Archive for January, 2009
នាយទាហានជាន់ខ្ពស់ស្និទ្ធ កែ គឹមយ៉ាន ច្រើននាក់ទៀត ប្រឈមនឹងការដកហូតតំណែង ឧត្ដមសេនីយ៍តាមយោធភូមិភាគ និង កងពលកំពុងជ្រួលច្របល់ – ថ្ងៃ សៅរ៍ ទី ៣១ មករា ២០០៩
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១១ លេខ ៥៣៤
ថ្មីៗនេះ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានបញ្ជាក់ថា កងទ័ពកម្ពុជាមានសភាពនឹងនធម្មតា ក្រោយពេលមានការផ្លាស់ប្ដូរអគ្គមេបញ្ជាការកងទ័ព កាលពីថ្ងៃទី ២២ ខែ មករា ឆ្នាំ ២០០៩ យ៉ាងណាក្ដី ។ ការអះអាងរបស់ ទៀ បាញ់ បែបនេះបានកើតឡើងក្រោយពេល នាយឧត្ដមសេនីយ៍ កែ គឹមយ៉ាន ត្រូវបាននាយករដ្ឋមន្ត្រី ហ៊ុន សែន សម្រេចដកចេញពីមុខតំណែងអគ្គមេបញ្ជាការកងទ័ព កាលពីថ្ងៃទី ២២ ខែ មករា ឆ្នាំ ២០០៩ ក្នុងខណៈដែលបញ្ហាជម្លោះព្រំដែន ខ្មែរ – សៀម នៅមិនទាន់ដោះស្រាយឲ្យបានជ្រះស្រឡះ ហើយកងទ័ពខ្មែរ និង ទាហានសៀមឈ្លានពាន នៅតែប្រឈមមុខដាក់គ្នាយ៉ាងតានតឹងនៅឡើយ ។
នាយឧត្ដមសេនីយ៍ ប៉ុល សារឿន អតីតអគ្គមេបញ្ជាការរងនៃកងយោធពលខេមរភូមិន្ទ និង ជានាយសេនាធិការចម្រុះ ត្រូវបានតែងតាំងជាអគ្គមេបញ្ជាការនៃកងយោធពលខេមរភូមិន្ទជំនួសនាយឧត្ដមសេនីយ៍ កែ គឹមយ៉ាន យ៉ាងតក់ក្រហល់ កាលពីថ្ងៃទី ២២ ខែ មករា ។ ការផ្លាស់ប្ដូរអគ្គមេបញ្ជាការនៃកងយោធពលខេមរភូមិន្ទនេះ បង្កឲ្យមានសេចក្ដីព្រួយបារម្ភនៅក្នុងជួរនាយទាហានថ្នាក់ឧត្ដមសេនីយ៍មួយចំនួនតាមភូមិភាគ និង តាមកងពល ដោយភ័យខ្លាចថាពួកគេអាចត្រូវដកហូតមុខតំណែងជាបន្តបន្ទាប់ ។ ជាពិសេសនាយទាហានថ្នាក់ឧត្ដមសេនីយ៍ដែលជាមនុស្សស្និទ្ធនឹងនាយឧត្ដមសេនីយ៍ កែ គឹមយ៉ាន កំពុងតែមានសេចក្ដីព្រួយបារម្ភចំពោះការបាត់បង់តួនាទី និង មុខតំណែងរបស់ពួកគេ ។
ពាក់ព័ន្ធនឹងសេចក្ដីព្រួយបារម្ភរបស់នាយទាហានថ្នាក់ឧត្ដមសេនីយ៍ដូចខាងលើនេះ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានបញ្ជាក់ថា ពុំមានការផ្លាស់ប្ដូររបៀបនោះកើតឡើងទេ ។ រីឯមន្ត្រីជាន់ខ្ពស់ក្រសួងការពារជាតិមួយរូបផ្សេងទៀតដែលសុំមិនបញ្ចេញឈ្មោះ ក៏បាននិយាយដែរថា រហូតមកដល់ពេលនេះរដ្ឋាភិបាលពុំមានគំរោងការផ្លាស់ប្ដូរនាយទាហានឡើយ ហើយកិច្ចប្រជុំកន្លងមកថ្មីៗនេះ និង របៀបវារៈនៃកិច្ចប្រជុំកងទ័ពទៅមុខទៀត ក៏មិនឃើញលើកឡើងអំពីរឿងដោះដូរនោះដែរ ។ ប៉ុន្តែប្រភពក្រៅផ្លូវការខ្លះបាននិយាយថា អាចមានការផ្លាស់ប្ដូរតំណែងនាយទាហានថ្នាក់ឧត្ដមសេនីយ៍ជាច្រើននាក់ទៀតនាពេលខាងមុខ ជាពិសេសនាយទាហានដែលធ្លាប់មានទំនាក់ទំនងជិតស្និទ្ធជាមួយនាយឧត្ដមសេនីយ៍ កែ គឹមយ៉ាន ។
ទោះជាយ៉ាងណាមន្ត្រីជាន់ខ្ពស់ក្រសួងការពារជាតិមួយចំនួនបានបញ្ជាក់ថា នាយករដ្ឋមន្ត្រី ហ៊ុន សែន អនុប្រធានគណបក្សប្រជាជន បានតែងតាំងឧត្ដមសេនីយ៍ និង នាយទាហានជាន់ខ្ពស់រាប់សិបនាក់ ជាទីប្រឹក្សារបស់ខ្លួន បន្ថែមពីលើមុខងារបច្ចុប្បន្ន ក្រោយពេលដកនាយឧត្ដមសេនីយ៍ កែ គឹមយ៉ាន ។ ក្រុមអ្នកវិភាគស្ថានការណ៍មួយចំនួនបានវាយតម្លៃថា ការដែលនាយករដ្ឋមន្ត្រី ហ៊ុន សែន តែងតាំងឧត្ដមសេនីយ៍ និង នាយទាហានជាន់ខ្ពស់រាប់សិបនាក់ជាទីប្រឹក្សារបស់ខ្លួននោះ គឺជាការខិតខំប្រមូលអំណាចយោធាឲ្យបានរឹងមាំ ប៉ុន្តែអាចធ្វើឲ្យខាតបង់ថវិកាជាតិអស់យ៉ាងច្រើនផងដែរ ។ ហេតុនេះហើយទើបនាយទាហានថ្នាក់ឧត្ដមសេនីយ៍ និង នាយទាហានជាន់ខ្ពស់តាមយោធភូមិភាគ និង តាមកងពលមួយចំនួន មានភាពរំជើបរំជួលក្នុងចិត្តយ៉ាងខ្លាំងក្រោយពេល ហ៊ុន សែន ដកហូត កែ គឹមយ៉ាន ចេញពីតំណែងអគ្គមេបញ្ជាការកងទ័ពយ៉ាងតក់ក្រហល់ ។
តាមប្រភពពីមន្ត្រីជាន់ខ្ពស់ក្រសួងការពារជាតិបានបញ្ជាក់ថា ក្នុងពេលដកហូតតំណែងនាយឧត្ដមសេនីយ៍ កែ គឹមយ៉ាន កាលពីថ្ងៃទី ២២ ខែ មករា ឆ្នាំ ២០០៩ នោះ គឺមានមន្ត្រីទាហាន ៥០៧នាក់ ត្រូវបានដកចេញពីកងអង្គរក្សរបស់ ជា ស៊ីម ប្រធានព្រឹទ្ធសភា និង ជាប្រធានគណបក្សប្រជាជន ហើយត្រូវបញ្ជូនត្រឡប់ទៅបន្ទាយរបស់ពួកគេវិញ ។ ក្នុងចំណោមមន្ត្រីទាហានដែលត្រូវដកចេញពីកងអង្គរក្ស ជា ស៊ីម នោះ គឺមានឧត្ដមសេនីយ៍ត្រី ២នាក់ ហើយបច្ចុប្បន្នកម្លាំងកងអង្គរក្សសម្រាប់ការពារ ជា ស៊ីម ត្រូវបានកាត់បន្ថយឲ្យនៅត្រឹមតែចំនួនប្រហែល ១០០នាក់ប៉ុណ្ណោះ ។ ប្រការនេះធ្វើឲ្យមជ្ឈដ្ឋានជាតិ និង អន្តរជាតិ មានការចាប់អារម្មណ៍យ៉ាងខ្លាំង ព្រោះគេយល់ថាជាល្បិចរបស់ ហ៊ុន សែន ក្នុងការកាត់បន្ថយកម្លាំងកងអង្គរក្សការពារ ជា ស៊ីម ទៅតាមឧបាយកលដែល ហ៊ុន សែន បានរៀបចំទុក ។
ប្រតិកម្មនឹងករណីខាងលើនេះ នាយឧត្ដមសេនីយ៍ ប៉ុល សារឿន អគ្គមេបញ្ជាការកងយោធពលខេមរភូមិន្ទ ដែលទើបតែងតាំងថ្មី បានអះអាងកាលពីថ្ងៃ ព្រហស្បតិ៍ ទី ២៩ ខែ មករា ថា ការផ្លាស់ប្ដូរកន្លែងអង្គរក្សកងទ័ពនេះមិនមែនជាផ្នែកនៃការដកចេញទេ ហើយថាទាហានទាំងនោះមិនត្រូវបានផ្លាស់ប្ដូរកន្លែងរហូតទេ ។ នាយឧត្ដមសេនីយ៍ ប៉ុល សារឿន បានប្រាប់អ្នកយកព័ត៌មានថា “យើងគ្រាន់តែនាំពួកគេត្រឡប់ទៅហ្វឹកហ្វឺនថែមទៀតប៉ុណ្ណោះ” ។ អគ្គមេបញ្ជាការនៃកងយោធពលខេមរភូមិន្ទរូបនេះបានបញ្ជាក់ថា មានកម្លាំង ១០០នាក់ទៀត ដើម្បីការពារ ជា ស៊ីម ព្រោះអី ជា ស៊ីម ជាមេដឹកនាំជាន់ខ្ពស់បំផុត ។ ដោយឡែក កាលពីថ្ងៃពុធ ទី ២៨ មករា ឆ្នាំ ២០០៩ នាយឧត្ដមសេនីយ៍ ប៉ុល សារឿន បានព្យាយាមទប់ស្កាត់ព័ត៌មានចចាមអារ៉ាមនៅក្នុងកងកម្លាំងប្រដាប់អាវុធអំពីការដកហូតតំណែងមន្ត្រីយោធាជាន់ខ្ពស់មួយចំនួនថែមទៀត ក្រោយពេលដកហូតតំណែងនាយឧត្ដមសេនីយ៍ កែ គឹមយ៉ាន យ៉ាងទាន់ហន់រួចមក ។
កាលពីថ្ងៃ ព្រហស្បតិ៍ អ្នកយកព័ត៌មានមិនអាចទាក់ទងឧត្ដមសេនីយ៍ ឈឿន ចន្ថន ប្រធានអង្គរក្សកងទ័ពរបស់ ជា ស៊ីម ដើម្បីសុំការបំភ្លឺបានឡើយ ។ ប៉ុន្តែនាយឧត្ដមសេនីយ៍ ប៉ុល សារឿន អគ្គមេបញ្ជាការនៃកងយោធពលខេមរភូមិន្ទ បានបញ្ជាក់ថា ឧត្ដមសេនីយ៍ ឈឿន ចន្ថន នឹងមិនត្រូវបញ្ចុះស័ក្ដិ ឬ ដកហូតចេញទេ ។ រីឯវរសេនីយ៍ត្រី ហែម សាវី ជាមន្ត្រីក្នុងកងអង្គរក្សរបស់ ជា ស៊ីម បានបញ្ជាក់ថា បញ្ជាសម្រាប់នាយទាហានចំនួន ៥០៧នាក់ ឲ្យវិលត្រឡប់ទៅមូលដ្ឋានកងទ័ពជើងគោកនៃកងពលតូចលេខ៧០ បានកើតឡើងកាលពីថ្ងៃអាទិត្យ ទី ២៥ ខែ មករា ហើយនឹងមានការដកបន្ថែមទៀត ។ វរសេនីយ៍ត្រី ហែម សាវី បានប្រាប់អ្នកយកព័ត៌មានថា “យើងត្រូវបានដកចេញតាមបញ្ជារបស់រដ្ឋាភិបាល” ។
តាមប្រភពដែលស្និទ្ធនឹងនាយឧត្ដមសេនីយ៍ ប៉ុល សារឿន អគ្គមេបញ្ជាការនៃកងយោធពលខេមរភូមិន្ទដែលសុំមិនបញ្ចេញឈ្មោះ បានព្រលយពាក្យថា មេទ័ពដែលស្និទ្ធជាមួយ កែ គឹមយ៉ាន និង ស្និទ្ធជាមួយ ជា ស៊ីម ប្រមាណ ១០នាក់ទៀត អាចត្រូវប្រឈមមុខនឹងការដកហូតពីតំណែង ប្រសិនបើពួកគេមិនងាកទៅគាំទ្រនាយករដ្ឋមន្ត្រី ហ៊ុន សែន អនុប្រធានគណបក្សប្រជាជនដ៏មានអំណាចទេនោះ ។ ទន្ទឹមនឹងនេះ ហ៊ុន សែន អាចរៀបចំយុទ្ធសាស្ត្រដកហូត ជា ស៊ីម ចេញពីតំណែងប្រធានគណបក្សប្រជាជនផងដែរ ព្រោះបច្ចុប្បន្ននេះ ហ៊ុន សែន បានក្ដោបក្ដាប់អំណាចកងទ័ពទាំងស្រុងទៅហើយ ។
អ្នកតាមដានបញ្ហាផ្ទៃក្នុងគណបក្សប្រជាជន បានកត់សម្គាល់ថា នៅមុនពេលដកនាយឧត្ដមសេនីយ៍ កែ គឹមយ៉ាន ពីតំណែងអគ្គមេបញ្ជាការកងទ័ព គឺ ហ៊ុន សែន ក្ដោបក្ដាប់អំណាចរដ្ឋប្រមាណត្រឹមតែ ៦០ភាគរយប៉ុណ្ណោះ ។ ប៉ុន្តែនៅក្រោយពេលដក កែ គឹមយ៉ាន ចេញពីតំណែងរួចមក គឺ ហ៊ុន សែន ក្ដោបក្ដាប់អំណាចរដ្ឋ ១០០ភាគរយតែម្ដង ទោះបី ស ខេង កំពុងកាន់តំណែងជាឧបនាយករដ្ឋមន្ត្រីក្រសួងមហាផ្ទៃយ៉ាងណាក្ដី ។ ហើយបើតាមពិនិត្យជាក់ស្ដែង តំណែងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃរបស់ ស ខេង ក៏កំពុងស្ថិតនៅក្នុងស្ថានភាពគួរឲ្យព្រួយបារម្ភដែរ ព្រោះ ហ៊ុន សែន អាចដកហូតតំណែងនេះបានគ្រប់ពេលវេលា ។
ក្រុមអ្នកតាមដានស្ថានការណ៍ផ្ទៃក្នុងគណបក្សប្រជាជនបានបញ្ជាក់ថា បន្ទាប់ពី ហ៊ុន សែន បោសសំអាតមេទាហាន មេប៉ូលិសស្និទ្ធជាមួយ ជា ស៊ីម រួចរាល់ហើយ គឺ ហ៊ុន សែន អាចរៀបចំសមាសភាពផ្ទៃក្នុងគណបក្សប្រជាជនថ្មី រួចបង្ខំឲ្យ ជា ស៊ីម ចុះចេញពីតំណែងប្រធានគណបក្ស ហើយខ្លួនគាត់ជាអ្នកឡើងជំនួសវិញ ។ មិនតែប៉ុណ្ណោះ ហ៊ុន សែន អាចកាត់បន្ថយអំណាចរបស់ សាយ ឈុំ អគ្គលេខាធិការបក្សនាពេលបច្ចុប្បន្ននេះផងដែរ ដោយឲ្យ សុខ អាន ដន្លងរបស់គាត់ជាអ្នកជំនួស ។ រីឯតំណែងរបស់ ស ខេង នោះ គឺ ហ៊ុន សែន ចង់ដកម៉ោងណាក៏បានដែរ ប៉ុន្តែឥឡូវនេះបើដក កែ គឹមយ៉ាន ហើយដក ស ខេង ថែមទៀតនោះ គឺអាចធ្វើឲ្យផ្ទៃក្នុងគណបក្សប្រជាជនជ្រួលច្របល់ជាមិនខាន ។
មន្ត្រីជាន់ខ្ពស់គណបក្សប្រជាជនបានអះអាងថា ឥឡូវនេះអំណាចផ្ទៃក្នុងគណបក្សប្រជាជន ត្រូវបាន ហ៊ុន សែន ក្ដោបក្ដាប់ស្ទើរតែទាំងស្រុង ហើយបើ ហ៊ុន សែន មានមហិច្ឆតាចង់ធ្វើជាប្រធានគណបក្សពិតមែននោះ គឺជារឿងងាយស្រួលបំផុត ។ ពីព្រោះថា ក្រោយពេល ហ៊ុន សែន សម្រេចដក កែ គឹមយ៉ាន ចេញពីតំណែងអគ្គមេបញ្ជាការនៃកងយោធពលខេមរភូមិន្ទ ហើយលើកបន្តុប ប៉ុល សារឿន ជំនួសរួចមក គឺមិនឃើញក្រុម ជា ស៊ីម និង ស ខេង មានប្រតិកម្មអ្វីទាំងអស់ ហើយនាំគ្នាសម្ងំស្ងាត់ឈឹង ទុកឲ្យ ហ៊ុន សែន ធ្វើព្យុះធ្វើភ្លៀងស្រេចតែអំពើចិត្ត ។
ក្រុមអ្នកវិភាគបាននិយាយថា បើទោះបីជា ទៀ បាញ់ អះអាងថា ផ្ទៃក្នុងកងទ័ពគ្មានអ្វីប្រែប្រួលក៏ដោយ ក៏ព័ត៌មានស្ដីពីការដកហូតតំណែងនាយទាហានស្និទ្ធនឹងនាយឧត្ដមសេនីយ៍ កែ គឹមយ៉ាន ត្រូវបានគេទម្លាយឲ្យដឹងជាបន្តបន្ទាប់ ។ ការទម្លាយព័ត៌មាននេះបានធ្វើឲ្យឧត្ដមសេនីយ៍ និង នាយទាហានជាន់ខ្ពស់នៅតាមភូមិភាគ និង តាមកងពលនានា មានការជ្រួលច្របល់យ៉ាងខ្លាំង ព្រោះខ្លាចប៉ះពាល់ដល់មុខតំណែងរបស់ពួកគេ ។ មានន័យថា ការដកហូតតំណែង កែ គឹមយ៉ាន កំពុងតែធ្វើឲ្យផ្ទៃក្នុងគណបក្សប្រជាជនមានវិបត្តិធ្ងន់ធ្ងរ ជាពិសេសកំពុងធ្វើឲ្យស្ថានភាពក្នុងជួរកងទ័ពរំជើបរំជួលយ៉ាងពេញបន្ទុក ដោយគ្មានអ្វីអាចទប់ស្កាត់បានឡើយ ៕ កាសែតមនសិការខ្មែរ ឆ្នាំទី ១៦ លេខ ៣៦៧៥ ថ្ងៃទី ៣១ ខែ មករា ឆ្នាំ ២០០៩
កាសែតដែលចេញលក់នៅ
ថ្ងៃ សៅរ៍ ទី ៣១ ខែ មករា ឆ្នាំ ២០០៩
កម្ពុជាថ្មី ឆ្នាំទី ៨ លេខ ១៨៦១ ថ្ងៃ សៅរ៍ ទី ៣១ ខែ មករា ឆ្នាំ ២០០៩
- សាលាខណ្ឌឫស្សីកែវ ចុះបណ្ដេញផ្ទះក្បូនបណ្ដែតទឹក [ប្រមាណ ២០ខ្នង] នៅតាមច្រាំងទន្លេសាប [ដើម្បីរក្សាសណ្ដាប់ធ្នាប់សង្គម]
- ចោរសមុទ្រសូម៉ាលីប្លន់នាវាដឹកឧស្ម័នរបស់ប្រទេសអាល្លឺម៉ង់ និង ចាប់នាវិក ១៣នាក់
- មន្ត្រី អ.ស.ប [អង្គការសហប្រជាជាតិ] បានចូលជួបជនតាមទូកដែលជាប់ឃុំនៅក្នុងប្រទេសថៃ
ខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៣២ ថ្ងៃ សៅរ៍ ទី ៣១ ខែ មករា – ថ្ងៃ ចន្ទ ទី ២ ខែ កុម្ភៈ ឆ្នាំ ២០០៩
- ការរំលោភសិទ្ធិមនុស្សនៅឆ្នាំ ២០០៨ មានការកើនឡើង [បានកើនឡើង ២៥% បើប្រៀបធៀបនឹងឆ្នាំ ២០០៧ ហើយបើតាមរបាយការណ៍របស់អង្គការលីកាដូ បានឲ្យដឹងថា មានសកម្មភាពរំលោភសិទ្ធិមនុស្សនៅតាមបណ្ដាខេត្ត ក្រុងចំនួន១៧ មានចំនួន ៣៨១ករណី ក្នុងឆ្នាំ ២០០៨ ដែល២១២ករណី ទាក់ទងនឹងបញ្ហាទំនាស់ដីធ្លី ដោយក្នុងនោះមានជនរងគ្រោះចំនួន ១៦.៧២៥នាក់ ហើយអ្នកប្រព្រឹត្តការរំលោភសិទ្ធិមនុស្សមានចំនួន ២.៦៦៩នាក់ ដែល ៩,១៩% ប្រព្រឹត្តដោយយោធា, ៥,២៥%ដោយកងរាជអាវុធហត្ថ, ១៧,៥៩% ដោយនគរបាល, ១៦,៨០% ដោយមន្ត្រីរាជការ, ៣,៤១% ដោយមន្ត្រីតុលាការ, ៦,៨២% ដោយក្រុមហ៊ុន, ១២,០៧% ដោយជនស៊ីវិល, ៨,៩២% ដោយជនមិនស្គាល់អត្តសញ្ញាណ, ១,០៥% ប្រព្រឹត្តដោយហ្វូងមនុស្ស និង ១៨,៩០% ប្រព្រឹត្តដោយក្រុមចម្រុះ]
ខ្មែរម្ចាស់ស្រុក ឆ្នាំទី ៣ លេខ ៣៣៤ ថ្ងៃ សៅរ៍ ទី ៣១ ខែ មករា ឆ្នាំ ២០០៩
- ដកផ្កាយមាស៤ ម៉ឹង សំផន និង ប្រមូលអាវុធពីអ្នកគាំទ្រ [អតីតអគ្គមេបញ្ជាការកងយោធពលខេមរភូមិន្ទ] កែ គឹមយ៉ាន បានជាង ៣ពាន់ដើម
- គណបក្ស សម រង្ស៊ី ធ្វើសមាជវិសាមញ្ញថ្ងៃនេះ
ខ្មែរស្ថាបនា ឆ្នាំទី ២ លេខ ១៩៤ ថ្ងៃ សៅរ៍ ទី ៣១ ខែ មករា ឆ្នាំ ២០០៩
- គណបក្ស នរោត្ដម រណឫទ្ធិ នឹងត្រូវប្ដូរទៅជា រណសិរ្សជនជាតិខ្មែរ បើគ្មានដំណោះស្រាយ [ចំពោះការបណ្ដេញសមាជិកមន្ត្រីជាន់ខ្ពស់ម្នាក់របស់គណបក្សទេនោះ]
- ប្រជាពលរដ្ឋ ៣រូប ជាប់ពន្ធនាគារដោយសារវិវាទដីធ្លី ត្រូវបានដោះលែងឲ្យមានសេរីភាព [បន្ទាប់ពីគ្រួសារប្រមាណ ១៤០ បានតវ៉ាអស់ចាច្រើនថ្ងៃដើម្បីឲ្យដោះលែងពួកគេទាំងបី – ខេត្តសៀមរាប]
- កម្ពុជារំពឹងថា ប្រេសិតសិទ្ធិមនុស្សអង្គការសហប្រជាជាតិនឹងសហការល្អជាមួយរដ្ឋាភិបាល [ដើម្បីលើកកម្ពស់បញ្ហាសិទ្ធិមនុស្សនៅប្រទេសកម្ពុជាឲ្យបានកាន់តែប្រសើរឡើង]
កោះសន្តិភាព ឆ្នាំទី ៤២ លេខ ៦៥៦៦ ថ្ងៃ សៅរ៍ ទី ១ ខែ មករា – ថ្ងៃ អាទិត្យ ទី ១ ខែ កុម្ភៈ ឆ្នាំ ២០០៩
- ក្រុមអាវក្រហមថៃ ប្រមូលផ្ដុំគ្នានៅមុខស្ថានទូតកម្ពុជា [ដើម្បីដាក់ជូនលិខិតដែលនិយាយថា រដ្ឋាភិបាលថៃ និង រដ្ឋមន្ត្រីក្រសួងការបរទេស លោក កាស៊ីត ភិរ៉ុម៉្យា ដែលកំពុងគ្រប់គ្រងប្រទេសនេះ គឺមិនយុត្តិធម៌ និង មិនមែនជាតំណាងរបស់ប្រជាជនពិតប្រាកដទេ ហើយបន្ទាប់មកពួកគេបានធ្វើដំណើរទៅកាន់ស្ថានទូតឡាវ និង វៀតណាម]
- អគ្គីភ័យឆេះលំនៅឋានអ្នកនេសាទជាង ៥០ខ្នង នៅតំបន់ទំនប់រលក [ខេត្តព្រះសីហនុ]
- ធនាគារជាតិនៃកម្ពុជា ចុះហត្ថលេខាជាមួយធនាគារជាតិឡាវ [ដើម្បីពង្រឹងកិច្ចសហប្រតិបត្តិការទ្វេភាគីលើវិស័យធនាគារ]
- មូលនិធិជាទឹកប្រាក់ ១,៥លានដុល្លារ [ដែលផ្ដល់ដោយធនាគារពិភពលោក និង គ្រប់គ្រងដោយក្រុមហ៊ុនពិគ្រោះយោបល់ជំនួញ Emerging Markets Consulting] ជួយក្រុមហ៊ុននាំចេញ ក្នុងគំរោងបើកច្រកនាំចេញ EMAPF របស់ក្រសួងពាណិជ្ជកម្ម [គម្រោងនេះនឹងផ្ដល់នូវជំនួយផ្នែកហិរញ្ញវត្ថុ និង ផ្នែកបច្ចេកទេស ដើម្បីជួយក្រុមហ៊ុននាំចេញកម្ពុជាឲ្យបង្កើនការលក់នាំចេញក្នុងទីផ្សារថ្មី]
- កូរ៉េខាងជើងលុបចោលរាល់កិច្ចព្រមព្រៀងជាមួយ [កូរ៉េ] ខាងត្បូង
មនសិការខ្មែរ ឆ្នាំទី ១៦ លេខ ៣៦៧៥ ថ្ងៃ សៅរ៍ ទី ៣១ ខែ មករា – ថ្ងៃ អាទិត្យ ទី ១ ខែ កុម្ភៈ ឆ្នាំ ២០០៩
- នាយទាហានជាន់ខ្ពស់ស្និទ្ធ កែ គឹមយ៉ាន ច្រើននាក់ទៀត ប្រឈមនឹងការដកហូតតំណែង ឧត្ដមសេនីយ៍តាមយោធភូមិភាគ និង កងពលកំពុងជ្រួលច្របល់
រស្មីកម្ពុជា ឆ្នាំទី ១៧ លេខ ៤៨០៩ ថ្ងៃ សៅរ៍ ទី ៣១ ខែ មករា ឆ្នាំ ២០០៩
- សាលាក្រុងថ្លែងការណ៍បដិសេធការចោទប្រកាន់ [ដោយអង្គការក្រៅរដ្ឋាភិបាល អង្គការអន្តរជាតិមួយចំនួន និង គណបក្សប្រឆាំង] ថាប្រើកម្លាំងបណ្ដេញប្រជាជនចេញពីតំបន់ដីក្រហម
- ២០០៩ ៖ FAO [អង្គការស្បៀង និង កសិកម្មរបស់អង្គការសហប្រជាជាតិ] គ្រោងផ្ដល់ជំនួយ ២,២៥លានដុល្លារអាមេរិក សម្រាប់ពង្រឹងវិស័យកសិកម្ម [ក្នុងប្រទេសកម្ពុជា]
- កម្មវិធីធានារ៉ាប់រងសុខភាពសហគមន៍ ជម្រើសមួយទៀតសម្រាប់ប្រជាជនក្រីក្រ
- កម្ពុជាបន្តជំរុញឲ្យថៃប្រគល់វត្ថុបុរាណខ្មែរ [ដែលអាជ្ញាធរថៃចាប់បានពីពីការជួញដូរខុសច្បាប់ពីប្រទេសកម្ពុជា] ឲ្យបានលឿន
- មនុស្សជាង ១លាននាក់ ចូលរួមបាតុកម្មប្រឆាំងនឹងប្រធានាធិបតីបារាំង [លោក នីកូឡាស សាកូហ្ស៊ី – ចំពោះគោលនយោបាយសេដ្ឋកិច្ចរបស់លោក ដែលគ្រោងនឹងកាត់បន្ថយចំនួនបុគ្គលិកអចិន្ត្រៃយ៍ក្នុងវិស័យរដ្ឋ ជាពិសេសនៅតាមសាលារៀន ដែលបានធ្វើឲ្យប្រជាជនបារាំងខកចិត្ត និង ខឹងសម្បារជាខ្លាំង]
* សូមអញ្ជើញអានវិចារណកថាសម្រាប់សប្ដាហ៍កន្លងទៅជាភាសាអង់គ្លេស!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
រដ្ឋសភាស្នើសុំអ្នកឯកទេសអាល្លឺម៉ង់មកកម្ពុជាដើម្បីជួយរៀបចំច្បាប់ពាក់ព័ន្ធទៅនឹងប្រេងឥន្ធនៈ – ថ្ងៃ សុក្រ ទី ៣០ មករា ២០០៩
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១១ លេខ ៥៣៤
បើតាមប្រភពបានឲ្យដឹងថា លោកបណ្ឌិត អេច ស៊ីវូគេនស៊ែក អនុប្រធានសភានៃសាធារណរដ្ឋសហព័ន្ធអាល្លឺម៉ង់ គ្រោងមកប្រទេសកម្ពុជានៅចុងខែមករានេះ ដើម្បីជួបពិភាក្សា និង ពង្រឹងនូវមិត្តភាព និង ការវិនិយោគវិស័យទេសចរណ៍ទៅតាមការស្នើសុំរបស់រដ្ឋសភាកម្ពុជាសុំឲ្យអ្នកជំនាញរបស់អាល្លឺម៉ង់មកជួយធ្វើការ និង រៀបចំច្បាប់ដែលពាក់ព័ន្ធទៅនឹងប្រេងឥន្ធនៈនៅក្នុងប្រទេសកម្ពុជា ។
ការអញ្ជើញមកបំពេញទស្សនកិច្ចជាផ្លូវការ និង មិត្តភាពនៅកម្ពុជា នៅថ្ងៃទី ៣១ ខែ មករា ឆ្នាំ ២០០៩ នេះ របស់ លោកបណ្ឌិត អេច ស៊ីវូគេនស៊ែក អនុប្រធានសភានៃសាធារណរដ្ឋសហព័ន្ធអាល្លឺម៉ង់ និង អញ្ជើញមកទស្សនកិច្ច និង ដើម្បីទៅសហប្រតិបត្តិនៃប្រទេសទាំងពីរនៅក្នុងការវិនិយោគទេសចរពីប្រទេសអាល្លឺម៉ង់មកកម្ពុជា ហើយប្រទេសកម្ពុជាបានថវិកាធ្វើស្នើសុំ និង អញ្ជើញនូវអ្នកឯកទេសរបស់អាល្លឺម៉ង់មកដើម្បីជួយដល់រដ្ឋសភាកម្ពុជា និង ជួយធ្វើការរៀបចំច្បាប់ចំនួន៣ ដើម្បីធ្វើការគ្រប់គ្រងប្រេងឥន្ធនៈនៅក្នុងកម្ពុជា ។
លោក ជាម យៀប ប្រធានគណៈកម្មការទទួលបន្ទុកផ្នែកហិរញ្ញវត្ថុក្នុងរដ្ឋសភា ដែលបានការចាត់តាំងពីសម្ដេច ហេង សំរិន ប្រធានរដ្ឋសភា ត្រូវធ្វើជាប្រធានប្រតិភូកម្ពុជាដែលធ្វើការដឹកនាំសមាជិករដ្ឋសភាចំនួន ១៥រូប មកពីគណបក្សប្រជាជនកម្ពុជា ១០រូប និង មកពីគណបក្សប្រឆាំង ៥រូប ដើម្បីជួបជាមួយ លោកបណ្ឌិត អេច ស៊ីវូគេចស៊ែក អនុប្រធានសភានៃសាធារណរដ្ឋសហព័ន្ធអាល្លឺម៉ង់ ដែលនឹងអញ្ជើញមកបំពេញទស្សនកិច្ចជាផ្លូវការ និង មិត្តភាពនៅកម្ពុជា នាចុងខែ មករា ឆ្នាំ ២០០៩ នេះ ថា កិច្ចប្រជុំជំនួបនេះ គឺទី១. ដើម្បីធ្វើការ និង រឹតចំណងមិត្តភាព និងសហប្រតិបត្តិការរវាងប្រទេសកម្ពុជា និង អាល្លឺម៉ង់ ទី២. គឺធ្វើការដើម្បីផ្សព្វផ្សាយគោលការណ៍ដើម្បីបង្កើននូវភាពជឿជាក់មកលើប្រទេសកម្ពុជាលើការធ្វើវិនិយោគរបស់អ្នកវិនិយោគរបស់អាល្លឺម៉ង់ ហើយទី៣. វិស័យទេសចរណ៍របស់អាល្លឺម៉ង់មកប្រទេសកម្ពុជាដែលមាននូវសម្បត្តិវប្បធម៌ និង ប្រាង្គប្រាសាទជាច្រើននៅទូទាំងផ្ទៃប្រទេសកម្ពុជានោះ ។
លោក ជាម យៀប បានបញ្ជាក់ឲ្យដឹងទៀតថា នៅក្នុងឱកាសនេះ កម្ពុជានឹងស្នើអញ្ជើញឲ្យមានអ្នកជំនាញឯកទេសផ្នែកច្បាប់របស់ប្រទេសអាល្លឺម៉ង់មកជួយដល់រដ្ឋសភាកម្ពុជា ដោយរៀបចំច្បាប់៣ ដោយ ទី១. ច្បាប់ស្ដីពីការគ្រប់គ្រងប្រេងឥន្ធនៈ ទី២. ច្បាប់ស្ដីពីការយកពន្ធដារនៅកម្ពុជា និង ទី៣. ច្បាប់ស្ដីពីការយកពន្ធដារលើប្រាក់ចំណេញ ចំពោះការធ្វើអាជីវកម្មលើប្រេងឥន្ធនៈនៅប្រទេសកម្ពុជា ។
គូសបញ្ជាក់ថា ប្រទេសកម្ពុជានឹងទទួលបាននូវការចំណាយប្រាក់ និង ប្រេង យ៉ាងច្រើនសន្ធឹកសន្ធាប់នៅពេលដ៏ខ្លីខាងមុខនេះ ។
កន្លងមកកិច្ចសហប្រតិបត្តិការរវាងប្រទេសកម្ពុជា និង អាល្លឺម៉ង់ គឺធ្លាប់បានធ្វើការផ្លាស់ប្ដូរគ្នារាល់ទំនិញជាច្រើន ហើយកម្ពុជាធ្លាប់បានទទួលជំនួយពីប្រទេសអាល្លឺម៉ង់ជាច្រើនផងដែរ ។
បើយោងតាមសេចក្ដីប្រកាសព័ត៌មានរបស់រដ្ឋសភា នៅថ្ងៃទី ២៨ ខែ មករា ឆ្នាំ ២០០៩ បានឲ្យដឹងថា លោកបណ្ឌិត អេច ស៊ីវូគេនស៊ែក អនុប្រធានសភានៃសាធារណរដ្ឋសហព័ន្ធអាល្លឺម៉ង់ នឹងអញ្ជើញមកទស្សនកិច្ចជាផ្លូវការ និង មិត្តភាពនៅប្រទេសកម្ពុជានៅចុងខែ មករា នាពេលខាងមុខនេះ រហូតដល់ ថ្ងៃទី ៤ ខែ កុម្ភៈ ទៅតាមការស្នើអញ្ជើញរបស់ សម្ដេច ហេង សំរិន ប្រធានរដ្ឋសភាកម្ពុជា ។
លោកបណ្ឌិត អេច ស៊ីវូគេនស៊ែក នឹងធ្វើការចូលជួប សម្ដេច ជា ស៊ីម ប្រធានព្រឹទ្ធសភា និង សម្ដេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង ជួបជាមួយគណបក្សនយោបាយដែលមានអាសនៈនៅក្នុងរដ្ឋសភា និង ធ្វើការជួបជាមួយតំណាងផ្សេងៗប្រចាំនៅប្រទេសកម្ពុជាជាច្រើនទៀត ៕ កាសែតខ្មែរស្ថាបនា ឆ្នាំទី ២ លេខ ១៩៣ ថ្ងៃទី ៣០ ខែ មករា ឆ្នាំ ២០០៩
កាសែតដែលចេញលក់នៅ
ថ្ងៃ សុក្រ ទី ៣០ ខែ មករា ឆ្នាំ ២០០៩
ដើមអម្ពិល ឆ្នាំទី ៣ លេខ ១១០ ថ្ងៃ សុក្រ ទី ៣០ ខែ មករា – ថ្ងៃ ចន្ទ ទី ២ ខែ កុម្ភៈ ឆ្នាំ ២០០៩
- បាតុករ [ជាង ១០០នាក់] ឡោមព័ទ្ធ និង បង្ខាំងមន្ត្រីតុលាការនៅក្នុងសាលាដំបូងខេត្តសៀមរាប [នៅពេលដែលមន្ត្រីទាំងនោះកំពុងប្រជុំ – បាតុករទាំងនោះបានបើកសោវិញបន្ទាប់ពី អភិបាលខេត្ត លោក ស៊ូ ភិរិន្ទ បានសន្យាដោះលែងអ្នកតំណាងរបស់ពួកគេចំនួន ៣នាក់ ដែលពាក់ព័ន្ធទៅនឹងជម្លោះដីធ្លី]
- មូលនិធិអារ៉ាប់ ផ្ដល់ជំនួយ ៥០លានដុល្លារ ក្នុង១ឆ្នាំ ដល់វិស័យធនធានទឹកក្នុងប្រទេសកម្ពុជា [នេះបើយោងតាមការសន្យារបស់ប្រធានមូលនិធិនៃសហភាពអារ៉ាប់សម្រាប់ការអភិវឌ្ឍន៍]
- អង្គការសហប្រជាជាតិស្នើសុំឲ្យបណ្ដាប្រទេសអ្នកមានបង្កើនការទប់ស្កាត់ភាពក្រីក្រ [នេះបើយោងតាមអង្គការ Oxfam បានឲ្យដឹងថា មានមនុស្សប្រមាណ ១កោដិនាក់ កំពុងតែប្រឈមមុខនឹងការខ្វះស្បៀងអាហារ]
កម្ពុជាថ្មី ឆ្នាំទី ៨ លេខ ១៨៦០ ថ្ងៃ សុក្រ ទី ៣០ ខែ មករា ឆ្នាំ ២០០៩
- [អគ្គមេបញ្ជាការកងយោធពលខេមរភូមិន្ទ] គន់ គីម ៖ មិនមានបញ្ចប់តំណែងមេទាហានទៀតទេ តែមានការកែសំរួលខ្លះ
- ទស្សនកិច្ចជាប្រវត្តិសាស្ត្ររបស់ [ប្រធានាធិបតីគុយបា] លោក រ៉ាអ៊ូល កាស្ត្រូ ទៅកាន់ប្រទេសរុស្ស៊ី
ខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៣១ ថ្ងៃ សុក្រ ទី ៣០ ខែ មករា ឆ្នាំ ២០០៩
- មេដឹកនាំរដ្ឋាភិបាល [នាយករដ្ឋមន្ត្រី ហ៊ុន សែន] ព្រមានអ្នកនយោបាយកម្ពុជាមិនឲ្យទៅកាន់កោះតៃវ៉ាន់ [ហើយមន្ត្រីនយោបាយតៃវ៉ាន់នឹងមិនអនុញ្ញាតឲ្យចូលមកទឹកដីនៃប្រទេសកម្ពុជានោះឡើយ]
ខ្មែរម្ចាស់ស្រុក ឆ្នាំទី ៣ លេខ ៣៣៣ ថ្ងៃ សុក្រ ទី ៣០ ខែ មករា ឆ្នាំ ២០០៩
- នាយករដ្ឋមន្ត្រីអះអាងថា ជម្លោះព្រំដែននៅតំបន់ប្រាសាទព្រះវិហារ ផ្ដើមចេញពីជំហរយោធាសៀមតឹងរ៉ឹងជាងរដ្ឋាភិបាលសៀមពេក [លោកបានសរសេរលិខិតមួយច្បាប់ផ្ញើជូនទៅសភាជាតិ ដោយនិយាយថាមិនត្រូវបន្ទោសរដ្ឋាភិបាលថៃទែ ប៉ុន្តែគួរតែបន្ទោសយោធាថៃ – តែទោះជាយ៉ាងណា អ្នកនាំពាក្យរបស់រដ្ឋាភិបាលថៃ លោក វីរៈឈុន ស៊ូគុនដា ប៉ាទីប៉ាក់ បានច្រានចោលការចោទប្រកាន់របស់នាយករដ្ឋមន្ត្រី ហ៊ុន សែន]
- [អនុប្រធានគណបក្សប្រជាជនកម្ពុជា និង ជានាយករដ្ឋមន្ត្រី] ហ៊ុន សែន កាត់បន្ថយអង្គរក្ស [ប្រធានគណបក្សប្រជាជនកម្ពុជា និង ជាប្រធានព្រឹទ្ធសភា] ជា ស៊ីម ពីជាង ៦០០នាក់ ទុកតែជាង ១០០នាក់ បន្ទាប់ពីដក កែ គឹមយ៉ាន [ពីអគ្គមេបញ្ជាការកងទ័ព]
ខ្មែរស្ថាបនា ឆ្នាំទី ២ លេខ ១៩៣ ថ្ងៃ សុក្រ ទី ៣០ ខែ មករា ឆ្នាំ ២០០៩
- រដ្ឋសភាស្នើសុំអ្នកឯកទេសអាល្លឺម៉ង់មកកម្ពុជាដើម្បីជួយរៀបចំច្បាប់ពាក់ព័ន្ធទៅនឹងប្រេងឥន្ធនៈ
- លោក សម រង្ស៊ី ប្ដឹងឧទ្ធរណ៍ ពេលចាញ់ [រដ្ឋមន្ត្រីក្រសួងការបរទេស និង សហប្រតិបត្តិការអន្តរជាតិ] លោក ហោ ណាំហុង នៅបារាំង [ពីបទបរិហារកេរ្តិ៍]
កោះសន្តិភាព ឆ្នាំទី ៤២ លេខ ៦៥៦៥ ថ្ងៃ សុក្រ ទី ៣០ ខែ មករា ឆ្នាំ ២០០៩
- ឯកអគ្គរដ្ឋទូតថ្មីសហរដ្ឋអាមេរិក [លោកស្រី ការ៉ូល អេរ៉ូដលី ] សន្យាកែប្រែគំនិតក្រុងវ៉ាស៊ីនតោនឲ្យមើលកម្ពុជាក្នុងរូបភាពល្អ
មនសិការខ្មែរ ឆ្នាំទី ១៦ លេខ ៣៦៧៤ ថ្ងៃ សុក្រ ទី ៣០ ខែ មករា ឆ្នាំ ២០០៩
- ការជ្រើសរើសចៅក្រមបំរុង [បរទេស] សម្រាប់សាលាក្ដីខ្មែរក្រហម [ដើម្បីបំពេញកិច្ចការនៅក្នុងសាលាក្ដីខ្មែរក្រហមដែលកំពុងមមាញឹកក្នុងរឿងដោះស្រាយការខ្វែងគំនិតគ្នា និង បញ្ហាស្មុគស្មាញជាច្រើនទៀត] គឺជារឿងថ្មីមួយទៀត
រស្មីកម្ពុជា ឆ្នាំទី ១៧ លេខ ៤៨០៨ ថ្ងៃ សុក្រ ទី ៣០ ខែ មករា ឆ្នាំ ២០០៩
- ស្ពានមុនីវង្សថ្មីសម្ពោធមុនចូលឆ្នាំខ្មែរ ហើយបើកការដ្ឋានស្ថាបនាផ្លូវហោះនៅថ្ងៃជាមួយគ្នា
- កម្ពុជាត្រូវបានចាត់ទុកជាប្រទេសដែលរស់បានអាយុតិចបំផុតមួយនៅក្នុងតំបន់ [បើយោងតាមរបាយការណ៍របស់អង្គការសុខភាពពិភពលោក ស្ត្រីនៅកម្ពុជាអាចមានអាយុមធ្យម ៦៥ឆ្នាំ ខណៈបុរសអាចមានអាយុត្រឹមតែ ៥៩ឆ្នាំ]
- សៀមសន្យាឲ្យកសិផលខ្មែរចូលស្រុកខ្លួននៅដើមខែកុម្ភៈ
- គម្រោងខ្សែកាប្លិ៍អុបទិក ១៨លានដុល្លារ នឹងជួយឲ្យសេវាអ៊ីនធឺណិតលឿន និង ថោក [នេះបើរដ្ឋមន្ត្រីក្រសួងប្រៃសណីយ៍ និង ទូរគមនាគមន៍ លោក សូរ ឃុន]
- បន្លែនៅក្នុងស្រុកអាចកាន់កាប់ទីផ្សារបានពី ៦០ ទៅ ៧០ភាគរយ [បើតាមការឱ្យដឹងពីប្រធានផ្សារច្បារអំពៅ ពីមុនមានការនាំចូលបន្លែពីវៀតណាមរហូតដល់ទៅ៩០% តែទោះបីជាយ៉ាងណាលោក យ៉ង់ សាំងកុមារ ប្រធានមជ្ឈមណ្ឌលសិក្សានិងអភិវឌ្ឍន៍កសិកម្មបានអះអាងថា តួលេខនេះវាអាចបាន តែគឺជាតួលេខតាមរដូវតែប៉ុណ្ណោះ ។ ប្រទេសកម្ពុជាកម្ពុជាមានដីធ្លីគ្រប់គ្រាន់អាចដាំដំណាំយកមកផ្គត់ផ្គង់ទីផ្សារបានមែន តែបើនិយាយអំពីបច្ចេកទេស ទុន និងជំនាញនៅក្នុងការសិក្សាពីទីផ្សារគឺមិនទាន់អាចឱ្យកសិករឈានដល់ថ្នាក់នេះបានឡើយ]
* សូមអញ្ជើញអានវិចារណកថាសម្រាប់សប្ដាហ៍កន្លងទៅជាភាសាអង់គ្លេស!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
ផែនការកាត់បន្ថយសំណង់ខុសច្បាប់នៅក្នុងរាជធានីរបស់សាលាក្រុង – ថ្ងៃ ព្រហស្បតិ៍ ទី ២៩ មករា ២០០៩
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១១ លេខ ៥៣៤
កាលពីព្រឹកថ្ងៃទី ២៨ មករា អាជ្ញាធរក្រុងភ្នំពេញបានបើកកិច្ចប្រជុំនៅក្នុងសាលប្រជុំសាលាក្រុង ក្រោមអធិបតីភាព លោក ម៉ប់ សារិន អភិបាលរងក្រុងភ្នំពេញ ទទួលបន្ទុកការងារសុរិយោដី និង សំណង់ក្រុង ដោយមានការអញ្ជើញចូលរួមពី លោក កើត ឆែ នាយករងខុទ្ទកាល័យសាលាក្រុងភ្នំពេញ លោក ឆាយ ឫទ្ធីសែន នាយកមន្ទីររៀបចំដែនដីនគរោបនីយកម្ម និង សំណង់ អភិបាលរងគ្រប់ខណ្ឌទទួលការងារសំណង់ និង ប្រធានភូមិបាល ព្រមទាំងមន្ត្រីពាក់ព័ន្ធមួយចំនួនទៀត ។ គោលបំណងសំខាន់នៃកិច្ចប្រជុំនេះធ្វើឡើងដើម្បីដាស់ និង ជំរុញដល់មន្ត្រីពាក់ព័ន្ធសុរិយោដី និង សំណង់ អាជ្ញាធរខណ្ឌ ឲ្យយកចិត្តទុកដាក់ក្នុងការទប់ស្កាត់រាល់សំណង់ខុសច្បាប់ដែលកើតមាន ព្រមទាំងដាក់វិធានការជាដំណោះស្រាយក្នុងការកាត់បន្ថយសំណង់ខុសច្បាប់ ធ្វើយ៉ាងណាឲ្យមានភាពប្រសើរឡើង ។
លោក ម៉ប់ សារិន អភិបាលរងក្រុង បានលើកឡើងថា យើងពិតជាមានការអៀនខ្មាសត្រង់ថាយើងមានអាជ្ញាធរសង្កាត់ ខណ្ឌ និង មន្ត្រីជំនាញសព្វគ្រប់ទាំងអស់ តែពុំមានអ្នកណាដឹងពីសំណង់ខុសច្បាប់ដែលបានកើតក្នុងមូលដ្ឋានរបស់ខ្លួន រហូតដល់គេសង់រួច មានប្រជាពលរដ្ឋប្ដឹងទើបមានការភ្ញាក់ផ្អើល ។ យើងអត់ជឿថារាល់សំណង់អត់ច្បាប់ទាំងឡាយ អាជ្ញាធរមិនដឹងនោះទេ ព្រោះរាល់ការសាងសង់គ្មាននរណាដឹងជាងមន្ត្រីមូលដ្ឋាននោះទេ ដូច្នេះយើងជួបពិភាក្សាគ្នានេះដើម្បីរកវិធានការដោះស្រាយ និង ត្រូវមានការទទួលខុសត្រូវចំពោះមុខបញ្ហា បើអស់លោកនៅតែឆ្លើយថាមិនដឹងទៀត អស់លោកនឹងត្រូវទទួលពិន័យផ្នែករដ្ឋបាល ឬ ផ្លាស់ប្ដូរពីការងារ ។
លោក ម៉ប់ សារិន បានបញ្ជាក់ថា យើងធ្វើដូចនេះដើម្បីកាត់បន្ថយសំណង់ខុសច្បាប់ ហើយអាជ្ញាធរក៏មិនចង់បង្កទំនាស់ជាមួយអ្នកណាដែរ ពោលគឺអាជ្ញាធរត្រូវអនុវត្តតាមច្បាប់របស់រដ្ឋដែលបានកំណត់ ។ កន្លងមកមានសំណង់ខ្លះត្រូវបានចេញលិខិតហាមឃាត់ ប៉ុន្តែទំរាំតែមានដំណោះស្រាយ សំណង់នោះត្រូវបានបន្តលួចសាងសង់ជិតរួចទៅហើយ ហើយការងាររដ្ឋបាលនេះគឺមានការយឺតយ៉ាវដោយសារភូមិបាល និង អាជ្ញាធរខណ្ឌតែម្ដង ។
លោក ឆាយ ឫទ្ធីសែន ប្រធានមន្ទីររៀបចំដែនដីនគរោបនីយកម្មសំណង់ និង សុរិយោដី ក្រុងភ្នំពេញ បានសារភាពថា មន្ត្រីរបស់លោកមួយចំនួនពិតជាខ្លាចញញើតក្នុងការចុះហាមឃាត់សំណង់ខុសច្បាប់របស់អ្នកមានអំណាចបុណ្យស័ក្ដិ ព្រោះពេលខ្លះនៅពេលចុះហាមឃាត់ក៏មានការប្ដឹងផ្ដល់ទៅតុលាការ ហើយទីបំផុតមន្ត្រីទាំងនោះក្លាយជាជនជាប់ចោទទៅវិញ ។ លោកក៏បានសំណូមពរថា បញ្ហាខាងលើនេះគួរតែសាលាក្រុងបង្កើតជាគណៈកម្មការចំរុះថ្នាក់ក្រុង ដូចគណៈកម្មការចុះត្រួតពិនិត្យរណ្ដៅដីដែលមានកំលាំងចំរុះរួមទាំងកំលាំងប្រដាប់អាវុធចូលរួមផង ទើបមានប្រសិទ្ធភាព ព្រោះកន្លងមកពេលយើងពិនិត្យសំណង់ខុសច្បាប់ ពេលចូលទៅ ត្រូវអង្គរក្សម្ចាស់សំណង់ឃាត់ខ្លួនមន្ត្រីភូមិបាលយើងក៏មាន ។
ចំពោះលោក កើត ឆែ នាយករងខុទ្ទកាល័យសាលាក្រុងភ្នំពេញ បានលើកឡើងថា កន្លងមកទាំងមន្ត្រីជំនាញភូមិបាល និង អាជ្ញាធរថ្នាក់ខណ្ឌ ពេលចុះទៅអនុវត្ត ឬ ហាមឃាត់សំណង់ខុសច្បាប់ ហាក់មានការ “កែកនឹម” ដោយមិនមានកិច្ចសហប្រតិបត្តិការគ្នាទាល់តែសោះ ពេលខ្លះអាជ្ញាធរចុះហាមឃាត់ ឬ បង្ក្រាបសំណង់ខុសច្បាប់ អ្នកមានបុណ្យស័ក្ដិទាំងនោះបែរជាមានលិខិតអនុញ្ញាតឲ្យសាងសង់ឡើងវិញពីថ្នាក់លើទៅវិញ តែសំរាប់អាជ្ញាធរក្រុងភ្នំពេញយើងមានលទ្ធភាពគ្រប់គ្រាន់ឲ្យតែយើងមានឆន្ទៈចង់ធ្វើ ហើយបើមានបញ្ហាទៅតុលាការ យើងក៏មានមេធាវីចំនួនពីររូបសំរាប់កិច្ចការតុលាការដែរ ។
លោក កើត ឆែ បានបញ្ជាក់ថា ចាប់ពីពេលនេះតទៅ អាជ្ញាធរក្រុងនឹងចុះពិនិត្យជាប្រចាំដល់មូលដ្ឋាន ហើយមូលដ្ឋាននោះត្រូវទទួលខុសត្រូវចំពោះសំណង់ខុសច្បាប់ទាំងឡាយ ហើយផែនការនេះត្រូវធ្វើយ៉ាងណាឲ្យមានភាពប្រសើរឡើង ពោលគឺយើងមិនត្រូវបណ្ដោយឲ្យសំណង់ខុសច្បាប់រីកដូចផ្សិតនោះទេ ហើយអាជ្ញាធរមូលដ្ឋានត្រូវទទួលខុសត្រូវតាមមូលដ្ឋានរៀងៗខ្លួន ។
សំណង់ដែលសាងសង់ខុសច្បាប់មិនត្រឹមតែជាភាពអនាធិបតេយ្យទេ តែបានប៉ះពាល់ដល់សោភ័ណភាពថែមទៀត ៕ កាសែតកោះសន្តិភាព ឆ្នាំទី ៤២ លេខ ៦៥៦៤ ថ្ងៃទី ២៩ ខែ មករា ឆ្នាំ ២០០៩
កាសែតដែលចេញលក់នៅ
ថ្ងៃ ព្រហស្បតិ៍ ទី ២៩ ខែ មករា ឆ្នាំ ២០០៩
កម្ពុជាថ្មី ឆ្នាំទី ៨ លេខ ១៨៥៩ ថ្ងៃ ព្រហស្បតិ៍ ទី ២៩ ខែ មករា ឆ្នាំ ២០០៩
- សម រង្ស៊ី ចាញ់ក្ដី ហោ ណាំហុង នៅប្រទេសបារាំង [តុលាការប្រទេសបារាំងបានសម្រេចផ្ដន្ទាទោស លោក សម រង្ស៊ី ពីបទបរិហារកេរ្តិ៍ លោក ហោ ណាំហុង ថាមានជាប់ពាក់ព័ន្ធនឹងរបបខ្មែរក្រហម និង ធ្លាប់ជាអតីតមេគុកបឹងត្របែក]
- សម្ដេចក្រុមព្រះបំភ្លឺចំពោះសេចក្ដីថ្លែងការណ៍របស់រណសិរ្សប្រជាធិបតេយ្យនិស្សិតបញ្ញវន្តខ្មែរ [ព្រះអង្គសូមរក្សាសិទ្ធិស្របច្បាប់ប្ដឹង និង មានវិធានការចំពោះបុគ្គល ឬ ក្រុមណាមួយដែលនិយាយ ឬ សរសេរធ្វើឲ្យប៉ះពាល់ដល់កិត្តិយសរបស់ព្រះអង្គ]
- រថយន្តគ្លីនិកបុប្ផាមាស ដណ្ដើមអ្នករបួសពីរថយន្តសង្គ្រោះមន្ទីរពេទ្យព្រះកុសុមៈ ដូចតាក់ស៊ីដណ្ដើមម៉ូយ [នៅពេលរថយន្តសង្គ្រោះមន្ទីរពេទ្យព្រះកុសុមៈមកដល់កន្លែងកើតហេតុ បុគ្គលិករថយន្តសង្គ្រោះបុប្ផាមាសបានចាប់លើកស្ត្រីរងគ្រោះបញ្ចូលក្នុងរថយន្តរបស់ខ្លួន ហើយបើកចេញទៅបាត់]
- ស៊ុន ចាន់ថុល [អតីតរដ្ឋមន្ត្រីក្រសួងសាធារណការ និង ដឹកជញ្ជូន] និង នាវ ស៊ីថុង [អតីតតំណាងរាស្ត្រមណ្ឌលកំពង់ចាម] ចាកចេញពីហ៊្វុនស៊ិនប៉ិច មកចូលគណបក្សប្រជាជនកម្ពុជា
ខ្មែរស្ថាបនា ឆ្នាំទី ២ លេខ ១៩២ ថ្ងៃ ព្រហស្បតិ៍ ទី ២៩ ខែ មករា ឆ្នាំ ២០០៩
- ប្រជាពលរដ្ឋដីក្រហមដាក់ញត្តិទៅព្រះមហាក្សត្រ និង រដ្ឋសភា ជួយអន្តរាគមន៍ទាមទារសំណងមួយគ្រួសារពីរម៉ឺនដុល្លារ
- មន្ត្រីសង្គមស៊ីវិលក្នុងស្រុក [លោក មឿង សុន ជាប្រធានអង្គការទ្រទ្រង់អារ្យធម៌ខ្មែរ] ព្រួយបារម្ភពីវប្បធម៌ចិនគ្របដណ្ដប់លើវប្បធម៌ខ្មែរ [បើទោះជាគេឃើញមានស្ថាប័នរដ្ឋមួយចំនួនបានបិទទ្វារនៅពិធីបុណ្យចូលឆ្នាំចិន លោក ខៀវ កាញារិទ្ធិ បានមានប្រសាសន៍ថា មិនមានមន្ត្រីរដ្ឋាភិបាលណាម្នាក់សម្រាកមិនធ្វើការនោះទេ]
- បីថ្ងៃបុណ្យចូលឆ្នាំចិន មានភ្ញៀវទេសចរជាងពីរម៉ឺននាក់ មកកម្សាន្តនៅខេត្តព្រះសីហនុ និង មានគ្រោះថ្នាក់ចរាចរណ៍ស្លាប់ ៤នាក់
- អាមេរិកនឹងដាក់ពង្រាយកងម៉ារីន ២ម៉ឺននាក់ នៅប្រទេសអាហ្វហ្គានីស្ថាន [នៅក្នុងរយៈពេលពី ៦ ទៅ ៨ខែ]
កោះសន្តិភាព ឆ្នាំទី ៤២ លេខ ៦៥៦៤ ថ្ងៃ ព្រហស្បតិ៍ ទី ២៩ ខែ មករា ឆ្នាំ ២០០៩
- ផែនការកាត់បន្ថយសំណង់ខុសច្បាប់នៅក្នុងរាជធានីរបស់សាលាក្រុង
- បញ្ជាការកងទ័ពកម្ពុជាមិនសប្បាយចិត្ត ខណៈមេទ័ពសៀមនាំទ័ពចូលវត្តកែវសិក្ខាគីរីស្វារៈមិនបានប្រាប់មុន
- ឯកអគ្គរដ្ឋទូតប្រទេសប៉េរូ ចាប់អារម្មណ៍ពីសក្ដានុពលវិស័យទេសចរណ៍នៅកម្ពុជា
រស្មីកម្ពុជា ឆ្នាំទី ១៧លេខ ៤៨០៧ ថ្ងៃ ព្រហស្បតិ៍ ទី ២៩ ខែ មករា ឆ្នាំ ២០០៩
- វិបត្តិហិរញ្ញវត្ថុអាចឲ្យកម្ពុជាប្រឈមមុខនឹងបញ្ហាជួញដូរមនុស្ស [អ្នកសម្របសម្រួលនៃគម្រោងអន្តរភ្នាក់ងារអង្គការសហប្រជាជាតិ លោក លឹម ទិត្យ បាននិយាយថា ក្នុងចំណោមពលករដែលបាត់បង់ការងារ មួយចំនួនមិនត្រឡប់ទៅស្រុកកំណើតវិញ ព្រោះពួកគេត្រូវការស្វែងរកប្រាក់ចំណូលសម្រាប់ចិញ្ចឹមគ្រួសារ និង កិត្តិយស ដូច្នេះហេតុផលទាំងនេះនាំឲ្យពួកគេងាយធ្លាក់ខ្លួនទៅក្នុងអំពើជួញដូរមនុស្ស]
- មេព្រៃប្រមាថវ៉ៃក្បាលអ្នកកាសែត [ថ្ងៃនេះ ] នឹងពិល – ប៉េអិមបាញ់គំរាមមិនឲ្យថតពេលលើកឈើឡើងរថភ្លើង [ខេត្ត កំពង់ឆ្នាំង]
- សម្ដេចតេជោ ៖ វិធានការទប់ទល់នឹងវិបត្តិសេដ្ឋកិច្ចពិភពលោកកម្ពុជាធ្វើរួចហើយ [សម្ដេចបាននិយាយថា រដ្ឋាភិបាលបានរៀបចំកញ្ចប់ទឹកប្រាក់ច្រើនជាង ៥០០លានដុល្លារ ដែលស្នើឡើងដោយ គណបក្ស សម រង្ស៊ី សម្រាប់ទប់ទល់នឹងវិបត្តិសេដ្ឋកិច្ច]
- នាយករដ្ឋមន្ត្រីហាមមិនឲ្យក្រុមប្រឹក្សារាជធានី ខេត្ត ក្រុង ស្រុក ខណ្ឌ ភ្ជាប់ទំនាក់ទំនងជាមួយតៃវ៉ាន់ [ដើម្បីប្រកាន់យកនយោបាយចិនតែមួយ]
- ចោរប្លន់ទូមាសល្បីឈ្មោះនៅច្រើនខេត្ត [ចំនួន ៤នាក់] ត្រូវប៉េអិមបន្ទាយមានជ័យបង្ក្រាប
- ឆ្នាំ ២០០៨ ស្ថានទូតបារាំងបានផ្ដល់ទិដ្ឋាការដល់ប្រជាពលរដ្ឋខ្មែរចំនួន ៣.២០៨នាក់ ទៅរស់នៅបារាំង
- ថៃហាមការចេញផ្សាយទស្សនាវដ្ដី Economist ដោយសារសរសេរទាក់ទងនឹងរាជវង្ស
* សូមអញ្ជើញអានវិចារណកថាសម្រាប់សប្ដាហ៍កន្លងទៅជាភាសាអង់គ្លេស!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
ការរង់ចាំទទួលបានយុត្តិធម៌នៅកម្ពុជា – ថ្ងៃ ពុធ ទី ២៨ មករា ២០០៩
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១១ លេខ ៥៣៤
បន្ទាយមានជ័យ ៖ មីង អ៊ឹម សាវឿន នៅចាំបាននូវអ្វីដែលខ្លួនគាត់ឈឺចាប់ខ្លោចផ្សាបំផុតនាពេលចុងក្រោយគឺការបាត់បង់ប្ដី ក្រោយពីការធ្វើទារុណកម្មពីពួកខ្មែរក្រហម ។ ប្ដីរបស់គាត់បានលួចដំឡូងមួយដុំត្រូវគេវាយដំយ៉ាងធ្ងន់ធ្ងរ ហើយថែមទាំងបង្អត់អាហាររហូតស្លាប់ ។
អ្នកស្រីត្រូវលោក Denis D.Gray នៃទីភ្នាក់ងារ AP ស្រង់សម្ដីដែលនិយាយថា “ខ្ញុំមិនអាចជួយប្ដីខ្ញុំបានទេ ត្បិតគ្មានថ្នាំព្យាបាល ។ អ្វីដែលអាចជួយបានគឺមានតែភាពអាណោចអាធ័ម និង សម្រក់ទឹកភ្នែកប៉ុណ្ណោះ” ។
ស្ត្រីអាយុ ៦៤ឆ្នាំ ម្នាក់នេះក៏ដូចស្ត្រីនៅក្នុងប្រទេសកម្ពុជាដែលបានរងនូវការឈឺចាប់ស្ទើរតែពាក់កណ្ដាលជីវិតនៃការឈឺចាប់បានរង់ចាំទទួលបានយុត្តិធម៌ ។ ការរង់ចាំនេះនៅកម្ពុជាគឺនៅក្រោយការបញ្ចប់នៃនយោបាយខ្មែរដែលបានបំផ្លាញច្បាប់ និង ប្រព័ន្ធយុត្តិធម៌ ។
អង្គការសហប្រជាជាតិ (អ.ស.ប) បានគាំទ្រសេចក្ដីប្រកាសពីតុលាការថ្មីៗនេះដែលត្រូវតែនាំយកក្រុមមេដឹកនាំខ្មែរក្រហមចំនួន ៥នាក់ ដើម្បីយកមកវិនិច្ឆ័យទោស ។ ប៉ុន្តែនៅថ្ងៃទី ១៧ ខែ កុម្ភៈ ឆ្នាំ ២០០៩ ខាងមុខនេះ អង្គជំនុំជម្រះវិសាមញ្ញក្នុងតុលាការកម្ពុជានឹងបើកសវនាការបឋមកាត់ទោសអ្នកទទួលខុសត្រូវជាន់ខ្ពស់របស់ខ្មែរក្រហមម្នាក់ ។ ជននោះត្រូវចោទពីបទឧក្រិដ្ឋប្រឆាំងនឹងមនុស្សជាតិ ។ ការវិនិច្ឆ័យទោសជន៤នាក់ទៀត ដើម្បីបានយុត្តិធម៌ និង សុខភាពផ្លូវចិត្តដល់ជនរងគ្រោះ គឺវាពុំគួរទុកចិត្តបានរហូតដល់ឆ្នាំ ២០១០ ។ គេរៀបកៅអីនៅសាលសវនាការចំនួន ៥០៤កៅអី សម្រាប់អ្នកចូលរួមស្ដាប់សវនាការរបស់ ឌុច (កាំង ហ្គេចអ៊ាវ) ដែលជាអតីតមេមណ្ឌលធ្វើទារុណកម្ម (គុកទួលស្លែង) ។ ចំពោះអ្នកដទៃទៀតមាន ខៀវ សំផន អតីតប្រមុខរដ្ឋ អៀវ សារី ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និង ភរិយាគាត់ អៀង ធីរិទ្ធ រដ្ឋមន្ត្រីក្រសួងសង្គមកិច្ច និង នួន ជា អតីតប្រធានចលនាអ្នកប្រកាន់តឹងរ៉ឹង គឺជីវិតពួកគេនឹងត្រូវដាក់គុកជាអតិបរមា ។ និងមានតំណាងប្រទេសចូលរួម ។ ដំណើរការសាលាក្ដីនេះត្រូវគេរង់ចាំ ហើយកំពុងដំណើរការ តែលំបាកយ៉ាងណាក្ដីក៏វានឹងជួយកំណត់បញ្ឈប់នូវអំពើខ្មៅងងឹតពីអតីតកាល ។
មីង សាវឿន និយាយថា ព្រឹត្តិការណ៍កាត់ទោសនេះ បើសិនជាយើងមើលលើសាលាក្ដីនេះ វាមានតែ ៥-១០នាក់ប៉ុណ្ណោះ ដែលវាមិនធានាតុល្យភាពឡើយ ។ ព្រោះពួកខ្មែរក្រហមទាំងនោះគេបានសម្លាប់មនុស្សរាប់លាននាក់ ។ គាត់បាត់បង់សមាជិក ៤នាក់ ហើយគ្រួសារដទៃទៀតក៏បាត់បង់សមាជិកខ្លួនដែរ ។ “ប្ដីរបស់ខ្ញុំ និង កូនប្រុសជាទីស្រឡាញ់ ពួកគេមិនអាចវិលត្រឡប់មកជួបខ្ញុំវិញទេ តែពួកគេត្រូវតែទទួលបានយុត្តិធម៌” ។
ការបង្កាត់ភ្លើងដោយលទ្ធិកុម្មុយនិស្តជាចក្ខុវិស័យរបស់ខ្មែរក្រហម បានធ្វើឲ្យឈឺចាប់ និង បំផ្លិចបំផ្លាញប្រពៃណីកម្ពុជា និង សង្គម ។ ហើយវាបានចាប់ផ្ដើមប្រឆាំងរហូតគ្មានសល់អ្វីក្រៅពីធ្លាក់ដល់សូន្យ ។ ខ្មែរក្រហមបានធ្វើឲ្យប្រទេសនេះក្រឡាប់ចាក់ ក្លាយជាកន្លែងនៃទាសករ និង ទីរហោឋានដោយការបំបិទនូវសិទ្ធិសេរីភាព ។ យ៉ាងតិចណាស់មនុស្ស ១,៧លាននាក់ ឬ ខ្លះថាជាង ២លាននាក់ បានស្លាប់ដោយការសម្លាប់គ្មានអាហារ និង ដោយជំងឺ ។
សំណើមួយរបស់សហព្រះរាជអាជ្ញាអន្តរជាតិ រ៉ូប៊ែរ ប៉ឺទី នៃ អ.វ.ត.ក សម្រាប់អ្នកមានបញ្ហាសុខភាពផ្លូវចិត្តគឺប្រឹងប្រែងមួយទៀតលើការកំណត់សមាសធាតុ ។
លោក Broad Adam មន្ត្រីអង្គការឃ្លាំមើលការរំលោភសិទ្ធិមនុស្ស មានមូលដ្ឋាននៅទីក្រុងញូវយ៉ក បាននិយាយថា “អ្នកមិនអាចឲ្យមនុស្សជាង ២លាននាក់ ស្លាប់ ហើយមនុស្ស ៥-១០នាក់ ជាអ្នកប្រព្រឹត្តជាមួយករណីជាច្រើនដែលត្រូវនិយាយតែក្នុងពេលមួយថ្ងៃនោះឡើយ” ។
ហេតុផលដែលយើងចង់បានគឺឲ្យជនរងគ្រោះ និង គ្រួសារស្លាប់រាប់ពាន់នាក់របស់គេ ទទួលយកយុត្តិធម៌មួយដែលអាចទទួលយកបាន គឺអាននាំមេខ្មែរក្រហមពី ១០-១២នាក់ ប្រឈម ។
លោក Adam សញ្ជាតិអាមេរិកាំងជាអ្នកតាមដាននូវភាពជឿនលឿនរបស់ អ.វ.ត.ក តាំងពីមុនបង្កើត ដែលលោកធ្វើការពី ១៣ឆ្នាំមុន ព្រោះដំណើរការចូលរួមក្នុងដំណើរការនេះគឺយឺតយ៉ាវ ។ វាសំខាន់ដូចទ្រនិចនាឡិកាដែលអាចធ្វើទៅបាន ។ ចុងចោទខ្លះស្លាប់ ខ្លះឈឺ និង ខ្លះចាស់ជរា ៕ កាសែតរស្មីកម្ពុជា ឆ្នាំទី ១៧ លេខ ៤៨០៦ ថ្ងៃទី ២៨ ខែ មករា ឆ្នាំ ២០០៩
កាសែតដែលចេញលក់នៅ
ថ្ងៃ ពុធ ទី ២៨ ខែ មករា ឆ្នាំ ២០០៩
កម្ពុជាថ្មី ឆ្នាំទី ៨ លេខ ១៨៥៨ ថ្ងៃ ពុធ ទី ២៨ ខែ មករា ឆ្នាំ ២០០៩
- បក្សប្រឆាំង [គណបក្សសម រង្ស៊ី និង គណបក្សសិទ្ធិមនុស្ស] ស្នើ [រដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុ] គាត ឈន់ ចូលបំភ្លឺរឿងវិបត្តិសេដ្ឋកិច្ច]
- រណសិរ្សប្រជាធិបតេយ្យនិស្សិតបញ្ញវន្តខ្មែរ ព្យួរការគាំទ្រផ្នែកនយោបាយចំពោះ សម្ដេចក្រុមព្រះ [នរោត្ដម រណឫទ្ធិ ដោយមើលឃើញការដឹកនាំរបស់ព្រះអង្គមិនមានភាពច្បាស់លាស់ ស្ដាប់តែមន្ត្រីដែលនៅក្បែរព្រះអង្គ]
កោះសន្តិភាព ឆ្នាំទី ៤២ លេខ ៦៥៦៣ ថ្ងៃ ពុធ ទី ២៨ ខែ មករា ឆ្នាំ ២០០៩
- បង្ក្រាបប្រមាត់ប្រមង់ [២នាក់] នាំក្មេងប្រុស ១០នាក់ ឆ្លងដែនទៅលក់ឲ្យថៅកែថៃ [ឪពុកម្ដាយរបស់ពួកគេត្រូវបានមេខ្យល់បញ្ចុះបញ្ចូលឲ្យយកកូនទៅធ្វើការនៅប្រទេសថៃព្រោះអាចរកប្រាក់បានច្រើន ហើយពួកគេក៏បានបង់ប្រាក់ឲ្យមេខ្យល់ចំនួន ២៥០.០០០រៀលសម្រាប់នាំកូនរបស់ពួកគេម្នាក់ៗទៅប្រទេសថៃ – ខេត្តកោះកុង]
- តុលាការ [ខេត្តកំពង់ឆ្នាំង] កោះហៅ ៤នាក់ លើកគ្នាមកចំនួន ៧០នាក់ [ដើម្បីការពារតំណាងរបស់ពួកគេដែលត្រូវបានកោះហៅទាក់ទឹននឹងជម្លោះដីធ្លី]
- កសិផលដំឡូងមីខ្មែររាប់សិបតោនត្រូវកកស្ទះ ខណៈអាជ្ញាធរសៀមបិទមិនឲ្យឈ្មួញរបស់ខ្លួនចូលមកទិញ
- ក្រុមហ៊ុន 7NG ជូនដំណឹង [ដល់ប្រជាជននៅតំបន់ដីក្រហម] ប្រញាប់ចុះឈ្មោះទទួលផ្ទះ និង ទទួលយកតូបលក់ដូរ [ហើយរហូតមកទល់ពេលនេះគ្រួសារចំនួន៣១ ក្នុងចំណោមគ្រួសារដែលនៅសេសសល់សរុប៩១បានយល់ព្រមទទួលយកសំណងជាផ្ទះនៅសង្កាត់ចោមចៅ ខណ្ឌ ដង្កោ]
រស្មីកម្ពុជា ឆ្នាំទី ១៧ លេខ ៤៨០៦ ថ្ងៃ ពុធ ទី ២៨ ខែ មករា ឆ្នាំ ២០០៩
- ការរង់ចាំទទួលបានយុត្តិធម៌នៅកម្ពុជា
- ក្មេងស្រី [អាយុ ១៨ឆ្នាំ] ត្រូវគេរំលោភ អំពាវនាវរកយុត្តិធម៌នៅពេលបុរសរំលោភនាងត្រូវតុលាការដោះលែង [ដោយតុលាការខេត្តពោធិ៍សាត់ បន្ទាប់ពីជាប់ឃុំអស់រយៈពេលបីខែ]
- ពិនិត្យចំណុចព្រំដែនខាងជើងប៉ោយប៉ែតគ្រោងបើកច្រកសម្រាប់រទេះអូស
- ក្រុមបាតុករអាវក្រហម [ប្រឆាំងរដ្ឋាភិបាលថៃ] ព្រមានព័ទ្ធវិមានរដ្ឋាភិបាល ថ្ងៃទី ៣១ មករា
- ស្ត្រីសម្រាលបានកូនភ្លោះ ៨នាក់ នៅឡូសអេនជើឡេស
- ជនជាតិអាមេរិកកាន់តែច្រើនចូលធ្វើទាហាន នៅពេលការងារថយចុះ
* សូមអញ្ជើញអានវិចារណកថាសម្រាប់សប្ដាហ៍កន្លងទៅជាភាសាអង់គ្លេស!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
ការទូទាត់សាច់ប្រាក់ក្រៅប្រព័ន្ធធនាគារនៅកម្ពុជាមានរហូតដល់ទៅ ៨០០កោដិដុល្លារ – ថ្ងៃ អង្គារ ទី ២៧ មករា ២០០៩
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១១ លេខ ៥៣៤
ភ្នំពេញ ៖ របាយការណ៍មួយដែលធ្វើឡើងដោយធនាគារអេអិនហ្សិត (ANZ) បានឲ្យដឹងថា ការទូទាត់សាច់ប្រាក់ក្រៅប្រព័ន្ធធនាគារនៅកម្ពុជាមានតម្លៃរហូតដល់ទៅ ៨០០កោដិដុល្លារ ។
របាយការណ៍មួយដែលគេផ្សព្វផ្សាយនៅក្នុងពិធីប្រកាសបើកក្រុមហ៊ុន វិង (Wing) កាលពីដើមសប្ដាហ៍កន្លងទៅនេះ បានឲ្យដឹងថា នៅពេលនេះនៅក្នុងចំណោមប្រជាពលរដ្ឋចំនួនជាង ១៤លាននាក់ ប្រជាពលរដ្ឋដែលប្រើប្រាស់ ឬ មានគណនីនៅតាមធនាគារ មានត្រឹមតែ ៥០០.០០០នាក់តែប៉ុណ្ណោះ ។ នៅក្នុងនោះ របាយការណ៍នេះបានធ្វើការអះអាងថែមទៀតថារហូតមកដល់ពេលនេះវិធីដែលប្រជាពលរដ្ឋកំពុងតែប្រើប្រាស់នៅក្នុងការទូទាត់សាច់ប្រាក់របស់ពួកគាត់ គឺប្រព្រឹត្តទៅនៅក្រៅប្រព័ន្ធធនាគារ ដែលមានតម្លៃរហូតដល់ទៅ ៨០០កោដិដុល្លារ ។
លោក ប៊ុន មុនី ប្រធានក្រុមហ៊ុនស្ថាបនាលីមីធីត បានអះអាងតាមទូរស័ព្ទកាលពីថ្ងៃទី ២៤ ខែ មករា ថា លោកមិនដែលបានធ្វើការសិក្សាផ្នែកនេះទេ ប៉ុន្តែលោកទទួលស្គាល់ថារហូតមកទល់ពេលនេះការទូទាត់សាច់ប្រាក់ក្រៅប្រព័ន្ធធនាគារគឺជាទម្លាប់របស់ប្រជាជនភាគច្រើនទៅហើយ ។
លោកបានបញ្ជាក់ថា “ខ្ញុំមិនហ៊ានអះអាងទៅលើតួលេខនេះទេ ប៉ុន្តែខ្ញុំគិតថាការទូទាត់សាច់ប្រាក់ក្រៅប្រព័ន្ធធនាគារគឺវាក្លាយទៅជាវប្បធម៌នៃការទូទាត់សាច់ប្រាក់របស់ពលរដ្ឋកម្ពុជាភាគច្រើន” ។
លោកបានឲ្យដឹងថា ទម្លាប់ ឬក៏វប្បធម៌នេះគួរតែផ្លាស់ប្ដូរ ហើយគួរតែនាំគ្នាចាប់ផ្ដើមគិតគូរអំពីការទូទាត់តាមប្រព័ន្ធធនាគារ ឬ ផ្លូវការវិញ ពីព្រោះវាអាចមានផលប្រយោជន៍ច្រើនសម្រាប់សេដ្ឋកិច្ចជាតិ ។
លោកបានបញ្ជាក់ថា “បើពលរដ្ឋគ្រប់គ្នាឈប់លាក់លុយនៅក្រោមខ្នើយ យកទៅដាក់នៅធនាគារទាំងអស់គ្នានោះ លុយទាំងអស់នោះនឹងប្រមូលផ្ដុំគ្នានៅកន្លែងមួយ ដូច្នេះវាមានភាពងាយស្រួលសម្រាប់ការបង្វិល និង ចាត់ចែងសកម្មភាពពាណិជ្ជកម្មផ្សេងៗបាន ហើយរដ្ឋយើងក៏មិនចាំបាច់គិតគូរពីរឿងបោះលុយថ្មីទៀតរហូតដែរ” ។
លោកបានឲ្យដឹងទៀតថា ទុកលុយនៅក្រោមខ្នើយវាមិនចំណេញទេ ហើយវាអាចជួបនូវហានិភ័យច្រើន តែបើយកលុយទៅដាក់នៅធនាគារវាអាចមានសុវត្ថិភាព ហើយវាអាចចំណេញការប្រាក់ ហើយធនាគារក៏អាចចាត់ចែងសម្រាប់ផ្ដល់ទុនទៅអ្នកដែលត្រូវការដែរ ៕ កាសែតរស្មីកម្ពុជា ឆ្នាំទី ១៧ លេខ ៤៨០៥ ថ្ងៃទី ២៧ ខែ មករា ឆ្នាំ ២០០៩
កាសែតដែលចេញលក់នៅ
ថ្ងៃ អង្គារ ទី ២៧ ខែ មករា ឆ្នាំ ២០០៩
កម្ពុជាថ្មី ឆ្នាំទី ៨ លេខ ១៨៥៧ ថ្ងៃ អង្គារ ទី ២៧ ខែ មករា ឆ្នាំ ២០០៩
- រថយន្តលុចស៊ីសកូនលោកស្នងការ [ខេត្តកំពង់ឆ្នាំង] បុកមនុស្ស [ជាស្ត្រីមានផ្ទៃពោះ៦ខែ] ស្លាប់ ត្រូវគេអន្តរាគមន៍ដោះលែង [ខេត្តពោធិ៍សាត់]
- ប្រទេសស្វីសផ្ដល់ប្រាក់ ១លានហ្វ្រង់ស្វីស សំរាប់ជួសជុលប្រាសាទបន្ទាយស្រី
- ស្លាប់ ២នាក់ របួសធ្ងន់ម្នាក់ ក្នុងហេតុការណ៍គ្រោះថ្នាក់ចរាចរមុនថ្ងៃចូលឆ្នាំចិន [ខេត្តបន្ទាយមានជ័យ]
- លិចនាវាចម្លងនៅភាគកណ្ដាលប្រទេសវៀតណាម មនុស្ស៤០នាក់ លង់ទឹកស្លាប់ [ព្រោះតែនាវានោះផ្ទុកមនុស្សលើសចំណុះ – អ្នកស្លាប់ភាគច្រើនជាស្ត្រី និង កុមារ]
កោះសន្តិភាព ឆ្នាំទី ៤២ លេខ ៦៥៦២ ថ្ងៃ អង្គារ ទី ២៧ ខែ មករា ឆ្នាំ ២០០៩
- ទាហានឈុតខ្មៅសៀម ជ្រៀតចូលតំបន់ហាមឃាត់ក្បែរប្រាសាទតាមាន់ធំ ជាន់មីនផ្ទុះដាច់ជើង [ខេត្តឧត្ដរមានជ័យ]
- អ្នកភូមិក្រាញននៀលចាំដោះស្រាយនៅមុខសាលាដំបូងអាជ្ញាធរខេត្តសន្យាដោះស្រាយការទាមទារ [ឲ្យដោះលែងអ្នកតំណាងរបស់ពួកគេចំនួន ៣នាក់ ដែលត្រូវបានចាប់ខ្លួនជុំវិញបញ្ហាជម្លោះដីធ្លី] ថ្ងៃ ២៩ មករា
- ភារធារីស្ថានទូតសាធារណរដ្ឋវៀតណាមសង្គមនិយម ចុះសួរសុខទុក្ខអ្នកជំងឺនៅមន្ទីរពេទ្យពហុព្យាបាលបុប្ផាមាស
- ស្ពាន [ពីកំពង់សោម] ឆ្ពោះទៅកាន់កោះពស់ សាងសង់ហើយក្នុងរយៈពេល១៤ខែទៀត
រស្មីកម្ពុជា ឆ្នាំទី ១៧ លេខ ៤៨០៥ ថ្ងៃ អង្គារ ទី ២៧ ខែ មករា ឆ្នាំ ២០០៩
- ការទូទាត់សាច់ប្រាក់ក្រៅប្រព័ន្ធធនាគារនៅកម្ពុជាមានរហូតដល់ទៅ ៨០០កោដិដុល្លារ
- កម្ពុជា និង ថៃ ព្រមព្រៀងគ្នាពន្លឿនការចរចាព្រំដែន, គណៈកម្មាធិការព្រំដែនចម្រុះ នឹងជួបគ្នាពីថ្ងៃទី ២ ដល់ ៤ ខែ កុម្ភៈ, រដ្ឋមន្ត្រីការពារប្រទេសថៃនឹងមកកម្ពុជាថ្ងៃ ៦ ខែ កុម្ភៈ និយាយពីការដកទ័ព
- ក្មេងស្ទាវ៥នាក់ ចាប់រំលោភនារីម្នាក់យ៉ាងព្រៃផ្សៃ [ជនល្មើសទាំង៥ត្រូវបានចាប់ខ្លួន – ស្រុកបារាយណ៍ ខេត្តកំពង់ធំ]
- អតីតអ្នកដីក្រហម “ដែលគ្មានជម្រក” មកតវ៉ានៅរដ្ឋសភាជាតិ
- យប់ថ្ងៃចិនសែននៅក្រុងភ្នំពេញ មានគ្រោះថ្នាក់ចរាចរ ៣៨ករណី, ស្លាប់ ៥នាក់ របួសធ្ងន់ស្រាល់ជាច្រើននាក់
- ពេទ្យសត្វកំពង់ឆ្នាំងត្អូញត្អែរពីការលំបាកក្នុងការត្រួតពិនិត្យជ្រូកនាំចូលពីប្រទេសថៃ [ដោយសារឈ្មួញរកស៊ីជ្រូកមួយចំនួនមិនគោរពតាមគោលការណ៍និងការណែនាំរបស់ក្រសួងកសិកម្ម និងមានមន្ត្រីជំនាញពេទ្យសត្វមួយចំនួនទៀតនៅខាងដើមខ្សែធ្វើការមិនច្បាស់លាស់]
* សូមអញ្ជើញអានវិចារណកថាសម្រាប់សប្ដាហ៍កន្លងទៅជាភាសាអង់គ្លេស!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
ដំណើរការជ្រើសរើសអ្នកផ្ដល់ចម្លើយដោយចៃដន្យនៅក្នុងការស្ទាបស្ទង់មតិ – ថ្ងៃ ចន្ទ ទី ២៦ មករា ២០០៩
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១១ លេខ ៥៣៤
នៅក្នុងខែកញ្ញា ឆ្នាំ ២០០៨ មជ្ឈមណ្ឌលសិទ្ធិមនុស្សរបស់សកលវិទ្យាល័យកាលីហ្វ័រញ៉ា បានដំណើរការស្ទាបស្ទង់មតិមួយដែលមានចំណងជើងថា “ការស្ទាបស្ទង់មតិអំពីអត្តចរិតទាក់ទិននឹងការកសាងសង្គមឡើងវិញ និង អង្គជំនុំជម្រះវិសាមញ្ញក្នុងតុលាការកម្ពុជា” ។ លទ្ធផលនៃការស្ទាបស្ទង់មតិនេះត្រូវបានប្រកាសផ្សាយជាសាធារណៈនៅថ្ងៃទី ២១ ខែ មករា ឆ្នាំ ២០០៩ នៅសណ្ឋាគារសាន់វ៉េ ដែលត្រូវបានរៀបចំឡើងដោយគណៈកម្មការប្រព្រឹត្តកម្មនៃអង្គការ សមាគមការពារសិទ្ធិមនុស្ស (CHRAC) ។ វិធីសាស្ត្រនៃការជ្រើសរើសអ្នកឆ្លើយសំណួរ ត្រូវបានធ្វើឡើងតាមប្រព័ន្ធវិទ្យាសាស្ត្រស្តង់ដារទូទៅដើម្បីស្ទាបស្ទង់មតិប្រជាជន ។ សម្រាប់ការស្ទាបស្ទង់មតិនេះ អ្នកស្រាវជ្រាវបានជ្រើសរើសឃុំចំនួន១២៥ ដោយចៃដន្យពីឃុំទាំងអស់ចំនួន១.៦២១ ទូទាំងប្រទេស ។ ការជ្រើសរើសនេះគឺសមាមាត្រទៅនឹងសម្ពាធប្រជាជននៅតាមឃុំ ។ បន្ទាប់មកអ្នកស្រាវជ្រាវជ្រើសរើសបាន ២៥០ភូមិ ទូទាំងប្រទេស ។ នៅក្នុងឃុំនីមួយៗមានបួនគ្រួសារត្រូវបានជ្រើសដោយចៃដន្យ ហើយនៅក្នុងគ្រួសារនីមួយៗមានសមាជិកម្នាក់ត្រូវបានជ្រើសរើស ។ នៅទីបញ្ចប់អ្នកស្រាវជ្រាវជ្រើសរើសបានអ្នកឆ្លើយសំណួរ ១.០០០នាក់ នៅគ្រប់ទីកន្លែងទាំងអស់នៅក្នុងកម្ពុជា ។ ទិន្នន័យដែលប្រមូលបានត្រូវបានវិភាគដោយប្រើកម្មវិធីកញ្ចប់ស្ថិតិសម្រាប់វិទ្យាសាស្ត្រសង្គម ។
នៅក្នុងការស្ទាបស្ទង់មតិនីមួយៗក្នុងប្រទេសកម្ពុជា បានជួបឧបសគ្គជាច្រើន ។ ឧបសគ្គចម្បងបំផុតដែលខ្ញុំយល់ថាពិបាកដោះស្រាយជាងគេគឺការជ្រើសរើសអ្នកឆ្លើយសំណួរឲ្យបានច្បាស់លាស់ ដើម្បីធ្វើយ៉ាងណាចៀសវាងកុំឲ្យមានភាពលម្អៀង និង ដើម្បីឲ្យបានលទ្ធផលនៃការស្ទាបស្ទង់ដែលឆ្លុះបញ្ចាំងតថភាពជាក់ស្ដែងនៅក្នុងសង្គម ។ នៅក្នុងការស្ទាបស្ទង់មតិរបស់មជ្ឈមណ្ឌលសិទ្ធិមនុស្សខាងលើមានកត្តាជាច្រើនដែលត្រូវដោះស្រាយ ។ កត្តាទីមួយគឺថា ប្រទេសកម្ពុជាជាប្រទេសដែលយកបុរសជាធំ និង មានគម្លាតយ៉ាងធំធេងរវាងក្រុមប្រជាជន ។ យើងសង្កេតឃើញថា មានគម្លាតដ៏ធំរវាងអ្នកមាន និង អ្នកក្រ អ្នកដែលមានការអប់រំខ្ពង់ខ្ពស់ និង អ្នកមិនចេះអក្សរ រវាងប្រជាជនរស់នៅតាមទីក្រុង និង រស់នៅតាមជនបទ (ភាពខុសគ្នារវាងក្រុមទាំងពីរមានលក្ខណៈច្រើន ដូចជាការយល់ដឹងអំពីសង្គម កម្រិតជីវភាព ការអប់រំ សម្ពាធប្រជាជន និង របៀបរបបនៃការរស់នៅ…) ហេតុដូច្នេះវាមានការលំបាកយ៉ាងខ្លាំងក្នុងការសន្និដ្ឋានឲ្យបានច្បាស់លាស់ថាតើអ្នកស្រាវជ្រាវត្រូវកំណត់ថាតើអ្វីជាប្រជាពលរដ្ឋខ្មែរទូទៅ ពីព្រោះប្រទេសកម្ពុជាមានភាពខុសគ្នាជាច្រើនរវាងសហគមន៍ទាំងឡាយ ព្រមទាំងមានជាតិពន្ធច្រើន ។ ការស្ទាបស្ទង់ដែលធ្វើឡើងដោយមជ្ឈមណ្ឌលសិទ្ធិមនុស្សមកពីសកលវិទ្យាល័យកាលីហ្វ័រញ៉ា មានបំណងចង់ស្ទាបស្ទង់មតិរបស់ប្រជាជនកម្ពុជាទាំងអស់ ក៏ប៉ុន្តែការពន្យល់ថាតើប្រជាជនកម្ពុជាទាំងអស់នោះជាអ្វី គឺជាការពិបាក ។ ទោះជាយ៉ាងនេះក៏ដោយ វិធីសាស្ត្រក្នុងការជ្រើសរើសអ្នកឆ្លើយសំណួររបស់មជ្ឈមណ្ឌលសិទ្ធិមនុស្សត្រូវបានធ្វើឡើងយ៉ាងម៉ត់ចត់ ដោយមានការរៀនសូត្រពីការស្ទាបស្ទង់មុនៗរបស់វិទ្យាស្ថានប្រជាធិបតេយ្យខ្មែរ វិទ្យាស្ថានសាធារណរដ្ឋអន្តរជាតិ និង មជ្ឈមណ្ឌលឯកសារកម្ពុជា រួមបញ្ចូលទាំងការប្រើប្រាស់វិធីសាស្ត្រស្រាវជ្រាវបែបវិទ្យាសាស្ត្រ ។ ទោះជាយ៉ាងនេះក៏ដោយ ខ្ញុំយល់ថា យើងត្រូវស្ទាបស្ទង់មតិរបស់ក្រុមនីមួយៗឲ្យដាច់ដោយឡែកពីគ្នា ជាជាងស្ទាបស្ទង់មតិប្រជាជនរបស់ប្រទេសកម្ពុជាទាំងមូល ។ ការធ្វើបែបនេះអនុញ្ញាតឲ្យយើងដឹងឲ្យបានច្បាស់ថាតើក្រុមប្រជាជននីមួយៗមានការយល់ដឹងអំពីរបបខ្មែរក្រហម និង តុលាការខ្មែរក្រហមកម្រិតណា ។ នៅពេលដែលយើងទទួលបានព័ត៌មាន យើងនឹងមានការងាយស្រួលក្នុងការបង្កើតកម្មវិធីចុះតាមភូមិ ដើម្បីធ្វើការអប់រំបន្ថែមទៅលើប្រជាជនទាំងនោះ ។
ចំណុចទីពីរគឺទាក់ទងទៅនឹងសម្ពាធប្រជាជននៅក្នុងខេត្តនីមួយៗ ។ ប្រសិនបើយើងធ្វើការស្ទាបស្ទង់មតិតាមរយៈការជ្រើសរើសភូមិ ឃុំ ដោយកត្តាចៃដន្យ និង មិនបានគិតអំពីដង់ស៊ីតេប្រជាជន យើងនឹងមានភាពលម្អៀងទៅលើខេត្តដែលមានប្រជាជនតិច ។ ហេតុនេះនៅក្នុងការស្ទាបស្ទង់ខាងលើរបស់មជ្ឈមណ្ឌលសិទ្ធិមនុស្ស ក៏បានបញ្ចូលការជ្រើសរើសភូមិឃុំដែលមានលក្ខណៈសមាមាត្រទៅនឹងដង់ស៊ីតេប្រជាជននៅតាមខេត្ត ។ នេះជាកត្តាសំខាន់ដែលគួរឲ្យកត់សម្គាល់របស់ការស្ទាបស្ទង់ខាងលើ ។
ចំណុចទីបី ការស្ទាបស្ទង់មួយត្រូវពិចារណាអំពីទ្រឹស្ដីនៃរង្វង់ប្រជាជនដែលចែងថា កាលណាប្រជាជនរស់នៅកាន់តែឆ្ងាយពីទីប្រជុំជន ចំណេះដឹងរបស់គាត់ទាក់ទងនឹងស្ថានភាពសង្គមកាន់តែធ្លាក់ចុះ ។ នៅក្នុងទ្រឹស្ដីគេបែងចែកសម្ពាធប្រជាពលរដ្ឋជាបីផ្នែកធំៗ គឺផ្នែកស្នូល ផ្នែកកណ្ដាល និង ផ្នែកខាងក្រៅ ។ ជាទូទៅប្រជាជនដែលរស់នៅក្នុងផ្នែកស្នូលជាក្រុមដែលទទួលបានការអប់រំខ្ពស់ មានជីវភាពធូរធារ យល់ដឹងពីកត្តាសង្គមច្រើន និង ជះឥទ្ធិពលទៅលើក្រុមប្រជាជនដែលរស់នៅផ្នែកកណ្ដាល និង ផ្នែកខាងក្រៅ ។ មានមូលហេតុជាច្រើនដែលធ្វើឲ្យមានលទ្ធផលបែបនេះ ។ មូលហេតុទីមួយគឺផ្នែកហេដ្ឋារចនាសម្ព័ន្ធ ដែលជាទូទៅប្រជាជននៅផ្នែកខាងក្រៅពិបាកនឹងធ្វើទំនាក់ទំនងជាមួយផ្នែកស្នូល ដោយសារមូលហេតុជាច្រើន ដូចជាការខូចខាតផ្លូវ និង ខ្វះមធ្យោបាយធ្វើដំណើរ ។ មូលហេតុទីពីរគឺផ្នែកទូរគមនាគមន៍ដែលជះឥទ្ធិពលទៅលើការគិតគូររបស់ប្រជាជនដែលរស់នៅក្នុងផ្នែកខាងក្រៅ ដូចជាមិនមានទូរទស្សន៍ កាសែត និង វិទ្យុ ។ ក៏ប៉ុន្តែនៅពេលបច្ចុប្បន្នសេដ្ឋកិច្ចកម្ពុជាកំពុងរីកចម្រើន ប្រជាជនផ្នែកស្នូល ផ្នែកកណ្ដាល និង ផ្នែកក្រៅ កាន់តែខិតចូលជិតគ្នាបន្តិចម្ដងៗដែលបង្រួមគម្លាតនៃការគិតគូររបស់ប្រជាជនទាំងបីផ្នែក ។
ចំណុចទី៤ ទាក់ទងនឹងការជ្រើសរើសអ្នកឆ្លើយសំណួរយ៉ាងណាដើម្បីឲ្យក្រុមមនុស្សដែលគេជ្រើសរើសឆ្លុះបញ្ចាំងពីប្រជាជនកម្ពុជាជាក់ស្ដែង ។ នៅក្នុងការស្ទាបស្ទង់មតិរបស់មជ្ឈមណ្ឌលសិទ្ធិមនុស្សនៃសកលវិទ្យាល័យកាលីហ្វ័រញ៉ា អ្នកផ្ដល់ចម្លើយមានអាយុមធ្យម ៣៩,៨ឆ្នាំ ។ ហើយចំនួនបុរស និង ស្ត្រីស្មើគ្នា ។ អ្នកផ្ដល់ចម្លើយចំនួន ៦៩ភាគរយ បានរស់នៅក្រោមរបបខ្មែរក្រហម ចំណែកឯអ្នកផ្ដល់ចម្លើយ ៣១ភាគរយទៀត បាននិយាយថា ពួកគាត់បានកើតក្រោយរបបខ្មែរក្រហម ។ ក៏ប៉ុន្តែតាមរយៈស្ថិតិរបស់វិទ្យាស្ថានជាតិផ្នែកស្ថិតិ បានបង្ហាញថា ប្រជាជនខ្មែរចំនួន ៦៨ភាគរយ គឺមានអាយុ ២៩ឆ្នាំ ឬ ក្មេងជាង ។ ហេតុនេះប្រជាជនចំនួន ៣២ភាគរយទៀតនៅក្នុងប្រទេសកម្ពុជា គឺជាអ្នកដែលបានឆ្លងកាត់របបខ្មែរក្រហម ។ ភាពផ្ទុយគ្នារវាងស្ថិតិខាងលើអាចលម្អៀងទៅលើអ្នកដែលបានឆ្លងកាត់សម័យខ្មែរក្រហម ។ ភាពលម្អៀងនេះអាចជះឥទ្ធិពលយ៉ាងច្រើនទៅលើការឆ្លើយសំណួរផ្សេងៗ ពិសេសទាក់ទងទៅនឹងភាពជាជនរងគ្រោះ ការយល់ដឹងអំពីរបបខ្មែរក្រហម ការដឹងឮ និង យល់ដឹងអំពីតុលាការខ្មែរក្រហម ការផ្សះផ្សា និង ការតបស្នង ។
ចំណុចទីប្រាំ មជ្ឈមណ្ឌលសិទ្ធិមនុស្សនៅសកលវិទ្យាល័យកាលីហ្វ័រញ៉ា បានទទួលស្គាល់ថា ភាពខ្វះខាតមួយនៃការស្ទាបស្ទង់មតិនេះ គឺការមិនបានជួបអ្នកផ្ដល់ចម្លើយដែលត្រូវបានជ្រើសរើសដោយចៃដន្យ ។ នៅក្នុងរបាយការណ៍នៃការស្ទាបស្ទង់បានបង្ហាញថា គ្រួសារចំនួន១៤៧ ត្រូវបានលុបចោល ដោយជ្រើសរើសគ្រួសារផ្សេងទៀត ព្រោះមិនមានមនុស្សនៅផ្ទះ (៧៦ភាគរយ) បដិសេធមិនព្រមផ្ដល់ចម្លើយ (៥ភាគរយ) និង ផ្សេងៗទៀត (១៩ភាគរយ) ។ លើសពីនេះអ្នកឆ្លើយសំណួរចំនួន២៩៧នាក់ ដែលបានជ្រើសរើសហើយ ត្រូវបានលុបចោលដែរ ដោយសារមិនមានមនុស្សនៅផ្ទះពេលដែលអ្នកស្រាវជ្រាវទៅរក (៨៥ភាគរយ) ។ ការលុបចោលទាំងនេះជះឥទ្ធិពលយ៉ាងខ្លាំងទៅលើការជ្រើសរើសដោយចៃដន្យ ។ មូលហេតុមួយគឺថា អ្នកដែលនៅផ្ទះ និង អ្នកដែលមិនបាននៅផ្ទះ អាចបង្ហាញអំពីចំណាប់អារម្មណ៍របស់អ្នកនោះ ឋានៈសង្គម និង ចំណេះដឹង ។ អ្នកដែលចេញទៅបំពេញការងារខាងក្រៅអាចជាសមាជិកគ្រួសារដែលមានកម្លាំងមាំមួន និង មានចំណេះដឹងច្រើនជាងសមាជិកគ្រួសារដែលនៅក្នុងផ្ទះ ។ ហេតុនេះ អ្នកស្រាវជ្រាវអាចទទួលព័ត៌មានថា ប្រជាជនខ្មែរមិនសូវចាប់អារម្មណ៍រឿងតុលាការនេះ ។
ចំណុចទាំងឡាយខាងលើជាកត្តាសំខាន់ៗដែលមជ្ឈមណ្ឌលសិទ្ធិមនុស្សនៅសកលវិទ្យាល័យកាលីហ្វ័រញ៉ាបានរៀនសូត្រ និង ជាអ្វីដែលអង្គភាពផ្សេងៗដែលមានបំណងស្ទាបស្ទង់មតិគួរពិចារណា ។ លើសពីនេះមានឧបសគ្គផ្សេងៗទៀត ដូចជាការបកប្រែសំណួរជាភាសាអង់គ្លេសទៅជាភាសាខ្មែរ និង ការយល់ដឹងខុសគ្នារវាងអ្នកស្រាវជ្រាវ និង អ្នកផ្ដល់ចម្លើយទាក់ទងទៅនឹងគំនិតសំខាន់ៗ ដូចជាការផ្សះផ្សា ការចងចាំ អ្វីជាជនរងគ្រោះ អ្វីជាជនដៃដល់ អ្វីជាការយល់ដឹងអំពីតុលាការខ្មែរក្រហម និង របបខ្មែរក្រហម ។ ចំណុចចុងក្រោយ អ្នកស្រាវជ្រាវទាំងឡាយក៏គួរតែយល់ដឹងថាមតិរបស់ប្រជាជនគឺទទួលឥទ្ធិពលពីព្រឹត្តិការណ៍ផ្សេងៗនៅតាមភូមិ និង មកពីខាងក្រៅដែលកំពុងតែកើតឡើង ។ នេះជាមូលហេតុមួយដែលធ្វើឲ្យមានគម្លាតរវាងលទ្ធផលនៃការស្ទាបស្ទង់នៅពេលមុន និង ក្រោយ ៕ កាសែតរស្មីកម្ពុជា ឆ្នាំទី ១៧ លេខ ៤៨០៤ ថ្ងៃទី ២៥ – ២៦ ខែ មករា ឆ្នាំ ២០០៩
កាសែតដែលចេញលក់នៅ
ថ្ងៃ ចន្ទ ទី ២៦ ខែ មករា ឆ្នាំ ២០០៩
អំណាចរាស្ត្រ ឆ្នាំទី ២ លេខ ៣៨ ថ្ងៃ ចន្ទ ទី ២៦ ខែ មករា – ថ្ងៃ អាទិត្យ ទី ១ ខែ កុម្ភៈ ឆ្នាំ ២០០៩
- មន្ត្រីយោធាក្រសួងការពារជាតិដែលចូលនិវត្តន៍ ទាមទារឲ្យរដ្ឋាភិបាលជំរុញប្រាក់បៀវត្សរ៍ [មន្ត្រីយោធាជាង៦.០០០នាក់ បានចូលនិវត្តន៍តាំងពីថ្ងៃទី ២០ ខែ មេសា ឆ្នាំ ២០០៨ ប៉ុន្តែរហូតមកដល់ពេលនេះ ពួកគេនៅមិនទាន់បានទទួលប្រាក់បៀវត្សរ៍នៅឡើយ]
កម្ពុជាថ្មី ឆ្នាំទី ៨ លេខ ១៨៥៦ ថ្ងៃ អាទិត្យ – ចន្ទ ទី ២៥ – ២៦ ខែ មករា ឆ្នាំ ២០០៩
- កែ គឹមយ៉ាន ស្រក់ទឹកភ្នែកនៅក្នុងពិធីផ្ទេរតំណែង [ក្នុងពេលដែលគាត់ឡើងថ្លែងនៅពេលបញ្ចប់តំណែង ហើយលោកបាននិយាយថា លោកបានស្នើសុំ នាយករដ្ឋមន្ត្រី ហ៊ុន សែន ដើម្បីឈប់ពីអគ្គមេបញ្ជាការកងយុទ្ធពលខេមរៈភូមិន្ទតាំងពី៦ខែមុនមកម្ល៉េះ ដោយសារតែលោកមានសុខភាពមិនសូវល្អមិនអាចស៊ូទ្រាំនឹងការងារនេះតទៅទៀតបាន]
- កម្មកររោងចក្រ [កាត់ដេរ] អិលអេជិត២ពាន់នាក់ ធ្វើកូដកម្មដោយសារថៅកែអត់បើកប្រាក់ខែឲ្យ២ខែ [ភ្នំពេញ]
- លឹម ម៉ារ៉ាជិត ជនជាតិខ្មែរនៅអាមេរិក រកឃើញថ្នាំសម្លាប់ដើម “បន្លាយួន” [រឺក៏ហៅថាអូសយ៉ាស] មុនគេ មកដល់ស្រុកខ្មែរហើយ
ខ្មែរស្ថាបនា ឆ្នាំទី ២ លេខ ១៩១ ថ្ងៃ អាទិត្យ ទី ២៥ ខែ មករា ឆ្នាំ ២០០៩
- ក្រុមសិទ្ធិមនុស្សថ្កោលទោសអាជ្ញាធរប្រើកម្លាំងប្រដាប់អាវុធគ្រឿងចក្របំផ្លាញបណ្ដេញប្រជាជនពីដីក្រហម
- វិស័យទាំង៣របស់កម្ពុជា មិនអាចគេចផុតពីការគំរាមកំហែងដោយវិបត្តិសេដ្ឋកិច្ចបានឡើយ [ដោយក្នុងនោះ គម្រោងសាងសង់ធំៗជាង ៣០% ដែលវិនិយោគនៅក្រោមទឹកប្រាក់រាប់លានដុល្លារ ត្រូវបានផ្អាក និង លុបចោល ការនាំចេញនូវវិស័យកាត់ដេរបានធ្លាក់ចុះ ២% និង ចំនួនអ្នកទេសចរមកពីអាមេរិក និង អឺរ៉ុបខាងលិច បានធ្លាក់ចុះ ៣៩%]
- កម្ពុជាចាប់យកប្រទេសរុស្ស៊ី និង គុយវ៉ែត ជាទិសដៅទេសចរណ៍ថ្មី
- ផ្សារធំថ្មីសម្ពោធបើកការដ្ឋានជួសជុលជាផ្លូវការ [ភ្នំពេញ]
- លោក អូបាម៉ា បញ្ជាឲ្យបិទគុកហ្គាន់តាណាម៉ូ [ក្នុងប្រទេសគុយបា] ជាស្ថាពរ
កោះសន្តិភាព ឆ្នាំទី ៤២ លេខ ៦៥៦១ ថ្ងៃ ចន្ទ ទី ២៦ ខែ មករា ឆ្នាំ ២០០៩
- ដោះស្រាយព្រំដែនជាប់គាំង ៖ រដ្ឋមន្ត្រីការបរទេស កម្ពុជា-ថៃ ធ្វើការជួបពិភាក្សាគ្នាជាផ្លូវការថ្ងៃនេះ
- សិក្ខាកាមចំនួន១៨នាក់ ទទួលវិញ្ញាបនបត្រអ្នកនាំពាក្យក្នុងវគ្គលើកទី១
- បណ្ដាស្រុកទីរួមខេត្តប្ដូរឈ្មោះជាក្រុង និង ក្រុងធំ៣ ត្រូវប្ដូរឈ្មោះជាខេត្ត [បង្កើតក្រុងស្មើស្រុកចំនួន៣ គឺរួមមាន ក្រុងប៉ោយប៉ែតនៃខេត្តបន្ទាយមានជ័យ ក្រុងសួងនៃខេត្តកំពង់ចាម និង ក្រុងបាវិតនៃខេត្តស្វាយរៀង និង ក្រុងធំៗចំនួន៣ដែលបានប្ដូរទៅជាខេត្ត រួមមាន ខេត្តកែប ខេត្តព្រះសីហនុ និង ខេត្តប៉ៃលិន ]
- [នាយករដ្ឋមន្ត្រីបណ្ដេញចេញ] លោក ថាក់ស៊ីន ប្រកាសថាប្ដេជ្ញាបន្តការតស៊ូនយោបាយនៅថៃតទៅទៀត មិនឈប់ឡើយ [លោកបានថ្លែងតាមទូរទស្សន៍ខ្សែកាបមួយដែលប្រឆាំងរដ្ឋាភិបាល]
រស្មីកម្ពុជា ឆ្នាំទី ១៧ លេខ ៤៨០៤ ថ្ងៃ អាទិត្យ – ចន្ទ ទី ២៥ – ២៦ ខែ មករា ឆ្នាំ ២០០៩
- ដំណើរការជ្រើសរើសអ្នកផ្ដល់ចម្លើយដោយចៃដន្យនៅក្នុងការស្ទាបស្ទង់មតិ
- និស្សិតកម្ពុជា២នាក់ ឈ្នះការប្រកួតជំនាញច្បាប់ និង ទៅប្រកួតអន្តរជាតិនៅអាមេរិក
* សូមអញ្ជើញអានវិចារណកថាសម្រាប់សប្ដាហ៍កន្លងទៅជាភាសាអង់គ្លេស!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
ក្រុងសិទ្ធិមនុស្សថ្កោលទោសអាជ្ញាធរប្រើកម្លាំងប្រដាប់អាវុធ គ្រឿងចក្រ បំផ្លាញបណ្ដេញប្រជាជនដីក្រហម ៖ ថ្ងៃអាទិត្យ ទី ២៥ ខែ មករា ឆ្នាំ ២០០៩
អាជ្ញាធរក្រុងភ្នំពេញ និង ក្រុមហ៊ុន 7NG បានប្រើប្រាស់កម្លាំងប្រដាប់អាវុធចម្រុះ មានកងរាជអាវុធហត្ថ នគរបាល និង ក្រុមកម្មករស៊ីឈ្នួលរាប់រយនាក់ រួមទាំងគ្រឿងចក្រ បានប្រើអំពើហិង្សារំលោភសិទ្ធិមនុស្ស បណ្ដេញក្រុមប្រជាពលរដ្ឋជិត១០០គ្រួសារ នៅតំបន់ដីក្រហម កាលពីព្រឹកព្រលឹមថ្ងៃទី ២៤ ខែ មករា ឆ្នាំ ២០០៩ ដោយយកលេសអនុវត្តតាមសាលក្រមស្ថាពររបស់តុលាការ ដើម្បីយកដីប្រគល់ឲ្យក្រុមហ៊ុន 7NG តែក្រុមមន្ត្រីអង្គការសិទ្ធិមនុស្សបានថ្កោលទោសរាល់អំពើហិង្សារបស់អាជ្ញាធរ និង ក្រុមហ៊ុននេះ ថាជាការរំលោភសិទ្ធិមនុស្ស និង រំលោភសិទ្ធិតាំងលំនៅឋានរបស់ប្រជាពលរដ្ឋដែលត្រូវបានបណ្ដេញចេញ ពុំបានទទួលសំណងសមរម្យពីសំណាក់ក្រុមហ៊ុនឡើយ ។
ប្រជាពលរដ្ឋចំនួន ៩១គ្រួសារ ដែលមានលំនៅឋានធំៗនោះ គឺពួកគាត់ទាមទារតម្លៃដីលំនៅឋានរបស់ពួកគាត់គឺ ១ម៉ែត្រការ៉េតម្លៃ ៥.០០០ដុល្លារ ប៉ុន្តែក្រុមហ៊ុន 7NG ពុំបានចរចាទិញដីលំនៅឋានរបស់ប្រជាពលរដ្ឋទាំងនោះឡើយ គឺបែរជាប្រើប្រាស់សាលក្រមស្ថាពររបស់តុលាការស្ថាពរក្នុងបណ្ដេញដោយបង្ខំឲ្យប្រជាពលរដ្ឋចាកចេញពីតំបន់ដីក្រហមទាំងព្រឹកព្រលឹម ថ្ងៃទី ២៤ ខែ មករា ឆ្នាំ ២០០៩ ដោយមានការដាក់ពង្រាយកម្លាំងប្រដាប់អាវុធ និង ក្រុមកម្មករស៊ីឈ្នួល តាំងតែពីម៉ោង៣ទៀបភ្លឺ ថ្ងៃទី ២៤ ខែ មករា ឆ្នាំ ២០០៩ ហើយការបណ្ដេញ អនុវត្តនៅម៉ោង៦ព្រឹក ថ្ងៃទី ២៤ ខែ មករា ឆ្នាំ ២០០៩ ដើម្បីកុំឲ្យមានការរិះគន់ថាអាជ្ញាធររំលោភច្បាប់ ។
លោក ចាន់ សាវេត មន្ត្រីស៊ើបអង្កេតជាន់ខ្ពស់នៃអង្គការសិទ្ធិមនុស្សអាដហុក បានមានប្រសាសន៍ថា កម្លាំងប្រដាប់អាវុធប្រមាណ ៣០០នាក់ និង កម្មករស៊ីឈ្នួលប្រមាណ ២០០នាក់ បានប្រើអំពើហិង្សាបំផ្លាញលំនៅឋានរបស់ប្រជាពលរដ្ឋចំនួន ៩១គ្រួសារ នៅតំបន់ដីក្រហម ក្រោមលេសអនុវត្តសាលក្រមតុលាការដែលចូលជាស្ថាពរ ។
លោក ចាន់ សាវេត បានឲ្យដឹងបន្តទៀតថា កម្លាំងប្រដាប់អាវុធចម្រុះបានប្រើគ្រាប់បែកផ្សែងបាញ់ទៅលើប្រជាពលរដ្ឋ កាលពីវេលាម៉ោង ៦ព្រឹក ថ្ងៃទី ២៤ ខែ មករា ឆ្នាំ ២០០៩ ហើយបន្ទាប់ពីគ្រឿងចក្រអាប៊ុល និង កម្មករស៊ីឈ្នួលសំរុកចូលទៅវាយកម្ទេចផ្ទះប្រជាពលរដ្ឋទាំងនោះ ។
លោក ចាន់ សាវេត បានឲ្យដឹងបន្តទៀតថា លោក ម៉ាន់ ឈឿន អភិបាលរងក្រុងភ្នំពេញ បានចេញមុខអះអាងជាសាធារណៈ ថាសាលាក្រុងភ្នំពេញពុំបានធ្វើឲ្យមានការខុសឆ្គងទេ គឺអនុវត្តទៅតាមដីកាសាលក្រមស្ថាពររបស់តុលាការតែប៉ុណ្ណោះ ។
លោក ចាន់ សាវេត បានឲ្យដឹងទៀតថា លោក ម៉ាន់ ឈឿន អភិបាលក្រុងភ្នំពេញ បានឲ្យដឹងថា ប្រជាពលរដ្ឋទាំងនេះនឹងត្រូវឲ្យទៅនៅផ្ទះនៅបុរីសន្តិភាពII ទ្រនំជ្រឹង សង្កាត់ចោមចៅ ខណ្ឌដង្កោ ចម្ងាយជិត២០គីឡូម៉ែត្រ ពីក្រុងភ្នំពេញ ។ លោក ចាន់ សាវេត បានឲ្យដឹងបន្តទៀតថា ក្រុមហ៊ុន 7NG បានសាងសង់ផ្ទះ ១.៤៦៥ល្វែង ដើម្បីទុកបម្រុងឲ្យប្រជាពលរដ្ឋដីក្រហម ហើយកន្លងមកមានប្រជាពលរដ្ឋចំនួន ១.៣៧១គ្រួសារ បានយល់ព្រមទទួលផ្ទះល្វែងពីក្រុមហ៊ុន 7NG គឺនៅសល់ប្រជាពលរដ្ឋប្រមាណជាង ៩០គ្រួសារប៉ុណ្ណោះ ដែលទាមទារឲ្យក្រុមហ៊ុនទិញដីលំនៅឋានរបស់ពួកគាត់តាមតម្លៃទីផ្សារ គឺមួយម៉ែត្រការ៉េតម្លៃ ៥.០០០ដុល្លារ ប៉ុន្តែក្រុមហ៊ុននេះបានផ្ដល់សំណងឲ្យប្រជាពលរដ្ឋមិនបានមួយភាគរយឡើយ បែរជាប្រើតុលាការ និង កម្លាំងប្រដាប់អាវុធ កម្មករស៊ីឈ្នួល មកបណ្ដេញក្រុមប្រជាពលរដ្ឋចេញពីលំនៅឋាន ។
លោក អំ សំអាត មន្ត្រីស៊ើបអង្កេតជាន់ខ្ពស់នៃអង្គការសិទ្ធិមនុស្សលីកាដូ បានមានប្រសាសន៍ឲ្យដឹងថា ក្នុងការប្រើអំពើហិង្សារបស់កម្លាំងប្រដាប់អាវុធមកលើប្រជាពលរដ្ឋ ៩១គ្រួសារ និង ប្រជាពលរដ្ឋដែលគ្មានលេខផ្ទះចំនួន ១៥២គ្រួសារ ត្រូវបណ្ដេញចេញដោយពុំមានសំណងសមរម្យឡើយ ។
លោក អំ សំអាត បានឲ្យដឹងទៀតថា ការប្រើអំពើហិង្សារបស់កម្លាំងអាជ្ញាធរប្រដាប់អាវុធ និង ពួកកម្មករស៊ីឈ្នួលមកលើប្រជាពលរដ្ឋតំបន់ដីក្រហម (២៤ – មករា – ២០០៩) នោះ គឺបណ្ដាលឲ្យប្រជាពលរដ្ឋ ៥នាក់ របួសធ្ងន់ និង ជាង ២០នាក់ផ្សេងទៀត ត្រូវស្ថិតក្នុងស្ថានភាពពុលផ្សែងពុល ដែលអាជ្ញាធរបាញ់ដាក់ប្រជាពលរដ្ឋដីក្រហម ។
លោកបានបន្តទៀតថា ជាការរំលោភសិទ្ធិរបស់ប្រជាពលរដ្ឋ និង សិទ្ធិតាំងលំនៅឋានដោយពុំបានបង្ហាញដីកាសាលក្រមស្ថាពររបស់តុលាការឲ្យប្រជាពលរដ្ឋបានឃើញទេ គឺប្រើអំពើហិង្សាបណ្ដេញចេញតែម្ដង ។
លោក យ៉េង វីរៈ ប្រធានមជ្ឈមណ្ឌលអប់រំច្បាប់សម្រាប់សហគមន៍ បានមានប្រសាសន៍ថា ជាការពិតទៅ មិនគួរឈានដល់ដំណាក់កាលហ្នឹងទេ ពីព្រោះការចរចាបានជោគជ័យច្រើន ។ ប្រជាពលរដ្ឋដែលនៅចុងក្រោយនេះ ក៏គាត់មានសុឆន្ទៈក្នុងការដោះស្រាយបញ្ហានេះដែរ ដោយមិនចង់ឲ្យរ៉ាំរ៉ៃបន្តទៅទៀត ហើយប្រជាពលរដ្ឋមានសិទ្ធិស្របច្បាប់ ។ សម្ដេចនាយករដ្ឋមន្ត្រី ហ៊ុន សែន ក៏បានផ្ដល់ដីហ្នឹងទៅឲ្យគាត់ជាសម្បទានសង្គមកិច្ច ហើយការដោះស្រាយត្រូវតែមានការយល់ព្រមពីប្រជាពលរដ្ឋ ។
ជុំវិញបញ្ហានេះ មិនអាចសុំការអត្ថាធិប្បាយពីខាងក្រុមហ៊ុនបានទេ ៕ កាសែតខ្មែរស្ថាបនា ឆ្នាំទី ២ លេខ ១៩១ ថ្ងៃទី ២៥ ខែ មករា ឆ្នាំ ២០០៩
Read Full Post | Make a Comment ( 1 so far )របាយការណ៍បានបង្ហាញថា យុវជនកម្ពុជានៅតែលំបាករកការងារធ្វើ – ថ្ងៃ សៅរ៍ ទី ២៤ មករា ២០០៩
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១១ លេខ ៥៣៣
រាជធានីភ្នំពេញ ៖ របាយការណ៍ថ្មីមួយបានបង្ហាញឲ្យឃើញថា យុវជនកម្ពុជាប្រឈមនឹងការលំបាកជាច្រើនក្នុងការស្វែងរកការងារធ្វើ ហើយនិយោជកក៏មានការលំបាកដូចគ្នាដែរក្នុងការជ្រើសរើសបុគ្គលិកយុវជនដែលមានជំនាញត្រឹមត្រូវ ។ នាថ្ងៃទី ២២ មករា ២០០៩ នៅមជ្ឈមណ្ឌលសហប្រតិបត្តិការ កម្ពុជា-ជប៉ុន (CJCC) សហព័ន្ធនិយោជក និង សមាគមពាណិជ្ជកម្មកម្ពុជា(
the Cambodian Federation of Employers & Business Associations – CAMFEBA) ដែលទទួលស្គាល់ដោយរាជរដ្ឋាភិបាលកម្ពុជា និង អង្គការអន្តរជាតិជាច្រើនទៀត ថាជាអង្គការតំណាងនិយោជកក្នុងព្រះរាជាណាចក្រ ជាពិសេសលើបញ្ហាការងារបានសហការជាមួយក្រសួងការងារ និង បណ្ដុះបណ្ដាលវិជ្ជាជីវៈ បានរៀបចំសិក្ខាសាលាជាតិសំរាប់យុវជន លើប្រធានបទ “យុវជន និង ការងារ” ដើម្បីផ្សព្វផ្សាយដល់យុវជននូវរបាយការណ៍ស្រាវជ្រាវដ៏មានសារសំខាន់មួយស្ដីអំពីការងារយុវជននៅកម្ពុជា ។
ពិធីនេះត្រូវបានរៀបចំឡើងក្រោមអធិបតីភាព លោក ពេជ សោភ័ន រដ្ឋលេខាធិការក្រសួងការងារ និង បណ្ដុះបណ្ដាលវិជ្ជាជីវៈ ។ ពិធីនេះក៏មានការចូលរួមពីសំណាក់យុវជនប្រមាណ៤០០នាក់ ដែលជានិស្សិតមកពីបណ្ដាសាកលវិទ្យាល័យ និង សមាគមយុវជននានា ។
របាយការណ៍ដែលទទួលបានការឧបត្ថម្ភដោយអង្គការពលកម្មអន្តរជាតិនេះ បានបង្ហាញអំពីជំហានដំបូងប្រកបដោយភាពចាំបាច់ក្នុងការលើកកំពស់ការយល់ដឹង និង កិច្ចសន្ទនាសង្គម អំពីបញ្ហាដ៏មានសារសំខាន់បំផុតចំពោះអនាគតរបស់កម្ពុជា ដែលនោះគឺភាពមិនស៊ីគ្នារវាងការផ្គត់ផ្គង់ និង តំរូវការក្នុងទីផ្សារការងារ ។
CAMFEBA បានជួលក្រុមហ៊ុនប្រឹក្សាយោបល់ BDLINK ឲ្យអនុវត្តការស្ទង់មតិដ៏ធំមិនធ្លាប់មានជាមួយយុវជន និង និយោជក ស្ដីពីការលំបាក និង សេចក្ដីរំពឹងទុករបស់ពួកគេ ពាក់ព័ន្ធនឹងជំនាញ និង ការងារយុវជន ។ ការសិក្សានេះជាផ្នែកមួយរបស់គំរោងការងារសំរាប់យុវជន និង កិច្ចសន្ទនាសង្គមរបស់សហព័ន្ធនិយោជក និង សមាគមពាណិជ្ជកម្មកម្ពុជាដែលកំពុងតែមានដំណើរការ ។ គំរោងនេះជាការផ្ដួចផ្ដើមរួមគ្នារវាង CAMFEBA និង ការិយាល័យការងារនិយោជករបស់អង្គការពលកម្មអន្តរជាតិ ក្នុងទីក្រុងហ្សឺណែវ នៅក្រោមគំរោងកម្មវិធីសន្ទនាសង្គម ដែលទទួលបានមូលនិធិពីរដ្ឋាភិបាលន័រវេសន៍ ។ ដោយបានចាប់ផ្ដើមអនុវត្តក្នុងខែ មិថុនា ឆ្នាំ ២០០៧ គំរោងនេះមានគោលបំណងបង្កើតការងារសមរម្យ និង លើកកំពស់ឱកាសរកប្រាក់ចំណូលសំរាប់យុវវ័យ តាមរយៈការបន្ស៊ីគ្នារវាងការផ្គត់ផ្គង់ និង តំរូវការ ការជំនាញក្នុងទីផ្សារការងារ និង ការបង្កើតទំនាក់ទំនងរវាងភ្នាក់ងារពាក់ព័ន្ធ ដើម្បីបង្ហាញអំពីគោលនយោបាយ និង ការអភិវឌ្ឍន៍ដល់យុវជន ។ សំខាន់ជាងនេះទៅទៀត គំរោងនេះផ្ដោតលើការបង្កើត និង សម្របសម្រួលកិច្ចសន្ទនាសង្គមក្នុងចំណោមសហជីព រាជរដ្ឋាភិបាល និង និយោជក ដោយដោះស្រាយនូវផលលំបាក និង ក្ដីបារម្ភ ដែលភ្នាក់ងារត្រីភាគីទាំងនេះមានចំណាប់អារម្មណ៍ដូចគ្នាក្នុងការដោះស្រាយ ។
យុវជនប្រហែល ២.២០០នាក់ និង និយោជក ២២០នាក់ ក្នុងខេត្ត-ក្រុងចំនួន៥ រួមមាន ទីក្រុងភ្នំពេញ ខេត្តសៀមរាប ខេត្តព្រះសីហនុ ខេត្តកំពង់ចាម និង ខេត្តស្វាយរៀង ត្រូវបានស្ទង់មតិ ។ ពួកគេត្រូវបានសាកសួរអំពីទស្សនៈរបស់ពួកគេលើបញ្ហាមួយចំនួន ដូចជា ឱកាសទទួលបានការអប់រំ និង បណ្ដុះបណ្ដាលគុណភាពនៃការអប់រំ និង បណ្ដុះបណ្ដាលតំរូវការលើការងារ បទពិសោធន៍ស្វែងរកការងារធ្វើ និង ប្រភេទនៃជំនាញដែលគេត្រូវការក្នុងទីផ្សារការងារ ។
យុវជនត្រូវប្រឈមនឹងការសំរេចចិត្តដ៏លំបាកលើបញ្ហាសំខាន់ៗក្នុងជីវិតរបស់ពួកគេ ដូចជាធុរៈគ្រួសារ ការសិក្សា និង ការជ្រើសរើសការងារ និង ការចុះកម្មសិក្សា ឬ ឱកាសការងារ ។ ចំណុចមួយក្នុងចំណោមចំណុចគន្លឹះផ្សេងៗដែលត្រូវបានរកឃើញនៅក្នុងការស្ទង់មតិនេះគឺថា យុវជនមានការលំបាកក្នុងការសំរេចចិត្ត ពីព្រោះពួកគេពុំមានលទ្ធភាពទទួលបានព័ត៌មានដែលត្រឹមត្រូវ ។
ជាឧទាហរណ៍ ពេលសំរេចចិត្តថាត្រូវធ្វើអ្វីនៅពេលដែលពួកគេបញ្ចប់ការសិក្សានៅវិទ្យាល័យ និស្សិតច្រើនជាងពីរភាគបី ដែលត្រូវបានសាកសួរ គឺពឹងផ្អែកលើយោបល់របស់ឪពុកម្ដាយរបស់ពួកគេប៉ុណ្ណោះ ។ ព័ត៌មានដែលផ្ដល់ដោយសាលារៀន ឬ គ្រូបង្រៀន ឬ ការយល់ដឹងដោយខ្លួនឯងពីទីផ្សារការងារ គឺមិនមែនជាកត្តាដែលមានឥទ្ធិពលចំពោះការសំរេចចិត្តរបស់ពួកគេទេ ។ ដូចគ្នានេះដែរ និស្សិតត្រឹមតែ៣៣ភាគរយ នៃនិស្សិតនៅតាមសាកលវិទ្យាល័យ និង គ្រឹះស្ថានបណ្ដុះបណ្ដាលវិជ្ជាជីវៈ បានជ្រើសរើសមុខជំនាញសិក្សាដោយផ្អែកលើការយល់ឃើញរបស់ពួកគេលើតម្រូវការជំនាញទាំងនោះនៅក្នុងទីផ្សារការងារ ។
ការរកឃើញទាំងនេះបានគូសបញ្ជាក់ពីភាពចាំបាច់ដែលភ្នាក់ងាររដ្ឋាភិបាល គ្រឹះស្ថានអប់រំ សមាគមនិយោជក សហជីព និង អង្គការក្រៅរដ្ឋាភិបាលនានា ត្រូវស្វែងរកមធ្យោបាយដើម្បីផ្ដល់ព័ត៌មានដែលមានប្រយោជន៍ដល់ការសិក្សា និង ការជ្រើសរើសការងារធ្វើរបស់ពួកគេ ។
អ្វីដែលធ្វើឲ្យការងារសិក្សានេះមានភាពប្លែកពីគេគឺថា ការសិក្សានេះបានសម្លឹងមើលបញ្ហាការងារយុវជនក្រោមទស្សនៈរបស់និយោជក ។ មន្ត្រីគ្រប់គ្រងជាន់ខ្ពស់ដែលប្រតិបត្តិការអាជីវកម្មក្នុងគ្រប់វិស័យសេដ្ឋកិច្ច ត្រូវបានស្ទាបស្ទង់មតិអំពីជំនាញដែលពួកគេត្រូវការពីយុវជនខ្មែរ ។
បើនិយាយអំពីតំរូវការអប់រំ ប្រហែលជា៩៦ភាគរយនៃនិយោជក ទាមទារយុវជនមួយចំនួនដែលមានការអប់រំខ្ពស់ ពេលដែលពួកគេត្រូវការបុគ្គលិកអាជីព ហើយ ៧២ភាគរយទាមទារកំរិតបរិញ្ញាបត្រ ឬ អនុបណ្ឌិត ។ តំរូវការនេះមានកំរិតខ្ពស់ក្នុងស្ថាប័នអង្គការក្រៅរដ្ឋាភិបាល និង វិស័យសេវាកម្មជំនាញ និង អាជីព ហើយតិចបំផុតក្នុងវិស័យសណ្ឋាគារ និង រោងចក្រ (បរិញ្ញាបត្ររង និង លិខិតបញ្ជាក់ជំនាញគឺគ្រប់គ្រាន់) ។
ទាក់ទងនឹងជំនាញ និយោជកជាច្រើនលើកឡើងពីក្ដីបារម្ភថាមានចន្លោះខ្វះខាតជំនាញក្នុងទីផ្សារការងារ ។ និយោជកត្រូវការកំលាំងពលកម្មដែលមានជំនាញបច្ចេកទេស និង អាចធ្វើការបាន ដើម្បីជំរុញអាជីវកម្មពួកគេឲ្យកាន់តែប្រសើរទៅមុខ ប៉ុន្តែជំនាញទាំងអស់នេះតែងតែមានភាពខ្វះខាត ។ មានតែនិយោជកត្រឹមតែ ១៣ភាគរយប៉ុណ្ណោះ ជឿជាក់ថានិស្សិតបញ្ចប់មហាវិទ្យាល័យមានជំនាញទាំងអស់ ឬ ស្ទើរតែទាំងអស់នូវជំនាញដែលពួកគេត្រូវការសំរាប់ការងារ ។
ដូចបង្ហាញតារាងខាងក្រោម និយោជកជាងពាក់កណ្ដាលនិយាយថា វាជាការពិតណាស់ក្នុងការស្វែងរកបុគ្គលិកអាជីពប្រកបដោយជំនាញសំរេចចិត្ត និង វិភាគត្រឹមត្រូវ ។ នេះជាលទ្ធផលគន្លឹះក្នុងការស្ទង់មតិនេះ ហើយវាបានបញ្ជាក់យ៉ាងច្បាស់ពីវិធីសាស្ត្រដែលនិស្សិតត្រូវបានបណ្ដុះបណ្ដាលក្នុងប្រទេសកម្ពុជាតាំងពីសាលារៀនដល់មហាវិទ្យាល័យ ៕ កាសែតកោះសន្តិភាព ឆ្នាំទី ៤២ លេខ ៦៥៦០ ថ្ងៃទី ២៤ – ២៥ ខែ មករា ឆ្នាំ ២០០៩
កាសែតដែលចេញលក់នៅ
ថ្ងៃ សៅរ៍ ទី ២៤ ខែ មករា ឆ្នាំ ២០០៩
កម្ពុជាថ្មី ឆ្នាំទី ៨ លេខ ១៨៥៥ ថ្ងៃ សៅរ៍ ទី ២៤ ខែ មករា ឆ្នាំ ២០០៩
- រដ្ឋមន្ត្រីការបរទេសថៃ [លោក កាស៊ីត ភីរ៉ុមយ៉ា] ហៅមន្ត្រីទូតខ្មែរនៅបាងកកហូបបាយថ្ងៃត្រង់មួយពេល មុននឹងមកទស្សនកិច្ចកម្ពុជា [ដើម្បីដោះស្រាយបញ្ហាព្រំដែន]
- ក្នុងឆ្នាំ ២០០៨ នៅភ្នំពេញកើតមានបទល្មើស ៣៥១ករណី មានមនុស្សស្លាប់ ៦៣នាក់ [ជនល្មើស១.០១២នាក់ ត្រូវបានផ្ដន្ទាទោស]
- កម្មករ – ការិនីរោងចក្រយ៉ុងវ៉ា នៅតែធ្វើការតវ៉ា ប៉ុន្តែមិនមានអំពើហិង្សា [ខេត្ត កណ្ដាល]
- ប៉ូលិសចរាចរក្រុងមានសង្ឃឹមឡើងវិញហើយ ក្រោយពីសាលាក្រុងរក្សាការផ្ដល់ប្រាក់ឧបត្ថម្ភលើកទឹកចិត្តប្រចាំខែដូចដើម [ដោយប៉ូលិសចរាចរម្នាក់ៗទទួលបានប្រាក់ចំនួន ១០.០០០រៀល]
- សង្គ្រាម២២ថ្ងៃ នៅហ្កាហ្សា សម្លាប់មនុស្ស ១.៣៣០នាក់ របួស ៥.៤៥០នាក់ [រីឯដែលអ៊ីស្រាអែលមានជនស៊ីវិល ៣នាក់ និង ទាហាន ១០នាក់ បានស្លាប់]
ខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣៣០ ថ្ងៃ សៅរ៍ – អាទិត្យ ទី ២៤ – ២៥ ខែ មករា ឆ្នាំ ២០០៩
- មន្ត្រីរដ្ឋាភិបាល ៖ បដិសេធការចោទប្រកាន់របស់អង្គការឃ្លាំមើលសិទ្ធិមនុស្សអន្តរជាតិ [អំពីការរំលោភសិទ្ធិមនុស្ស]
- ថៅកែរោងចក្រយ៉ុងវ៉ាយល់ព្រមបើកប្រាក់បំណាច់ប្រចាំឆ្នាំ ៥០ដុល្លារ ឲ្យកម្មករ តែសុំជំពាក់ [រហូតដល់ខែកុម្ភៈ – នេះបើយោងតាមប្រធានសហជីពសេរីកម្មករនៃព្រះរាជាណាចក្រកម្ពុជា លោក ជា មុន្នី]
កោះសន្តិភាព ឆ្នាំទី ៤២ លេខ ៦៥៦០ ថ្ងៃ សៅរ៍ – អាទិត្យ ទី ២៤ – ២៥ ខែ មករា ឆ្នាំ ២០០៩
- របាយការណ៍បានបង្ហាញថា យុវជនកម្ពុជានៅតែលំបាករកការងារធ្វើ
- ចោរប្លន់ពាក់អាវទាហាន [២នាក់] ចូលភ្ជង់ប្លន់អ្នកលក់មាស យកអស់គិតជាប្រាក់ ៣ម៉ឺនដុល្លារ [ប៉ូលីសនៅមិនទាន់រកឃើញជនល្មើសនៅឡើយ- ខេត្តសៀមរាប]
- ថ្ងៃដំបូងនៅសេតវិមាន លោក អូបាម៉ា ផ្ដោតលើបញ្ហាសេដ្ឋកិច្ច មជ្ឈិមបូព៌ា និង ហ្គង់តាណាម៉ូ [ដែលជាពន្ធនាការនៅក្នុងប្រទេសគុយបា]
- ឆ្នាំ ២០០៨ ជនស៊ីវិលជិត ៤.០០០នាក់ ត្រូវស្លាប់នៅក្នុងប្រទេសអាហ្វហ្គានីស្ថាន
- គ្រោះមហន្តរាយធម្មជាតិឆ្នាំ ២០០៨ ស្លាប់ ២៣៥.៨១៦នាក់ [ក្នុងចំណោមនោះ មានមនុស្សស្លាប់ដោយសារព្យុះស៊ីក្លូននៅភូមា ចំនួន ១៣៨.៣៦៦នាក់, មនុស្សស្លាប់ដោយសារការរញ្ជួយដីនៅប្រទេសចិន ចំនួន ៨៧.៤៧៩នាក់ និងចំនួនដែលនៅសល់ត្រូវបានសម្លាប់ដោយគ្រោះមហន្តរាយនៅប្រទេសផ្សេងៗទៀត]
រស្មីកម្ពុជា ឆ្នាំទី ១៧ លេខ ៤៨០៣ ថ្ងៃ សៅរ៍ ទី ២៤ ខែ មករា ឆ្នាំ ២០០៩
- នាយករដ្ឋមន្ត្រី [ហ៊ុន សែន] ចាត់ទុកជំហរថៃទន់ភ្លន់នៅក្នុងជម្លោះព្រំដែន
- បញ្ជូនតែមេការ១៣នាក់ [ដែលធ្វើការនេសាទខុសច្បាប់] ទៅតុលាការ ឯកម្មករ [នេសាទ]ជិត៣០០ដោះលែង – កំពង់ឆ្នាំង
- រដ្ឋមន្ត្រីសាធារណការ និង ដឹកជញ្ជូន [លោក ត្រាំ អ៊ីវតឹក] ស្នើជប៉ុនជំរុញការសាងសង់ស្ពានអ្នកលឿង
- កូរ៉េជាប្រទេសផ្ដល់ការធានារ៉ាប់រងខ្ពស់ចំពោះពលករ [ដែលមានទឹកប្រាក់ចំនួន ២០.០០០ដុល្លារ បើប្រៀបធៀបជាមួយថៃមានត្រឹមតែ ១.០០០ដុល្លារប៉ុណ្ណោះ]
- វិនិយោគិនរដ្ឋអូហៃយ៉ូ [សហរដ្ឋអាមេរិក] សិក្សាស្វែងយល់ការវិនិយោគវិស័យកសិកម្មនៅកម្ពុជា
- ពួកអាវក្រហម [ដែលប្រឆាំងរដ្ឋាភិបាល] ប្រកាសមហាបាតុកម្ម ថ្ងៃ៣១ មករា [ប្រទេសថៃ]
* សូមអញ្ជើញអានវិចារណកថាសម្រាប់សប្ដាហ៍កន្លងទៅ!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
មូលហេតុដែលក្រុមវិនិយោគិនមកពីកូរ៉េបរាជ័យនៅកម្ពុជា – ថ្ងៃ សុក្រ ទី ២៣ មករា ២០០៩
Dear Readers,
We do hope you will visit the Kanhchok Sangkum and the Mirror regularly so they will become your special advisors.
Best regards,
កញ្ចក់សង្គម ៖ ឆ្នាំទី ១១ លេខ ៥៣៣
ដោយហាក់ដូចជាកំពុងបណ្ដែតខ្លួននៅលើស្ថានភាពបរាជ័យផ្នែកវិនិយោគរយៈពេលយូរនៅកម្ពុជា អំឡុងពេលវិបត្តិសេដ្ឋកិច្ចពិភពលោកចាប់ផ្ដើមកម្រើកឡើង ក្រុមវិនិយោគិនផ្នែកសំណង់ និង អចលនទ្រព្យមកពីប្រទេសកូរ៉េ កំពុងស្វះស្វែងរកកិច្ចអន្តរាគមន៍ពី សម្ដេចតេជោ ហ៊ុន សែន នាយករដ្ឋមន្ត្រីដ៏ឆ្នើមនៃកម្ពុជា ។
លោក គឹម ស៊ុនម៉ុក នាយកប្រតិបត្តិនៃមជ្ឈមណ្ឌលហិរញ្ញវត្ថុនៅភ្នំពេញ ហៅកាត់ថា PIFC ជាតំណាងក្រុមវិនិយោគិនមកពីប្រទេសកូរ៉េ បានថ្លែងថា ដោយសារប្រទេសកម្ពុជាមាន សម្ដេចតេជោ ហ៊ុន សែន ជានាយករដ្ឋមន្ត្រី ជាមេដឹកនាំដ៏ឈ្លាសវៃ និង ពូកែបំផុត ក្រុមវិនិយោគិនច្រើនឡើងៗចូលមកបណ្ដាក់ទុននៅកម្ពុជាហួសពីការស្មាន ។
លោក គឹម ស៊ុនម៉ុក បានបន្តថា ក្នុងនាមជាមេដឹកនាំដែលមានការលះបង់ និង តាំងចិត្តខ្ពស់ សម្ដេចតេជោ ហ៊ុន សែន បានបើកឱកាសឲ្យក្រុមវិនិយោគិនមានលទ្ធភាពពិចារណាបណ្ដាក់ទុនមកកម្ពុជាច្រើនពាន់លានដុល្លារ ។ ក្រុមវិនិយោគិនដែលរំពឹងនឹងទទួលបាននូវភាពកក់ក្ដៅពីភាពជាអ្នកដឹកនាំរបស់ សម្ដេចតេជោ ហ៊ុន សែន រួមទាំងការជួយជ្រោមជ្រែងពីក្រុមប្រឹក្សាអភិវឌ្ឍន៍កម្ពុជា ហៅកាត់ថា CDCនោះ លោក គឹម ស៊ុនម៉ុក បានបណ្ដាក់ទុនជាង ២ពាន់លានដុល្លារ នៅកម្ពុជា ព្រមជាមួយក្រុមវិនិយោគិនដែលមានទឹកប្រាក់រាប់ពាន់លានដុល្លារផ្សេងទៀត ។
ប៉ុន្តែវិបត្តិហិរញ្ញវត្ថុដែលកំពុងញាំញីពិភពលោក ហាក់កំពុងរុញច្រានក្រុមវិនិយោគិនដែលចូលមកកម្ពុជាឲ្យឈរលើភាពបរាជ័យច្រើនជាងក្ដីសង្ឃឹមពីសក្ដានុពលនៃផលចំណេញដែលពួកគេនឹងទទួលបានពីកម្ពុជា ។ លោក គឹម ស៊ុនម៉ុក បានធ្លោយឲ្យដឹងថា វិបត្តិហិរញ្ញវត្ថុធ្វើឲ្យតំលៃអចលនទ្រព្យលើពិភពលោកធ្លាក់ចុះ៥០ភាគរយ ។ បញ្ហាអចលនទ្រព្យនេះហើយដែលនាំឲ្យធនាគារមួយចំនួនក្ស័យធន ។ លោក គឹម ស៊ុនម៉ុក បានបញ្ជាក់ថា ស្ថាប័នហិរញ្ញវត្ថុធំៗដែលខ្វះទុន បានប្រកាសដាក់ពិភពលោកក្នុងវិបត្តិ ហើយស្ថាប័នហិរញ្ញវត្ថុខ្លះបានបង្រួមខ្លួនឲ្យតូចដើម្បីធ្វើប្រតិបត្តិការណ៍ ។
គ្រោងការណ៍វិនិយោគរបស់ លោក គឹម ស៊ុនម៉ុក ជាង២ពាន់លានដុល្លារអាមេរិកនេះ ត្រូវគេចាត់ទុកថាជាសម្បទានយ៉ាងធំធេងសំរាប់សេដ្ឋកិច្ចកម្ពុជា ប៉ុន្តែបញ្ហាមួយចំនួនពាក់ព័ន្ធនឹងតំលៃអចលនទ្រព្យនៅកម្ពុជាដែលខ្ពស់កប់ពពក ហាក់កំពុងរុញច្រានឲ្យក្រុមវិនិយោគិនបោះបង់គំរោងរបស់ខ្លួន ដែលបញ្ហានេះនឹងក្លាយជាគំរូអាក្រក់មួយសំរាប់ក្រុមវិនិយោគិនដែលដាក់ទុនមក ហើយក៏នាំគ្នាបង្វិលទុននោះចេញទៅវិញ ។
លោក គឹម ស៊ុនម៉ុក បានធ្វើការកត់សំគាល់ថា តំលៃអចលនទ្រព្យលើពិភពលោកបានធ្លាក់ចុះខ្លាំង ប៉ុន្តែម្ចាស់អចលនទ្រព្យនៅកម្ពុជាហាក់ដូចជាមិនអើពើចំពោះបំរែបំរួលរបស់ពិភពលោកទេ ។ ដោយសារតែតំលៃអចលនទ្រព្យនៅកម្ពុជាស្ថិតក្នុងតំលៃខ្ពស់ហួសហេតុ មិនស្របតាមតំលៃទីផ្សារពិភពលោកនោះ ក្រុមវិនិយោគិនមួយចំនួនបានលះបង់ផែនការប្រមូលទិញអចលនទ្រព្យដើម្បីធ្វើការវិនិយោគ ។ មានការកត់សំគាល់ទៀតថា មិនត្រឹមតែក្រុមវិនិយោគិនទេដែលមានការបារម្ភ សូម្បីតែជនកម្ពុជាភាគច្រើនក៏ទទួលរងផលប៉ះពាល់ធ្ងន់ធ្ងរពីបញ្ហានេះដែរ ។
លោក គឹម ស៊ុនម៉ុក បានបញ្ជាក់ផងដែរថា ក្រុមវិនិយោគិនមកពីប្រទេសកូរ៉េភាគច្រើនបំផុត បរាជ័យនៅកម្ពុជា គឺមានតែ ១០ភាគរយប៉ុណ្ណោះដែលទទួលបានជោគជ័យលើផែនការរបស់ខ្លួន ។ ការបរាជ័យនោះគឺដោយសារក្រុមវិនិយោគិនស្គាល់មិនច្បាស់ពីស្ថានភាពវប្បធម៌ និង ពាណិជ្ជកម្មនៅប្រទេសកម្ពុជា ។ ចំណុចសំខាន់មួយទៀតនោះគឺ ក្រុមវិនិយោគិនមានការលំបាកយ៉ាងសម្បើមក្នុងការស្វែងរកព័ត៌មានពិតដើម្បីភាពជោគជ័យ ។ មកដល់មកនេះក្រុមវិនិយោគិនមកពីប្រទេសកូរ៉េមួយចំនួនបានលះបង់ផែនការវិនិយោគរយៈពេលវែង ហើយសំងំរង់ចាំមើលស្ថានភាពវិបត្តិហិរញ្ញវត្ថុដែលអាចនឹងប្រែប្រួលក្នុងពេលឆាប់ៗខាងមុខនេះ ។
ដើម្បីជួយគាំទ្រដល់ក្រុមវិនិយោគិនឲ្យមានឱកាសបន្តគ្រោងការវិនិយោគយូរអង្វែងនៅកម្ពុជា ក្រុមវិនិយោគិនបានទទូចសុំឲ្យរដ្ឋាភិបាលកម្ពុជាជួយសំរួលផ្ដល់សិទ្ធិទូលំទូលាយក្នុងការធ្វើវិនិយោគ ដូចជាមានសិទ្ធិទិញដីធ្លីជាកម្មសិទ្ធិយូរអង្វែង មិនមែនជាការជួលពីរដ្ឋក្នុងរយៈពេល ៩៩ឆ្នាំនោះទេ ។ រដ្ឋាភិបាលខ្លួនឯងគួរប្រឹងប្រែងដើម្បីពង្រីកឱកាសពិតប្រាកដ និង ផ្ដល់ព័ត៌មានពិតប្រាកដសម្រាប់ក្រុមវិនិយោគិន ។
លោក គឹម ស៊ុនម៉ុក ក៏បានទទូចសុំឲ្យ សម្ដេចតេជោ ហ៊ុន សែន ផ្សព្វផ្សាយពីបំរែបំរួលនៃស្ថានភាពសេដ្ឋកិច្ចលើពិភពលោក សំដៅបញ្ចុះបញ្ចូលឲ្យម្ចាស់អចលនទ្រព្យនៅកម្ពុជាលក់អចលនទ្រព្យរបស់ខ្លួនឲ្យក្រុមវិនិយោគិនក្នុងតំលៃសមស្របតាមសភាពនៃទីផ្សារពិភពលោក ។
ពាក់ព័ន្ធនឹងបញ្ហានេះផងដែរ លោក ស៊ឹង ប៊ុណ្ណា ប្រធានក្រុមហ៊ុន ប៊ុណ្ណារៀលធីគ្រូប និង ជាប្រធានសមាគមវាយតម្លៃអចលនទ្រព្យខ្មែរ បានលើកឡើងថា តំលៃទីផ្សារអចលនទ្រព្យនៅកម្ពុជាកំពុងនៅទ្រឹង ប៉ុន្តែមិនទាន់ធ្លាក់ថ្លៃដូចតំលៃអចលនទ្រព្យនៅប្រទេសដទៃទេ ដែលនេះជាបញ្ហាដ៏ធំមួយសំរាប់ក្រុមវិនិយោគិន ។ ដោយស្ថិតក្នុងវិបត្តិហិរញ្ញវត្ថុជាទូទៅ លោក ស៊ឹង ប៊ុណ្ណា បានទទូចសុំឲ្យរដ្ឋាភិបាលកម្ពុជាបញ្ចេញសាច់ប្រាក់ខ្លះដើម្បីជួយស្រោចស្រង់ស្ថានភាពអចលនទ្រព្យនៅកម្ពុជា ។
លោក ស៊ឹង ប៊ុណ្ណា បានប្រមើលមើលថា បច្ចុប្បន្ននេះជនកម្ពុជាភាគច្រើនបានប្រជ្រៀតគ្នាលក់អចលនទ្រព្យរបស់ខ្លួនក្នុងច្រកទីផ្សារដ៏តូចមួយ មានន័យថាការសំរុកលក់មានច្រើន ឯអ្នកទិញមានតិច ។ ស្ថានភាពនេះនឹងនាំឲ្យតំលៃអចលនទ្រព្យនៅកម្ពុជាអាចធ្លាក់ចុះខ្លាំងក្នុងពេលអនាគតដ៏ខ្លីខាងមុខនេះ ហើយរដ្ឋាភិបាលគួរបញ្ចេញសាច់ប្រាក់ខ្លះសំរាប់ទទួលទិញអចលនទ្រព្យពីអ្នកជំនួញ និង ពីធនាគារដែលអាចខ្វះខាតប្រាក់ ដើម្បីធានាឲ្យទីផ្សារអចលនទ្រព្យនៅកម្ពុជាជៀសផុតពីវិបត្តិ ។
លោក ស៊ឹង ប៊ុណ្ណា បានបន្តថា តម្លៃអចលនទ្រព្យនៅកម្ពុជាមានទីផ្សារល្អឡើងវិញយូរឬឆាប់ គឺអាស្រ័យទៅលើទំនុកចិត្តរបស់ប្រជាពលរដ្ឋខ្មែរ មិនមែនអាស្រ័យលើក្រុមវិនិយោគិនបរទេសទេ ។ សូម្បីក្រុមហ៊ុនអចលនទ្រព្យនៅទូទាំងប្រទេសក៏បានចងក្រងជាសមាគមដើម្បីទប់កុំឲ្យតំលៃផ្ទះសម្បែងបន្តធ្លាក់ថ្លៃដែរ ។ ដោយឡែក ក្រុមហ៊ុនសំណង់ជាង ៧៣០ក្រុមហ៊ុន ដែលបានដាក់ទុនវិនិយោគ ប្រហែលជាមិនទុកគម្រោងរបស់គេចោលឲ្យនៅមេម៉ាយយូរពេកទេ ហើយពេលនោះវិស័យអចលនទ្រព្យខ្មែរនឹងមានភាពល្អប្រសើរឡើងវិញ គឺពិតជាមិនលើសពីឆ្នាំ ២០១០នោះទេ ។
លោក ស៊ឹង ប៊ុណ្ណា បានសាទរចំពោះទីផ្សារអចលនទ្រព្យនៅកម្ពុជាដែលរីកចំរើនខ្លាំងកាលពីអំឡុងឆ្នាំ ២០០៨ ហើយជាកំណើនសេដ្ឋកិច្ចយ៉ាងល្អប្រសើរសំរាប់កម្ពុជា ។ តំលៃទីផ្សារអចលនទ្រព្យដែលអាចធ្លាក់ចុះខ្លាំងដោយសារវិបត្តិសេដ្ឋកិច្ចខណៈពេលក្រុមអ្នកជំនួញ និង ធនាគារមួយចំនួន ដែលអាចនឹងជួបវិបត្តិហិរញ្ញវត្ថុសម្រុកលក់អចលនទ្រព្យរបស់ខ្លួន ដើម្បីស្វែងរកឥណទានសំរាប់បង្វិលក្នុងរបរពាណិជ្ជកម្មនោះនឹងផ្ដល់ផលអវិជ្ជមានសំរាប់សេដ្ឋកិច្ចកម្ពុជា មានន័យថា កំណើនសេដ្ឋកិច្ចកម្ពុជានឹងធ្លាក់ចុះខ្លាំងពិបាកស្ដារក្នុងថ្ងៃខាងមុខ ៕ កាសែតវត្តភ្នំ ឆ្នាំទី ១៦ លេខ ៨០០៤ ថ្ងៃទី ២៣ – ២៥ ខែ មករា ឆ្នាំ ២០០៩
កាសែតដែលចេញលក់នៅ
ថ្ងៃ សុក្រ ទី ២៣ ខែ មករា ឆ្នាំ ២០០៩
ជាតិខ្មែរ ឆ្នាំទី ១ លេខ ៩ ថ្ងៃ សុក្រ – អង្គារ ទី ២៣ – ២៧ ខែ មករា ឆ្នាំ ២០០៩
- លោក សម រង្ស៊ី ៖ ដំណោះស្រាយព្រំដែនជាមួយថៃ ត្រូវមានការចូលរួមពីសហគមន៍អន្តរជាតិ [ព្រោះការដោះស្រាយទ្វេភាគី គឺគ្មានប្រយោជន៍នោះទេ]
ដើមអម្ពិល ឆ្នាំទី ៣ លេខ ១០៩ ថ្ងៃ សុក្រ – ព្រហស្បតិ៍ ទី ២៣ – ២៩ ខែ មករា ឆ្នាំ ២០០៩
- សៀមហាមមិនឲ្យនាំទំនិញកសិផលខ្មែរចូលទៅប្រទេសខ្លួន [បន្ទាប់ពីកិច្ចប្រជុំរវាង នាយករដ្ឋមន្ត្រីសៀម និង អាជ្ញាធរសមត្ថកិច្ចរបស់ខ្លួន ដោយបញ្ជាឲ្យមន្ត្រីសមត្ថកិច្ចរបស់ខ្លួនធ្វើការទប់ស្កាត់នូវការនាំចូលកសិផលខ្មែរ រួមទាំងការហូរចូលនូវកម្មករខុសច្បាប់ ដោយហេតុផលសេដ្ឋកិច្ច]
កម្ពុជាថ្មី ឆ្នាំទី ៨ លេខ ១៨៥៤ ថ្ងៃ សុក្រ ទី ២៣ ខែ មករា ឆ្នាំ ២០០៩
- កម្មករ – កម្មការិនីរោងចក្រយ៉ុងវ៉ា ជិត១ម៉ឺននាក់ ធ្វើបាតុកម្មហិង្សា [ដើម្បីទាមទារឲ្យរោងចក្របើកប្រាក់សន្សំប្រចាំឆ្នាំចំនួន ៥០ដុល្លារ ដែលតែងតែបើកឲ្យពួកគេគ្រប់ៗគ្នាជារៀងរាល់ដើមខែមករា – ស្រុកតាខ្មៅ ខេត្តកណ្ដាល]
ខ្មែរអភិវឌ្ឍន៍សេដ្ឋកិច្ច ឆ្នាំទី ៧ លេខ ៣២៩ ថ្ងៃ សុក្រ ទី ២៣ ខែ មករា ឆ្នាំ ២០០៩
- ថ្ងៃទី ២៧ ខែ មករា គ្មានដំណោះស្រាយ [បញ្ហាជម្លោះដីធ្លីរវាងក្រុមហ៊ុន ហេង អភិវឌ្ឍន៍ និង ការបាញ់ប្រហារពីសំណាក់កងកម្លាំងប្រដាប់អាវុធទៅលើប្រជាពលរដ្ឋ] ប្រជាពលរដ្ឋស្រុកកណ្ដាលស្ទឹង នឹងមកតវ៉ានៅមុខរដ្ឋសភា
- មេដឹកនាំសហជីព និង សង្គមស៊ីវិល ស្នើឲ្យរដ្ឋាភិបាលចាប់ឃាតកពិត [ដែលបានបាញ់សម្លាប់ លោក ជា វិជ្ជា] អតីតប្រធានសហជីពសេរីកម្មករនៃព្រះរាជាណាចក្រកម្ពុជា] មកផ្ដន្ទាទោស [កាលពីថ្ងៃទី ២២ ខែ មករា ឆ្នាំ ២០០៩ មនុស្សប្រមាណ ២០០នាក់ បានហែកម្រងផ្កាដើរសំដៅទៅវត្តលង្កា ដែលជាកន្លែងដែល លោក ជា វិជ្ជា ត្រូវបានឃាតកបាញ់សម្លាប់ ]
ខ្មែរម្ចាស់ស្រុក ឆ្នាំទី ៣ លេខ ៣៣២ ថ្ងៃ សុក្រ – អង្គារ ទី ២៣ – ២៧ ខែ មករា ឆ្នាំ ២០០៩
- រដ្ឋមន្ត្រីការបរទេសសៀម [លោក កាស៊ីត ភីរ៉ុមយ៉ា] សុំជួប [មេដឹកនាំគណបក្សប្រឆាំង] សម រង្ស៊ី [ក្នុងកំឡុងពេលដែលលោកមកបំពេញទស្សនកិច្ច នៅថ្ងៃទី ២៥ ខែ មករា ឆ្នាំ ២០០៩ ខាងមុខនេះ ដើម្បីពិភាក្សាពីបញ្ហាជម្លោះព្រំដែន]
ខ្មែរស្ថាបនា ឆ្នាំទី ២ លេខ ១៩០ ថ្ងៃ សុក្រ ទី ២៣ ខែ មករា ឆ្នាំ ២០០៩
- បញ្ចប់តំណែង លោក កែ គឹមយ៉ាន ជំនួសដោយ លោក ប៉ុល សារឿន ជាអគ្គមេបញ្ជាការកងយោធពលខេមរភូមិន្ទ [នាយទាហានជាន់ខ្ពស់ ៨រូប ត្រូវបានតែងតាំងតួនាទីបន្ថែមលើមុខងារបច្ចុប្បន្ន]
មនសិការខ្មែរ ឆ្នាំទី ១៦ លេខ ៣៦៧៣ ថ្ងៃ សុក្រ – ព្រហស្បតិ៍ ទី ២៣ – ២៩ ខែ មករា ឆ្នាំ ២០០៩
- តុលាការសាលាឧទ្ធរណ៍ ចាប់ផ្ដើមស៊ើបអង្កេតរកឃាតកពិតសម្លាប់ លោក ជា វិជ្ជា
រស្មីកម្ពុជា ឆ្នាំទី ១៧ លេខ ៤៨០២ ថ្ងៃ សុក្រ ទី ២៣ ខែ មករា ឆ្នាំ ២០០៩
- មនុស្សជាង៣០០នាក់ ដែលសមត្ថកិច្ចឃាត់ខ្លួនក្នុងប្រតិបត្តិការបង្ក្រាបបទល្មើសនេសាទ បន្តឃុំខ្លួនសាកសួរ
- ទូតអាមេរិក [លោកស្រី ខារ៉ូល រ៉ូតលី] និយាយអំពីវិបត្តិសេដ្ឋកិច្ច និង ទំនាក់ទំនងយោធាជាមួយកម្ពុជា
- ចាប់ក្មេងស្រីអាយុ ១០ឆ្នាំ យកទៅធ្វើទារុណកម្មហើយរំលោភ ពេលជីដូនដេកលង់លក់ [ជនល្មើសត្រូវបានចាប់ខ្លួន – ខេត្តកំពង់ចាម]
- ប្រធានក្រុមហ៊ុនម្សៅទឹកដោះគោ ជាប់គុកមួយជីវិត, ពីរនាក់ទៀតត្រូវប្រហារជីវិត [ប្រទេសចិន]
សម្លេងយុវជនខ្មែរ ឆ្នាំទី ១៦ លេខ ៣៤៧៧ ថ្ងៃ សុក្រ ទី ២៣ ខែ មករា ឆ្នាំ ២០០៩
- ប្រកាសឲ្យជនរងគ្រោះក្នុងរបបខ្មែរក្រហមដាក់ពាក្យបណ្ដឹងទៅលើជនជាប់ចោទឈ្មោះ កាំង ហ្គេចអ៊ាវ ហៅ ឌុច [ក្នុងរយៈពេល១០ថ្ងៃមុនពេលចាប់ផ្ដើមសវនាការរបស់ ឌុច នៅថ្ងៃទី ១៧ ខែ កុម្ភៈ ឆ្នាំ ២០០៩]
វត្តភ្នំ ឆ្នាំទី ១៦ លេខ ៨០០៤ ថ្ងៃ សុក្រ – អាទិត្យ ទី ២៣ – ២៥ ខែ មករា ឆ្នាំ ២០០៩
- មូលហេតុដែលក្រុមវិនិយោគិនមកពីកូរ៉េបរាជ័យនៅកម្ពុជា
* សូមអញ្ជើញអានវិចារណកថាសម្រាប់សប្ដាហ៍កន្លងទៅ!
* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ដើម្បីជ្រាបនូវពីព័ត៌មានស្ដីអំពីស្ត្រីក្នុងសង្គមខ្មែរ សូមអញ្ជើញទស្សនាតំបន់បណ្ដាញកម្មវិធីស្ត្រីនៃអង្គការវិទ្យាស្ថានបើកទូលាយ ដោយចុចតំណខាងក្រោមនេះ! សូមអរគុណ!
ការយល់ដឹងជ្រៅជ្រះ និង ការពិត – ម្ដងទៀត – ថ្ងៃ អាទិត្យ ទី ១៨ ខែ មករា ឆ្នាំ ២០០៩
ការយល់ដឹងជ្រៅជ្រះ និង ការពិត – ម្ដងទៀត – ថ្ងៃ អាទិត្យ ទី ១៨ ខែ មករា ឆ្នាំ ២០០៩
នៅក្នុងព្រឹត្តិបត្រ The Mirror យើងបានលើកឡើងជាញឹកញាប់ក្នុងពេលរាប់ឆ្នាំកន្លងមក នូវសារៈសំខាន់ជាសាធារណៈនៃការយល់ដឹងជ្រៅជ្រះ ។
តាមពិតយើងបានលើកបញ្ហានេះឡើងនៅពេលចាប់ផ្ដើមផ្សព្វផ្សាយព្រឹត្តិបត្រ The Mirror តាមអ៊ីនធឺណិត ក្នុងខែមករា ឆ្នាំ ២០០៧ ដោយយោងទៅរកសំដីរបស់ នាយករដ្ឋមន្ត្រី ដាតូ សេរី អាប់ឌុលឡា ប៊ីនហាជិ អាម៉ាត់ បាដាវី នៃប្រទេសម៉ាឡេស៊ី ក្រោមចំណងជើងថា “ការយល់ដឹងជ្រៅជ្រះ និង ការពិត” ។ ក្នុងឱកាសនៃពិធីប្រគល់ដំណែងជូនលោក លោកនាយករដ្ឋមន្ត្រីនេះបានគូសបញ្ជាក់អំពីតួនាទីដ៏សំខាន់នៃការយល់ដឹងអ្វីៗ និង ជំនឿប្រកាន់យកដោយសាធារណជន – ដែលអាច ឬ មិនអាច ស្របតាមការពិត ក៏ប៉ុន្តែទោះជាយ៉ាងណាក្ដីក៏វាមានសារៈសំខាន់ខ្លាំងជាទីបំផុតសម្រាប់ស្ថានភាពនយោបាយរបស់ប្រទេសមួយដែរ ។
លោក ដាតូ សេរី ស៊ីអិដ អាល់បារ រដ្ឋមន្ត្រីក្រសួងការបរទេសម៉ាឡេស៊ី បានលើកឡើងនូវក្ដីកង្វល់ចំពោះតួនាទីនៃការយល់ដឹង ដោយបានថ្លែងថា “សភាពការណ៍អវិជ្ជមាន មិនបានរួមចំណែកក្នុងការបង្កើតឲ្យមានបរិយាកាសប្រកបដោយជំនឿទុកចិត្តគ្នាក្នុងពិភពលោក ដែលជាការចាំបាច់យ៉ាងខ្លាំងសម្រាប់យើងទាំងអស់គ្នា ដោយមិនគិតពីសាសនា និង ជំនឿ ដើម្បីរស់នៅក្នុងសុខសន្តិភាព និង ភាពស៊ីចង្វាក់គ្នានោះទេ” ។
ដកស្រង់សំដី និង យកពី ៖
ព្រឹត្តិបត្រ The Mirror សប្ដាហ៍ទី ៤៨៩ ៖ ២០០៧.១.៧ ៖ ការយល់ដឹងជ្រៅជ្រះ និង ការពិត
នៅក្នុងឱកាសប្រារព្ធពិធីប្រគល់តំណែងជូន លោក ដាតូ សេរី អាប់ឌុលឡា ប៊ីនហាជិ អាម៉ាត់ បាដាវី ជានាយករដ្ឋមន្ត្រីប្រទេសម៉ាឡេស៊ី ពីឆ្នាំ ២០០៣ លោកបានថ្លែងបញ្ជាក់ពីតួនាទីដ៏សំខាន់នៃការយល់ដឹងជ្រៅជ្រះ ទទួលយកដោយសាធារណជន – ដែលអាច ឬ មិនអាច ស៊ីចង្វាក់គ្នាជាមួយការពិត ក៏ប៉ុន្តែទោះជាយ៉ាងណាក៏ដោយក៏វាសំខាន់បំផុតចំពោះសភាពការណ៍នយោបាយរបស់ប្រទេសមួយដែរ ។
((សេចក្ដីបន្ទាប់ទៀតគឺនៅខាងចុងនៃបទវិចារណកថា)
លោកទទួលស្គាល់នូវការចាំបាច់ត្រូវតែមានស្វ័យទិតៀនក្នុងការស្វែងរកហេតុផលសម្រាប់ការយល់ដឹងជ្រៅជ្រះបែបនេះ – លោកបាននិយាយថា លោកមានបំណងចាប់ផ្ដើមធ្វើស្វ័យទិតៀន “ប៉ុន្តែបញ្ហានេះត្រូវតែនិយាយបញ្ជាក់ពីអ្វីដែលខ្ញុំនឹកគិតថាជាការរំលោភយ៉ាងព្រៃផ្សៃលើសេចក្ដីថ្លៃថ្នូររបស់មនុស្ស លើយុត្តិធម៌តាមច្បាប់ធម្មជាតិ លើសិទ្ធិមនុស្ស និង ច្បាប់អន្តរជាតិ ដែលមានឥទ្ធិពលដោយផ្ទាល់លើពិភពអិស្លាម ។ មែនហើយ យើងត្រូវតែបន្ទោសខ្លួនឯង ប៉ុន្តែធ្វើដូច្នេះមិនមែនជាការប្រកាសលើកលែងគោលនយោបាយដែលបន្តជិះជាន់ លុបបំបាត់ និង និយាយបង្ខូចកេរ្តិ៍ឈ្មោះរបស់ជនជាតិអិស្លាមទូទាំងពិភពលោកនោះទេ” ។
លោក ដាតូ ស៊ិអិដ អាល់បារ ដែលជាមន្ត្រីក្រសួងការបរទេសម៉ាឡេស៊ី បានបំពេញតួនាទីនៃការយល់ដឹងជ្រៅជ្រះនៅក្នុងកិច្ចប្រជុំមួយរបស់គណៈកម្មការជនឆ្នើមនៃអង្គការសន្និសីទសាសនាអិស្លាម ក្នុងខែមករា ឆ្នាំ ២០០៥ ។ លោកបានកំណត់សំគាល់ថា ៖ “នៅទូទាំងពិភពលោកយើងនេះរូបភាពរបស់សាសនាអិស្លាម និង ជនជាតិអិស្លាម បានទទួលរងផលអាក្រក់ៗពីសភាពការណ៍ជុំវិញ ជាបឋមដោយសារតែការយល់ដឹងជ្រៅជ្រះអំពីការជាប់ពាក់ព័ន្ធជាមួយភេរវកម្ម និង ភាពក្រីក្រ ។ សភាពការណ៍អវិជ្ជមានទាំងនេះមិនបានរួមចំណែកក្នុងការបង្កើតឲ្យមានបរិយាកាសនៃជំនឿទុកចិត្តគ្នាក្នុងពិភពលោក ដែលជាការចាំបាច់យ៉ាងខ្លាំងសម្រាប់យើងទាំងអស់គ្នា ដោយមិនគិតពីសាសនា និង ជំនឿ ដើម្បីរស់នៅក្នុងសុខសន្តិភាព និង ភាពស៊ីចង្វាក់គ្នានោះទេ” ។
មិនគ្រាន់តែការពិតទេដែលជាសំខាន់នោះ – ប៉ុន្តែរបៀបតើគេយល់ពីវាដូចម្ដេច ហើយបកស្រាយអ្វីដែលគេបានឮ និង បានឃើញដូចម្ដេច – នេះក៏មានសារៈសំខាន់បំផុតដែរ ។ រឿងល្អៗខ្លះអាចត្រូវគេយល់ច្រឡំ ហាក់ដូចវាជារឿងអាក្រក់អញ្ចឹង ។ ប៉ុន្តែ បើសិនជារឿងច្រើនត្រូវគេឮ និង ឃើញ ហើយលេចចេញជាការយល់ដឹងអវិជ្ជមានទៅវិញនោះ វាអាចមានផលវិបាកនាំឲ្យអន្តរាយយ៉ាងខ្លាំងដល់សង្គមមួយដែលមានភាពដូចជាកំពុងដំណើរការបានល្អ ។
សប្ដាហ៍នេះយើងបានដកស្រង់សេចក្ដីរាយការណ៍ព័ត៌មានខ្លះយកមកឆ្លុះបញ្ចាំង – ពិតជាមិនបានដឹងថា តើសាធារណជនអាចជួយបានដូចម្ដេចដើម្បីបំភ្លឺអ្វីដែលច្រឡូកច្រឡំ ដើម្បីជៀសវាងកុំឲ្យធ្លាក់ចុះក្នុងភពងងឹតអន្ធការ ។
អង្គការសិទ្ធិមនុស្សអន្តរជាតិឈ្មោះអង្គការឃ្លាំមើលសិទ្ធិមនុស្សនៅក្នុងសេចក្ដីរាយការណ៍ព័ត៌មានរបស់ខ្លួនឆ្នាំ ២០០៩ ស្ដីពីសភាពការណ៍នៅក្នុងប្រទេសជាច្រើន ក៏បានរិះគន់កម្ពុជាផងដែរ ។
អង្គការឃ្លាំមើលសិទ្ធិមនុស្ស មិនគ្រាន់តែរាយការណ៍អំពីប្រទេសនានាដែលត្រូវគេរិះគន់ពីរឿងអាក្រក់ៗដូចជាប្រទេសមីយ៉ាន់ម៉ាប៉ុណ្ណោះទេ ក៏ប៉ុន្តែនិយាយពីសភាពការណ៍សិទ្ធិមនុស្សផងដែរ – ដូចជាប្រទេសខ្លះទៀត – ក្នុងប្រទេសបារាំង ប្រទេសអាល្លឺម៉ង់ ប្រទេសអ៊ីតាលី ប្រទេសហុលឡង់ ប្រទេសរុស្ស៊ី ប្រទេសអេស្ប៉ាញ ចក្រភពអង់គ្លេស និង នៅក្រៅសហរដ្ឋអាមេរិក ។ ប្រទេសជាច្រើនក្នុងចំណោមប្រទេសទាំងនេះ ប្រតិកម្មយ៉ាងធ្ងន់ធ្ងរចំពោះបញ្ហាដែលគេលើកឡើងនេះ ។
វគ្គសង្ខេបស្ដីពីកម្ពុជានៅក្នុងព្រឹត្តិការណ៍ឆ្នាំ២០០៨ឯកសារបន្ថែម មានសេចក្ដីលំអិតចំនួន ២០ ស្ដីពីព្រឹត្តិការណ៍ជុំវិញបញ្ហានេះ ។
ខ្លឹមសារនៃឯកសារនេះទាំងស្រុង – គួរឲ្យស្ដាយ – មិនថ្មីទេ គឺនិយាយពីការទិតៀនទៅលើប្រព័ន្ធច្បាប់ព្រហ្មទណ្ឌ ករណីនៃការបំភិតបំភ័យ អំពើហិង្សា ការដាក់គុក និទ្ទណ្ឌភាពដែលតែងតែត្រាំត្រែង អំពើពុករលួយដែលរីករាលដាល និង អំពើលួចប្លន់ខុសច្បាប់នូវធនធានធម្មជាតិ ។ ហើយប្រទេសកម្ពុជាត្រូវគេរំពឹងថានឹងត្រូវគេពិនិត្យមើលឡើងវិញដោយអនុលោមតាមយន្តការនៃការពិនិត្យឡើងវិញជាសកលតាមពេលវេលាកំណត់ទៀងទាត់របស់គណៈកម្មការសិទ្ធិមនុស្សអង្គការសហប្រជាជាតិ ក្នុងខែធ្នូ ឆ្នាំ ២០០៩ ។
ករណីភាគច្រើនត្រូវបានគេចុះផ្សាយក្នុងសារព័ត៌មានខ្មែរនៅអំឡុងឆ្នាំនេះ ហើយយើងក៏បានឆ្លុះបញ្ចាំងវាបានមួយចំនួនដែរ ។
ដកស្រង់ និង យកពី ៖
ជាតិខ្មែរ ឆ្នាំទី ១ លេខ ៥ ថ្ងៃទី ១៦ – ១៨.១.២០០៩
អង្គការសិទ្ធិមនុស្សអន្តរជាតិ [សេចក្ដីរាយការណ៍របស់អង្គការឃ្លាំមើលសិទ្ធិមនុស្ស ឆ្នាំ ២០០៩] រិះគន់កម្ពុជាថាបានរំលោភសិទ្ធិមនុស្ស
ប្រតិកម្មជាផ្លូវការរបស់កម្ពុជា ត្រូវបានរាយការណ៍ផ្សាយក្នុងព្រឹត្តិបត្រព័ត៌មាន ឌឺ ឃែមបូឌា ដេលី ដូចតទៅ ៖
- “លោក ឌិម យ៉ិនទៀង ប្រធានគណៈកម្មាធិការសិទ្ធិមនុស្សរបស់រដ្ឋាភិបាល បានច្រានចោលលទ្ធផលរបស់របាយការណ៍នោះ ដោយនិយាយថា នៅក្នុងដំណើរនេះអង្គការឃ្លាំមើលសិទ្ធិមនុស្សបានបង្ខូចឈ្មោះប្រទេសដោយនិយាយកុហក ហើយធ្វើឲ្យខ្លួនគេមើលទៅដូចជាចោលម្សៀត ។
លោកបានថ្លែងថា ‘ខ្ញុំច្រានចោលរាល់ការចោទប្រកាន់ទាំងអស់ ។ ពួកគេគ្រាន់តែព្យាយាមបង្កើតបញ្ហាប៉ុណ្ណោះ ឬមួយពួកគេគ្រាន់តែធ្វើឲ្យខូចកេរ្តិ៍ឈ្មោះរបស់ពួកគេប៉ុណ្ណោះ ។ ពួកគេកំពុងដើរតួជាអាយ៉ងដើម្បីទទួលបានផលប្រយោជន៍សម្រាប់ពួកគេ’ ” ។
(Cambodia Daily,16 January 2009)
សម្រាប់ជាការឆ្លុះបង្ហាញនូវចន្លោះប្រហោងរវាងការយល់ដឹងជ្រៅជ្រះនេះ និង ការពិត យើងសូមគូសបញ្ជាក់ទៅលើសេចក្ដីរាយការណ៍ព័ត៌មានខ្លះដែលឆ្លុះបញ្ចាំងកាលពីសប្ដាហ៍កន្លងទៅ – ព្រឹត្តិការណ៍ទាំងតូចទាំងធំ ៖
ឧទាហរណ៍មួយល្អ ។
Read Full Post | Make a Comment ( 1 so far )« Previous Entries
កញ្ចក់សង្គម 