវាជាអ្វីក៏ដោយ វាតែងតែតម្រូវឲ្យមានកិច្ចសហប្រតិបត្តិការ – ជាមួយមិត្តភក្តិ និង ជាមួយគូបដិបក្ខ ។ ហើយកិច្ចសហប្រតិបត្តិការបែបនេះពឹងអាស្រ័យលើការយោគយល់គ្នាទៅវិញទៅមក ដែលជានិច្ចកាលវាមិនអាចឲ្យគេរកឃើញមូលដ្ឋានរួមដោយស្មើភាពគ្នាទេ ។ វាអាចជាការសំខាន់ជាចាំបាច់ ដែលភាគីមួយ ឬ ក្រុមមួយ ឬ ទីតាំងមួយ ត្រូវត្រៀមខ្លួនធ្វើសម្បទាន ដើម្បីសម្រេចបានផលប្រយោជន៍រួមខ្លះ ។
ក្នុងខណៈដែលកំពុងអានព័ត៌មានរាយការណ៍ទូទាំងសប្ដាហ៍កន្លងមកនេះ គេពិតជាឃើញថា នេះមិនមែនជាការងាយស្រួលទេ ។ ការយោគយល់គ្នាទៅវិញទៅមកមិនអាចឲ្យគេធ្វើទៅបានដោយងងឹតងងល់នោះទេ – វាមិនអាចរីកចម្រើនបានទេបើកាលណាភាគីមួយព្យាយាមយកប្រៀបលើភាគីមួយទៀត ព្យាយាមដាក់លក្ខខ័ណ្ឌ ឬ មានគំនិតលាក់លៀមមិនបើកចំហ ជាហេតុនាំឲ្យរាំងស្ទះដល់បន្លាស់ប្ដូរនូវកង្វល់ជាចំហ ។ ឬ បើកាលណាភាគីមួយមិនបើកចំហដើម្បីរួមចែករំលែកនូវសេចក្ដីប្រាថ្នា និង វត្ថុបំណងទេនោះ ធ្វើយ៉ាងនេះគ្មានតម្លាភាពចំពោះភាគីម្ខាងទៀតនោះទេ ។ តម្លាភាពពេញលេញទាំងស្រុងមិនអាចឲ្យគេរំពឹងទុកបានភ្លាមៗទេ ។ ប៉ុន្តែបើភាពបើកចំហមិនមែនជាគោលដៅទេ វានឹងមិនរីកចម្រើនទេ កុំថាឡើយតែក្នុងជំហានខ្លីៗ ។
មានរឿងមួយដែលអាចឲ្យគេឃើញដំណើរការនេះ ។
ក្នុងការវាយប្រហារដោយគ្រាប់បែកដៃទៅលើក្រុមបាតុករដឹកនាំដោយគណបក្ស សម រង្ស៊ី ក្នុងខែមិនា ឆ្នាំ ១៩៩៧ មានមនុស្សជាង ១០នាក់ ត្រូវបានសម្លាប់ និង ជាង ១០០នាក់ បានរងរបួស ក្នុងនោះមានពលរដ្ឋអាមេរិកម្នាក់ផង ។ ដូច្នេះការិយាល័យស៊ើបការណ៍សម្ងាត់របស់អាមេរិក [FBI] ក៏បានចូលរួមពាក់ព័ន្ធដោយខ្លួនឯង ។ លទ្ធផលនៃការស៊ើបអង្កេតនោះមិនដែលត្រូវបានបង្ហាញឲ្យសាធារណជនដឹងទេ – ទោះនៅក្នុងប្រទេសទាំងពីរក៏គ្មានដែរ ។
តមកទៀត នៅដើមឆ្នាំ ២០០៧ អគ្គនាយកស្នងការប៉ូលិសជាតិកម្ពុជា ត្រូវបានអញ្ជើញឲ្យទៅធ្វើទស្សនកិច្ចនៅសហរដ្ឋអាមេរិក និង FBI ហើយអគ្គនាយកប៉ូលិសបាននិយាយទុកជាមុនថា ” យើងក៏ចង់ធ្វើនៅកម្ពុជានូវអ្វីដែលប្រទេសមហាអំណាចបានធ្វើបានល្អប្រសើរដែរនោះ ។ យើងមិនចង់ឲ្យអ្នកដទៃរិះគន់យើងតទៅទៀតឡើយ…” ទាក់ទងនឹងទស្សនកិច្ចនេះ លោកអគ្គនាយកបានរំពឹងទុកថា ប៉ូលិសកម្ពុជា និង FBI នឹងបន្តពង្រឹងកិច្ចសហប្រតិបត្តិការរបស់ខ្លួនដើម្បីទប់ស្កាត់អំពើភេរវកម្ម ការជួញដូរគ្រឿងញៀនខុសច្បាប់ និង ឧក្រិដ្ឋកម្មឆ្លងដែន ដែលជាកង្វល់រួមនៅក្នុងតំបន់ និង នៅសកលលោក” ។
រួចហើយ ក្នុងខែ មករា ឆ្នាំ ២០០៨ FBI បានសម្ពោធបើកការិយាល័យអនុព័ន្ធច្បាប់ ស្ថិតនៅក្នុងស្ថានទូតសហរដ្ឋអាមេរិក នៅទីក្រុងភ្នំពេញ ដឹកនាំដោយជនជាតិកម្ពុជាម្នាក់ សញ្ជាតិអាមេរិកាំង ជាប្រធានការិយាល័យនៅកម្ពុជា ។
ដោយឥឡូវនេះមានការិយាល័យ FBI នៅកម្ពុជា គណបក្ស សម រង្ស៊ី បានអំពាវនាវដល់ FBI ក្នុងឱកាស ពិធីរំលឹកខួបលើកទី១១ នៃការវាយប្រហារដោយគ្រាប់បែក កាលពី ខែ មិនា ឆ្នាំ ១៩៩៧ ដើម្បីស៊ើបអង្កេតរឿងនេះ “ដើម្បីធានាថាឧក្រិដ្ឋជន និង ជនដែលនៅពីក្រោយការវាយប្រហារនេះមិនអាចជៀសផុតពីតុលាការ និង ដើម្បីលើកកម្ពស់ការគោរពនីតិរដ្ឋនៅកម្ពុជា” ។
មកទល់ពេលនេះ អាជ្ញាធរកម្ពុជាបានប្រកាសស្វាគមន៍រឿងនេះ បើសិនជា គណបក្ស សម រង្ស៊ី នឹងផ្ដល់ភស្តុតាង កសិណសាក្សី ឬ រាល់ការបំផុសទឹកចិត្តបែបណាទៀត ទាក់ទងនឹងរឿងនេះ ។ ហើយក្នុងពេលជាមួយគ្នានោះ គេបានចង្អុលបង្ហាញលិខិតមួយពី លោក សម រង្ស៊ី ផ្ញើទៅ លោកនាយករដ្ឋមន្ត្រី ដោយបានសូមទោសថា គាត់នឹងលែងធ្វើការចោទប្រកាន់ណាមួយដែលគ្មានភស្តុតាងថារដ្ឋាភិបាលជាអ្នកនៅពីក្រោយការវាយប្រហារទៀតហើយ ។
ក្នុងសប្ដាហ៍កន្លងទៅនេះ ដំណាក់កាលថ្មីមួយនៃការជឿទុកចិត្តគ្នាទៅវិញទៅមក ត្រូវបានធ្វើឲ្យសម្រេច ។ FBI និង មន្ត្រីប៉ូលិសកម្ពុជា កំពុងពិភាក្សាពីសេចក្ដីលំអិតដែលចាំបាច់ត្រូវឲ្យច្បាស់លាស់សម្រាប់កិច្ចសហប្រតិបត្តិការក្នុងការស៊ើបអង្កេតរឿងឃាតកម្មលើអ្នកកាសែត មនសិការខ្មែរ លោក ឃឹម សម្បូរណ៍ និង កូនប្រុសរបស់គាត់ ។ ការដែលកិច្ចសហប្រតិបត្តិការដូចនេះចាំបាច់ត្រូវផ្អែកលើភាពច្បាស់លាស់ទៅវិញទៅមកនោះ គឺជាការពិត ៖ ស្ថានទូតអាមេរិកបានប្រកាសថា “ក្រសួងមហាផ្ទៃកម្ពុជា និង FBI កំពុងពិភាក្សាសម្រេច ថាតើត្រូវធ្វើសហប្រតិបត្តិការទៅវិញទៅមកយ៉ាងដូចម្ដេច ប៉ុន្តែពុំទាន់មានសេចក្ដីសម្រេចផ្លូវការណាមួយត្រូវបានធ្វើនៅឡើយទេ” ។
សាធារណជនឥតបានដឹងសេចក្ដីលំអិតនៃការចរចានេះទេ ។ ប្រហែលជាវាទាក់ទងទៅនឹងបញ្ហាដែលជួនកាលបានបណ្ដោយឲ្យការស៊ើបអង្កេតមួយរលាយបាត់ពីភ្នែកសាធារណជន ក្នុងពេលដែលគេបានចោទប្រកាន់ពីនិទណ្ឌភាពដែលត្រូវដាក់ទណ្ឌកម្មជាផ្លូវការ ។ ការចូលរួមរបស់ FBI គួរតែជួយសម្រាលការភ័យខ្លាចបែបនេះ ។ ប៉ុន្តែសាធារណជននៅតែបន្តចាប់អារម្មណ៍ចង់ឃើញការរីកចម្រើនក្នុងការស៊ើបអង្កេតនេះ ។
ការពិនិត្យតាមដានរបស់សាធារណជនគឺជាកត្តាដ៏សំខាន់នៃការគ្រប់គ្រងរដ្ឋបាល និង រដ្ឋាភិបាលដ៏មានតម្លាភាព ។ វាជារឿងនាំឲ្យបន្តភ្ញាក់ផ្អើល និង ជាអាថ៌កំបាំង ដែលការរាយការណ៍ព័ត៌មានភាគច្រើននៅក្នុងសារព័ត៌មានខ្មែរអំពីភាពតានតឹងនៅព្រំដែន កម្ពុជា-ថៃ ពុំមានតម្លាភាព ។
ទាំងព័ត៌មានរាយការណ៍អំពីជំនួបប្រជុំស្ដីពីប្រាសាទព្រះវិហារ រវាងរដ្ឋមន្ត្រីការបរទេសកម្ពុជា និង ថៃ នៅ ហួហ៊ីន ទាំងព័ត៌មានរាយការណ៍អំពីទឹកប្រាក់ដ៏ច្រើនសន្ធឹកសន្ធាប់ផ្ដល់ឲ្យដោយខេត្តកំពង់ចាម ដើម្បីយកទៅជួយកងកម្លាំងប្រដាប់អាវុធដែលនៅការពារប្រាសាទព្រះវិហារ ទាំងអត្ថបទរិះគន់សកម្មភាពការទូតរបស់រដ្ឋាភិបាលកម្ពុជា ពុំមានព័ត៌មានរាយការណ៍ណាមួយអាចជាឯកសារយោងច្បាស់លាស់ដើម្បីបញ្ជាក់ឲ្យបានជាក់លាក់នោះទេ – ហួសពីការនិយាយអំពី “ព្រំដែន” ឬអំពី “តំបន់ក្នុងជម្លោះ” ។ នេះជាបញ្ហាមួយដែលកាន់តែធ្ងន់ធ្ងរខ្លាំងថែមទៀត – បើតាមដែលយើងដឹង – វាដូចជាផែនទីចុងក្រោយបង្ហាញដោយតំណាងរបស់រដ្ឋាភិបាលកម្ពុជា នៅលើផ្លូវឆ្ពោះទៅរកការចុះបញ្ជីប្រាសាទព្រះវិហារ ទាំងសេចក្ដីប្រកាសជាផ្លូវការរបស់កម្ពុជានៅក្នុងសេចក្ដីថ្លែងការណ៍រួម ចុះហត្ថលេខាអមដោយអង្គការយូណេស្កូ ដែលថា “ព្រះរាជាណាចក្រកម្ពុជាយល់ព្រមឲ្យដាក់ប្រាសាទព្រះវិហារក្នុងបញ្ជីបេតិកភណ្ឌពិភពលោក ដែលក្នុងដំណាក់កាលនេះពុំមានតំបន់ទ្រនាប់នៅភាគខាងជើង និង ភាគខាងលិចនៃប្រាសាទព្រះវិហារទេនោះ” មិនបានចុះផ្សាយក្នុងប្រព័ន្ធផ្សព្វផ្សាយនៅកម្ពុជាទេ ។ តើការយោគយល់គ្នាទៅវិញទៅមកអាចរីកចម្រើនបានយ៉ាងដូចម្ដេច កាលបើសាធារណជនកម្ពុជាមិនបានដឹងអំពីកិច្ចព្រមព្រៀងទាំងនេះផងនោះ ក៏ដូចជាមិនបានដឹងអំពីកិច្ចព្រមព្រៀងបន្ថែមជាមួយអង្គការយូណេស្កូ ដើម្បីបង្កើតផែនការគ្រប់គ្រងរួមគ្នា – ជាមួយថៃ – នៅត្រឹម ឆ្នាំ ២០១០ នៅពេលដែលគណៈកម្មាធិការបេតិកភណ្ឌពិភពលោករបស់យូណេស្កូ នឹងពិនិត្យឡើងវិញនូវការចុះបញ្ជីប្រាសាទព្រះវិហារ នៅឆ្នាំ ២០០៨ ។
ការសម្រេចឲ្យបានការយោគយល់គ្នាល្អទៅវិញទៅមក ដើម្បីកុំឲ្យមានការប៉ះពាល់ដល់ការចុះបញ្ជី ព្រោះទីតាំងប្រាសាទព្រះវិហារនឹងតម្រូវមិនត្រឹមតែភាពបើកចំហសម្រាប់ការចរចាជាមួយអ្នកជិតខាងថៃនៅភាគខាងជើងប៉ុណ្ណោះទេ ក៏ប៉ុន្តែភាពបើកចំហឆ្ពោះទៅរកសាធារណជនកម្ពុជាផងទៀត ដែលនៅមិនទាន់បានឃើញកិច្ចព្រមព្រៀងទាំងនេះនៅឡើយ – ទាំងជាភាសាបរទេស ទាំងជាភាសារបស់ប្រទេស ក៏គេឥតទាន់បានឃើញដែរ ។
យើងសូមសំដែងអំណរសាទរចំពោះរាល់សារព័ត៌មានដែលទទួលបានពីអ្នកអានរបស់យើង ស្ដីពីការផ្សព្វផ្សាយដូចនេះ ក្នុងករណីព័ត៌មានរបស់យើងមិនត្រឹមត្រូវ ។ អត្ថបទដដែលនៃសេចក្ដីថ្លែងការណ៍រួម ត្រូវបានពិភាក្សាយ៉ាងច្រើន ក្នុងការជជែកដេញដោលរយៈពេលបីថ្ងៃ ដោយសភាថៃ ហើយប្រការដែលវាត្រូវបានចុះហត្ថលេខាដោយរដ្ឋមន្ត្រីការបរទេស ដោយរំលោភលើរដ្ឋធម្មនុញ្ញថៃ ដោយធ្វើដោយពុំមានការយល់ព្រមជាមុនពីរដ្ឋសភា បាននាំទៅដល់ការលាលែងចេញពីតំណែងរបស់គាត់ ។ វាជារឿងគួរឲ្យភ្ញាក់ផ្អើលពេញទំហឹងដែលប្រព័ន្ធផ្សព្វផ្សាយកម្ពុជា ក្នុងខណៈដែលខ្វល់ខ្វាយយ៉ាងទៀងទាត់ និង យ៉ាងរំជួលចិត្តអំពីស្ថានភាពនៅព្រំដែន មិនបានផ្ដល់ព័ត៌មានមានតម្លាភាពអំពីឯកសារចុងបញ្ចប់ដែលចុះហត្ថលេខាដោយទេសរដ្ឋមន្ត្រី និង ឧបនាយករដ្ឋមន្ត្រីរបស់ប្រទេស នៅឯមូលដ្ឋានសម្រាប់រកដំណោះស្រាយទំនាស់ និង ដំណោះស្រាយនាពេលអនាគត ៕
Read Full Post | Make a Comment ( 2 so far )ថ្ងៃសៅរ៍ទី ២៣ ខែសីហា ឆ្នាំ២០០៨៖ គណបក្សប្រឆាំង សុំចូលគាល់ព្រះមហាក្សត្រ ទួលថ្វាយ អំពីភាពមិនប្រក្រតីក្នុងការបោះឆ្នោត
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥០៩
មេដឹកនាំគណបក្សសិទ្ធិមនុស្សបានបញ្ជាក់ថា នឹងមិនធ្វើសំណើថ្វាយព្រះមហាក្សត្រ ដើម្បីឱ្យព្រះអង្គប្រោសប្រទានពន្យារកិច្ចប្រជុំស្បថទទួលតំណែងសភាថ្មីនោះទេ ដោយយល់ថា សំណើនោះនឹងមិនបានទទួលជោគជ័យឡើយ។ ប្រធានគណបក្សសិទ្ធិមនុស្ស លោក កឹម សុខា បានប្រាប់វិទ្យុអាស៊ីសេរី ដែលបានផ្សាយកាលពីយប់ថ្ងៃព្រហស្បតិ៍ កន្លងទៅនេះថា ក្នុងស្ថានភាពជាក់ស្ដែង ការសុំជំនួយពីព្រះមហាក្សត្រ គឺមិនសូវបានឃើញលទ្ធផលទេ។
ប្រធានគណបក្សសិទ្ធិមនុស្សដែលជាដៃគូជាមួយគណបក្សសម រង្សី ក្នុងការបដិសេធមិនទទួលស្គាល់លទ្ធផលនៃការបោះឆ្នោតជាតិថ្ងៃទី២៧ ខែកក្កដា ឆ្នាំ២០០៨បានថ្លែងថា «យើងមិនធ្វើសំណើទេ កុំឱ្យលោកទើសទាល់ ព្រោះយើងបានដឹងហើយថា កន្លងមកទោះជាយើងសុំអីលោក ច្រើនដងច្រើនលើកមកហើយ តែលោកពុំមានលទ្ធភាពជួយអីយើងច្រើនទេ នៅតែស្ថិតលើរដ្ឋាភិបាលសម្រេចដដែល»។ ទន្ទឹមនឹងនេះគណបក្សសម រង្សី និងគណបក្សសិទ្ធិមនុស្ស នៅតែរក្សាជំហរធ្វើពហិការមិនចូលរួមប្រជុំសភាដំបូង ស្បថទទួលតំណែងនៅចុងខែកញ្ញា ឆ្នាំ២០០៨ ប្រសិនបើពុំមានដំណោះស្រាយបណ្ដឹងរបស់គណបក្សទាំងពីរឱ្យបានត្រឹមត្រូវនោះ។ បច្ចុប្បន្ននេះបណ្ដឹងរបស់គណបក្សសម រង្សី កំពុងស្ថិតនៅក្នុងដៃក្រុមប្រឹក្សាធម្មនុញ្ញ ដែលគេស្គាល់ថា ជាឧបករណ៍របស់ គណបក្សកាន់អំណាច ដូចគណៈធម្មាធិការជាតិរៀបចំការបោះឆ្នោត(គ ជ ប )ដែរ។
លោកសម រង្សី មេដឹកនាំគណបក្សប្រឆាំងដ៏ល្បីឈ្មោះក្នុងប្រទេសកម្ពុជា បានមានប្រសាសន៍ថា រហូតមកដល់ពេលនេះ គណបក្សសម្ព័ន្ធភាពទាំងពីរ មិនទាន់ពិចារណាអំពីការចូលរួម ឫមិនចូលរួមក្នុងកិច្ចប្រជុំស្បថទទួលតំណែងសភាអាណត្តិទី៤នោះទេ ហើយកំពុងស្វះស្វែងឱ្យមានដំណោះស្រាយបណ្ដឹងអំពីភាពមិនប្រក្រតីក្នុងការបោះឆ្នោត។ លោកបានឱ្យដឹងទៀតថាគណបក្សប្រឆាំងកំពុងរង់ចាំការប្រទានរបស់ព្រះមហាក្សត្រ ដើម្បីចូលគាល់រាយការណ៍ថ្វាយលោកអំពីបញ្ហាកើតឡើង ក្នុងពេលបោះឆ្នោតកន្លងមកនេះ។
លោកសម រង្សីបានមានប្រសាសន៍ថា «យើងបានសរសេរលិខិតមួយទៅថ្វាយព្រះមហាក្សត្រ ដើម្បីសុំគាល់ព្រះអង្គ ហើយមិនទាន់ទទួលបានចម្លើយពីព្រះបរមរាជវាំងទេប៉ុន្តែយើងនឹងទួលថ្វាយព្រះអង្គផ្ទាល់ពេលណាយើងមានឱកាសមានកិត្តិយសបានទៅថ្វាយបង្គំព្រះអង្គ»។ ពាក់ពន្ធ័នឹងបញ្ហានេះ ប្រភពស្និទ្ធនឹងព្រះមហាក្សត្រ បានឱ្យដឹងថា សំណើរបស់គណបក្សប្រឆាំងនោះមិនយូរមិនឆាប់ ព្រះមហាក្សត្រនឹងព្រះរាជទានឱ្យចូលគាល់។ ពាក្យមិនយូរមិនឆាប់នេះ មិនដឹងថា រយៈពេលប៉ុន្មានថ្ងៃនោះទេ ក្នុងខណៈដែលគណៈកម្មាធិការជាតិរៀបចំការបោះឆ្នោតគ្រោងប្រកាសលទ្ធផលបោះឆ្នោតជាតិអាណត្តិទី៤ ជាផ្លូវការ នៅថ្ងៃទី០៧ ខែកញ្ញា ឆ្នាំ២០០៨។
បើតាមលទ្ធផលបណ្ដោះអាសន្ន គ ជ ប ប្រកាសកាលពីថ្ងៃទី០៩ ខែសីហា ឆ្នាំ២០០៨ គឺគណបក្សប្រជាជនទទួលបាន៩០អាសនៈ គណបក្សសម រង្សី ទទួលបាន២៦អាសនៈ គណបក្សសិទ្ធិមនុស្សទទួលបាន៣អាសនៈ គណបក្សនរោត្តម រណឫទ្ធិទទួលបាន២អាសនៈ និងគណបក្សហ្វ៊ុនស៊ិនប៉ិចទទួលបាន២អាសនៈ ។ កាលពីដើមខែសីហាកន្លងទៅនេះ នាយករដ្ឋមន្រ្តីហ៊ុន សែនអនុប្រធានគណបក្សប្រជាជនធ្លាប់បានគំរាមលោក សម រង្សីមេដឹកនាំគណបក្សប្រឆាំងថា មិនអាចរារាំងកិច្ចប្រជុំដើម្បីបង្កើតរដ្ឋសភាថ្មី ដោយធ្វើពហិការនោះទេ ហើយថាបើហ៊ានធ្វើពហិការមែននោះ នឹងធ្វើឱ្យអស់សុពលភាពតំណាងរាស្ត្ររបស់ខ្លួន។ ការព្រមានបែប នេះបានធ្វើឱ្យលោក សម រង្សីបញ្ចេញប្រតិកម្មតបតភ្លាមៗ ពីព្រោះគេលួចប្លន់សន្លឹកឆ្នោតហើយ ចង់ឆក់ប្លន់អាសនៈរបស់គណបក្សសម រង្សី នៅក្នុងរដ្ឋសភាដោយគ្មានសេចក្ដីអៀនខ្មាសថែមទៀត។
ទោះជាយ៉ាងណា ក្រុមអ្នកច្បាប់បានលើកឡើងថា តាមមាត្រា៧៦នៃរដ្ឋធម្មនុញ្ញ ដែលជាច្បាប់កំពូលរបស់ជាតិ គឺសភាថ្មីអាចបើកកិច្ចប្រជុំរបស់ខ្លួនបាន ទាល់តែមានអ្នកតំណាងរាស្ត្រ១២០រូបចូលរួមបើមិនអ៊ីចឹងទេ សភាថ្មីនឹងត្រូវជាប់គាំង ហើយរដ្ឋាភិបាលថ្មីក៏មិនអាចបង្កើតឡើងបានដែរ។ ដូច្នេះបើគណបក្សប្រជាជនក្រុមហ៊ុន សែន ហ៊ានបើកកិច្ចប្រជុំរដ្ឋសភាថ្មី ផ្ទុយពីមាត្រា៧៦នៃរដ្ឋធម្មនុញ្ញ ដោយអាងខ្លួនមានសម្លេងច្រើនលើសលប់ ក្នុងរដ្ឋសភានោះ មានន័យថា គណបក្សប្រជាជនជាន់ឈ្លីច្បាប់កំពូលរបស់ជាតិយ៉ាងកំរោល។ លើសនេះទៅទៀត បើគណបក្សប្រជាជនហ៊ានដណ្ដើមយកអាសនៈរបស់គណបក្សប្រឆាំងទៅហែកចែកគ្នាជាមួយគណបក្សផ្សេងពិតមែន គឺពាក្យ «ប្រជាធិបតេយ្យសេរីពហុបក្ស» ពុំមានន័យអ្វីតទៅទៀតឡើយ។
ពាក់ព័ន្ធនឹងរឿង គ ជ ប គ្រោងប្រកាសលទ្ធផលបោះឆ្នោតជាផ្លូវការ នៅថ្ងៃទី០៧ ខែកញ្ញា ខាងមុខនេះ ក្រុមអ្នកច្បាប់បានផ្ដល់អនុសាសន៍ទៅ គ ជ ប ថាគួរតែពិនិត្យដោះស្រាយឱ្យបានរួចរាល់សិនចំពោះពាក្យបណ្ដឹងយ៉ាងច្រើនរបស់គណបក្សប្រឆាំង ដែលប្ដឹងជំទាស់អំពីភាពមិនប្រក្រតីកើតឡើង នៅមុនថ្ងៃបោះឆ្នោតនៅថ្ងៃបោះឆ្នោត និងក្រោយថ្ងៃបោះឆ្នោត។ ការដោះស្រាយបណ្ដឹងតវ៉ារបស់គណបក្សប្រឆាំងឱ្យបានចប់សព្វគ្រប់មុនការប្រកាសលទ្ធផលបោះឆ្នោតជាតិអាណត្តិទី៤ គឺដើម្បីចៀសវាងនូវការ រិះគន់ជុំទិសពីមជ្ឈដ្ឋានជាតិ និងអន្តរជាតិ។ ជាក់ស្ដែងអ្នកសង្កេតការណ៍អន្តរជាតិ បានរិះគន់ចំៗរួចមកហើយថា ការបោះឆ្នោតថ្ងៃទី២៧ ខែកក្កដា ឆ្នាំ២០០៨ ប្រព្រឹត្តិទៅមិនស្របតាមបទដ្ឋានអន្តរជាតិ មិនត្រឹមត្រូវមិនយុត្តិធម៌ ដែលកំពុងតែធ្វើឱ្យ គ ជ ប ទទួលរងនូវសេចក្ដីអាម៉ាស់យ៉ាងខ្លាំង ហើយកំពុងប្រើវិធីសព្វបែបយ៉ាង ដើម្បីបិទបាំងមុខមាត់អាក្រក់របស់ខ្លួន។
តាមមន្ត្រីជាន់ខ្ពស់ គ ជ ប បានអះអាងថា ទោះបីជាមានបណ្ដឹងមក គ ជ ប ឫបណ្ដឹងទៅក្រុមប្រឹក្សាធម្មនុញ្ញក្ដី ការប្រកាសលទ្ធផលបោះឆ្នោតជ្រើសតាំងតំណាងរាស្ត្រអាណត្តិទី៤នឹងធ្វើឡើងជាផ្លូវការតាមពេលវេលាដែលបានកំណត់ទុកគឺយ៉ាងយូរបំផុត ត្រឹមថ្ងៃទី០៧ ខែកញ្ញា ហើយរាល់បណ្ដឹង ត្រូវតែដោះស្រាយឱ្យបានចប់សព្វគ្រប់ នៅមុនថ្ងៃប្រកាសលទ្ធផលបោះឆ្នោត។ ប៉ុន្តែក្រុមមន្ត្រីសង្គមស៊ីវិល បានអះអាងថា ការប្រកាសលទ្ធផលជាផ្លូវការនៃការបោះឆ្នោត អាចប្រព្រឹត្តិទៅបាន លុះត្រាតែក្រុមប្រឹក្សាធម្មនុញ្ញបានដោះស្រាយរាល់បណ្ដឹងជំទាស់របស់គណបក្សនយោបាយ ប្រសិនបើរាល់បណ្ដឹងមិនទាន់ត្រូវបានដោះស្រាយចប់សព្វគ្រប់ទេនោះលទ្ធផលបោះឆ្នោតនឹងមិនអាចត្រូវបានប្រកាសទៅតាមពេលវេលាដែល គ ជ ប បានកំណត់ឡើយ។
នៅថ្ងៃទី២៤ ខែកញ្ញា ឆ្នាំ២០០៨ខាងមុខនេះគណបក្សសម រង្សីនិងគណបក្សសិទ្ធិមនុស្ស បានប្រកាសធ្វើពហិការមិនចូលរួមប្រជុំសភាលើកដំបូងឡើយដោយគណបក្សទាំងពីរទាមទារឱ្យមានការបោះឆ្នោតឡើងវិញដើម្បីផ្ដល់យុត្តិធម៌ដល់ប្រជាពលរដ្ឋខ្មែរជាង១លាននាក់ដែលបាត់បង់សិទ្ធិបោះឆ្នោត។ លើសនេះទៅទៀត មេដឹកនាំគណបក្សទាំង២ បានប្រមូលភស្តុតាង និងឯកសារជាច្រើនពាក់ព័ន្ធភាពមិនប្រក្រតីនៃការបោះឆ្នោត ត្រៀមប្ដឹងទៅអង្គការសហប្រជាជាតិ និងសហគមន៍អឺរ៉ុប ក្នុងការស្វែងរកយុត្តិធម៌ជូនប្រជាពលរដ្ឋខ្មែរ។ ដោយហេតុ ថាការដែលប្រជាពលរដ្ឋ ខ្មែររាប់លាននាក់ បាត់បង់សិទ្ធិបោះឆ្នោត គឺជាភាពមិនប្រក្រតីយ៉ាងធ្ងន់ធ្ងរ ហើយលទ្ធផលបោះឆ្នោតដែលប្រកាសដោយ គ ជ ប នៅថ្ងៃទី០៧ ខែកញ្ញានោះ មិនស្របតាមឆន្ទៈ ប្រជាពលរដ្ឋខ្មែរ ឡើយ។ មនសិការខ្មែរឆ្នាំទី១៥ លេខ៣៥៤៦ ថ្ងៃសៅរ៍-អាទិត្យទី ២៣-២៤ ខែសីហា ឆ្នាំ២០០៨
កាសែតដែលចេញលក់នៅ
ថ្ងៃ សៅរ៍ ទី ២៣ ខែ សីហា ឆ្នាំ ២០០៨
ចក្រវាឡ ឆ្នាំទី១៦ លេខ២៨០៤ ថ្ងៃសៅរ៍ទី ២៣ ខែសីហា ឆ្នាំ២០០៨
- មន្ទីរពេទ្យកាល់ម៉ែតសម្ពោធដាក់ឱ្យប្រើប្រាស់អគារវះកាត់ប្រព័ន្ធប្រសាទ និងអាគារព្យាបាលបេះដូងកុមារ
កម្ពុជាថ្មី ឆ្នាំទី០៧ លេខ១៧២៧ ថ្ងៃសៅរ៍ទី ២៣ ខែសីហា ឆ្នាំ២០០៨
- ទូកអូសគូរវៀតណាមខុសច្បាប់នៅតែចូលលុកលុយក្នុងដែនសមុទ្រខ្មែរ [ក្រុងកែប]
ខ្មែរម្ចាស់ស្រុក ឆ្នាំទី០២ លេខ២២៨ ថ្ងៃសៅរ៍ទី ២៣ ខែសីហា ឆ្នាំ២០០៨
- ក្រុមប្រឹក្សាឃ្លាំមើលកម្ពុជាជំទាស់នឹងគម្រោងរបស់រដ្ឋាភិបាល ហ៊ុន សែន ក្នុងការដកពាក្យបណ្ដឹងពីក្រុមប្រឹក្សាសន្តិសុខអង្គការសហប្រជាជាតិ [រឿងប្រាសាទព្រះវិហារ]
- ហ៊ុន សែន អត់ហ៊ាន ទៅពិនិត្យប្រាសាទតាមាន់ធំដូចសាម៉ាក់ ព្រោះខ្លាចទាហានឈុតខ្មៅសៀមបោះត្រា
- លិខិតស្នើព្រះមហាក្សត្រប្រទានការលើកលែងទោសសម្ដេចក្រុមព្រះដល់ព្រះបរមរាជវាំងហើយ
- ឪពុកដ៏ចាស់ជរារបស់ព្រះសង្ឃ ទឹម សាខន អង្វរព្រះមហាក្សត្រឱ្យជួយអន្តរាគមន៍ [ដើម្បីបានជួបកូនរបស់គាត់នៅកម្ពុជា]
- សាលាក្ដីខ្មែរក្រហមមិនអាចទៅដល់គោលដៅបានទេខណៈដែលអតីតមេដឹកនាំវាលពិឃាដកាន់តែជរាហើយនោះ
ខ្មែរស្ថាបនាឆ្នាំទី០១ លេខ៨០ ថ្ងៃសៅរ៍ទី ២៣ ខែសីហា ឆ្នាំ២០០៨
- កងទ័ពថៃនៅតែបន្តទន្ទ្រានចូលដីខ្មែរនៅប្រាសាទតាមាន់ធំ
កោះសន្តិភាពឆ្នាំទី៤១ លេខ៦៤៣១ ថ្ងៃសៅរ៍ទី ២៣ ខែសីហា ឆ្នាំ២០០៨
- សារលិខិតនាយករដ្ឋមន្ត្រីកម្ពុជាប្រកាន់ជំហរកម្រិតស្ថានការណ៍ឱ្យនៅនឹងដដែល និងជំរុញឱ្យសៀមដកទ័ព
- ក្ដៅក្រហាយកូនយំកណ្ដាលយប់ទាស់ជាមួយប្រពន្ធ អារក កូនស្រីអាយុ២ឆ្នាំនិង៣ឆ្នាំស្លាប់ ប្រពន្ធរត់រួច ខ្លួនឯងចងក [កាលពីថ្ងៃទី២១ សីហា នៅខេត្តសៀមរាប]
មនសិការខ្មែរឆ្នាំទី១៥ លេខ៣៥៤៦ ថ្ងៃសៅរ៍-អាទិត្យទី ២៣-២៤ ខែសីហា ឆ្នាំ២០០៨
- គណបក្សប្រឆាំង សុំចូលគាល់ព្រះមហាក្សត្រ ទួលថ្វាយ អំពីភាពមិនប្រក្រតីក្នុងការបោះឆ្នោត
- សហ មេធាវីការពារក្ដី ខៀវ សំផន នៅតែទាមទារឱ្យសាលាក្ដីខ្មែរក្រហម បកប្រែឯកសាររាប់ម៉ឺនទំព័រជាភាសាបារាំង
សម្លេងយុវជនខ្មែរ ឆ្នាំទី១៥ លេខ៣៣៩១ ថ្ងៃសៅរ៍ទី ២៣ ខែសីហា ឆ្នាំ២០០៨
- គណបក្សសម រង្សីកំពុងតថ្លៃយកក្រសួងមហាផ្ទៃ សេដ្ឋកិច្ច និងក្រុងភ្នំពេញ
* សូមអញ្ជើញអានវិចារណកថាសម្រាប់សប្ដាហ៍កន្លងទៅ!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
ថ្ងៃ សុក្រ ទី ២២ ខែ សីហា ឆ្នាំ ២០០៨ ៖ ទូតអាមេរិក ៖ មានអ្នកនយោបាយកម្ពុជាតែពីរបីនាក់ដែលប្ដេជ្ញាចិត្តជួយប្រជាជនកម្ពុជា
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១០ លេខ ៥០៩
ភ្នំពេញ: ឯកអគ្គរដ្ឋទូតអាមេរិក ប្រចាំនៅប្រទេសកម្ពុជា បានរិះគន់អ្នកនយោបាយប្រទេសកម្ពុជាភាគច្រើនដែលមិនបានតម្កល់ផលប្រយោជន៍ជាតិ និងប្រជាជនជាធំប៉ុន្តែពួកគេបានចូលទៅក្នុងឆាកនយោបាយដោយគ្រាន់តែចាប់អារម្មណទៅ នឹងការចង់បានមុខតំណែងប៉ុណ្ណោះ។ ក្រៅពីនេះលោកក៏បានអះអាងអំពីភាពចាំបាច់ដែលគណបក្សប្រឆាំងនៅក្នុងប្រទេសកម្ពុជាត្រូវរួមគ្នាទៅជាកម្លាំងតែមួយ ដើម្បីប្រកួតប្រជែងជាមួយគណបក្សកាន់អំណាច។
នៅក្នុងការសម្ភាសន៍ជាមួយកាសែតរស្មីកម្ពុជា លោក ចូសេហ្វ មូសូមេលី បាននិយាយថា«មានអ្នកនយោបាយកម្ពុជាដែលលោកបានជួបតែពីរបីនាក់ប៉ុណ្ណោះដែលមានការប្ដេជ្ញាចិត្តជួយដល់ប្រជាជនកម្ពុជា។ ប៉ុន្តែមានអ្នកនយោបាយច្រើនពេកណាស់ដែលគ្រាន់តែចាប់អារម្មណនឹងការទទួលបានមុខតំណែងប៉ុណ្ណោះ»។
លោកបាននិយាយបន្តទៀតថា បញ្ហារបស់អ្នកនយោបាយនោះ គឺថាពួកគេភ្លេចគិតថា ពួកគេត្រូវបំរើដល់ប្រជាជនកម្ពុជា។ ទោះបីជាបញ្ហាបែបនេះកើតមានដូចជានៅសហរដ្ឋអាមេរិកក្ដី លោកចូសេហ្វយល់ថា បញ្ហាធ្ងន់ធ្ងរជាងនៅប្រទេសកម្ពុជា បើប្រៀបធៀបទៅនឹងសហរដ្ឋអាមេរិក។ លោកក៏បានលើកឡើងនូវភាពចាំបាច់ដែលប្រទេសកម្ពុជាត្រូវមានប្រព័ន្ធយុត្តិធម៌មួយដែលឯករាជ្យគ្រប់គ្រាន់ ដើម្បីចាប់មនុស្សពុករលួយ ពិសេសអ្នកនយោបាយមកធ្វើការកាត់ទោសតាមផ្លូវច្បាប់។
អ្នកសង្កេតការណ៍ម្នាក់និយាយថា នៅក្នុងរយៈពេលតែប៉ុន្មានខែប៉ុណ្ណោះមុនការបោះឆ្នោត អ្នកនយោបាយកម្ពុជានាក់បានចាកចេញពីគណបក្សសម រង្សី មកចូលជាមួយគណបក្សប្រជាជនកម្ពុជា ដោយធ្វើឲរូបភាពដ៏បែកបាក់មួយនៃគណបក្សប្រឆាំងបានកើតឡើង។ អ្នកនយោបាយទាំងនោះបានចាកចេញហើយបានទទួលមុខតំណែងសំខាន់ៗមួយចំនួននៅក្នុងរដ្ឋាភិបាល ដូចជាតំណែងជារដ្ឋលេខាធិការ អនុរដ្ឋលេខាធិការ និងទីប្រឹក្សារដ្ឋាភិបាលជាដើម ដែលធ្វើឲអស់លោកទាំងនោះលំបាកនឹងការពារខ្លួនថា ការផ្លាស់ប្ដូរគណបក្សនយោបាយរបស់ពួកគាត់គឺដោយសារតែគិតគូរផលប្រយោជន៍ជាតិជាធំ។
ទាក់ទងទៅនឹងបញ្ហានយោបាយនៅប្រទេសកម្ពុជាដែរនោះ លោកទូតអាមេរិកក៏បានយល់ឃើញថា ប្រទេសកម្ពុជាមានគណបក្សប្រឆាំងច្រើនពេក។ លោកនិយាយថា ដរាបណាប្រទេសកម្ពុជាមានគណបក្សប្រឆាំងច្រើនដល់ទៅ៥ ឫ៦នោះ គេមិនអាចប្រកួតប្រជែងជាមួយគណបក្សកាន់អំណាចបានទេ។ លោកបាននិយាយថាពួកគេគួរតែបង្កើតជាសម្ព័ន្ធភាពមួយ។ «ក្រុមប្រឆាំងតែមួយនឹងខ្លាំងជាង ហើយទទួលបានការយកចិត្តទុកដាក់ខ្លាំងពីប្រជាជនកម្ពុជា»។
ចំណែកលោកស្រី ជា វណ្ណាតដែលជាសង្កេតការណ៍នយោបាយមួយរូបបាននិយាយថា ការរួបរួមគ្នាឫមិនរួបរួមនោះមិនជាបញ្ហាទេ។ ប៉ុន្តែបច្ចុប្បន្ននេះខាងប្រឆាំងមិនមានសំឡេងគ្រប់គ្រាន់ឡើយដើម្បីទប់នឹងការសម្រេចចិត្តរបស់គណបក្សកាន់អំណាច។ លោកស្រីបានបន្តទៀតថា បច្ចុប្បន្ននេះប្រទេសកម្ពុជានៅមិនទាន់មានប្រជាធិបតេយ្យនៅឡើយ ដោយសារការគ្រប់គ្រងនៅមានការប្រកាន់បក្ខពួក មិត្ត ភក្តិនិយម ក្រុមគ្រួសារនិយម ដែលចាំបាច់ត្រូវតែកាត់បន្ថយដើម្បីលើកតម្កើងអ្នកថ្មី៕រស្មីកម្ពុជា ឆ្នាំទី១៦ លេខ៤៦៧៤ ថ្ងៃសុក្រទី ២២ ខែសីហា ឆ្នាំ២០០៨
កាសែតដែលចេញលក់នៅ
ថ្ងៃ សុក្រ ទី ២២ ខែ សីហា ឆ្នាំ ២០០៨
កម្ពុជាថ្មី ឆ្នាំទី០៧ លេខ១៧២៦ ថ្ងៃសុក្រទី ២២ ខែសីហា ឆ្នាំ២០០៨
- កម្ពុជាស្នើឲប្រទេសគុយវ៉ែតផ្ដល់ជំនួយខាងធារាសាស្ត្រ និងគមនាគមន៍
- ស្ត្រីម្នាក់ត្រូវគេរឹតកសម្លាប់នៅក្នុងផ្ទះសំណាក់ «ជា គង់»[កាលពីថ្ងៃទី ២១ ខែសីហា នៅខណ្ឌចំការមនក្រុងភ្នំពេញ]
- នាងក្រមុំស្រុកស្រែចម្ការម្នាក់ត្រូវអា ស្ទាវវាយសន្លប់រួចចាប់រំលោភ [កាលពីថ្ងៃទី ១៨ ខែសីហា នៅស្រុកភ្នំព្រឹក ខេត្តបាត់ដំបង]
- ប្រទេសកូរ៉េខាងជើងប្ដេជ្ញាពង្រឹងកម្លាំងប្រដាប់អាវុធធ្វើសង្គ្រាម
ខ្មែរម្ចាស់ស្រុក ឆ្នាំទី០២ លេខ២២៧ ថ្ងៃសុក្រទី ២២ ខែសីហា ឆ្នាំ២០០៨
- ភាគីសៀមស្នើភាគីខ្មែរឲដកទ័ពខ្មែរពីលើទឹកដីខ្មែរនៅតាមបណ្ដោយព្រំដែន
ខ្មែរស្ថាបនាឆ្នាំទី០១ លេខ៧៩ ថ្ងៃសុក្រទី ២២ ខែសីហា ឆ្នាំ២០០៨
- ធ្លាក់យន្តហោះនៅអេស្ប៉ាញសម្លាប់មនុស្ស១៥៣នាក់
កោះសន្តិភាពឆ្នាំទី៤១ លេខ៦៤៣០ ថ្ងៃសុក្រទី ២២ ខែសីហា ឆ្នាំ២០០៨
- ព្រឹត្តិការណ៍លើប្រាសាទតាមាន់ធំទាហានសៀមចាប់ម៉ាស៊ីនGPSរបស់មន្ត្រីក្រសួងវប្បធម៌ និងវិចិត្រសិល្បៈ
មនសិការខ្មែរឆ្នាំទី១៥ លេខ៣៥៤៥ ថ្ងៃសុក្រទី ២២ ខែសីហា ឆ្នាំ២០០៨
- គ ជ ប ផ្ដល់ភ្លើងខៀវឲក្រសួងមហាផ្ទៃចាត់ការ ហ៊ឹង ពន្លក ចៅសង្កាត់រងទី២ សង្កាត់បឹងសាឡាង និងចៅសង្កាត់បឹងទំពុន
- ព្រះមហាក្សត្រ គ្រោងយាងចូលរួមបើកសម័យប្រជុំរដ្ឋសភា នៅចុងខែកញ្ញា គណបក្សសម រង្សី នៅតែរក្សាជំហរមិនទទួលស្គាល់លទ្ធផលឆ្នោត
- យឹម សុវណ្ណ៖ គណបក្ស សម រង្សី បដិសេធន៍លទ្ធផលរហូតទាល់តែមានការបោះឆ្នោតឡើងវិញ
រស្មីអង្គរឆ្នាំទី១១ លេខ១៣៥០ ថ្ងៃសុក្រទី ២២ ខែសីហា ឆ្នាំ២០០៨
- សម រង្សី ចែកអំណាចតំណាងរាស្ត្រដល់សមាជិកខ្លួនម្នាក់កន្លះអាណត្តិ
- អ៊ីម៉េលគំរាមដល់អាយុជីវិតលោកជាមុនី ប្រធានសហជីពសេរីកម្មករ
រស្មីកម្ពុជា ឆ្នាំទី១៦ លេខ៤៦៧៤ ថ្ងៃសុក្រទី ២២ ខែសីហា ឆ្នាំ២០០៨
- ទូតអាមេរិក ៖ មានអ្នកនយោបាយកម្ពុជាតែពីរបីនាក់ដែលប្ដេជ្ញាចិត្តជួយប្រជាជនកម្ពុជា
* សូមអញ្ជើញអានវិចារណកថាសម្រាប់សប្ដាហ៍កន្លងទៅ!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
« Previous Entries
កញ្ចក់សង្គម 