ថ្ងៃ ចន្ទ ទី ១៨ កុម្ភៈ ២០០៨៖ អតីតមេខ្មែរក្រហមប្រចាំភ្នំវល្លិស្លាប់ហើយ

Posted on Monday, 18 February 2008. Filed under: សប្ដាហ៍ទី ៤៨៦ |

Dear Readers,

If you have difficulties with the Khmer UNICODE installation, please feel free to contact us at 012-859935 from within Cambodia or at +855-12-859935 from abroad.
We do hope you will visit the Kanhchok Sangkum and the Mirror regularly so they will become your special advisors.
Best regards,

កញ្ចក់សង្គម ៖ ឆ្នាំទី ១០ លេខ ៤៨៦

ភ្នំពេញ ៖ លោកសំ ប៊ិត អតីតមេខ្មែរក្រហមដ៏កាចសាហាវបានស្លាប់នៅក្នុងមន្ទីរពេទ្យកាល់ម៉ែតបន្ទាប់ពីចាប់ខ្លួនកាលពីឆ្នាំ២០០២ពីបទបានសម្លាប់ជនបរទេសចំនួន៣នាក់ ហើយតុលាការបានសំរេចផ្ដន្ទាទោសឲ្យជាប់គុកអស់មួយជីវិត ។

ភរិយាលោកសំ ប៊ិត ឈ្មោះឃឹម រ៉ី ដែលមានអាយុ៥៦ឆ្នាំបានប្រាប់កម្ពុជាថ្មីកាលពីព្រឹកថ្ងៃទី១៦កុម្ភៈ ឆ្នាំ២០០៨ នៅមន្ទីរពេទ្យកាល់ម៉ែតថា ប្ដីរបស់គាត់ត្រូវបានបញ្ជូនមកកាន់មន្ទីរពេទ្យកាល់ម៉ែតនេះអស់ជាងមួយខែហើយ ប៉ុន្តែដោយសារជំងឺគាត់ធ្ងន់ធ្ងរពេកគាត់ក៏ស្លាប់ទៅ ។ អ្នកស្រីក៏បានឲ្យដឹងដែរថា ប្ដីរបស់គាត់មានជំងឺលើសឈាម ទឹកនោមផ្អែម និងដួលស្លាប់មួយចំហៀងខ្លួនមិនអាចធ្វើអ្វីកើតអស់រយៈពេល៣ឆ្នាំកន្លងមកហើយ សូម្បីតែបត់ជើងតូច - ធំ ក៏នៅលើគ្រែដែរ មិនអាចចុះដើរធម្មតាដូចមនុស្សផ្សេងៗនោះទេ ។

អ្នកស្រីបន្តថាប្ដីរបស់អ្នកស្រីចាប់តាំងពីមានជំងឺទាំងនោះមកបានត្រូវបញ្ជូនទៅព្យាបាលនៅមន្ទីរពេទ្យជាញឹកញាប់ ។ ពេលខ្លះបញ្ជូនទៅព្យាបាលនៅមន្ទីរពេទ្យព្រះមុនីវង្សនៅក្បែរផ្សារថ្មី ហើយពេលខ្លះបញ្ជូនទៅព្យាបាលនៅមន្ទីរពេទ្យកាល់ម៉ែត ។ ប៉ុន្តែដោយសារជំងឺគាត់ធ្ងន់ពេកមិនអាចជួយបានក៏ស្លាប់តែម្ដងកាលពីវេលាម៉ោង២១និង៣០នាទីយប់ថ្ងៃទី ១៥ ខែកុម្ភៈ ឆ្នាំ២០០៨ នៅក្នុងមន្ទីរពេទ្យកាល់ម៉ែត ។ លោកស្រីឃឹម រ៉ី ដែលជាប្រពន្ធរបស់សំ ប៊ិត បានបញ្ជាក់ដែរថា អ្នកស្រីគ្មានអ្វីត្រូវតវ៉ាទេ ការស្លាប់នេះដោយសាររោគាពាធរបស់គាត់ ។

អ្នកស្រីប៊ិត រ៉េម អាយុ៤០ឆ្នាំត្រូវជាកូនស្រីរបស់សំ ប៊ិតអតីតមេខ្មែរក្រហមប្រចាំទិសនិរតី (ភ្នំវល្លិ) បានប្រាប់កម្ពុជាថ្មីឲ្យដឹងដែរថា ឪពុករបស់គាត់ត្រូវបានគេចាប់ខ្លួនកាលពីថ្ងៃទី២៥ ខែឧសភា ឆ្នាំ២០០២ នៅខេត្តបាត់ដំបង ត្រូវតុលាការកាត់ឲ្យជាប់ទោសអស់មួយជីវិតពីបទសម្លាប់ជនបរទេស៣នាក់ប៉ុន្តែឪពុករបស់គាត់មិនបានសម្លាប់ជនបរទេសដូចជាការចោទប្រកាន់នោះទេ ។

លោកស្រី ប៊ិត រ៉េម បានបន្តថាការចាប់ខ្លួនឪពុករបស់គាត់ ខណៈដែលពេលនោះឪពុករបស់គាត់កំពុងមានតួនាទីជាទីប្រឹក្សាក្រសួងការពារជាតិឋានៈជាឧត្ដមសេនីយ៍ទោ ដែលផ្ដល់ឲ្យដោយរាជរដ្ឋាភិបាល ក្រោយពីធ្វើសមាហរណកម្មនៅឆ្នាំ១៩៩៦ ។ អ្នកស្រីបញ្ជាក់ថា ក្រោយពីធ្វើសមាហរណកម្មឆ្នាំ១៩៩៦នោះឪពុករបស់គាត់ក៏បានទទួលតំណែងនៅក្នុងក្រសួងការពារជាតិ ហើយក៏ធ្វើការរហូតមក ។ ប៉ុន្តែមកដល់ឆ្នាំ២០០២ ឪពុករបស់គាត់ក៏ត្រូវចាប់ខ្លួនដោយកំលាំងរដ្ឋាភិបាលតែម្ដង ដោយចោទប្រកាន់ពីបទថាបានសម្លាប់ជនបរទេសចំនួន៣រូប ។

អ្នកស្រីឃឹម រ៉ី ប្រពន្ធរបស់ សំ ប៊ិត បានរៀបរាប់ថាអ្នកស្រីមិនចាំថ្ងៃខែឆ្នាំទេ ប៉ុន្តែអ្នកស្រីនៅចាំថាប្ដីរបស់គាត់សំ ប៊ិត និងរូបគាត់បានរៀបការមុនសម័យខ្មែរក្រហមនៅភូមិដំណាក់ស្នួល ឃុំស្រែក្នុង ស្រុកឈូក ខេត្តកំពត ។ ក្រោយពីរៀបការអ្នកស្រីមានតែកូនស្រីម្នាក់ប៉ុណ្ណោះឈ្មោះប៊ិត រ៉េម ។ ក្រោយពីរបបកម្ពុជាប្រជាធិបតេយ្យដួលរលំអ្នកស្រីបានទៅរស់នៅព្រំដែនថៃម្ដុំសំឡូត ។ ចំណែកឯប្ដីរបស់គាត់បានតស៊ូរហូតហើយគេបានឲ្យធ្វើជាប្រធានប្រចាំទិសនិរតី (ភ្នំវល្លិ) ។

ទាក់ទងទៅនឹងការសម្លាប់ជនបរទេសចំនួន៣នាក់នោះ អ្នកស្រីបានអះអាងថា នៅពេលមានគេសម្លាប់ជនបរទេសនោះប្ដីរបស់គាត់ (សំ ប៊ិត) នៅព្យាបាលជំងឺឯប្រទេសថៃមិនបានដឹងរឿងនោះទេ ។ គាត់ក៏បានដេញដោលសួរដែរថា តើមានបញ្ជាឲ្យកូនចៅសម្លាប់ជនបរទេសទាំងនោះដែរឬទេ ? ប្ដីរបស់គាត់ឆ្លើយថាអត់មានបានបញ្ជាអ្វីទាំងអស់ ទើបនៅពេលចាប់ខ្លួនប្ដីរបស់គាត់ បានជំរុញឲ្យគាត់ជួយធ្វើការតវ៉ា ។

គួរបញ្ជាក់ថា សំ ប៊ិត ត្រូវបានកំលាំងរដ្ឋាភិបាលចាប់ខ្លួនកាលពីថ្ងៃទី២៥ ខែឧសភា ឆ្នាំ២០០២នៅភូមិស្ដៅ ឃុំស្ដៅ ស្រុករតនៈមណ្ឌល ខេត្តបាត់ដំបង ជាទីកន្លែងដែលសំ ប៊ិត និងភរិយារស់នៅហើយត្រូវបានតុលាការសំរេចផ្ដន្ទាទោសឲ្យជាប់គុកអស់មួយជីវិត រួមជាមួយមេខ្មែរក្រហម២នាក់ទៀតគឺឈូក រិន និងនួន ប៉ែត (សព្វថ្ងៃនៅក្នុងគុកព្រៃស) ពីបទថាបានសម្លាប់ជនបរទេស៣នាក់គឺលោក David Wilson លោក Briton Mark Slater ជាជនជាតិអូស្ត្រាលី និងលោក Jean Michel Braquel ជាជនជាតិបារាំងនៅអំឡុងឆ្នាំ១៩៩៤ខណៈពេលដែលជនបរទេសទាំង៣នាក់ធ្វើដំណើរតាមរថភ្លើងកាត់តាមតំបន់ភ្នំវល្លិ ។ នួន ប៉ែត និងឈូក រិនព្រមទាំងសំ ប៊ិត ត្រូវបានគេនិយាយថាជាមេខ្មែរក្រហមខ្លាំងពូកែនៅតំបន់ភ្នំវល្លិ ។ គេបញ្ជាឲ្យកូនចៅវាយប្រហារលើខ្សែរថភ្លើងស្ទើររាល់ថ្ងៃ ហើយក៏ឈានទៅសម្លាប់ជនបរទេសទាំង៣នាក់នោះ ។

សពសំ ប៊ិត ត្រូវបានសមត្ថកិច្ចធ្វើកោសល្យវិច័យទើបអនុញ្ញាតឲ្យក្រុមគ្រួសារយកទៅធ្វើបុណ្យឯស្រុករតនៈ មណ្ឌលខេត្តបាត់ដំបង ។ នៅសាលដាក់សពមន្ទីរពេទ្យកាល់ម៉ែត សាច់ញាតិប្រពន្ធកូនបានអង្គុយដុតក្រដាសតាមរបៀបអ្នកជាប់សែស្រឡាយចិន ហើយសពត្រូវបានគេដាក់នៅក្នុងបន្ទប់មិនអនុញ្ញាតឲ្យអ្នកយកព័ត៌មានថតរូបឡើយ ។ ចំណែកឯក្រុមអ្នកយកព័ត៌មានបានត្រឹមតែអង្គុយចាំខាងក្រៅប៉ុណ្ណោះរង់ចាំថតយករូបភាពពេលបញ្ជូនសពចេញ ៕ កម្ពុជាថ្មី ៖ ឆ្នាំទី ៧ លេខ១៥៧០ ថ្ងៃ អាទិត្យ - ចន្ទ ទី ១៧ - ១៨ ខែ កុម្ភៈ ឆ្នាំ ២០០៨
កាសែតដែលចេញលក់នៅ
ថ្ងៃ ចន្ទ ទី ១៨ ខែ កុម្ភៈ ឆ្នាំ ២០០៨

ជួយខ្មែរ ៖ ឆ្នាំទី ០២ លេខ ៤៥ ថ្ងៃ ចន្ទ ទី ១៨ ខែ កុម្ភៈ ឆ្នាំ ២០០៨

លោកកែវ រ៉េមី [អនុប្រធានទី១ នៃគណបក្សសិទ្ធិមនុស្ស]៖ រដ្ឋាភិបាលយួនកំពុងតែយកចិត្តទុកដាក់និងយកអំណោយចែកឲ្យជនជាតិយួនរស់នៅដោយខុសច្បាប់នៅកម្ពុជា
សាលាក្ដីខ្មែរក្រហមដែលល្បីឈ្មោះពុករលួយគ្រោងរកលុយ១៧០លានដុល្លារដំណើរការដល់ឆ្នាំ២០១១
រណឫទ្ធិនឹងគ្មានឱកាសចូលស្រុកខ្មែរបើមិនអង្វរលន់តួបុរសខ្លាំងហ៊ុន សែន
គណបក្សសិទ្ធិមនុស្សឈ្នះឆ្នោត២០០៨នឹងបំរើប្រជាពលរដ្ឋដោយគ្មានលក្ខខណ្ឌ

កម្ពុជាថ្មី ៖ ឆ្នាំទី ៧ លេខ១៥៧០ ថ្ងៃ អាទិត្យ - ចន្ទ ទី ១៧ - ១៨ ខែ កុម្ភៈ ឆ្នាំ ២០០៨

អតីតមេខ្មែរក្រហមប្រចាំភ្នំវល្លិស្លាប់ហើយ
លោកជៀម ចន្នី [តំណាងរាស្ត្រគណបក្សសម រង្ស៊ី ប្រចាំមណ្ឌល កំពង់ចាម] បដិសេធការចាកចេញពីគណបក្សប្រឆាំង
សាលាឧទ្ធរណ៍តម្កល់ការសំរេចរបស់តុលាការខេត្តសៀមរាបជុំវិញរឿងក្ដីដីធ្លីរបស់លោកសុន ឆ័យ [តំណាងរាស្ត្រគណបក្សសម រង្ស៊ី ប្រចាំមណ្ឌល ភ្នំពេញ]
ក្លឹបសន្តិភាពអន្តរជាតិនៅប្រទេសជប៉ុនផ្ដល់រទេះរុញ២០០គ្រឿងដល់កាកបាទក្រហមកម្ពុជា
សម្ដេចតេជោនាយករដ្ឋមន្ត្រីទទួលជួបក្រុមហ៊ុនសាជីវកម្ម INPEX
បទល្មើសព្រៃឈើស្រុកពួកកើតឡើងខ្លាំងក្លាដូចព្យុះព្យោមា
[យុវតី អាយុ ១៩ឆ្នាំ] ឪពុកម្ដាយមិនឲ្យទៅថៃគិតខ្លីប្រល័យជីវិតខ្លួនឯង [ដោយលេបថ្នាំបំពុលសត្វសម្លាប់ខ្លួន ហេតុការណ៍កើតឡើងតាំងពីថ្ងៃទី១១ ខែកុម្ភៈ ឆ្នាំ២០០៨ នៅក្នុងភូមិ ក្រូចសើច ឃុំ ខ្នាទទឹង ស្រុក បាកាន ខេត្ត ពោធិ៍សាត់]
ពលរដ្ឋហ្វីលីពីនរាប់ពាន់នាក់ធ្វើបាតុកម្មទាមទារឲ្យលោកស្រីអារ៉ូយ៉ូចុះចេញពីតំណែង [ដោយចោទប្រកាន់ថា ពួកគេបាន ប្រព្រឹត្តអំពើពុករលួយយ៉ាងធ្ងន់ធ្ងរ]

ខ្មែរម្ចាស់ស្រុក ៖ ឆ្នាំទី ០២ លេខ ១១១ ថ្ងៃ ចន្ទ ទី ១៨ ខែ កុម្ភៈ ឆ្នាំ ២០០៨

សុន ឆ័យ ៖ រដ្ឋាភិបាល ហ៊ុន សែន ប្រៀបធៀបការរីកចំរើន របស់ខ្លួនបានតែជាមួយ ប៉ុល ពត

កោះសន្តិភាព ៖ ឆ្នាំទី ៤១ លេខ ៦២៧៤ ថ្ងៃ ចន្ទ ទី ១៨ ខែ កុម្ភៈ ឆ្នាំ ២០០៨

អាមេរិកពិភាក្សាពីបំណុលសម័យលន់ នល់ ជំពាក់ មតិទូទៅយល់ថាអាមេរិកគួរលុបចោលល្អជាង
ក្រសួងមហាផ្ទៃប្រឡងជ្រើសរើសមន្ត្រីក្របខណ្ឌចំនួន៥៩០នាក់
និស្សិតខ្មែរនាំគ្នាជួយផ្ដល់លទ្ធភាពដល់លោកជ័យ មង្គល គ្រូបង្រៀនភាសាខ្មែរនៅសុរិន្ទស្រុកថៃ
ក្រុមអ្នកលេងឈាមរាវ៥០នាក់កាប់ចាក់គ្នានៅបាណន់ ស្លាប់២របួស៣ [ខេត្ត បាត់ដំបង]
លោកពូទីនអះអាងថាលោកនឹងក្លាយជានាយករដ្ឋមន្ត្រីរបស់រុស្ស៊ី [បានអះអាងនៅ ថ្ងៃទី ១៤ ខែ កុម្ភៈ]
ប្រទេសស៊ែរប៊ី និងរុស្ស៊ីព្រមានថា នឹងមិនទទួលស្គាល់ឯករាជភាពរបស់កូសូវ៉ូជាដាច់ខាត

មនសិការខ្មែរ ៖ ឆ្នាំទី ១៥ លេខ ៣៣៩០ ថ្ងៃ ចន្ទ ទី ១៨ ខែ កុម្ភៈ ឆ្នាំ ២០០៨

តំណាងរាស្ត្រហូរ វ៉ាន់ [សមាជិកសភាគណបក្សសម រង្ស៊ី មណ្ឌល ក្រុង ភ្នំពេញ]គាំទ្រការទាមទារឡើងប្រាក់ខែ៨០ដុល្លាររបស់កម្មករ - កម្មការិនី
វប្បធម៌មិនទទួលខុសត្រូវក្លាយជាមរតកពីមេខ្មែរក្រហម រហូតមកដល់សព្វថ្ងៃ
រដ្ឋាភិបាលយួនមកចែកអំណោយឲ្យជនអន្តោប្រវេសន៍រស់នៅខុសច្បាប់លើទឹកដីខ្មែរ ពេលដែលការបោះឆ្នោតជិតឈានមកដល់

រស្មីអង្គរ ៖ ឆ្នាំទី ១៥ លេខ ១២៨០ ថ្ងៃ ចន្ទ ទី ១៨ ខែ កុម្ភៈ ឆ្នាំ ២០០៨

លោកផ្កាយ១យោធាម្នាក់បាញ់មនុស្សបាក់ជើង [ជម្លោះពាក្យសម្ដី - ខណ្ឌ តាកាប រាជធានីភ្នំពេញ]

សម្លេង យុវជនខ្មែរ ៖ ឆ្នាំទី ១៥ លេខ ៣២៥០ ថ្ងៃ អាទិត្យ - ចន្ទ ទី ១៧ - ១៨ ខែ កុម្ភៈ ឆ្នាំ ២០០៨

បំណុលបរទេសជាង៦ពាន់ដុល្លារត្រូវឲ្យមេៗរដ្ឋាភិបាលបក្សប្រជាជននិងឈ្មួញជាបក្ខពួកចេញសង

ស្នាដៃ ក្មេងវត្ត ៖ ឆ្នាំទី ០៨ លេខ ១៣៣ ថ្ងៃ ចន្ទ - សុក្រ ទី ១៨ - ២២ ខែ កុម្ភៈ ឆ្នាំ ២០០៨

អ្នកកាសែត [ស្នាដៃក្មេងវត្ត] នៅខេត្តសៀមរាបទទួលរងការប្រមាថរកបាញ់សំលាប់ពីសំណាក់ឈ្មួញឈើ
គណបក្សប្រជាជនកម្ពុជានឹងឈ្នះឆ្នោតដាច់គេឆ្នាំ២០០៨ សូម្បីតែបងធំទី២នួន ជាក៏កោតសរសើរការដឹកនាំរបស់សម្ដេចតេជោហ៊ុន សែនដែរ

ស្រឡាញ់ខ្មែរ ៖ ឆ្នាំទី ០៣ លេខ ៦២៣ ថ្ងៃ អាទិត្យ - ចន្ទ ទី ១៧ - ១៨ ខែ កុម្ភៈ ឆ្នាំ ២០០៨

មន្ត្រីរដ្ឋាភិបាល [លោក ខៀវ កាញារីទ្ធ] ខឹងនឹងរដ្ឋមន្ត្រីក្រសួងការបរទេសអាមេរិកដែលនិយាយការពិតនៅកម្ពុជា
ខ្មែរនៅន័រវេយ៍រៃអង្គាសប្រាក់ជួយខ្មែរសុរិន្ទរៀនភាសាខ្មែរ

* សូមអញ្ជើញអានវិចារណកថាសម្រាប់សប្ដាហ៍កន្លងទៅ!

* សូមជម្រាបថាក្រៅពីការអានព្រឹត្តិបត្រព័ត៌មាន កញ្ចក់សង្គម ជាភាសាខ្មែរ លោក-អ្នកក៏អាចអានផងដែរនូវព្រឹត្តិបត្រព័ត៌មាន The Mirror ជាភាសាអង់គ្លេស ។
* ត្រឡប់ទៅខាងលើវិញ